(嚴重FF輕鬆愛情同居故)我與貓系女室友的二三事

1001 回覆
195 Like 3 Dislike
2020-04-21 03:53:11
2020-04-21 08:13:59
2020-04-21 23:38:38
Ch.5

「元家強!」一走入酒吧,就見到佢坐係吧檯,一邊同曹念華傾計,一邊飲酒。我殺氣騰騰咁行埋去。

曹念華見到我就將調好嘅一杯酒遞比我:「唔好咁嬲啦,坐低飲杯酒順返條氣先。」

我坐低拎起曹念華杯酒飲咗啖,然後向曹念華呻:「我點會唔嬲呀!你都唔知條撚樣呀玩膠Mary呀!伸要將個膠公仔推比我,仲要咩袋咩箱都無就咁推比我呀!你都唔知我幾咁辛苦先將個公仔拎返屋企呀。就係呢條撚樣呀!真係好兄弟嚟嫁!」我手指指住元家強咁鬧佢。

曹念華聽到我嘅經歷忍唔住笑起上嚟:「大家都由細識到大,你都知佢份人幾鹹濕嫁啦。」

佢聽到我講嘅嘢唔覺得出奇,可能佢平時係酒吧返工見過甚至聽過更多離奇事。

諗返起宜家陳屍起雜物房嘅Mary,我雙手攬住自己望住家強:「我諗返起嗰陣打開門你拉起褲頭,你一定有玩過Mary啦,我仲要搬Mary返去,我覺得自己好似比你間接咁侵犯過。早知我唔理掉落垃圾房啦。」
2020-04-21 23:39:34
一聽到我嘅說話,家強好激動咁講:「屌你啦!我無玩過新嫁!你唔好掉呀!掉左你賠返錢比我。」

聽到佢話賠錢就火都嚟,我伸手去佢褲袋拎佢銀包。

「喂!做咩呀你!」元家強伸手推開我隻手,大家拉扯咗一陣,我終於搶到佢銀包,我打開佢銀包拎咗張五百蚊紙袋落袋。

「你呀!搞到我爆手機MON我都未話你呀!仲有呀,你幾時拎返個公仔。」

元家強個樣望落有啲尷尬,佢飲咗啖酒講:「我都好想快啲試個公仔呀⋯⋯但係⋯⋯」

「但係?」我同曹念華一齊講。

「我老母同老豆嘈交,老母又話要離婚又剩,宜家唔肯返屋企走咗嚟住,我都唔知佢幾時走。」
2020-04-21 23:41:04
「吓,都成幾廿歳人宜家先走嚟話離婚?」

「真係比佢哋吹脹咗。」

聽到元家強咁講,我頭都痕埋。咁咪代表個Mary要一直放住係我屋企,Man有可能會有朝一日發現!

唔得唔得唔得!

「家強,你一定要拎返個Mary呀!」

元家強聽到我咁講立即瞪大雙眼:「痴撚線咩!等等比老母發現唔單只離婚,仲要同我斷絕母子關係呀!你屋企都無人,唔驚啦。」

唔驚?我緊係驚啦!我屋企無啦啦多咗個靚女呀!我又唔想話比佢哋聽,等等比佢哋知道我無啦啦同個靚女同居咪審犯咁審問我。

我無再出聲,默默咁飲埋杯酒。因為聽日我仲要返工,所以就自己一個人先返去。

當我行到樓下嗰陣,忽然有人拍我膊頭。我一轉身就見到Tracy 對住我甜笑。

「HI,Gary。」

望住佢笑容我個心好似就溶化咁,佢真係好靚女呀。

「HI⋯⋯Tracy 。」

「你咁夜嘅?」佢拉住行李同我一齊行入大廈。

「係呀。OT所以遲返屋企。妳呢?一個女人咁夜返屋企好危險喎。」
2020-04-21 23:43:35
「我啱啱飛完台灣呀,夜機所以咁晏先返屋企。」Tracy 佢係外套袋到拎咗件鳳梨酥,佢遞比我講:「送比你,當係手信。」

