撈左按揭好耐，你問我答（3）

放租層樓邊個人名？

如太太無名，有機會直頭唔計。
如太太有名，但入聯戶口預會除二。
如淨太太名，可計哂。

放租層樓無太太名.

如果太太無名, 咁筆租金入落太太的個人戶口 (單人非聯名) 先可以計晒?

Sorry 我表達得唔好，上面太太有名無名是指層樓，不是戶口。

因為放租收入是比業主，不是睇租金收入個戶口

轉按去第二間銀行
假設
原行$100 還左$20
同新銀行借$80
利率不變P-2.85
還款年期冇拉長（即係同原本銀行最後還款日期一樣）

咁嘅情況會唔會出現你之前講
還息多過供樓，因為最初供樓期數利息佔大部份，層樓供極都供唔完嘅問題？

因為打算每兩年都做一次轉按
每次有五六萬蚊落袋好吸引

明白, 我get到你原來的意思.

因為收租樓用我名, 我自己做按揭. 諗緊買第二層時用我太太名, 用佢名義做按揭. 因為太太收入不高, 為左加大佢個收入去借錢, 我諗住將收租棲租金入落佢度. 因為如果我做佢擔保人, 要扣10%借貸額 (好似係). 佢同時個人戶口亦有另一筆沒有自己名的物業收埋租, 所以想了解得詳細D, 有D咩方法可以加大太太的借貸額

利申
自住樓
長揸供25年

唔知點解死左Link，重新Post 過

3. 按揭保險問題

- 點退保費？ https://goo.gl/otrTc1

- 按保做幾成？ https://goo.gl/dqt82R

- 按保壓測點計？ https://goo.gl/ZR1VkU

- 保費幾錢？ https://goo.gl/Q8pEx5

計死數，睇下想做幾多按揭額，然後再做匹配人工既工過壓測，咁就得啦~

的確，如你做擔保人會減按揭上限一成

都會出現供唔完既情況，因為頭兩年你睇番自己份供樓表，就計到兩年內供左幾多本，可能供幾萬而已。

但問題係，你有按揭現金回贈頂條數。如果新息比舊息平，轉未償唔係好事~

例子：
舊息 H ＋ 1.7%
新息 H ＋ 1.24%
平左 0.46% 一年

另新按揭有 1.95% （銀行） ＋ 0.35% （Dr Loan） ＝ 2.3% 現金回贈。
以現時計，基本按揭都供緊封頂位 2.15% 。
首年基本唔洗供息，因回贈抵銷哂。而下年亦賺左 0.46% 年息。變相兩年利息成本只是 2.15% - 2.3% ＋（H＋1.24）／2 ＝ 不足 1% 年息

請問4x年洋樓連天台，交吉賣。但睇樓時發現劏了3個套房。
如果買要留意D咩？

1. 留意未必做到高成數按揭
2. 即使做6成，某啲銀行會睇樓，睇到有劏房會要求還原先肯做
3. 有無任何釘係契約上

按揭係咁多，其他交比地產～
洗唔洗維修呀、大廈公契呀etc

你意思係如果息口不變，還款期不變
不停轉按反而蝕左？

層樓我轉唔轉按都係要供多一百期
假設我完全靠供樓還款
唔會掉一舊錢落去還

你都係唔建議做轉按？
謝回覆

利申
我轉按做到1.88%現金回増
加中介萬幾蚊

你意思係唔應該貪呢啲錢？

假設我買新樓 650萬 發展商自己提供8成按H按咁 2年後轉P-N%

1. 如果2年後我想去銀行轉按 唔想食貴息 可以做幾多成？

2. 如只可以做6成 係計銀行最新估價 定還是原樓價（650萬）的6成？

3. 假設當年用130萬上會做8成 (6.5m * 0.2) 2年後轉按，是否要額外準備130萬(6.5m * 0.2) 現金？

4. 呢種賣樓模式對買家最大的風險係邊個位？

請問係不係超過30年樓，銀行大多要上門驗先做按揭？
公契有咩要留意？
我問過經X按揭講如果銀行上門睇到有劏房改建最多做5成，同埋沒回贈，利率都較高

請教下巴打，如果2年前4M買嘅樓，當時做9成上車，宜家銀行估價6M，係咪轉會會有著數？

有著數，轉按食回贈加退保費

無話幾年樓就要睇樓先做，反而係間銀行政策。

我試過有客買舊洋樓連天台，但天台潛左成層，姐係買一層送一層，個租金回報極高。但按揭就難搞，因為好多行要睇樓先做，我地幫佢搵左間唔洗睇既搞店左~

公契都係權利義務野，始終買物業，了解多啲好啲麻，唔係有事上黎又係煩。

「我問過經X按揭講如果銀行上門睇到有劏房改建最多做5成，同埋沒回贈，利率都較高」
有呢個做法，但都係個句，間間銀行政策唔同。

假設我買新樓 650萬 發展商自己提供8成按H按咁 2年後轉P-N%

1. 如果2年後我想去銀行轉按 唔想食貴息 可以做幾多成？
睇樓價，6百萬內 8成、6百萬以上 6成

2. 如只可以做6成 係計銀行最新估價 定還是原樓價（650萬）的6成？
新樓如未有成交，以當時買樓價計。如 650萬買入，就 650萬 6成

3. 假設當年用130萬上會做8成 (6.5m * 0.2) 2年後轉按，是否要額外準備130萬(6.5m * 0.2) 現金？
正確

4. 呢種賣樓模式對買家最大的風險係邊個位？

最大風險係息高，一旦供唔起發展商就可以收番再賣 發展商 Never Die

請問你果個客最後係做銀行按揭or 財仔？
另如果銀行要睇樓，2個月成交期是否不夠？

Sorry 可能我賴Pro 搞到件事複雜左

簡單講，如想係轉按上賺錢，又想供斷層樓，要考慮
1）息口
2）回贈
3）還款期

- 息口當然要平過舊底先有著數，先好轉

- 回贈要睇多唔多，最少Cover到一年利息支出，咁變左賺一年息

- 還款期最好等於或少過舊按揭既剩餘年期

如 3方面都Pass 就去做啦！ 有著數

細銀行批左，不用睇樓，行 H + 1.3% ， 1% Cash rebate

問下其實甩mc 有咩好處？
我8月7號就啱啱要比第36期供款，應該做唔到個refund...

想問而家按揭要拎優惠
直接行入行分好啲定搵轉介好

巴打好 PRO