異形：羅穆盧斯 Alien: Romulus 劇透討論區 (3)

一出場真心o左
發自內心感到隻野核突同不安

唔知啲人當年第一次見到xenomorph係咩感受

果隻最後打燈有d位好似人
大眼萌

被異形捉咗嗰班人係咪第一集嗰班嚟，有冇人認到啲樣

如果馴服到人類異形
真係真真正正既戰爭機器

所以其實好想知大衛最後點
好多位都顯示異形係好聰明
人類冇人教咪又係猩猩
原始部落都係見人就殺 有d會食人
但佢地生來其實都係智人

睇完，普普通通。我睇咗個異形故事，但唔緊張，唔刺激。佢建立咗一啲理應緊張既橋段，但拍出黎唔緊張。例如控制體溫穿過一堆抱臉虫嗰段，仲有異形喺巨形升降機槽嗰段，仲有，倒數撞行星時間因為軌跡偏移突然快咗，理論上要緊張，但出黎既效果完全唔緊張。有創意就係無重狀態開槍嗰段。

睇完，覺得普普通通唔係差但冇預期咁好
感覺上好似比舊作「遷就」左好多，冇咁多驚嚇同血腥位
好多本身諗住會爆哂血既鏡頭最後都係暗而短/冇直接影住

而主角個plot armor太屈機，異形比太多時間佢逃走/比人救
呢D位多一兩次就會覺得好出戲，變相個刺激感又少左
但明明前面某D位build up得幾好，愈後就愈覺得有主角威能而唔洗驚
不過最終boss係恐怖既，而且睇到套戲致敬左好多野

睇完再睇返1 2 集，第2集真係好經典，呢集電影係中間，自己睇會好留意科技設備位，都唔錯既，主角們衣著打扮上都係太潮，冇80年代感

覺得第4集果隻核突d

睇到20世紀無左霍士......DISNEYLAND遲早有異形戰場

打亂種專殺老母

想問下deacon既後續係咪得漫畫有提

套戲第二週票房好似麻麻地
希望好啲啦 如果唔係下集唔知會搞成點

IMAX版海報麻麻地靚 異形掤牙都唔齊
異形掤牙係齊到可以拍牙科cool牙廣告
最靚都係全黑流口水海報靚啲

屌，唔講唔覺

反而想佢地拍番執事異型同工程師復制神血變黑水個故

啱啱睇完，幾有趣
描寫理性同感情既衝突同上下關係做得幾好

Bjorn做事完全係感情主導，係咁做戇鳩野，結果就搞到仆街冚家鏟
Andy到中間變左完全係理性主導，永遠做到準確判斷但就無左人性，只係一個跟指令做野既機械人

整體黎講都係出色既電影，值得入場睇

今集好生化人同壞生化人太明顯，插左卡就係壞，冇插卡就係好冇左alien 系列生化人未去到最後一刻你都唔知佢有冇hidden missions 呢個twist不過Andy 係幾好戲

始終Andy係一個「次貨」，俾女主角老豆執咗來自用，一路陪女主角成長， 又好難講到十幾年之後原來有隱藏任務呢。所以我又覺得換塊chip令andy變奸會好啲。即係少少似肉體不變但個「靈魂」可以不同。不過我都覺得andy幾好戲，有時都唔知佢係正定邪

Andy變做理性嗰樣都係好無辜
同埋佢同Rain講
佢會帶住人造黑星返積臣星完成任務
咁Rain同Tyler就可以去Yvaga
雖然佢被寫上新mission要為公司尋求最大利益
但其實佢同時有為Rain尋求最大利益

其實可以cut 走左ash 同andy 講以weyland 公司利益為核心個段先

之後andy (upgraded) 扮返一開始個次貨andy, 去到最後搭𨋢比alien 埋伏個時就陰9 女主拎黑水搭𨋢走人之後先加返段ash 同andy 講以weyland 公司利益為核心

不過好似alien 4有段差唔多

其實有既
一直都有個衝突位係女主帶唔到佢去個太陽星球
因為怕犯法
Andy打生打死都係為他人作嫁衣，辛苦完返積臣星
就算係善良andy都好唔開心既，呢個位有啲反水既動機

你有無睇清楚
佢比改寫個programme 既時候係寫住additional mission for company
所以本身對rain 尋求最大利益係無over write 到