[歷史台]日不落的傳奇，大英帝國的故事

有了，留個靚名

未睇先留名

黎明

名是必須留的

留名支持

黎啦

我想睇法國

推

lm

留名

歷史撚流明

未睇先正皮

寫住一篇先，今晚稍後再出

留名支持

其實自己作為一個熟悉歷史嘅人,每次見到有人開post講歷史
都覺得好欣慰
香港啲人知你識歷史當你痴線 仲要冇人想聽冇人想知
利申每次同friend講歷史都係

好正呀真係 快啲出文

大英祖國
正皮咗先

留名學野

塞爾特人曾經遍佈成個歐洲，從西班牙到波蘭，佢都可以同你玩「自古以來」，頭先講到既高盧人都係塞爾特人既一分子，佢地不時騷擾海峽對岸既不列顛人「同胞」。不過去到公元前60年，曾經不可一世既塞爾特人俾人打到一仆一碌，施暴者就係大名鼎鼎既凱撒（Julius Cesar）。凱撒同佢既羅馬大軍，徹底摧毀高盧政權，佢聲稱不列顛人暗中支持高盧人反抗，於是喺公元前55年，決定渡海遠征不列顛，不列顛首次同歐洲文明正面交鋒。

相傳凱撒既一萬大軍，喺現今肯特郡（Kent）既威爾瑪（Walmar）登陸，橫行歐洲既羅馬雄師好快就佔咗上風，但係地頭蟲不列顛人死咬唔放，雙方進入拉鋸戰。凱撒眼見就嚟入冬，軍隊將會好難搵到糧食，唯有同不列顛人議和，部分部落進獻人質，除此之外，凱撒就冇乜收獲。翌年，佢又入侵不列顛，今次佢借助不列顛島上既盟友，得以打敗其中一個部落首領，歷史上第一個有名字被記載嘅英國人，卡斯維努斯（Cassivellaunus)，逼使佢向羅馬進貢。但係凱撒對不列顛土地完全冇興趣，好快就撤走所有軍隊，不列顛人重掌本土。


曾經縱橫天下的塞爾特人



凱撒遠征不列顛

之後羅馬同不列顛都有過零星衝突，真正既征服發生喺凱撒死後既公元43年，當時不列顛小國林立，羅馬帝國皇帝卡努狄一世（Claudius）以扶持某首領做國王為名，奪取不列顛豐富既礦產以及農地為實，出兵入侵不列顛。依次入侵開始咗羅馬既全面進攻，喺往後既四十年，羅馬總共發起十次入侵，逐步將不列顛南部，即現今英格蘭大部份以及威爾斯納入羅馬統治。但係羅馬既勢力始終無法擴展至不列顛北部，當時叫克里頓尼亞（Caledonia）既現今蘇格蘭地區，羅馬皇帝哈德良喺122年興建哈德良長城（Hadrian’s Wall），作為帝國喺不列顛島既北界。自此，不列顛進入羅馬時代。


羅馬對不列顛的征服




哈德良長城與被遺棄的安多寧長城