【金剛圈】《病港ＩＩ》（７７）

補今po 400正評

推

推

蔡若蓮嚟？

但係李氏同詭人議會聯絡中斷咗,咁就表示李氏都想各懷鬼胎,唔想完全聽命於詭人議會,要留有一手準備.
而且要係豪華別墅受孕,再到人工病變,再運去病者國度都幾大工程.
重點係如果係以人類孕婦到病者國度再病變,過程中人類孕婦會唔會有其他變數進而影響無垢嬰嘅生產

推

笑鳩牙M係青頭仔

其實點解要用上崗呢啲字

我覺得李氏同詭人議會中斷聯絡唔係因為佢哋兩方合作破裂
而係因為奧丁

島上面有大量李氏同詭人議會嘅書信交流
直到奧丁出現先中斷
中斷嘅原因，一係好似你所講嘅咁，李氏同詭人議會撕破臉皮
想要留一手準備，畢竟奧丁用腦諗諗都知會演變成一個潛力恐怖嘅特殊病者

但問題就喺度
依家M上到嚟呢個島上面，係空無一人，冇李氏或者詭人議會嘅人
一個研究人員都冇，成個島空蕩蕩，得返一個老年男子
結合返老年男子所講嘅嘢
更大概率係，奧丁喺呢個時候醒咗，觸發咗所謂嘅「聖靈詛咒」
島上面嘅研究人員全部人間蒸發
所以島同埋其他地方嘅聯繫先斷咗
而老年男子好可能係當時李氏嘅人，喺觸發「聖靈詛咒」嘅時候倖存落嚟，成為島上面唯一嘅生還者（而且有可能係令奧丁重新沉睡嘅人嚟？畢竟佢講得出「三位一體」，「世界末日」呢啲，應該清楚晒島上面發生嘅前因後果）

至於李氏留低個島嘅座標，我覺得應該係陷阱嚟
座標係猴腦喺李氏嘅終端機上面搵到
如果我係李氏，究竟係咩情況之下，先會有外人搵到屬於我嘅終端機資料？仲要搵到終端機嘅隱藏資料？
好顯然，呢個座標係為咗覆滅李氏嘅仇人而準備
係吸引滅殺咗李氏嘅仇人去搵奧丁送死

李氏同詭人議會無理由唔知道島上面嘅變故
失去音訊後一定會派人去睇
但結合返島上面嘅情況，可能送去嘅人全部一去不返？
或者病者國度嗰邊都會認為奧丁嗰邊好棘手，唔打算去處理
直接將個島當成係一個禁區

假使老年男子所講嘅嘢係啱
呢個島根本係為M而設嘅陷阱嚟
唔係因為有個老年男子喺度，打中M嘅後腦，破除幻象
M應該已經中咗奧丁嘅招，甚至觸發埋「聖靈詛咒」
畢竟眼下根本冇奧丁嘅情報喺身，要喺冇情報嘅情況下對付一個咁可怕嘅病者，我覺得即使係M會死一啲都唔出奇

至於你話人類孕婦到病者國度再病變
唔係太諗到你口中嘅變數？
雖然話工程量係好大，但以當時李氏同病者國度嘅勢力，似乎真係唔難
同埋墨巴都有講過首腦堆黑科技係用特殊培育嘅無垢嬰製成
再結合埋佢所精通嘅基因工程
操縱孕婦嘅胎兒產生先天性病變，再令孕婦變成病孕，誕下有特殊性質嘅無垢嬰嚟整黑科技，應該真係有可能

