異形：羅穆盧斯 Alien: Romulus 劇透討論區 (3)

所以其實隻貓先係最終奸角

點解啲新種每次都冇唔講下同傳統版本邊隻好打啲

早幾日睇完
呢套異形值得入imax睇嘅

最推崇嘅係呢套異形用番原始特效
盡量唔用CGI 畫嗰種特效
一開場隻太空飛船係用大模型嚟拍
個質感係真實好多
之後抱面蟲嗰同異形全部都係用模形拍攝

另外個美術風格都做得好好
好有80年代嗰種sci fi 感覺
低像數電腦mon
按鈕全部都係實體掣等


有興趣可以睇下bts:

https://youtu.be/le3QgGVUNks?si=MwND7zP4NxdAxHSx

幾好睇 好似第一集既感覺
玩埋黑水

導演話隻野會成長到更似異形為目標
我諗已經解答左問題

得Neomorph唔殺佢同疑似溝通到
但異形Xenomorph 已經喺聖約到暗示咗會殺生化人，因為佢打爆咗個鏡頭，比neomorph更有攻擊性
加上A2 Bishop主教都被異形皇后分屍
AR Andy發羊吊所以隻異形冇搞去真係好彩
應該同啲動物一樣，見到獵物詐死或者有病就唔會掂

我諗所有異形類生物，都係向緊同一個最終目標進化

今晚三刷，最後一刷
唔知下集異形又等幾耐
入戲院睇異形，真係有今生冇來世

Rain：成船人死哂我大把fuel用
計劃通

呢個係我唔鍾意neom 嘅原因…因為以前ripley都講唔可以當異形係狗仔咁可以訓練佢。但neom會聽david 講嘢（至少唔會攻擊佢）感覺有啲怪…
我覺得異形都係一係搵「食物」一係搵宿主。所以見到生物一係捉一係殺。如果太弱（重傷就死）可能直頭唔會理

兩條女訪問look都幾正

最搞笑係其實成個計劃本身唔需要Rain, 只係需要Andy. 但最後得佢一個無事
套用A1隻貓嘅理論，可能Rain先係幕後黑手

點會唔理
殺得既佢都殺

兜兜轉轉變異玩分支
其實Xenomorph 已經係進化終點

我同意呢個諗法

女版既雅各

前2日睇左imax

系列傳統一開始係太空+冇聲係大銀幕睇真係好正

4dx 會唔會振到癲

因為邊隻好打從來都唔係異形主軸好打過人就得

遲啲會唔會異形伸口殺d角色
張凳真係隊把刀落觀眾度

異形既恐怖從來唔係有幾好打
係頑強生命力

男主答的

原本諗住等iTunes Apple tv 之類
最後忍唔住入戲院睇 無後悔

三刷後發現，光頭妹同MK仔應該係情侶，但屌咗自己個表妹大埋肚。MK仔同光頭妹起飛之後有頭貼頭。淫kay去廁所嘔，個光頭妹立即黑面落去睇冷涷倉，完全唔想理佢。光頭妹之後中咗蟲，Mk仔係捉實光頭妹隻手唔放。MK仔為咗一皇兩后，放棄表哥同Rain。

淫K應該係MK仔死父母之後，因為同情及安慰MK仔而獻身，所以佢係全首船唯一一個向Rain幫Mk仔講好說話嘅人

MK仔被困，光頭妹馬上去救人，當然唔代表咩，可以話唔想Rain一個人去。

仲有淫K講老豆係仆街個陣係淫笑，根本老豆就喺船上，講個仔可以喺新星球出世就開口笑。真心幾好演技。

原來想電想殺異形係因為為大婆報仇同保護二奶同BB，成件事就變得好合理咁衝動。

另外，Rook一開始係故意挑撥MK仔同Andy，仲叫Andy一定要救人類，但目的係令MK仔帶著光頭妹同異形胚胎跑上船，咁就可以完成任務，真係好賤格，但我鐘意。

明明就係佢故意令Andy三人滯留，但衰咗先B計劃，叫Andy三人幫佢拎黑水。之後，淫K同黑水上咗船，為咗馬上開船確保冇意外，就唔開閘俾Andy同Rain走。講仆街真係盡得大衛真傳。

收得好, 即係會拍下集, 有機會link 返去普同A1

升空個下真係Chock到好似升緊空，上到太空有突然之間一下靜止曬，個種對比係特別震撼
仲有撞船個啲位，真係好似撞緊船
總之就真係有今生無來世