【金剛圈】《病港ＩＩ》（７７）

Terminator

兩害取其輕？

咁靜嘅推下先

我猛地轉身，捉住揮來的快拳。

對方身穿灰色的長袖連衣帽、黑色運動長褲和輕便跑鞋，一副典型運動人風穿搭，但最令我震驚是他的臉孔。

他是……

「小林曾！？」我說出他的名字。

他是北部都會區的明星拳手，最擅長的是降服技，唯一可以克制到我的技巧。

小林曾發出「唔？」的一聲，對我並不認識，因為我作為亞貢的時候，不是現在這個樣子。

不過他好端端在北部都會區，怎會來到大學倖存區？

小林曾沒有猶豫太多，緊接揮出左勾拳，我墊步退後，他再躍前打出直拳。

我推掌橫出將小林曾的右前臂推開，他隨即縮手擺出防禦姿態。

「我唔識你依種孌童癖。」小林曾保持小跳步。

「孌童癖？係咪有誤會。」

小林曾盯向地上的玫瑰花：「放心，一開始無人會認，但好快你會求饒……認錯……悔改……」

話畢，小林曾衝上前，以臀部滑坐到我面前，雙腿成鉗型想要對我執行降服技！

我曾在擂台上領教過，自然不會讓他得手。

面對兩隻腳像鉗子包圍，迴避是不明智的選擇。

於是我正面朝他身上快步踏過，迫使他要雙手護著胸頭，攻擊要轉為防禦。

趁他未起身之際，我扭身抽腳一踢，小林曾用三角肌位置護住頭部，卻依舊被強大的力度踢入青蛙池到。

「嘭──」

「咳……嗄……」小林曾渾身濕透，狼狽不堪。

他很快再度站起擺出格鬥的姿勢，口裡吐出落水時意外吞入的青蛙。

「你係咪筆友平台識咗個人？我係幫某條友同對方見面，佢唔知對方係咪想傷害佢嘅人，你口中講嘅孌童癖可能係佢。」我指向委託人藏身觀察的位置，但他早已消失不見，看來跑路了。

「……」小林曾朝我指的方向一瞥，不見有人。

「啊，睇嚟佢走咗。」

「我喺嗰個筆友平台假扮八歲細路女，就係為咗引出依種變態出嚟執行正義。」小林曾說出打人的動機。

「咁睇嚟我同你只係誤會。」

小林曾雙手稍為垂下來：「我都信你係無辜，你依種人有咁嘅實力，都唔需要呃呃哄哄細路女，直接對佢哋落手就得……」

「你信我係無辜就好，但我都要澄清，我點都唔會對細路女有興趣。」

「點都好，頭先係我誤會你唔好意思。」小林曾馬上又擺出格鬥姿勢：「而依一刻起我係以格鬥家身份向你挑戰。」

「吓？」我愕住。

「唔需要多講，用拳頭說話！」小林曾跑出水池，對我施展連續快拳。

我擺出防禦姿態，收腹舉拳進行嚴密防守。

「呯呯呯呯呯呯呯」快拳如子彈猛轟。

小林曾壓身並伸展右臂抱摟向腰間，想要將我拉倒落地，我雙腳輕微弓步原地站穩，反為摟住小林曾的身軀，握著衣背用力提起整個人，然後提著他水平旋轉三個圈才鬆手，離心和慣性的驅使下他撞向路邊種植的一棵樹上。

