【金剛圈】《病港ＩＩ》（７７）

要附smite5
一下一隻病獸

無人推 今晚無文？

推一推

push

聽日補出，今日休息

推

慘, m 殺左好多自己人

無辦法應對的情況下，我們只得強行穿橋。

中型船使用柴油引擎超載的速度，一股作氣的向前直衝。

聽見船聲轟轟大響，橋上的病獸亦終於一跳而下。

一息間，巨大的影子將船隻籠罩，頭頂上氣壓急降。

哪怕眼眶沒有植入蘇維眼睛，看著病獸躍下都彷如慢動作一般。

「嘭──！」

病獸重大的身軀投入水中，繼而引起軒然大波，湧浪擴散推出，變相推了船隻一把。

有驚無險地穿橋後，車正寅立馬減速，以免引擎過載損毀。

與此同時，我仍然驅散著海上的浮屍，他們的數量比想像中驚人。

也難怪沒有人能走出香港的海域，原來仍有那麼多的未知危險。

「佢哋病理係咩？」葉青茶盯著那些浮屍看。

「肺水腫、腹水、氣胸、水痘、膨風病都有可能，都係一啲令自身浮喺水面兼自爆嘅病。」我純粹推測。

「嘖，同腫瘤人角色重疊。」朱朗峰不屑地說。

車正寅專注前方：「都唔係……至少可以喺海上活動嘅病者品種，五隻手指數得哂，其他病者唔需要吸入氧氣，落海之後一般都會沉落海底。」

大家你一言我一語，半天時間後便回到港島區。

回到倖存區一上岸，我用權杖敲一下地面，匣子就重新合上，封印著蘇維眼睛。

能成功捱過船程的馬匹，本來應該有九隻，但有隻老馬受不住刺激，半路突然猝死。

進行這種長距離運輸，似乎無可避免會出現損失。

中環碼頭上，有著不少的市民看著帶馬的我們。

「今日碼頭咁多人……」葉青茶橫視著隊伍。

正如葉青茶所說，中環碼頭不少人排隊等待上船，平日這種地方應該很冷清才是。

「啲人排隊去邊到。」我走向一位賣炒栗子的小販詢問。

「移民呀，每個禮拜都會開船。」栗子小販說。

「……移民？」

「依排好興喎，你無聽過咩？」

前陣子我都在茅湖山隱居，與世隔絕了一段時間。

「講嚟聽聽。」

「倖存區首富李家無哂繼承人，搞到成個經濟開始衰退玩完，加上之前發生過咩滅絕人呀、南征戰爭呀、西城薈呀依啲事情，大家都覺得港島倖存區唔再安全，咪有人鼓吹去離島生活，遠離戰事囉……」栗子小販指向碼頭的隊伍：「講講下就越嚟越多人移民。」

