【絕無轉機】我坐上咗一架盛載住絕望嘅航班。（2）

支持無默媽, 但係live左到底算唔算好事

走廊果陣live討論好熱烈
反而<西>， <絕命>書，同呢次好少人討論

4唔知係咪因為打散左d讀者
一堆fb同一堆lihkg的原因?

出得咁慢

有邊次會快

agger

17.

之後嘅大約十分鐘，現場嘅人主要分咗幾個圈子，各自為政。

另一邊走廊嘅羽姬、Lincoln同阿琪輪流觀察住後面艙嘅情況，
軒少就自己一個企埋一邊；張議員、阿響仲有另外一位甚少開聲嘅男人就企咗喺艙門附近，
神色凝重咁進行討論；至於鄉音阿叔，佢抬走咗其中一個老外嘅屍體去工作間，
等自己可以舒舒服服咁喺一張商務座椅上面。

最後係我同老陶，我哋兩個所做嘅嘢同羽姬佢哋差唔多。
雖然經歷咗咁多事，但老陶佢依然係好多嘢講。

「發生呢件事之前，我呢世人遇過最大嘅危機，
就係繼父同我阿公為咗錢銀嘅問題吵大鑊。」佢一邊盯住後面一邊講，
「其實原意都係為咗我同阿媽將來可以過得更好，無奈嘅係佢哋兩個始終唔肯相信對方。
結果一發不可收拾，一個拎刀另一個揸槍，我阿媽勸唔掂走咗去，
剩返低我一個人面對……記得嗰陣我擋喺佢哋中間，見到一邊係刀尖、
另一邊係槍頭，真係驚到幾乎瀨尿。」

「咁件事最後點解決？」

「……我阿公突然心臟病發瞓低咗。」老陶回答，「雖然繼父已經即刻報警，
但等到救護員趕到嚟，阿佢公早就冇咗心跳。我阿媽同繼父就係因為呢件事離婚收場……
我阿媽唔係一個好識照顧自己嘅人，所以無耐之後佢都抑鬱病死埋。」

「估唔到……你會有咁嘅往事……」

呢個係真心說話，老陶份人睇落咁積極正面，實在好難想像佢嘅家庭背景會係咁。

「其實都差唔多二十年前喇。」老陶繼續講，「學生時期嘅我真係好頑劣架。
但自從經歷完嗰件事之後，我就成日同自己講，凡事要對人好啲，
仲有多啲願意去相信人，最後一定會得到好嘅結果……」

「所以你頭先選擇相信我哋……仲有Fred嗰次都係一樣。」

「唔怕老實講呀，」老陶拍一拍我肩膀，
「我又真係好少會信錯人。可惜係頭先嘅局勢，只係得我信都冇用。」

live

「咁你點睇而家呢個情況？」我問，「你覺得Fiona講嘅嘢係咪值得相信？」

「唔……」老陶諗咗諗，「其實真係唔識得去分析。
但我覺得重點唔係佢可唔可信，而係我哋剩返低呢十個人，
到底係咪可以互相信任，團結一致。《一枝竹仔》呢首兒歌你都聽過喇？」

