撈左按揭好耐，你問我答（3）

巴打想指教
我搵38k 老政autopay, 女友搵30k 幼教都係autopay

打算買600萬做8成按揭

壓測就想女友做擔保人，咁樣係咪過到壓測？

另外如果買入後，女友想轉返低人工既工作/做家庭主婦，按揭方面會唔會受影響？

同個banker 講，叫佢申請

謝謝

廉政公署今日(八月十三日)落案起訴一對夫婦，控告兩人涉嫌使用虛假入息證明，詐騙一間銀行兩筆按揭貸款共一千萬港元。

蔡錦虹，二十九歲，及其丈夫楊源淞，二十八歲，同被控一項欺詐罪名，違反《盜竊罪條例》第16A條。蔡錦虹另被控一項相類罪名。

兩名被告將於星期三(八月十五日)在東區裁判法院應訊，以待案件轉介區域法院答辯。

廉署早前接獲貪污投訴，調查後揭發上述涉嫌罪行。

蔡錦虹及楊源淞於案發時是交通銀行股份有限公司香港分行(香港交行)的客戶。

蔡錦虹於二○一五年四月購入一個單位，並向香港交行申請一筆五百萬港元按揭貸款。

蔡錦虹被控的罪名，指她涉嫌於二○一五年六月向香港交行虛假地表示她受僱於一間公司為經理，月薪四萬八千元人民幣，並意圖詐騙而誘使該銀行向她批出該筆五百萬港元的按揭貸款，導致她獲得利益或該銀行蒙受不利。

蔡錦虹及楊源淞於二○一六年五月購入一個單位，並向香港交行申請另一筆五百萬港元按揭貸款。

蔡錦虹及楊源淞同被控的罪名，指夫婦二人涉嫌於二○一六年六月向香港交行虛假地表示楊源淞受僱於有關公司為經理，月薪六萬一千五百港元，並意圖詐騙而誘使該銀行向楊源淞批出該筆五百萬港元的按揭貸款，導致夫婦二人獲得利益或該銀行蒙受不利。

香港交行在廉署調查案件期間提供全面協助。

兩名被告已獲廉署准予保釋，以待星期三應訊。

是旦搵公司寫入息原來犯法！ freelance 點搵人寫入息？

其實我供2房開廚真係好猛猛緊
表面上我過到佢既壓測, 但可能月月清
然後一年靠個BONUS食成年.

千祈唔好夾硬呀巴打, 買樓無必要一步到位, 先買細再換大都得

LP6睇來真係引到好多人落水

尋日落左渣打做壓測, 佢話用一年BONUS黎計都得...反而SOLID D...
果度差成5000蚊...如果係咁6M真係冇問題

正常情況應該係H plan抵D既，
因為呢排加息，銀行又唔加P，
所以睇落短期內 P係抵D。

要視乎你介唔介意現在捱下果0.1%，
遲D穩定返落黎，H plan就應該會變返抵D果個。

唔需要特別去申請咖，
只要選擇一次過比晒保費 就可以有折咖喇
個別銀行可能仲會有更多優惠比你

如果女友做埋擔保人，
幫你計過 600萬做8成按揭，無問題

至於之後轉返低人工既工作/做家庭主婦，
銀行在批核按揭後，好少機會會翻查
唔可以100%答實你無問題，只係好少機會會發生

唔該哂巴打

Freelance 最正規做法是開無限公司, 自己做自僱, 再用自僱既生意去申請

博士想請教下

我同未婚妻半年前用左銀行1按（6成, 首年1.68%定息，次年H+1.3% or 2.15%P）加發展商2按（3成P=5.25%）上左車，樓價570萬左右。

最近因為多左筆夠比樓價1成既現金，又見2按個rate都幾高，所以想轉返去用HKMC。

而家做緊果間1按銀行有2年罰息（首年full effect, 第2年罰一半），我地2個入息合共63k左右（因為買果時壓測差少少，所以果時加左一個人名做擔保）,2個都係政府工。

想請教下
1） 如果我想轉HKMC 做8成去甩左個2按係咪補1成錢就得？
其實我睇唔明你做緊8成定9成..

2） 如果我用返原行去做HKMC，係咪可以唔洗罰息（我理解係，係銀行角度黎睇，罰息都係罰你借借下唔同佢借走去搵第2間行。如果我繼續搵佢，佢似乎都無損失？事實上如果我最近問過佢，佢比我既offer其實比原來既plan貴,因為就加息）

如果唔得，有無方法可以waive左個罰息佢（或者延長罰息期都可以）
唯一豁免既方法係原銀行申請上MC, 佢最多加長你罰息期, 唔會真罰你

3）因為我唔係好分到轉按／加按呢d咁technical既term, 其實我以上想做既野算唔算叫做轉按／加按？
原銀行既叫加按, 轉銀行既叫轉按, 轉按時可以加大貸款額, 但都叫轉按

我計過如果我轉返去HKMC,最壞情況佢都係當我re-mortgage陣係比我分25年還，即使個新plan可能會高左少少息，但似乎都比2按個plan一共至少供少2-3k每個月。或者如果你有更好既suggestion都請話我知

你完全正確, 我無野補充

博士

我同屋企人住，想買樓收租，得150萬首期，
銀行只做5成 ，如果買500萬樓，欠大約2成首期係咪財仔先借，MC冇得玩？

如財仔息囗一搬幾多

壓測冇問題，唔該博士

有mortgage跟身， 幫另一半做擔保要點計？

博士，想問下居屋用送契形式既轉讓，有邊間銀行可以做到呢類按揭？ 問左中銀佢地話唔做⋯

按揭成數要減一成
仲有要扣埋壓測

以我所知 5年內既話無一間做到
據破產條例規定，如果舊有業主於送契後5年內破產，破產官有權接管該物業以讓舊有業主償還債務，所以一般而言銀行及財務公司不會為送契樓承造按揭貸款。

如果出租之用就唔可以上MC
搵財仔就要預9.5厘，有機會可以做到8.5厘既
需要幫手可以tg我

博士
我個case 係居屋原來業主因為某d原因要將層樓用送契形式過比屋企人，房署都出左consent，咁屋企人就要做按揭還番原來業主條按揭數，以經試過中銀唔做呢類按揭
咁即係冇銀行會做？

你tg我哋 講多啲details
我哋幫你問下 做未補公居屋嗰啲銀行
睇下可以點做

博士，轉按想搵你幫手

https://t.me/Imblackm