(嚴重FF輕鬆愛情同居故)我與貓系女室友的二三事

1001 回覆
194 Like 3 Dislike
2020-05-06 22:53:10
你提早講定大約幾時出就得,今日下午入到黎咩都冇
2020-05-06 22:58:53
聽朝12點前
晚上11點
2020-05-06 23:18:18


寫唔切
盡寫
2020-05-07 04:53:25
我覺得阿Man係失望男主瞞住Tracy阿Man係同屋住關係,又或者如果男主對阿Man無意就應早早出聲(呢個係阿Man既角度啦)。男主態度曖昧,吊兒郎當、拖泥帶水,同以前D狗血韓劇男女主角一擔擔
2020-05-07 05:16:38
好好嫁啦呢排追開隔離post兩個主角都癲左,一個想玩3p一個做左player。希望呢度穩穩陣陣,我愛阿man
2020-05-07 09:32:08
以前我寫開故事啲男主唔係咁嫁
可能大個咗
出咗社會見識多咗
先覺得呢種態度寫實啲。

狗血韓劇唔係男主好專一
女主好猶豫唔知揀男一定男二咩
2020-05-07 09:33:54
咩post嚟嫁。
想玩3p咁爆

放心呢度好穩陣
2020-05-07 10:41:00
好yeah! Bye Bye Tracy . . .
mm...Man仲要找家姐
2020-05-07 11:18:03
Ch.23

今日係畫展嘅第二日,呀Man又好早出咗門口。我琴晚成晚都係到諗緊佢講嘅說話。

有啲失望⋯⋯

佢究竟對咩失望?

佢講嘅失望係咪指我⋯⋯

對我好失望?

但我諗極都唔明,我做咗啲咩令到佢咁失望,我始終諗唔透。其實我覺得佢唔只係失望,仲有啲唔開心。

走出客廳見到我送比呀Man束花用咗個淡紫色花樽放住。

睇嚟佢應該都幾鍾意我送比佢嘅花。

我見今日得閒,諗住出街行下。諗起呀Man琴日話想食西餐,我好似咁耐以嚟都無試過整西餐比佢食。

我唔知自己發咩神經,我竟然走咗去書店係到睇食譜!

係呀!男人老狗走去睇食譜呀!走去買食譜呀!我諗比啲朋友知道一定會笑勁我。
2020-05-07 11:18:19
正當我睇睇下個陣,無啦啦有人搭我膊頭,嚇咗我一跳。

「屌你呀!我仲諗點解呢個人熟口熟面,原來係你!男人老狗係到睇食譜做咩撚嘢呀!」

我擰轉頭一望,原來係家強!

「你想煮嘢食比你個呀Man呀!屌你唔係對Tracy有興趣咩!」

家強都聽過我每日都會整早餐比呀Man,所以佢估到我買食譜係打算學整其他款嘢食比呀Man。

家強佢係書店到講晒粗口咁,顯得佢好無文化。好想扮唔識佢。

家強見我唔答佢,佢就話:「你係咪鍾意咗呀Man呀!」

聽到家強咗講我窒咗窒,我唔知點回應佢。因為我好似呢排都諗住呀Man,每日返工返到屋企,見到佢坐係梳化到抱住芝麻糊同我講聲:「你返嚟啦。」

我會覺得好開心。

每次煮早餐比佢食,見到佢食得好滋味個樣,我都會好滿足。

一開始會驚Tracy誤會我同呀Man,宜家就相反我竟然擔心呀Man誤會我同Tracy。
2020-05-07 11:19:08
所以就連Tracy邀請我去佢屋企,我都拒絕⋯⋯