「嗯，」我先望咗眼軒少，再望向張議員仲有阿響嗰邊，「感覺並唔容易。」

「容易就唔係危機啦。」老陶回應，「但只要我哋有命渡過呢次難關，
就會係一個好好嘅故事去同子孫講。」

我注意到阿響刻意迴避我嘅眼神，隨即諗返起佢剛才嗰句
「對唔住。」如果佢當時真係唔相信我同羽姬，其實又點解要道歉？

「好喇好喇！」終於，張議員再次開聲，「各位大哥大姐，
你哋要冷靜應該冷靜夠喇？係時候傾返正經事……」

阿琪同羽姬佢哋只係望咗眼又擰返轉頭，
完全冇諗過作出回應。見狀，張議員沉住氣繼續講落去：

「我頭先同旁邊呢兩位男士傾返，終於明白之前嘅處理係有不足，我會去檢討……」

「『有不足』、『去檢討』？」阿琪好大反應，
「去到呢刻妳都係放唔低妳嘅陳腔濫調，妳真係覺得我哋仲可以傾落去？」

「咁你哋都係想我道歉啫？」張議員開始忍唔住，
「好……為咗大局我道歉，咁得未？」

「死性不改……」阿琪搖搖頭。

「算喇唔好再嘈，」羽姬捉住阿琪隻手，再望向張議員度，「咁妳想傾啲咩？」

「當然係一陣落機之後應該點做！」張議員理所當然咁講，
「我諗你哋都唔想再重複桃園機場嘅情況……」

「咪住先，」軒少打斷佢，「你哋真係諗住去拎個乜鬼睇屎病毒？」

「啟示病毒。」Lincoln矯正佢。

「咩都好啦，就算個八婆講嘅嘢全部都係真，成件事都冇道理可言……
玩完我哋仲想當我哋係狗咁幫佢哋手？仲有，佢自己有口講㗎，
嗰目的地係比起頭先可怕十倍。我哋冇武器喺手，根本就係死路一條……」

雖然聽落完全係懦夫嘅表現，但佢講嘅嘢並唔係冇道理。
若果等著我哋嘅係比掠奪者可怕十倍嘅情況，手無寸鐵嘅我哋又可以做到啲咩？

或者，終歸只係早死同埋遲死嘅分別。

「但如果我哋成功，就可能有機會救返哂其他人……」羽姬講。

「問題係我哋唔知佢哋拎完個病毒之後會點處理。」Lincoln接著講，
「萬一係最壞嘅情況，帶返出去外界感染其他人，咁我哋咪做咗幫兇？」

「呢點我唔理喇！」軒少回應，「我哋連自己都未顧得掂，仲點理其他嘢？！」

「咁你覺得應該點做？」老陶問。

「點都去試下搶個飛機返嚟！我就唔信真係冇可能飛返去香港！」

「我原本都有咁諗過，但唯一識揸飛機嘅人已經死咗。」羽姬講。

「只要入到駕駛艙，就一定有辦法㗎啦！」

「停一停先！」張議員剎停佢哋，「不如先聽下我哋三個嘅諗法先？」

見冇人再插嘴，張議員佢繼續講落去：「我哋都認為，留喺機艙裡面係比較安全……」

「真係安全嘞。」阿琪嗤之以鼻。

「但都唔代表咩都唔做，所以我哋建議呢度嘅人分做兩三組，
輪流出去觀察同探索外面嘅情況。咁做至少可以防止一樣嘢……就係全軍覆沒。」

講到呢度，我開始感覺到飛機有往下飛嘅跡象，廣播隨即響起……

──各位，我哋馬上就要降落喇。

(待續)

咁快又追曬

最後一笑

開始更緊張
終於要降落

忍左兩個月 一晚又清哂d文

太少

今集咁少既?

