［轉+自譯］有冇人想了解多啲日本/各地懸案（3）

今日出左去加睇子華神 未必有時間出新文
不過會照search定聽日出
大家有啲想分享既case歡迎轉貼黎討論下

我以為自己睇緊日本警察on9查案錄 咁證據都拉唔到人，廢到 一路睇都好驚，最後開左不載入圖片就安心睇了

辛苦晒

樓主enjoy 一下假期啦

好好enjoy下啦

有冇記錄講低個疑兇點解釋佢架車搵到死者啲物品？

呢單案最大問題係只得環境證供
疑犯仲要主動提供自己有同個女仔接觸
表面上（或實際上）無刻意隱瞞對自己嘅不利證據
警察最多只係可以查到疑犯嗰幾日去咗邊
但一日未搵到個女仔
連佢係咪死咗都無法確認
始終唔可以排除佢自己想離家出走唔想人家人朋友搵到佢
如果只得樓主所講嘅證據
的確好難作出檢控
因為連控告嘅罪名都無法確立

yes，所以呢單實際上日警唔係廢，而係基於公義先要放佢

thanks
其實我唔太能夠幻想有罪假定係點，始終讀同做左咁多年都係用無罪假定

例如以你post 呢段新聞咁，即使喺有罪假定下，辯方應該都唔難打
始終無屍體，defence 只要打話被告無殺人，無凶器，已經可以打得甩

或者喺有罪假定下，唔想輸左影響定罪率？

政治上可能會有咁既考慮
但係法治上又應該會當有足夠証據下已經會起訴左先

因為上面有人都講過日本定罪率高...而政治考慮都有咁可能。。。

我明呀，但係日本呢單其實無足夠證據嘛

幻想下，好似上面一位巴打講，一日搵唔到個女仔or 佢條屍，你點決到告個男人乜嘢？

可唔可能係個女仔想離家出走，所以去左截順風車，個男人出於好心車佢，喺車上個女仔因為想隱姓埋名，所以開始剪頭髮，所以放低左佢d 財物？

我唔係話呢個講法啱，因為同其他物證都有解釋唔到既地方
我既意思係，喺呢個場景，警方根本無辦法去知道當時情況係點，無奈之下只可以放人

所以如果係無罪推定，控方會用好多環境證供推論，但有罪推定打，反而個嫌疑人會易打啲？

嗱我真心唔識有罪假定係點玩，所以我只可以幻想，然後同我識既無罪假定比較

睇番上面巴打post 嗰段新聞，其實控方都係有dw夾硬咁落charge
所以上到CA 先俾上訴庭話根本未proved beyond reasonable doubt

即係話喺無罪假定下，單憑環境證據，而搵唔到受害者，都好難可以prove beyond reasonable doubt

同樣喺有罪假定下，我估辯方一樣可以咁樣抝

咁都定唔到罪，如果係我深愛既人我應該會親手制裁條仆街，條友仲要本身犯過罪，日本警察真係

網上你就咁講
如果你係當時接手呢單case既警察
面對呢堆證物你都冇辦法做到任何野

上面太展唔quote
有罪假定唔係會難啲打得甩咩
辨方要自己搵證據證明自己無做過
控方有solid少少號證據辨方都好難抗辯到

無罪假定就調轉係控方搵證據證明有做過
辨方反證控方

利申唔識法律

前提就係要有solid 證據證明佢殺咗或禁錮個女仔。

我門外漢覺得因為今次係控方唔夠證據，有罪推定輕鬆就搞得掂控方

細城市警察嘅資源唔及大城市。
呢單嘢唔知警方有冇盡力查佢去過乜地方丶電話紀錄丶交通紀錄丶租務紀錄等等去找出可能案法現場。
不過97年唔知手機流唔流行。

其實大家似乎搞錯左日本既有罪假定
https://en.m.wikipedia.org/wiki/Presumption_of_guilt

追到第3 po先記得留言添

其實第1 po個陣我都想推介李淼比等得耐唔夠喉嗰啲人去睇
不過有人講但比人話係打手我就唔敢講了
邊得嚟咁多打手 大陸專欄走來香港呃流量 ？
雖然只係翻譯再加幾句 起碼佢唔係嗰啲嘩眾取寵聳人聽聞 例如吹到咩木島佳苗係性魔女個啲公眾號
而且寫作嘅價值觀都係趨正面嘅


第2po 個氣氛差咗
啲案件相對來講少咗討論空間 國鐵系列一句政府/美帝/阿共仔 陰謀 已經可以收皮
又有啲神神化化玄之又玄嘅鬼故亂入左
巴打們又嘈埋啲無謂交


我覺得日本個種死刑制度幾正
係冤案都可以刀下留人呀嘛
唔計死緩嗰啲 如果啲死刑係判完就即刻執行嘅話
啲死刑犯心諗咪一了百了18年又一條好漢
可能個下大家會解氣 其實咪又係便宜左佢（你話滿清十大酷刑咁就話啫 ）

咁樣吊下吊下突然執行唔通知你
俾你日日提心吊膽
時間一耐等你鬆一啖氣諗住可以苟且偷生嘅時候⋯⋯
呢啲行刑嗰陣通常都估你唔到嚇到瀨屎瀨尿
等你當初殺人個陣咁爽呀啦

巴打可否講解一下？
非專業睇啲 law 英文唔太明