[歷史台]日不落的傳奇，大英帝國的故事

netflix 最近都有系列講事頭婆

the crown?
陶傑個網讚到天上有地下無咁
話咩求其揀集嚟睇都好似睇電影咁
利申未得閒睇

係幾好睇

netflix 最近都有系列講事頭婆

the crown?
陶傑個網讚到天上有地下無咁
話咩求其揀集嚟睇都好似睇電影咁
利申未得閒睇

係，幾好睇

netflix 最近都有系列講事頭婆

the crown?
陶傑個網讚到天上有地下無咁
話咩求其揀集嚟睇都好似睇電影咁
利申未得閒睇

係，幾好睇

Netflix 出品，必屬佳品

netflix 最近都有系列講事頭婆

the crown?
陶傑個網讚到天上有地下無咁
話咩求其揀集嚟睇都好似睇電影咁
利申未得閒睇

係，幾好睇

Netflix 出品，必屬佳品

近排追緊house of cards 咋
有排先有時間睇呢套

喺威廉鞏固爵位嘅同時，佢亦慢慢長大成一個高大威猛嘅男神，雖然佢好後生已經髮線後移，雖然佢都係會親手殺人。自覺玉樹臨風嘅佢對法王姪女弗蘭德的瑪蒂爾達（Matilda of Flanders）展開猛烈嘅追求，但係瑪蒂爾達身份尊貴，完全睇唔起私生子威廉。

為咗得到佢嘅芳心，威廉使出耐人尋味但又極其大膽嘅舉動，佢趁對方喺度騎馬嗰陣，捉住佢條長辮，扯佢落馬，然後當眾將佢掉落地下，跟住。。。揚長而去（唔好諗其他嘢）。其實故事有好多個版本，但係都離唔開扯住瑪蒂爾達條丹麥條辮，再掉佢落地下嘅核心元素，只不過場地有變，好似喺廚房呀或者馬房呀等等。瑪蒂爾達老竇知道件事之後怒火中燒，走去同威廉決鬥，點知瑪蒂爾達極力勸止，話要同意嫁俾威廉，跟住就真係嫁咗。

。。。小弟都唔知自己寫緊啲乜，總之歷史記載係咁，可能瑪蒂爾達有斯德哥爾摩症候群掛。

總之結果兩人就幸福地生活落去，瑪蒂爾達生產力驚人，幫威廉生咗成11個仔女，兩公婆一直都非常恩愛，直到一件悲劇嘅發生，容後再講。


威廉愛妻瑪蒂爾達

其實俾血緣上比威廉更適合繼承英格蘭王位大有人在，只不過唔係年紀太細，就係俾人流放到冇雷公咁遠，只有威廉廿靚歲，而且又近在諾曼第。愛德華邀請威廉作客，同佢講想傳位俾佢，叫佢返去考慮下先決定，威廉當然𦧲飯應啦，但係都做下樣返去諗下先。

越講越亂不如每個朝代簡略一下啦

就喺佢滿心歡喜等待坐上英格蘭寶座嗰陣，事情又出現變化。話說古德溫叛變失敗後，就乖乖地向愛德華認低威，得以返番英格蘭。點知返嚟冇耐，佢就同愛德華撐枱腳嗰陣，突然中風死亡，愛德華打算乘機直接控制南英格蘭，但係古德溫嘅勢力實在太根深蒂固，愛德華唯有叫古德溫個仔哈羅德（Harold Godwinson）接替老竇。喺往後嘅十年，哈羅德幫國王管治韋塞赫斯，仲幫手虐打威爾斯，甚得愛德華歡心，加上佢係愛德華個叔仔，令到佢喺王室有相當影響力，唔少貴族都支持佢做王儲。

1064年，哈羅德搭搭下船喺諾曼第擱淺咗，威廉以為佢係代表愛德華過嚟宣佈佢做王儲，於是熱情招待哈羅德，仲帶埋佢打返幾場仗。當時嘅愛德華已經六張幾野嗰頭近，哈羅德剩係想快啲返去英格蘭，諗住睇下可唔可以藉此取得王位。但係威廉盛情難卻，仲間接逼佢宣誓支持自己繼承英格蘭王位，哈羅德回國心切，唯有急急腳應承。


征服者威廉之仇敵--哈羅德


哈羅德向威廉宣誓效忠

又過多一年，愛德華陷入昏迷，佢醒過一次，吩咐哈羅德好好監國，跟住就一睡不醒，直到1066年一月過世。 威廉收拾行裝，諗住過去接手王位，但係佢忽略咗英格蘭王位從來都唔係先王一個人話事，而係由貴族議會推舉出嚟，班貴族自然選出德高望重嘅哈羅德繼位。哈羅德繼位之後既四月，哈雷彗星出現喺英格蘭上空，引起社會恐慌，輿論聲言英格蘭即將遭受大劫，依鑊hihi啦。


1066年，哈雷彗星首次被廣泛記綠於各份文獻之中

威廉眼見食到埋口嘅王位，因為哈羅德嘅毀約而得而復失，即刻組織一隊軍隊，進攻英格蘭。威廉以哈羅德嘅誓約為由，獲得教宗支持，令佢可以號召法國其他騎士參與。但係由於佢要重零開始建立海軍，而且要等英吉列海峽吹南風先可以起航，所以成個戰爭準備過程用咗成七個月。喺依段空檔期間，哈羅德都唔係安安穩穩，佢要面對另一方面嘅入侵。