有少少長篇大論，對唔住

「命運共同體」
阿德勒

咁快補到呢個post400正評

要推快啲先得

有冇人暗黑推post？
快啲搵交嗌吓啦

「你唔肯講，即話係旁門左道。」王達尼雙手插著袋，淺淺輕笑：「明嘅。」

相隔數天，王達尼出訪的行程便毫無徵兆地展開。

我們乘搭快船前往，只帶著幾位同行官員。

這條水上航行路線，我都不知走了多少遍。

早上六時出發，中午十二點前到達。

當家作主的李縱馬，親自迎接我們。

他們先去吃頓餐點，再到校園周圍參觀。

因為大學內相對安全，我沒有跟出跟入，趁自由時間去病獵學院一趟。

殊不知，地理位置本應偏僻的病獵學院，外面竟充滿著示威的聲音，合共四、五十人高舉標語和喊口號。

不明所以的我，直接上前了解情況。

「發生咩事？」

「你係想加入我哋，定係屬於病獵學院嘅人？」示威者問。

「我……中立。」

「我哋係「病者保護團體」！」示威者高舉牛皮紙上的標語：「反對病獵學院設計奴役病者嘅發電裝置俾大學！」

「……」為什麼我會有似曾相識的感覺。

我無視示威者們，直入病獵學院中。

病獵學院內一切正常，沒有被破壞的跡象，看來暫時只停在示威的程度上。

「博海德。」

埋頭繪著草稿的博海德猛然抬頭，一臉怔然：「會長？嘩，突然嚟咁驚喜啊，你頭先行入嚟門口嗰陣，無俾嗰班友騷擾啊嘛？」

「又係個啲奇怪病者組織？」

「咪就係囉，每區都總有依啲癡線佬。」博海德拿起馬克杯，給我倒杯水：「病獵協會無咩事啊嘛？」

「無事，轉移到大學嘅傷員點？」

「我有得閒就代你探佢哋，佢哋情況幾好，你要唔要都去睇下？」

「我會抽時間去。」我走到窗前，凝望那群示威人士：「佢哋理據係咩？居然對病者產生同情心。」

「我哋同大學合作嗰個病者發電計劃，之前咪講搵病腦做supervisor監管其他病者嘅？」

「然後？」

「為咗釋除大眾對病者發電嘅疑惑，大學就隔住鐵欄同玻璃開放俾市民參觀，而嗰隻做監管者角色嘅病腦同參觀嘅人有傾有講，談吐得宜，所以上咗校園新聞報導，然後堆哲學學會嗰班食飽飯無嘢做嘅就喺到討論，病者到底係唔係生命啊、有冇人權之類，慢慢就開始出現你樓下見嗰堆生物……」

「隻病腦事前有冇接受過訓練？」

「中大嘅人類學教授有曾經培訓過。」

「可能佢哋困喺大學太耐，已經唔記得咗病者有幾恐怖，簡單嚟講就係太安全、太和平、太幸福。」

「班病保團體無殺傷力嘅，主要係幾麻煩下。」

「信我，到佢哋圍爐圍到變邪教咁，就會出現病者保護團體激進份子。」

「咁我係咪要做間諜潛入佢哋團體？」

「暫時留意下就得，唔好俾佢哋搞咩解放病者行動。」

「依層你放心，我會做好教育同推廣。」

「瑜小六同劉吉呢？」

「劉吉教緊野外生存學，瑜小六教緊病者生態學。」

我像病獵學院的校董，走去巡視課堂的情況。

我才剛到課室門口，就撞正學生們下課離開，而瑜小六都收拾好課本，準備去什麼地方。

「M？」瑜小六瞪大眼，嚇一驚。

「嚇親你？」

「你著哂黑袍，戴哂面具成個死神咁款無啦啦喺門口緊係嚇親我……」瑜小六都說得有道理。

「你趕時間？」

「有個學生連續幾日無返，我去搵佢哋睇下咩情況，要唔要一齊去？佢嗰陣南征都有份做後勤。」

我點頭：「當行下。」

當我們走出病獵學院時，免不了被病者保護團體的人發出噓聲。

「奴隸販子！」、「病者的命也是命！」、「停止奴役病者！」

那位同學住在逸夫書院，大學比較風涼水冷的位置。

同學住的宿舍寂靜，平時都沒有什麼人出入。

原本我們只是上門探訪，問問不去上課的緣由，卻發現了件可怕的事情。

瑜小六敲門沒人回應，而我的鼻子則嗅到異味。

「你做好心理準備。」我對瑜小六說。

「點解？」

「入面可能有死人。」我一腳踹開門。

「……吓？」瑜小六愣住。

我帶頭行入單位中，看見床上用被子蓋著，微微鼓起的東西，它就是氣味的來源。

「屍臭味……」瑜小六捂著鼻子，緊皺眉頭。

我伸手把被子掀開，一個骨瘦如柴的乾屍呈現眼前，其臉定格住驚恐的表情。

「果然……」

瑜小六雖然做好心理準備，但仍有些許震驚：「點解……」

我上前檢查屍體表面：「無表面致命傷痕……毒藥？死前似乎受到震驚。」

「唔係嗰班病者保護團體啊？」瑜小六開始懷疑：「佢哋郁手殺人？」

「你對上見依位同學係幾時？」

「都只係一個禮拜多少少……」瑜小六答。

「嗰陣佢有冇咁瘦？」

「無，佢未瘦到成排骨咁，佢係學校運動員嚟……」

「即係話佢短時間內暴瘦到依種程度……」我說出腦中唯一浮出的答案：「癌咒騎士……」

你幾時出文？

又有文，感動

點解m成日咁得閒嘅？ 成日去唔同地方旅行，解支線任務，明明魔羅隨時殺過嚟，仲咁得閒去長洲做收數佬

M:是但啦，我有五五波天賦

之前仲話病獵唔可以傷害人類
而家我做睇文嗰個見到班病者保護團體已經想打鳩佢哋

今個post冇人嘈交