我接過之後,心裡面諗今次係機會啦,我鼓起勇氣問:「妳送手信比我,咁我要請返妳食飯先得喎。」

「咁好一件鳳梨酥換一餐飯?」Tracy 笑住望住我講。

「係呀。我遲啲約妳請妳食飯呀。」我將手機遞向Tracy 前示意。

我有諗過佢會唔覺得我係狗公,唔肯比電話我。點知佢無猶疑,係我手機到入咗佢電話號碼打通之後,我見到佢set咗我個名做鳳梨酥。

咁似情侶間嘅愛稱嘅。

我同佢一齊入𨋢,一到五樓Tracy出𨋢前拎住手機同我講:「咁我等你餐飯啦!」

我完全無諗過佢咁輕易就比電話我,希望唔係我FF睇嚟佢好似對我印象唔錯,可能都有機會咁。

一入到屋企我就興奮到握實拳頭咁做勝利手勢:「Yes!Yes!Yes!」

忽然我感到背後好似有人注視住我,我慢慢轉身見到Man企在係黑媽媽嘅客廳到眼定定咁望住我。」
2020-04-21 23:44:43
想嚇死人咩!我有啲尷尬咁慢慢將手放返落嚟問:「咁夜妳仲唔訓嘅?」

「我肚餓。」

佢靜咗一陣望住我,郁都唔郁咁,唔通佢想我煮嘢比佢食?

「你今日咁晏先返嚟嘅?」

我望一望手錶,原來已經凌晨兩點幾。我之前就算OT都無試過咁晏先返到屋企,而且大多數星期一我都唔駛OT會早返屋企。可能因為咁所以佢覺得奇怪。

不過我無諗過佢會留意我收工時間。

忽然我肚傳來一聲打破咗我地之間對話,我個肚竟然餓到打鼓,先醒起我仲未食晚飯就去咗飲酒。好在無胃痛。

我好尷尬咁對住呀Man笑:「我⋯⋯去沖涼先。」

我走入房拎完衫然後走去廁所沖涼,沖完涼後一走出去就聽到Man叫我:「Gary。」
2020-04-21 23:46:44
我一望過去就見到廳開咗燈,呀Man坐係飯檯前,飯檯上放住兩碗公仔麵。

「我⋯⋯煮咗公仔麵呀。」

我望住佢見到佢塊面越嚟越紅,好似怕醜咁。我無諗過佢會有呢一面。

Man遞咗對筷子比我,我接過之後坐低,然後開始食。點知一入口⋯⋯嘩!搞咩呀!一入口啲麵咁林嘅,啲湯仲要勁淡無咩味咁。

我無食過公仔麵係咁難食嫁!

唔怪得佢食我煮嘅嘢好似食米芝蓮美食咁啦。

我望一望Man,只見到佢望實我好似擔心我面上露出難食嘅表情。我對Man微笑然後繼續食,佢見我繼續食碗麵就鬆咗口氣,我偷望Man見到佢嘴角好似有啲笑意。

呢個係我第一次見到Man笑,佢微笑起嚟個樣仲靚。原來佢都唔係我想像中咁Cool。

我停咗停望住碗麵,諗返起以前OT返屋企後,屋企人都已經訓哂覺。每次我都躡手躡手咁走入廚房叮返熱屋企人留低嘅飯菜。

原來OT好夜返到屋企有人陪你一齊食飯嘅感覺係咁好。我覺得自己心口位置有陣陣暖意。
2020-04-21 23:46:58
聽日休息一日
2020-04-21 23:49:11
鍾意我寫嘅故事
Like下我facebook 同follow我IG

Ig:weehours0000am

Facebook:https://m.facebook.com/weehours0000am

鍾意個故事比個正評
2020-04-22 00:50:42
對世界失望嘅日子有ff故睇都幾好
酒已賜
2020-04-22 01:04:34
多謝你支持。

呢個世界已經越嚟越陌生
沒有最失望
只有更失望

好多嘢都返唔到轉頭

係失望唔開心嘅日子會寄托係寫文到
令自己好過啲
2020-04-22 01:09:34
去哂大頭菜度
2020-04-22 03:00:57
支持你
樓主個名係咪腎仔首歌?
2020-04-22 10:06:32
你又知我有玩
不過唔關事
係今日返工會忙
無時間寫
驚追上進度lol
2020-04-22 10:07:04
唔係呀,係好耐之前自己亂咁改
2020-04-22 10:08:23
唔洗諗 點會冇人玩
利申time traveler 還哂d 債佢
2020-04-22 10:12:14
我慢慢玩緊 有排先還完
可以玩好耐😂
2020-04-22 16:26:11
2020-04-22 16:28:30
2020-04-23 00:06:34
2020-04-23 14:06:25
Ch.6

星期六,因為琴晚OT嘅關係我訓到差唔多十二點先起身,一起身行到出廳就見到Man係飯檯前面,佢眨咗眨眼望實我,係佢眼神中見到佢好似想同我講好肚餓好肚餓好肚餓好肚餓⋯⋯

