【絕無轉機】我坐上咗一架盛載住絕望嘅航班。（2）

出文慢到出新一集已經唔記得上一集講咩

Btw 好撚正

係飛機 仲諗住有新一篇睇

好好睇但太早live左…

輕輕推一下

好緊張

聽日出呀～

支持

聽日出呀～

留名

聽日出呀～

聽日出呀～

點解要咁慢

平日唔出文架，應該星期五六日先會出文

忙住搞電影搞實體書嘛，得閒先嚟出少少。

有少少鐘意左樓主 ..

10.

「犧牲？妳到底講緊啲咩……」

我諗呢刻，應該所有人都係對空姐Fiona呢段「廣播」感到非常困惑。
我並唔係另外，只係同一時間醒起另一件事──嗰陣嘅偷笑果然唔係錯覺，而係真有其事……

「哦……我明喇！」張議員行出走廊舉起手指住Fiona，
「妳同機場班恐怖份子係同黨……頭先出聲嗰個男人都係！」

我注意到阿彤聽完即刻嚇到掩住嘴，軒少即成個人震一震。

「……妳而家閂埋艙門就係想殺死我哋！呢度一定仲有你哋嘅人！」

張議員一講完即刻同周圍嘅人保持距離，
就好似隨時都會有人發難拎起把刀攻擊佢一樣。

面對張議員嘅指控，Fiona先係微微一笑，然後繼續用廣播器回應：
「原來而家嘅議員係呢啲質素，唔怪得社會狀況會變得越來越差。」

「妳……」張議員聽完相當憤怒。

「若果我同出面班『掠奪者』係同一伙，咁我點解唔一早閂門？
留你哋喺外面俾佢哋殺咪仲簡單？」

雖然係咁回應，但既然佢講得出「掠奪者」三個字，就算唔係同黨，
都肯定係知道一啲內情。

「咁可能係妳會令到我哋懷疑，」Fred打斷佢，「我一直都覺得好奇怪，
點解妳好似完全冇意欲趕我哋落機，根本唔似一般空姐所為……」

「奇怪嘅地方唔只呢樣。」老陶接著講，同時指住艙門，
「頭先飛機一降落嘅時候我已經覺得古怪。我搭咗咁多次飛機，
好少會見用到後面嘅艙門，多數係用機頭嗰個……
俾我感覺就好似係唔想俾我哋行前面咁。」

原來頭先老陶會有呢個反應係因為注意到呢樣嘢……

「……而且前面艙亦都一直冇人行過嚟，咁佢哋到底係點落機？抑或……
已經發生咗咩事所以落唔到機？」

「仲講咁多廢話！？」張議員大嗌，「你哋仲唔趁呢個機會捉住佢！？」

聞言，最接近Fiona嘅老陶同Fred都顯得有少少不知所措。可能見對方係女人，
手上只係拎住廣播器，又未百份百肯定對方真係壞人，所以落手嘅理據非常薄弱。

留名

真係太慢