話說前任英格蘭王哈德克努特同挪威國王馬格努斯達成密約，承諾邊個一死，第二個就繼承佢既王位。哈德克努特駕崩之後，馬格努斯就繼承佢既丹麥王位，但係英格蘭嗰邊冇遵守密約，選出愛德華做國王。廿年之後，愛德華逝世，英格蘭陷入繼承危機，馬格努斯既繼任人挪威國王哈拉德（Harald Hardrada）乘機宣稱王位，北歐大軍再次進攻英格蘭。除咗哈拉德同威廉，哈羅德被流放嘅細佬托斯狄（Tostig）都宣稱王位，加入埋哈拉德嘅挪威軍隊。

推

又黎大混戰

追到 毛巴我變左你fans 德意志統一開始追post 仲記得個句德意志帝國上線啦
話時話 就係毛巴你既post 搞到我日日重玩中世紀2 全面戰爭 而家用緊英格蘭威廉開局慢慢玩

期待金雀花皇朝 玫瑰戰爭 克倫威爾等等

想問下大家 最近英國有學者係個停車場掘到個英王副骨既係邊個 一時間諗唔起

追到 毛巴我變左你fans 德意志統一開始追post 仲記得個句德意志帝國上線啦
話時話 就係毛巴你既post 搞到我日日重玩中世紀2 全面戰爭 而家用緊英格蘭威廉開局慢慢玩

期待金雀花皇朝 玫瑰戰爭 克倫威爾等等

想問下大家 最近英國有學者係個停車場掘到個英王副骨既係邊個 一時間諗唔起

期望講下長弓由來話哂都係英國經典軍備

以前玩過Empire Earth，中世紀戰役頭兩關講征服者威廉

LM

因爲征服者威廉係法國既領主，所以之後英國同法國既歷史就因爲英國國王可以宣稱法國王位繼承權而變得糾纏不清

因爲征服者威廉係法國既領主，所以之後英國同法國既歷史就因爲英國國王可以宣稱法國王位繼承權而變得糾纏不清

邊估到雜種威廉都可以娶到法王孫女

之前玩文明5有個劇本係1066年英格蘭王位爭奪戰
我玩英國嗰陣法國、丹麥、蘇格蘭同時打嚟
心唸關法國、丹麥咩事
原來場扙係咁嚟

因爲征服者威廉係法國既領主，所以之後英國同法國既歷史就因爲英國國王可以宣稱法國王位繼承權而變得糾纏不清

邊估到雜種威廉都可以娶到法王孫女

去到十九世紀先放棄宣稱

本來哈羅德眼中只有威廉一個，佢喺英格蘭南岸組建大軍，為威廉嘅入侵做好準備。點知去到九月，一個月之內局勢瞬間大變。9月8日，等咗喺度成三個月都等唔到敵軍既英軍，因為供給不足嘅問題，而被哈羅德解散。就喺同一日，哈拉德托斯狄聯軍登陸英格蘭北部，哈羅德即刻北上，沿途徵召軍隊，去到25日喺約克郡突襲挪威大軍，展開斯坦福橋戰役（Battle of Stamford Bridge）。

據說開戰之前，有條友一枝公騎著馬過嚟挪威陣營，同托斯狄講數，話哈羅德願意用封地以換取和平，哈拉德反問佢可以攞到幾多封地，條友串串貢咁答：「六呎土地，或者會再多幾寸，因為你睇落唔止六呎高。」跟住頭也不回走咗去。哈拉德欣賞條友嘅勇氣，於是就問托斯狄條友係邊個。

托斯狄心不在焉地答：「佢係我阿哥。。。」話口未完，一支箭就射到哈拉德腳前。

英軍人數達15000人，遠超對面嘅9000人，但係英軍地勢上處於劣勢，需要行過條橋作戰。偏偏一開戰英軍就遇到對面一名勇將，依位勇將高大威猛，攞住個斧頭氣勢咁劈，真係一夫當關，四十夫莫敵－－佢連續斬殺四十人，直至有個英格蘭士兵坐著個浮木桶，喺橋底偷偷隊佢一嘢先解決件事，英軍得以突破挪威防線，殺到對面片甲不留，哈拉德俾箭射穿氣管，而托斯狄就被斬死。據聞戰役死傷人數太多，以致戰場上嘅泥土俾堆積嘅骸骨染到白晒。




史坦福橋戰役


挪威入侵英格蘭經過

挪威人嘅入侵就此告一段落，依一次亦都係維京人歷史上最後一次入侵鄰國。其實去到十一世紀，維京人經歷基督教嘅馴化，已經安定落嚟，一就邊返做正常嘅北歐人，一就融入當地族群當中。總而言之，1066年被普遍認為係維京時代嘅終結，亦係英格蘭歷史嘅轉捩點。

哈羅德英明神武，英格蘭人力物力充足，足以抵擋挪威或者諾曼第任何一方，偏偏兩面幾乎係同時夾擊，哈羅德兩面作戰，任你幾打得都冇用。

無啦啦殺出對程咬金
哈羅德真係唔好彩

去過愛爾蘭
一個阿叔一個阿婆都話好憎英國
佢哋話無啦啦搶咗佢哋個北愛爾蘭
所以想知多啲

Live左

去過愛爾蘭
一個阿叔一個阿婆都話好憎英國
佢哋話無啦啦搶咗佢哋個北愛爾蘭
所以想知多啲

呢段歷史
加埋不列顛群島過去嘅恩恩怨怨
毛巴找數找到2046都可以找唔完

回正題：
因為北愛本身對於英國黎講
係雞肋

唔要 就會俾聯合王國本身嘅新教徒屌到飛天
死要 就會令愛爾蘭班友當正佢地係殺父仇人同埋北愛會再一次七國咁亂

所以就......