第二，羅馬人喺不列顛創立唔少城鎮，最出名既包括倫敦（Lodinium）、獌徹斯特（Mamucium）以及約克（Eboracum），當時既倫敦就係現今倫敦市（City of London），範圍只有一個海德公園咁大，但已經係不列顛尼亞既行政中心。（註: City of London 只係我哋叫開既 [County of Greater] London 既小小一部分）
不列顛尼亞行省
羅馬時代的倫敦
古倫敦城的現址--倫敦市
羅馬人為不列顛帶嚟嘅另一影響，就係基督教。羅馬統治前，不列顛人主要係信德魯伊教（Druidism），同魔獸爭霸嘅德魯伊差唔多，德魯伊教徒鍾意崇拜樹木，並相信宗教領袖－－德魯伊（Druid）能夠同動物溝通，甚至化身動物。但係羅馬基督徒同不列顛人講，與其拜棵睇得見嘅樹，不如拜個睇唔到嘅神啦。不列顛人覺得佢哋雖然講唔出啲乜嘢大道理，但係就好有親切感。就係咁喺公元一至兩世紀，基督教開始喺不列顛傳播。歷史記錄第一個封聖嘅不列顛人，係聖奧爾班（Saint Alban），當時羅馬帝國嚴厲打壓基督教，聖奧爾班就係咁俾羅馬人斬頭，之後就被後世基督徒所景仰。基督教嘅傳播對英國歷史影響深遠，自此不列顛同歐陸一樣，迷失喺依場宗教與政治角力嘅遊戲入面。
特魯伊的理想與現實
有啲人錯誤認為，羅馬統治為英語帶嚟唔少影響，因為英語字詞入面，有近三成都係嚟自拉丁文。其實依啲源自拉丁文嘅字詞，大部分都係嚟自之後入侵不列顛嘅日耳曼族群自己語言入面，從拉丁文抄考得嚟嘅詞語。實際上，來自羅馬征服者嘅影響，喺英文入面實在少之又少。主要原因係不列顛之後經歷無數次外族入侵，即使羅馬人有影響到古英語，佢嘅影響都被啲外族語言沖淡晒。
仲要冇人想聽冇人想知
