[歷史台]日不落的傳奇，大英帝國的故事

1001 回覆

1487 Like 7 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

朴joy 2017-03-06 02:04:18

William 係 Edward 嘅表侄孫

咁都計到

田北宋 2017-03-06 02:06:57

William 係 Edward 嘅表侄孫

咁都計到

可能佢用個親戚計算app

淒涼人氏 2017-03-06 07:41:45

仲有一百年......

等睇獅心王出場！

獅心王可以打爆薩拉丁，我堅覺得好神

講神飽德溫4世仲神

Battlefield 2017-03-06 08:11:55

仲有一百年......

等睇獅心王出場！

獅心王可以打爆薩拉丁，我堅覺得好神

講神飽德溫4世仲神

麻瘋佬死得早

球文字D 2017-03-06 08:43:35

克努特之所以被尊為大帝，係因為佢係英國歷史上首個君主，可以統治一個統一而且免受外患嘅英格蘭，外患嘅消除令軍費同埋徭役可以大減，其實對英格蘭嚟講係一件好事。就好似元朝咁，有學者認為蒙古橫掃歐亞，以外患入主華夏，當時中國政權實際上冇晒外敵壓力，軍事稅項得以幾近免除，減低人民嘅壓力，依個講法有好大爭議，但都算係比較新穎。

講返呀大帝，克努特管治才能卓越，以維京同英格蘭共主嘅身份，屢次化解英格蘭人同丹麥移民嘅矛盾。佢喺英格蘭嘅貿易發展上甚有貢獻，佢親自拜訪羅馬（當時丹麥已經信天主教），獲教皇減免英格蘭商人喺法國同神聖羅馬帝國嘅關稅。當時克努特同神羅皇帝friend過打band，仲可以同佢平起平坐，足見克努特嘅地位。其他乜嘢德政就唔多講啦，都係啲大路嘢。

但係小弟想同各位講一樣嘢，話說有一次克努特喺海邊放咗張龍椅，坐喺上邊，用威嚴嘅語氣命令海浪：「大海！你係朕嘅子民，朕命令你永不登上朕嘅土地！」

之後個浪索性浸上佢對腳到。

佢同手下講，話咁樣證明大自然唔當「國王」依個名係一回事，所謂君權神授，世間萬物都只係遵循上帝嘅法則，自此佢就冇戴過佢嘅王冠，虔誠事奉上帝。唔知點解，成件事好似奇奇怪怪咁。

著名的【國王與海】故事

克努特嘅統治，代表咗維京時代嘅巔峰。維京人強姦咗英格蘭乃至成個不列顛群島近二百年，到而家都可以見到唔少「傷痕」。至今蘇格蘭北部有近三成人擁有維京血統，英格蘭都有成三十四萬維京後代。維京人亦為英國帶嚟唔少詞彙，大部分th同sk開頭嘅英文字，例如they同sky等，都係維京人引入嘅。有趣既係，ugly依個字都係來自古北歐語嘅「Uggligr」，exactly就係你見到欣宜想咀你時會發出嘅聲音。

故事至此，不列顛的人種變化

克努特統治英格蘭二十年，期間雖然不時往來於丹麥同英格蘭之間，但大部分時間都係留喺後者，佢結束咗二百年嚟維京入侵嘅動盪時代，將英格蘭管治得貼貼服服，但係佢嘅名氣似乎同貢獻唔成正比。冇計，因為短短五十年後，就有個比佢更出名嘅征服者登陸不列顛。

本章完