有無巴絲打鐘意玩P社啲戰略game？

中國都唔夠人口咁大鑊

同埋想知大家升工廠upgrade係鍾意用centralized定係dispersed果種

Dispersed 係for D成日要轉/升級生產線既國家，例如德國；centralised 係for D兵種單一、多數用死一/兩種裝備既國家，例如中國
要玩中國首先必定要行安內線，打低軍閾，然後行陸軍改革線，利用打軍閾所賺得既陸軍經驗清軍隊攻擊-50%既debuff，然後繼續行安內線，攞到核心領土攻防+10% 既national sprite，之後揀咩focus 都得
科研優先升級工業、陸軍學說同陸軍裝備，一開波只起軍工廠，生產線只起槍，其次support equipment，想快D解決日本可以起埋空軍。槍就揀最初級既黎造，等到科研有空餘、補充完軍隊缺乏裝備，有盈餘之下先考慮升級。資源只係由桂系入口鋼就夠，其他都唔需要買
去到戰爭，軍隊行10寛就夠，每個港口放2個師就夠，日軍登陸守唔住頂多由隔離港口調幾個師黎協防
前線既話如果你跟上面做法，加上軍閾兵力，最低限度都可以有7-80個師防住北方。基本上你每個格都放6-7個師，見到邊度就黎頂唔住就調附近部隊幫手，見到部隊組織度消耗得七七八八就唔好信電腦 手動將部隊調返落黎，再真係想穩陣D 就喺前線起一級fort，加上地形優勢，ai唔識配兵係唔會打得你入，之後你見日本打到無咩裝備/人員就可以反攻，然之後就可以準備北上打comintern

hoi4個戰鬥係非常複雜，唔係多兵都一定打贏。你30個師係四格地方打一個地方，其實係每格得1個師係行到入去果格去打。
日本D buff 同科技都好影響果場戰鬥，一時之間好難講到。

係，首先一個戰場最低限度係80寛，即係你雖然派左30個師去打，但其實只有8個師係有參與戰鬥，其餘既都係喺隔離食花生
你可以理解成為一個戰場大小有限，所以只能夠最多派某幾個部隊參戰。其餘部隊只能夠等前線參戰部隊退落黎，空返個位先可以加入，唔係進攻部隊愈多愈好。（所以題外話點解會話40寛進攻最強而10寛防禦最強，係因為10寛數量堆砌起上黎，即使有一個師被擊退都可以由另一個師快速補上，減少個真空期）
當然一場戰鬥仲有其他影響因素，例如陸軍學說加成、將軍技能，又或者好似你個例子咁，多方面進攻敵人、地型等等，都對戰鬥同combat width 有影響
如果玩民國就老老實實打防反算啦 消耗日本到一定程度到日軍連槍都補唔滿，到時就簡單畫線搞掂

另外軍隊唔係造得愈多愈好，到差唔多開戰就要減少/停止，因為戰爭一爆發到時就要消耗大量槍/裝備，所以要慳返生產線既軍備作為現有軍隊補給

我玩開Alice社啲戰略game

單機
邊隻最抵屌

EU4，我玩左2千幾個鐘

所有dlc加埋好貴

等佢特價先買

利申：我都等緊

好似九月六出新dlc，可能個陣會特價

我之前個兩個都未買
等佢出完買齊挑戰下拜占庭

我試開咗一場 Timurids
個廢老一死 果5個vassal 即刻派膠
係咪一定要sl到1454

無 Cossacks
尋日玩到成功食咗Afghanistan同埋Fars
依家叫做㩒得住北面果個
準備打柒delhi 變身做 mughals

你建唔建議未train好就deploy unit以增加開戰時既戰爭人力

我自己就好少咁做
單人黎講一般我只有玩德國旱戰先會咁做for提早德奧合併同吞併捷克斯洛伐克, 玩其他major power大把時間預比你備戰練兵, 小國用傘兵就已經可以搞掂
不過我都試過玩民國喺前線特登開個缺口引日本入黎, 再一次過喺後面一口氣deploy 20個師包哂佢走入黎既部隊
要去到咁提早deploy多數要去到前線崩潰, 比對方圍殲左先要咁做

新手玩民國推完日本 打緊幾個軍閥嗰時被英國宣戰 好難頂 點搞？

在淘寶 用左500人仔左右 買哂全套eu4 已經買左成個月 暫時冇事 不過真係要改steam密碼

正常英國係無向中國宣戰既focus喎 你係咪打鳩英屬印度, 馬來亞堆殖民地

可能generate太多world tension 無接受日本投降繼續打