追咗一日post,以我暫時所知(但都有啲亂同埋好多疑點)
事主應該係有兩部電話,一部跟身,一部留咗喺學校。事主同朋友去到美孚,收到學校電話打嚟,話佢另一部電話留咗喺學校,叫佢返去攞,所以事主就由美孚返去將軍澳/調景嶺(?個地點我仲未搞清楚。只知事主校舍係喺調景嶺,但最初大家都話將軍澳。唔知係我睇漏定點,我仲未搞清到底最後部電話係喺調景嶺定將軍澳校舍發現)
部電話最後喺邊發現其實好關鍵,如果係喺調景嶺校舍發現都仲可以話合理,當佢真係漏咗,好似以上講咁。
但如果係將軍澳,咁就奇怪,明明唔係嗰道返學,手機點會留咗喺嗰道。咁嘅話,上面有人提出係兇人/有不軌企圖嘅人喺知道事主係讀YC,但又唔知佢其實係喺調景嶺校舍返學嘅情況下,將佢部電話擺咗去將軍澳校舍,用嚟混淆視聽嘅講法就有機會成立。
另外,最初我睇都係話喺學校,只發現事主嘅電話,唔知幾時變咗有埋錢包。有個自稱識事主嘅人喺另一個post講,事主喺美孚同朋友分開之後,將自己電話、身分證、學生證俾咗港鐵職員。之後又有人話事主嘅兩部電話分別喺學校,同
調景嶺站搵到。
先唔討論點解港鐵職員會咁接收佢啲個人物品,當佢好似有巴打講咁急急腳走咗啦,我就諗會唔會係職員見佢學生證知佢學校喺調景嶺,就將佢啲嘢帶去嗰邊地鐵站(雖然上面都有人話港鐵係唔會咁做,只會打俾學校,叫學校聯絡本人去拎)。又或者,事主因為唔知咩原因(受人指示?我亂估),叫港鐵職員將佢啲嘢帶去調景嶺站。其實我都唔敢肯定港鐵會咁幫佢做,但真係諗唔通其中一部手機點會去咗調景嶺站。然而部手機去咗調景嶺站呢點都係冇fc,係啲話識事主嘅人講嘅。我咁講唔係有心去質疑佢地,只係想講未有fc,唔知係咁鋤呢啲point會唔會係諗錯方向,但喺呢個地部我地基本上最多都只可以靠事主朋友等等去提供更多資料
19號發生嘅事太多版本,真係有啲亂,如果我有咩睇漏講錯,請指正
但件事真係好可疑,希望可以儘快搵出真相