推

追文

文呢

男聲只係講咗句就冇講落去，大概用意係想我哋做好準備，不論身理定心理。

「我哋要搵地方坐低綁好安全帶。」我開聲同大家講，
「萬一降落嘅時候震得勁就可能有危險……」

「但座椅上面仲有其他人喺度……」羽姬垂低頭望咗眼。

「抬走佢。」我回應，並指向前面嘅鄉音阿叔，「嗰位阿叔已經示範過。
為咗安全只可以咁做……我哋已經冇得退返去經濟艙。」

「你哋慢慢，」軒少動身向前行，「前面有空姐專用嘅座椅……」

「數量應該唔多……與其行過去，倒不如抬走旁邊嘅人。」我再講。

「百無禁忌、見怪不怪……請一定要原諒小弟。」老陶合埋掌低聲講咗幾句之後，
就將旁邊座椅上面嘅中年男人屍體抬走，安放喺地上面。

我就揀咗旁邊嘅另一個滿臉鬍鬚嘅男人，將佢抬落地之後。
原先仲諗緊洗唔洗幫羽姬佢哋，但擔心睇嚟係多餘，佢哋已經順利克服難關。

將屍體抬離座椅之後，我哋幾個人並冇即時坐低，因為頭先嘅討論仲未完結。

「各位……聽完成個建議，你哋有咩諗法？」張議員問。

「頭先Fiona話我哋要合作。」羽姬回應，「如果分開行動……」

「只要我哋有共識咁做，其實都叫做合作呀？」阿響回應。
「唔通一齊出去一齊死先叫做合作咩？」

「冇錯喇！」張議員點頭同意。

「其實我係同意咁做。」我開聲，「分組行動呢個做法係有佢嘅意義……
問題係出去嘅先後次序。我諗大家都心裡有數，
行先面對嘅風險一定係最大，因為後者絕對係可以根據情況反悔唔出去。」

「冇人會否認呢點。」阿響回應，
「所以當然希望有人會自願出去，如果唔係就唯有抽籤……」

「唔好講笑喇！」坐喺前排嘅軒少大聲講，「你哋有睇戲都知，
抽籤一定會有人出古惑，我係點都唔會同你哋癲！」

「講得啱！」鄉音阿叔和應，「你哋想出就出撚飽佢，
我就死都要坐喺度，睇下班人仲可以搞出咩花樣！」

「如果係咁就只係得返八個人。」老陶開聲講。

「八個人已經夠分三組。你哋兩個男人一組、」張議員先指向我同老陶，
再指向羽姬佢哋，「然後三個後生嘅一組，最後係我哋三個。」

講到呢度，飛機突然有向左轉嘅跡象，佢急急坐返低，「而家差在係決定邊組出去……」

「Rex，」就喺下一刻，老陶壓低聲同我講，
「我係冇所謂，只係睇你……」

正如我頭先所講，出先面對嘅風險一定係最大。只要搵到一個公平嘅做法，
其實抽籤係可以接受，情況就好似頭先擲銀咁交俾上天決定……

「唔好煩喇！我哋三個出去先。」意外嘅係，阿琪竟然開聲咁講。

我即刻轉身望過去，睇嚟羽姬同Lincoln都係同意阿琪呢個決定。

「之前我哋一直處於被動係咁捱打，難得好似有轉機，
無理由喺度猶豫不決……」阿琪繼續講落去。「但我哋咁做絕對唔係偉大，
只係想同大家講……唔好再互相猜忌，相信在座嘅任何一個人……
假如Touchwood我哋真係出事，就要靠你哋繼續落去。」

「講得好。」老陶聽完之後忍唔住拍咗兩下手，但見冇人和應就冇再拍落去。

就喺下一瞬間，艙入面嘅燈突然眨咗一下，飛機亦都好明顯咁斜往下飛。
因為兩三個鐘之前已經經歷過一次，所以好清楚距離正式降落嘅一刻已經唔遠。

見狀，我哋幾個人都即刻坐返低，扣起安全帶。諗返起確實幾悲哀，
自己首次嘅商務艙經驗竟然係喺呢個情況發生……

到底今次降落之後我哋會面對啲咩？分組行動呢個決定係咪正確？
假設最後真係成功搵到病毒，又係咪真係可以打破成個詛咒？

由得羽姬佢哋三個去面對，坐喺安全地方等待結果……又係咪可以面對自己嘅良心？

碰！

就喺飛機接觸地面嘅一刻，艙內燈同一時間熄哂。雖然係夜晚，
但透過飛機窗可以見到外面係有燈光，
情況同嗰陣嘅「桃園機場」差唔多，差在係冇落到大雨……

「嘩！？」

飛機剎停聲中忽然夾雜咗一下叫聲，我都未意識到咩事，
身邊突然閃出一個黑色身影……
唔係有人走過，而係我頭先抬落地嗰具男性屍體……

呢刻佢居然撐返返身，仲轉過頭睜大雙眼望住我。

（待續）

暫定星期五

咁快又完了

好緊張

推

好緊湊呀