「啊……噫……」小林曾第三次來襲，一上前就意圖利用摔角技扳倒我，再使出降服技制服，所以雙手不停向抓住我袍身想拉扯落地。

我沒讓他得逞，更以虎掌猛擊其胸口，再以三分力揮拳向頭，徹底打停他攻擊的欲望。

小林曾倒在地上，嘴角滲血卻滿足地微笑：「嘿……你係咪亞貢。」

「……」

目光不屈的小林曾指著我：「你肉體嘅強度我唔會認錯，而且你預測到哂我嘅降服技，只有交過戰先會咁清楚……所以你就係亞貢。」

「如果我認咗你就肯停手，咁我認。」

小林曾擦一擦嘴角的血就重新站起來：「啍，估唔到會喺到重遇你。」

「你咁遠水路嚟大學做咩？」

「我其實係跟一位老師傅嚟，想喺到建立降服技學會。」

「老師傅？」

「唔知你識唔識佢，中國古拳法嘅周師傅，佢以前喺北區都打過擂台。」

「你指周全瑞？」

「嗯，就係佢。」

「你係佢入門弟子？」他不是說沒有傳人嗎。

「唔係，只係佢年紀大，我尊敬長輩稱呼佢做老師傅。」

「你都幾得閒，特登扮細路女搵人出嚟打。」

「無計，依到嘅其他格鬥學會，唔知點解全部都禁止踢館，咁樣我又無辦法宣傳自己嘅降服技，唯有執行下正義，搵啲抵打嘅人出嚟打一身。」

「根據我經驗，喺大學創立社團唔易。」

「係……水電煤租金，樣樣都係錢，暫時我都只係租咗個雜物房當係社團，入面擺得一張櫈。」

「你喺北區都叫大富大貴，居然仲自願落嚟大學依到，而且我相信成個病港識得用降服技嘅唔夠五個人，更莫講話係點樣解鎖，算係你嘅搵食工具，教人唔怕蝕底？」

「我都唔可能打死一世拳，今日唔知聽日事，不如傳授出去仲有意義，反正其他人就算學得識，都唔會有我咁熟練……況且，最近北區有啲唔安定，落嚟大學比較好。」

「唔安定？」

「傳聞上面嘅倖存區，開始有刺客滲入緊北區，可能係因為打聽到錦綉王走咗？不過倖存區暫時係錦綉王個仔領導緊，明面上唔會有危險住，但我走定落嚟差唔多。」

「嗯……如果你有興趣嘅話，你社團有冇興趣加盟我旗下？」

「加盟？」

「病獵學會，專門研究對付病者嘅，你嘅格鬥技巧我覺得啱用，而且你唔需要俾任何費用，仲可以介紹成員上你嘅課堂。」

「……聽落我無拒絕嘅理由。」

「同意？」

「好，估唔到會喺到同你合作。」

我和小林曾互相握手，達成協議。

Rock哥

推推推

想睇M有戰友 咁耐以黎得幾個有組隊feel
少佐 滿天 病者之都個幾個 同達尼行地道潛入艾寶琳
病港二好似得雲尼
不過呢刻M已經太位高權重
一係獨行 一係帶頭落order

💪🏼💪🏼

推一推

推

你人在外國？

我親自出手下，馬上招攬到一位格鬥好手加盟。

說起來，與其讓別人脫離社團加入我們病獵學會，倒不如以加盟的方式，將對方整個社團收納旗下。

既可以保持對方社團的完整性，又不用對方作出取捨。

為介紹給博海德，我帶著小林曾到病獵學會的攤位，該攤位傳來著喋喋不休的爭論聲，原來是病者保護團體來找麻煩。像選舉常常看到的畫面，大家都不動手，但嘴上毫不留情，爭論是非對錯。

其實正常思維下，病獵學會的存在是不會有人反對，始終殺病者是件有益無害的事。可是給你找事的人，總會有地方找你錯處，妒嫉的人也會加一把口，最後就變成無意義的為反駁而反駁。

