326 Like
26 Dislike
愛德華巧克力
2017-02-03 01:24:58
Mamafker
2017-02-03 12:06:48
今次仆街鳥
2017-02-03 16:32:52
就快天黑啦
B747-400
2017-02-03 21:49:46
文
黑絲飛毛腿
2017-02-03 23:07:54
種伏
2017-02-03 23:33:01
文呢
有心無默
2017-02-04 00:00:56
16.
「Rex,我有冇聽錯……佢係咪講緊『病毒』?」
「冇,佢的確係咁講……」我回答老陶,「啟示病毒。」
雖然我聽得清楚Fiona所講嘅嘢,但實際上係完全冇辦法理解。
之前發生嘅一連串事件,點解會同「病毒」扯上關係?
無論點諗都係諗唔通。
「妳嘅意思……即係我哋所有人都受到病毒影響?
見到嘅嘢都只係幻覺?」張議員問,並指向其中一位死咗嘅商務艙乘客,
「佢哋……都係因為吸咗呢個病毒而死?」
──若果架機裡面已經有病毒,咁又有乜必要叫你哋幫手去「目的地」搵返嚟?
「點知呀?可能入面包埋疫苗呢!?」張議員死不服輸。
──張議員,既然妳個人係冇乜分析能力。
我會勸妳講少啲嘢,唔係真係會幾影響到其他人。
「妳……」
「妳話我哋冇其他選擇,」我打斷咗張議員,「
老實講咁樣都係說服唔到我哋……因為你哋嘅信譽基本上已經破哂產。」
「冇錯。」Kathy同意,「最起馬,妳係應該詳細交代返整件事,再等我哋去判斷。」
「來龍去脈!」阿琪強調,
「唔係頭先嗰種根本冇人聽得明嘅所謂解釋!」
短暫嘅沉默,原先仲以為Fiona放棄唔講落去,
但幾秒之後佢就現真身出現喺我哋面前。
呢刻嘅佢已經換走咗套空姐裝,轉為一身方便行動嘅黑色服裝。
「唔知你哋有冇聽過一套講法。大意係話高山、大海、
唔同嘅人種、語言、宗教、文化……
全部都係某個『神』用嚟阻礙全人類成為『一體』
。因為人類係一種低下嘅生物,
成為『一體』之後並唔會向好嘅方向發展,反而係會步向衰亡。」
雖然距離有啲遠,但喺呢個位置已經可以見到佢腰間掛住咗一把槍,今次明顯係有備而嚟。
有心無默
2017-02-04 00:01:41
「但人類喺千年嘅進化過程慢慢克服咗大部份嘅阻礙。
而『飛機』呢樣嘢出現,直程可以話係將人類連成一線,
能夠暢通無阻咁去到世界任何一個角落,同任何一個人交流,
距離『一體』──滅亡嘅日子已經越嚟越近。」
講到呢度,佢拎出咗一本非常殘舊嘅書。
「直到大約二十三年,有一位『神』嘅崇拜者,
佢好想可以繼承『神』嘅意志,阻止人類成為『一體』。
無奈能力有限,只可以利用一個當時係有缺憾嘅儀式,
落咗一個詛咒……一個凡係坐飛機嘅人都可能面對嘅詛咒。」
Fiona提起右手揮一揮,「就係你哋而家所面對緊嘅嘢。
喺飛機上面會不斷有可怕嘅事發生,就算落機,等緊你哋嘅亦都只係一個『絕望鄉』。」
「你咁講……」我諗返起頭先喺桃園機場經歷嘅一切,「即係呢種事已經發生咗唔只一次?」
「當然唔只。絕大部份已知仲有好多未曾公布嘅飛機意外,
都係因為呢個詛咒而引起。但外界嘅人係永遠都唔會知道,
除咗有權勢嘅人刻意隱瞞,最主要係因為受到呢個詛咒影響嘅乘客,
直到而家都冇一個人可以成功返番出去。」
「到底個崇拜者點解要咁做……?」Kathy問。
「搞咁多飛機意外,就真係可以阻止到人類……步向一體咩?」
「咪係囉?」老陶接著講,「雖然唔敢講係變好,
但至少呢幾十年各國嘅關係都冇差到,而且社會都係一直進步緊……」
「崇拜者想要嘅唔係『意外』。佢要嘅係整個過程中乘客嘅互不信任,
紛爭同埋絕望感。呢幾樣嘢……正正就係『啟示病毒』嘅原材料,
分別代表住毒性、散播性同致命性。」
講到呢度,終於又拉返去最原先嘅主題……病毒。
「既然個病毒係咁可怕……妳仲叫我哋幫妳搵?」阿響難以置信咁問。
「如果你頭先有聽清楚我講,個病毒係裝喺一個盒裡面。
嗰個盒除咗可以防止洩漏,亦都有另外一個功能……
就係打破整個詛咒,只要成功做到,所有受到詛咒影響嘅人都有機會返番去現實世界。」
有心無默
2017-02-04 00:02:06
「所有……係咪包括已經死咗嘅人?」阿琪問。
「呢點就真係冇辦法肯定。」Fiona回答。
「但點解佢要咁做?」Lincoln問,「咁唔係同佢當初嘅想法自相矛盾咩?」
「呢個係崇拜者嘅一個賭博。如果真係有一班人,
可以擺低成見互相合作,然後搵到個病毒。
咁就代表『神』同埋佢嘅理念都係錯,人類係應該步向一體。
但若果相反,最後都冇人成功做到嘅話……呢個病毒就會摧毀一齊,
將人類嘅歷史由零從頭開始。」
Fiona講到呢度就冇再講落去,亦都冇其他人提出疑問,整個客艙一遍死寂……
「代價、犧牲……」終於由Kathy打破沉默,
「既然講到最尾係要我哋合作,點解當初妳要煽風點火分化我哋?」
「因為所有嘢都係相對……冇犧牲就唔會有成功、冇絕望就唔會有希望……」
「……冇危機,又點會有轉機?」
(待續)
有心無默
2017-02-04 00:02:17
出住半集
黑椒牛丸河
2017-02-04 00:05:12
HomeLess
2017-02-04 00:37:52
Mamafker
2017-02-04 01:18:30
愛德華巧克力
2017-02-04 03:09:32
呢話好有feel
期待之後故事發展
于晏女友
2017-02-04 08:11:05
咁仲有半集呢
Lemontree
2017-02-04 10:42:44
點算呀
2017-02-04 13:10:39
好想奶fiona對黑絲腳
好想奶無默媽隻腳
有心無默
2017-02-04 15:12:04
好想奶fiona對黑絲腳
好想奶無默媽隻腳
重口味
幾何漢界
2017-02-04 16:03:05
呢下轉身好突然
有返啲期待
btw無點巴
個故去左40%未?