Man望實我眼神無移開過,我清清喉嚨之後問:「Man妳食咗野未呀?」

聽到我問佢,佢雙眼好似發曬光咁搖頭。見到佢咁期待嘅眼神,我忍唔住笑出嚟。我走去廚房煮早餐,當我煮好將早餐拎出嚟,佢好似興奮到面紅紅咁。

佢真係好似一隻貓。

我將早餐放係佢前面:「薯餅同雞扒通粉,仲有牛奶。」

我好似慢慢習慣咗煮早餐比Man食。見到佢食得咁滋味我都覺得好滿足。

同Man同居咗兩星期,大家在生活上出奇地無爭執過。Man佢係一個好乾淨整齊嘅人,從來無出現過網上其他人所講嘅同居室友好污糟,頂唔順對方嘅生活習慣。
2020-04-23 14:07:20
但對於Man呢個同居室友我無唔滿意嘅地方,佢一啲都唔嘈經常靜靜地留係房到畫畫。

唯一缺點係佢經常留係屋企,到宜家我都無試過係廳到睇過AV。

食完早餐之後,Man佢自動自覺去咗洗碗。我開著咗電視睇,難得放假我想今日同全日都懶係屋企唔出街,好好休息一下。

忽然電話彈出提示,我望一望原來係Tracy搵我。

我一㩒入whatsapp見佢send咗張相比我,張相係法國影。原來佢飛咗去外國。

「鳳梨酥,我呢個星期飛法國呀。過多個星期返嚟香港就搵你請我食飯啦。😉」

原來Tracy無忘記到我之前講過嘅嘢。

「好,我等妳返嚟請妳食飯。記得買手信比我呀!咁我就可以請妳食多餐飯。😁」

自從個晚交換電話之後,我哋就開始傾計,但係可能因為Tracy經常飛唔得閒關係,所以佢好少覆我。

不過佢願意同我傾計,應該對我無咩負面印象。

我瞇埋眼幻想緊如果我溝到佢嘅話,佢放假個陣我哋一齊留係屋企,攬住佢大戰幾百回合!
2020-04-23 14:08:31
真係諗起都流哂口水。

忽然我feel到有人坐咗係我旁邊,我轉頭一望原來Man已經洗完碗。佢無出聲一直坐我旁邊睇電視。

大家一齊望住部電視,電視播住啲好老土嘅韓國愛情電影。

大家都無出聲,令我覺得有啲唔自然。我望一望呀Man,佢著住件大碼白色T-shirt,下面只著咗條黑色運動短褲仔若隱若現。我坐直身向下望就見到佢條好深嘅事業線,目測都有C。佢長腿一望就知道平時有做開運動,又長線條好靚,真係望到有啲扯扯地。

可惜佢太cool,如果佢好似Tracy咁sweet,咁平易近人就好啦。

Man好似察覺到我望住佢,佢轉頭望住我對上我嘅視線。

我面一紅隨便諗個話題講:「係呢!妳平時係屋企會做啲咩嫁。」

「畫畫。」

我忽然覺得自己好似問咗一個好蠢嘅問題,我好尷尬咁笑咗笑:「聽呀妹講妳好似係畫家,妳回流返香港有咩做嫁?」
2020-04-23 14:09:13
好好奇佢係到咁多日都經常係房到唔出嚟,究竟佢點賺錢交租呢。

Man睇住我一陣就講:「我都係做緊freelance畫家,最近有同一啲產品同雜誌合作,同埋嚟緊我會有畫展。」

估唔到佢嚟咗無幾耐就已經有接到JOB做,我記得呀妹講過佢好出名。

「我好好奇妳嘅作品,我可唔可以睇吓?」

Man佢二話不說企起身,用眼神示意叫我跟佢入房。我吞一吞口水跟佢走入房,腦海入面有好多唔同嘅幻想。

但一入到間房我成個人呆咗,房裡面放滿曬Man嘅作品,同畫畫嘅畫具。我行近一望個畫風好熟悉,我好似係網上面,甚至是係書店都見過佢嘅畫作,佢大多以少女為主題。

我完全無諗過Man畫工竟然會咁好。我望一望床頭佢掛咗幅油畫係到,並唔係佢一慣畫風,而係以幾種顏色畫出嚟嘅畫抽象畫。

Man好似察覺到我嘅疑惑,就開口講:「我有用另外藝名畫油畫放係畫㾿到賣。」

佢真係好有才華,我眼眸中流露出敬佩嘅眼神。

「妳真係好勁呀!我畫畫都係畫火柴人咋!」

Man聽到我讚佢,面又慢慢紅起上嚟。

我發現原來Man都幾容易怕醜,一怕醜就成塊面都紅曬,都幾可愛。
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