異形：羅穆盧斯 Alien: Romulus 劇透討論區 (3)

https://youtu.be/Sk4yevmerNg?si=ZFOViO0lB2IWziCq

講得幾好 中哂point 就係鐘意爽片打鬥會鐘意 真實驚慄張力唔夠

有無人知聖約個ending點駁返落A1?
A1係工程師隻船有上百粒蛋
但聖約David唔係屠殺晒工程師咩？
仲有David最後係係騎劫人類飛船整蛋同異形
點解工程師又會拎到蛋？仲擺喺駕駛艙？

https://www.youtube.com/watch?v=MfwFBmxUZ6Y&lc=Ugx6_cc1eMCqzaVL0nN4AaABAg.A7MsHd3HMxFA7Myh8th0p6
呢條友我有睇,仲有part 2吖嘛
條友主觀到爆喎老友, 佢唔鍾意既部分就話人地犯駁

識貨
尤其睇到其他系列玩爛哂,我覺得呢套真係算係咁

睇下諗住閂門走定點,但異形都識爬風槽, 所以當時黎講其實條ON9電成長中既破胸體錯唔哂, 得呢個機會殺佢,殺唔到又論論盡盡俾強酸腐蝕就怪佢當初自把自為搞到炒船, 抵佢死

聖約照計未駁到A1住,起碼都仲有一集先得
聖約工程師船本身只有黑水樽, DAVID滅人族個時高空放落去個d,先係工程師既野, LV426船上面個堆蛋就目前黎睇應該係DAVID研發出黎先啱,唔係工程師放既

因為本來仲有一套電影會拍，但聖約唔收得所以冇拍到，話咩講啲工程師番番去普個星球到（就係A1個星球），然後唔知話咩要搶番啲黑水定點。其實佢唔拍真係好啲，聖約成套片都弱智咁，仲要搞到異型成個cheap晒，成個系列已經由異型偏離左去其他野到

size 唔同，
舉例，同樣係麻醉藥，人嘅份量打落老鼠會死，打落大象會冇反應
大肚婆其實唔係冇反應，啲奶已經變黑色，但未完全異變已經死咗

唔係呀，我理解唔係咁
普羅有講一堆工程師死屍全部都係爆晒肚
普羅個星有一排工程師飛船
大衛同Shaw離開係開另一隻工程師飛船
LV426個艘船，應該係2000年前普羅個星爆發異形疫情時，有工程師想撤離逃走，但自己已經受感染，飛飛下爆肚，炒落LV426，之後隻嘢再生蛋
只係大衛、shaw好彩冇遇到異形，因為異形巢同蛋喺另一個不知明地方，因為異形會選擇喺特殊地點築巢

聖約個啲唔係工程師，佢哋個星冇其他飛船，所以大衛同Shaw被困
聖約嘅外星人只係同人類一樣，係工程師嘅創作品及子民，但佢哋係成功品好似Walter 咁謙卑順服，但人類就同David一樣反叛自大，人類喺2000年前殺死咗工程師創造嘅耶穌
David只係recreation異形，冇工程師或者人類活體做唔到完美嘅黑色異形
普羅入面有講到，成堆工程師死屍全部都有爆肚
，本身已經有異形，但異形築巢會選擇喺特別地點，會選擇有熱力嘅地底機房聚居，所以普羅隊人好彩冇遇到
普羅入面啲壁畫同個金字塔頂石像都係異型，本身工程師利用異型提鍊黑水，用嚟改做生命，令生命進化，但overdose可以毀滅生命，黑水炸彈=聖經大洪水
A1隻工程師太空船船係2000年前，普羅星球爆異形瘟疫，有工程師想逃亡，點知已經受感染，自炒落LV426星，發警告訊息叫其他工程師唔好嚟，之後爆肚隻異形匿喺船倉底生蛋

變形中醫

唔係呀，普聖呢個前傳系列就係講啲蛋係david整出黎，david之前係冇蛋，啲工程師係一接觸到啲黑水物質就會全身爛晒咁死，所以點解啲fans好唔鐘意呢個前傳，就係佢地接受唔到異型係人整出黎，而唔係真正黎自外太空

至少異形仲堅持到無reboot 同認可返大部分設定
黑水 工程師 對個世界觀完整性實在太撚緊要
無左呢啲野包住 異形只係一套普通嘅怪物片

導演從來無承認過個個係工程師母星

你就真係唔識睇
我敢講聖約異形個設定同表現力一定係歷代最強
槍只可以傷 但唔會射得死
可以短時間忍受引擎高溫
肢體碎片仲可以再生

你可以話班人類弱智 係無錯
但成個世界觀根本無偏離到 甚至可以話更加貼合到HR Giger 個堆同異形相關嘅original art works

黑水overdose先全身爛
細劑量係進化（異化）,即係 Holloway 同Fifield
普羅有講一堆工程師死屍全部都係爆晒肚
我尋晚先翻睇完
個石蓋屋頂同壁畫都係異形
David嘅研究只係recreation
最初搵到黑水係工程師嘅聖殿/教堂, 黑水樽係祭品，故意模仿異形蛋嘅列陣，黑水=神話嘅長生不老藥/神啲食物，神（工程師）先食用得，人類想追求但食完會死
工程自己都用黑水令自己進化
不如你睇完我段嘢再翻睇一次，咪可以驗證囉

我成日覺得lv426 本身應該有一隻deacon 係到
係個space rider 到爆出嚟
應該唔係淨係得蛋

唔係我想反駁你既意見，只係普個導演講到明係david整佢地出黎

聖約隻B一爆肚就有晒手手腳腳，唔係一條蟲

我有睇過個訪問報導，其實可圈可點，模稜兩可，聖約嘅異形係David整出嚟
但佢冇講過話工程師唔識整異形，或者工程師之前異形唔存在

話晒第一隻都係David 用左咁多時間心機同星球上嘅生命慢慢tune出嚟嘅傑作，成品一定係好撚精美

意外爆出嚟同量產出嚟個啲一定無得比

應該石化冬眠緊，好似Romulus咁

原始異形deacon 本來就存在
而家係工程師同David 想重造返佢出嚟
唔係創造

後來嘅人類同異形可以視為衍生產品

我所指既cheap係佢將異型呢個好神秘令人好驚既外星生物寫做只係人類手下整出黎既實驗品，全完冇左佢果種外星生體既未知性同恐懼感，變左純粹係啲lab rat咁樣