但係呀Man佢好似已經誤會咗我。

家多佢搭一搭我膊頭講:「屌⋯⋯Tracy送埋嚟都唔要,不過正常嘅。比我都唔想要個咁多醜聞嘅女朋友。」

我唔想家強繼續將話題圍繞係我身上,我就轉移話題:「你又會係到嘅?你唔係不嬲都唔睇書嫁咩!你只係睇鹹書咋喎。」

「屌你啦!講呢啲。」

「咁我又無講錯你喎⋯⋯咁點解你會係到呀?」

家強佢聽到我咁講,個樣有啲黯然,佢嘆咗一口氣話:「唉⋯⋯我真係一個罪孽深重嘅男人。」

「屌⋯⋯咩料呀你。」
2020-05-07 11:19:27
家強好似痴咗線咁唔理其他人係到,係咁搖我講:「你明唔明呀!你明唔明呀!」

「屌⋯⋯我唔撚明呀。」

你唔講我都會明呀!都痴痴哋嘅。

「我嚟呢到係幫我個魔女上司買書。」

家強佢有個失婚女上司,聽佢講個魔女上司好痴線,經常屌公司同事,而家強係佢嘅祕書,唔理佢放咗工又好,放假都好,都要隨傳隨到做呀四。

但係佢上司係一個好厲害嘅女強人,係公事上所有人都好佩服佢。

「咁你咪買囉。」

「屌!我夠知啦!但係我面對唔到佢呀嘛!」

「你發生咗咩事呀⋯⋯」

「屌!琴晚個魔女同我表白呀!佢話鍾意我呀!」

嘩!聽到我都O晒嘴。平時經常聽佢講個魔女上司幾衰幾衰,但係無諗過個魔女會愛上咗家強。
2020-05-07 11:20:00
「咁咪幾好囉。咁你唔使玩膠Mary,你可以一試SOD情節,屌你個魔女上司屌到佢反撚晒白眼,幾啱你呀。」

「屌你啦!我平時比佢屌上天花板就真。你知唔知佢叫我買咩書呀!佢叫我買《為何不勇敢嘗試一下》。好撚老套,我接受唔到呀。」

我見家強手上面拎住呢本書,我笑咗笑轉身拎住本食譜去比錢。

「唉⋯⋯唔理你呀。我買完書就返屋企,你自己諗下啦下。」

我無理到家強就返咗屋企,我返到去就whatsapp呀Man。

「妳今晚會唔會返嚟食飯嫁?」

隔咗好耐佢先覆我一句說話。

「我今晚會同Partner同埋工作人員食飯,會好夜返。」

我望住放係枱面上嘅食譜,笑咗笑:「唯有下次啦。」
2020-05-07 11:20:15
今晚繼續
2020-05-07 11:26:16
咁早就有文
2020-05-07 11:27:11
期待
2020-05-07 11:45:39
係呀
2020-05-07 12:12:53
「咁咪幾好囉。咁你唔使玩膠Mary,你可以一試SOD情節,屌你個魔女上司屌到佢反撚晒白眼,幾啱你呀。」

想睇家強屌女上司

2020-05-07 12:25:04
說好的輕鬆呢
2020-05-07 12:58:36
認得清自己想同咩人一齊之前
係必須有經歷同比較先會知自己想要咩
現實世界其實無乜幾多人做到從一而終
好多時都只係喺有限嘅範圍搵一個最合適嘅人
經營一段感情真心好難
仲要搵到互相都愛對方更難
2020-05-07 13:33:11
期待
2020-05-07 13:47:18
開埋家強同失婚女上司呢條線啦,重甜方向

Man呢邊繼續呢個味道就不錯
2020-05-07 14:24:01
佢叫我買《為何不勇敢嘗試一下》

笑撚死
btw一口氣追到live,好好睇,唔好爛尾呀
2020-05-07 14:29:09
好睇
2020-05-07 15:11:00
輕鬆唔sad嫁啦
你無睇我之前啲故
好多都好sad
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台潮流台上班台財經台房屋台飲食台旅遊台學術台校園台汽車台音樂台創意台硬件台攝影台玩具台寵物台軟件台活動台電訊台直播台站務台成人台黑 洞