[歷史台]日不落的傳奇，大英帝國的故事

1001 回覆

1487 Like 7 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

戰毛三百 2017-03-27 23:30:21

有無民族係從未被征服過？

日本喺5千年嚟未被人"正式地征服"過
係人類歷史上現存只一萬世一系嘅皇室

日本皇室好彩在一早比人架空唒權力，如果唔係晨早比人滅左

食魚有魚味 2017-03-27 23:36:08

有無民族係從未被征服過？

日本仔

美國用幾隻軍艦搞掂左佢地
格硬要同人地交易

冇正式地征服過

又係你.

點為之"正式征服"? 要換咗政體先算?

毛豆腐 2017-03-28 00:24:43

毛巴係咪死左

我睇咗做毛巴係咪崩殂咗

毛豆腐 2017-03-28 00:29:05

五、愚昧中的曙光

繼承阿哥Richard既約翰係個好運寶寶，佢細細個就受老竇亨利二世寵愛，阿哥去遠征，自己就喺鄉下搞陰謀，仲要私通外敵，但係佢又屢次得到阿哥嘅饒恕，最後仲做埋國王，依啲真係前世積落，各位無謂羨慕。

之但係咁，你平時唔積下陰德，有時唔駛等下世，今世就現眼報。

約翰喺英格蘭歷史入面，甚至俾老竇明君亨利二世同阿哥獅心王更加出名，出名在佢夠衰格，被後世評為英國歷史上最仆街嘅國王（計埋女王）。有幾衰格呢？佢叫約翰，唔係約翰一世，係因為之後冇一個英國君主想叫依個名，約翰就係依條仆街既專用名。或許，有一種仆街叫John。

早喺佢呀哥去耶路撒冷旅行，由佢監國既時候，佢就展現仆街嘅一面，同菲臘夾計謀取王位唔在講，又横徵暴斂，搞到國家烏煙瘴氣，依段黑暗時期亦成為俠盜羅賓漢傳奇嘅時代背景，不過羅生唔係歷史人物，連野史都唔係，所以暫且唔提住。

仆街約翰的畫像

位於諾丁咸（Nottingham)的羅賓漢銅像

綠帽唔怕戴只要射得快

毛豆腐 2017-03-28 00:45:00

到佢正式上台，仆街嘅行為變本加厲。舉體惡行包括：殺害被俘既敵方騎士，依樣行為喺講求正義尊嚴嘅中世紀，係絕對不義嘅；搶走已經同第二個訂咗婚既女仔，個女仔仲要得12歲。

佢登基無耐，死鬼阿哥傑佛里既遺腹子亞瑟（Arthur of Brittany）宣稱王位，好鄰居菲臘二世又乘機帶埋亞瑟去攻打約翰。打咗唔夠一年，兩邊都冇乜動力去打，於是簽訂和約，約翰俾咗3萬馬克，以換取法國承認佢喺大陸嘅統治權，但係約翰要承認菲臘係金雀花帝國大陸領土嘅宗主。做個劇透，依個和約將會係英法百年戰爭既導火線之一，百年之後先再講。

本來成件事可以就此平息，點知約翰又做咗個仆街舉動，就係頭先講過，搶走人哋12歲既準新娘，佢洞房之後（應該扑唔到掛），仲要留戀到個女仔瞓到下午先肯落床。嗰位不幸既未婚夫係約翰臣下領主之一海格，海格無得衰十一，深深不忿，菲臘於是又乘虛而入。於是和約簽訂唔夠兩年，菲臘嘅法國大軍，聯同亞瑟嘅布列塔尼軍以及海格嘅私家軍，入侵諾曼第。

面對人強馬壯嘅菲臘大軍，約翰初初個勢都未輸晒，直到佢喺一次會戰入面俘虜咗亞瑟，二話不說就將自己親姪仔同佢啲屋企人活活餓死，引發貴族恐慌同不滿，紛紛倒戈菲臘，成個戰事先開始急轉直下。法軍攻佔諾曼第，順便將布魯爾同埋金雀花王室鄉下安茹攞下，金雀花王朝喺大陸嘅領土，剩係得返西南邊陲嘅加斯科尼（Gascony）。法國王室喺菲臘二世鍥而不捨搞陰謀之下，終於攞返自己國家嘅主導權。

約翰喺1199年繼位，1204年就失去大陸大半領土，連龍興之地諾曼第都無埋，短短五年就令橫跨海峽嘅金雀花帝國崩潰，你都咪話唔犀利。佢以破紀錄嘅速度喪失領土，令佢有「無地王」（John Lackland）嘅別稱。約翰唯有逃去英格蘭做佢嘅國王，故事主線又返番去英格蘭到，而佢嘅成魔之路先去到一半。