要應對這種情況，只有兩個方法。

一， 不理會對方。

對於勢力薄弱的人可以採取。

二， 不給自己辯護，拼命找出對方黑材料。

不斷地辯護，就是給對方不斷攻擊的機會。

想對付無賴，不耍無賴怎麼行。

「博海德。」我走到他旁邊。

「會長，依條友叫易寶錕，病者保護團體嘅行動負責人。」博海德給我說明。

「會長？原來你對上仲有個阿頭，戴面具係咪唔見得光。」易寶錕冷笑。

「你，係咪勾結病者。」我站到易寶錕面前，先給他扣頂大帽子。

「咩勾結病者，你亂講就有人信啊？」

「如果唔係點解要成立「病者保護團體」？」

「我哋嘅立場好清楚，唔會再重複，你要亂扣帽子我阻唔到你。」易寶錕聲音忽然高八度。

緊接著我不斷提出質疑，為何他們要成立病者保護團體，讓對方陷入辯護陷阱，無休止的審問式情況下，易寶錕有點忍受不住。

「各位！我哋唔好再同佢哋嘈，我哋喺到靜坐就得。」易寶錕原地坐下，他身後的成員跟著坐下。

後來我們明正言順叫維持治安的自衛隊人員強行驅逐他們，病者保護團體的人不願離開，便被人拖行離去。

解決鬧心的事，我才給博海德介紹：「博海德、劉吉介紹你哋，依位小林曾，今日會加盟我哋學會，佢好擅長格鬥技。」

「你好，我係博海德。」博海德跟小林曾握手。

「劉吉。」劉吉點個頭。

「只要你哋肯包食包住包伙食就得。」小林曾說。

「小問題，你係會長認證嘅教練，格鬥技應該好勁？」

「唔差。」小林曾側一側頭。

「劉吉，有嘢同你傾。」我示意去少人點的地方。

我們行到去攤位的後方，劉吉先開腔：「咩事？」

「我想搵隻病者出嚟，你以前捉過咁多病者應該有經驗。」

「要特登叫到我？咩病者……」

我把「冬眠者」的情報，全盤說給劉吉知道。

「喺大帽山有啲困難，嗰到面積唔細，仲要有毒霧籠罩……我哋首先可以用排除法，剔除冬眠者唔大機會出現嘅地方。首先係山上主要路段，嗰到不時有登山隊途經，如果冬眠者喺嗰到一早俾人發現。其二係陽光普照嘅地方，根據我經驗病者都鍾情潮濕陰暗嘅地方，嗰啲地方最容易滋生細菌。三，空氣質素監測儀，大學工程部門應該會有，霧越濃嘅地方就越有可能係發源地，即係冬眠者嘅藏身地。」劉吉果然是專業的，冬眠者立時變得有跡可尋。

「我應該聽日會上山。」

「要同你一齊？」

「唔洗，幫我準備裝備就夠。」

「聽日喺學會等。」

第二天我到病獵學會時候，劉吉已準備好一切裝備，包括吉利服、防毒面具、空氣質素監測儀、複合弓和箭袋。

吉利服用真實的綠草編織製作，為免毒霧會滲入皮膚，我額外用繃帶繞纏全身，防毒面具其實並不需要，我的鳥嘴面具本身就有特別製作，含有過濾的功能，但照樣戴上也無況。空氣質素監測儀就是電視遙控器大小的東西，是大學電子工程部旗下的產物，劉吉臨時向他們租借。

複合弓拿上手很輕，箭矢合共二十枝，不過能否摧毀到冬眠者肉體不清楚，畢竟其軀幹肌肉發達得能進行壓縮膨脹，按常理應該要靠槍械才打得穿身體。不過弓箭是病港最常見的武器，方便安全可靠，帶上山也沒所謂。

萬事俱備，我便正式踏出倖存區往西面出發。

前往大帽山前，得先穿越大埔滘。

全條山徑幾乎接觸不到陽光，頭頂上的高樹繁葉像傘子隔絕光線。會離開大學倖存區的人多是為了貿易，他們好早就實施了最低限度的自給自早，不太需要依賴外來物。

中間我到了一個名為「打鐵岃」的聚居地，那裡是四面環林的村屋區，有著少數人在當地居住，經山林外出的大學人都會當成休息的驛站。

為免惹上事端，我直行直過。

到了燕岩頂，離遠看向大帽山頂，已見陣陣迷霧深鎖。

哪怕烈日當空，不祥凍霧仍縈迴山頭。

當我踏入大帽山的區域，開始換上防毒面具，並拿出空氣質素監測儀，開始朝著霧氣濃度高的地方前往。

螢幕上數字越高，就代表我方向正確。

濃霧令能見度相當低，四周圍都是白茫茫一片。

「嘰呀呀呀呀──」驀地，前方傳來迅速的奔跑聲。

我警惕地盯緊前方，直至霧裡衝出一張獰笑的臉。

病者！

我向一旁飛撲閃開，病者收腳不及向前仆倒。

他身穿著腐蝕的中大防護服，氧氣罩破裂一個缺口，暴脹的右眼珠擠壓著面容，使整張輪廓都歪掉。

「大眼？」我拿出複合弓搭箭射擊。

「嗖──」

大眼扭頭，閃開箭矢。

我再搭一枝箭，瞄準好幾秒才鬆弦。

「嗖──」

大眼雙膝微微一屈，壓低了整個身體，讓箭矢射在頭盔上。

「唉。」我扔下弓箭，直接上前拉弓出拳。

「呯！！！」拳頭轟入面罩中，使大眼的臉蛋凹陷。

同我講入唔到嘅讀者 多數都話自己喺外國

報告返 VPN係唔work的