【絕無轉機】我坐上咗一架盛載住絕望嘅航班。（2）

加速加速

live咗

第一次係無默媽個故留名

加速

留名 加速

推

聽日出

聽日出

12.


到底，係邊個用緊飛機嘅椅背電視發訊息俾我哋？
機師？剛才嗰位黑袍人？前面嘅乘客？抑或係外界人士？

「悲劇？決定眾人的生死……？」Kathy重複螢幕入面嘅文字，「……係咩意思？」

我搖搖頭表示不解，靜待螢幕再一次起變化。
然而等咗成分鐘都係冇變到……我同Kathy不禁面面相覷。

「我諗係機師嘅機會好大。」我壓低聲同Kathy講。

「如果係咁，佢咪知道我想……」Kathy講到中途停咗，因為注意到螢幕終於有變化。

【你們錯了。我並不是機師，也不是這架機上的任何一個人。】

我大感錯愕。明明頭先已經將說話壓到最細聲，
點解對方仲係會聽到？唔通我哋身上有偷聽器？係嘅話又係幾時裝上去？

「咁你到底係咩人？」Kathy忍唔住問。

【老實說，我不知道應該怎樣解釋。也許比起「人」，我更像一個意識。】

「……意識？」

【一個為絕望的乘客們提供「機會」的意識。】

我又開始頭痛起嚟。但其實更荒謬嘅事情都已經喺「桃園機場」發生咗，呢下應該係見怪不怪先係。

「係點樣嘅機會？」我問，「係咪只要達成到就可以擺脫呢一切，返番去香港？」

【這點無法保證，但至少有機會保住性命。」

「咁即係點？」我盡量保持耐性。「你可唔可以講清楚少少？」

【看清楚了。由乘客們甦醒那刻開始計算，大約半個小時之後，
這裡將會再次發生悲劇。在這之前，你們需要作出一個抉擇。】

Kathy係好認真咁睇，相對我就時不時分心注意下其他乘客，睇下當中會唔會有人係扮緊昏迷。

有文！！！！

正

屌 個人頭嚇撚到我