應驗了之前的預言，李氏家族一倒台，倖存區經濟就會崩潰，只是沒想到會引發移民潮。

「原來發生緊依種事……不過班市民要走嘅，政府想留都留唔住。」生命果然自會找出路。

車正寅問：「去咩地方多？」

「最熱門都係長洲、坪洲，遠少少蒲台島。」

「但離島無病獵保護佢哋。」

「嘿，發動南征戰爭嗰條友打贏咗係幾巴閉嘅，協會入面都應該好多人奉佢做英雄，但其實好多市民都視佢為惡魔……」

「點解咁講？」他大概沒想到惡魔就在眼前。

「大家都係鐘意和平嘅，好多人覺得佢打破咗同南區病者多年嚟嘅和平，先搞到南區病者會嚟倖存區報仇。」栗子小販聳聳肩：「唔怕同你講埋，甚至有啲人認為應該同詭人和談，」

「……」

「哈哈哈，個世界就係咁荒謬。」

「病者喺病菌下生活會越嚟越勁，唔發動戰爭清除最後都係會死。」車正寅給出解釋。

「正常人鬼知依啲，鬼會理依啲咩，佢哋甚至病者主要有咩品種都唔知。」栗子小販輕笑。

「都係……」我繼續牽著馬繩上路。

我首先把馬匹帶到跑馬地馬場的馬房，由老早安排好的練馬師看管。

及後，我再把地瓜燒帶到瑪希手上，並原地解散特種病獵們。

「咩嚟？」瑪希拿起陶瓷酒瓶。

「陸山泉托我俾你。」

瑪希拔開木塞，一陣土質混合的果香溢出。

香氣溜入鼻子當下，瑪希眼神立即變得如痴如醉。

「嘩……」瑪希不禁感嘆。

「聞落唔錯。」我說。

「試啖。」瑪希直接仰頭灌一口，沒打算用杯子。

帶有鄉土甜香的烈酒如瀑布咽下喉，臉頰頓時微微泛紅，像烈火點燃了枯竭的靈魂，讓瑪希嘴角綻開微笑。

「無得頂啊……」瑪希相當享受地瓜燒酒帶來的餘韻：「你都整啖。」

我接過瑪希手上的地瓜燒酒，仰頭大喝一口。

鑑於特種病獵體質，我喝酒幾乎不會有醉意，可當地瓜燒酒在我舌尖翻滾，在我口腔迴盪，給予味蕾先甜後辛的快感，我就覺得是場盛宴。

醇厚的酒液並不猛烈，卻像高山松樹堅定有力，給全身血液帶來陣陣溫熱。

未幾，嗜酒如命的瑪希又貪婪地喝上幾口，完全對地瓜燒酒的味道上了頭。

「嗄──」瑪希痛快地嘆氣。

我們一人一口梅花間竹接著喝，轉眼間便把瓶中酒清空，殘餘所剩無幾的酒香。

「瑪希，想問你個意見。」

「你問。」

我把賴桑的事情，像對陸山泉那樣說。

瑪希聽罷，閉目沉思片刻。

幸運時間

瑪希

富林比比唔係李鮑金???
定係我記錯? 可以去中大canteen 搵佢

可能之後m 搵到hidden 功能, eg 半開合眼球

記錯

唔係 富林比比係食物大亨富林大比的兒子

李鮑金係李氏個孫

開心，咁早有文

良久，瑪希開腔說出己見：「依個唔應該係你嘅選擇題，而係應該由實驗者選擇。」

「但對方係殘障，唔會做到決定。」

瑪希換個說法：「假如真係意識轉換咗，但中間再發生意外，責任又係歸邊個？人唔可以掌控得哂任何事情。」

「你主張放低事情？」

「唔係，而係搵個更好嘅方法，人總喺危禁時犯錯，因為往往極端嘅方法最容易同最直接解決問題，但越係依種時候，就越係要保持理性。」瑪希見我不語，接著說下去：「保持理性……正係我哋人類比其他生物優勝地方，理性係壓抑、係痛苦，係苦口良藥。」

「明白……」

「希望你真係明白。」

得到瑪希的意見後，我去找了神龕實驗計劃的兩兄妹。

這段日子以來，每日免費提供的三餐讓他們變得好吃懶做。

「啊……係咪開飯喇？」光個肚子睡覺的何光濤聽見開鎖聲，馬上從夢中醒來。

「星期五應該係湯飯。」何美玲甚至記下了每天吃什麼。

「依家你哋會去法院先接受審判。」我說。

「吓？唔係做咩咩實驗咩，去咩法院啊……」何光濤呆了。

「喺法院未判你哋有罪前，你哋都未算真係有罪，等你哋真係入獄嗰陣，我再考慮帶返你哋入嚟。」

「我要做實驗！我唔要坐監呀！」何美玲喊。

「捉住佢哋，押去法院。」我呼叫病獵。

兩兄妹就在吵吵鬧鬧中，給病獵強行押送法院去。

瑪希的話無異像桶水，澆落我燒得正旺的火苗上。

邀請李縱馬前來的事如常進行，除了打算竊取其血液樣本外，王達尼都有自己的盤算。

因為經濟狀況持續低迷，他需要拉一些外資入局。

港島合眾國最發達是漁業，魚乾更是當中的特產。

可惜中文大學同樣對著一片海，如果真的想要客戶，那麼米田貢是最好的選擇。

等準備得妥妥當當，王達尼便正式發出邀請。

諸多誘因下，李縱馬同意了是次行程，並由我親自接送。

至於蘇維權杖我就不帶出去，讓它留於保險庫中，真正的塵封起來，反正聲音嚇阻裝置發明了，病鯨是埋不了身。

當然，不會單單只辦賽馬活動。

為了煞停市民移民潮的想法，王達尼想要活動與民同樂，另外舉辦足球賽、拳賽、拔河賽等，暫時用娛樂麻醉大家。這少不了將軍澳區的居民，本來一個偷血的計劃，變成真真正正的同樂日。

接應李縱馬當日，他帶上了自衛隊、私人醫生、足球隊員、廚子等人，差不多三十多人共同乘搭一艘船。

當船隻駛至中環碼頭，我們開始演戲了。

一個用作檢驗的帳蓬，就堵住了碼頭的出口。

「準備抽血。」我對李縱馬說。

「抽血？」李縱馬疑惑。

「都係快速驗完睇一睇有冇病毒，純粹一個程序。」

「都幾好笑，你哋邀請得我嚟，但就怕我身上帶住病毒。」李縱馬沒想像中順當。

李縱馬的秘書不滿地說：「你哋應該事先通知一聲。」

「的確係我哋疏忽咗，下次會留意。」

「李生，我哋洗唔洗返航？」秘書問。

李縱馬沉默半晌：「算，唔嚟都嚟咗，唔想浪費成日搭船。」

說罷，來訪團逐個逐個給政府的醫護人員抽血。

李縱馬是最後一個抽血，等血液填滿了一瓶，即刻被送到政府醫務中心保存。

他們一入境倖存區，便被安排的旅遊巴送往萬豪酒店。

同一時間，我需要接送米田貢前來。

他同樣帶了個外交團似，特別是三匹上等好馬。

「你帶埋馬上嚟做咩？我唔敢包保佢哋安全。」出發前，我對他說。

「緊係帶隻靚馬嚟贏你哋。」米田貢握著兩顆手轉球把玩。

一如上次，只要遠離浮屍，不時播放聲音嚇阻裝置，就可以安然渡過海路。

每次跨區來回都會令人疲憊不堪，待在船上的時間特別的慢。

避免會生出破縱，米田貢到步後我們一樣給他們抽血，然後安排到入住萬豪酒店。

在得到血液的第二天，我就嘗試使用李縱馬的血液，於神龕表面上畫個十字。

「隆──」的一聲，神龕果然打開。

證明了，李縱馬確實是李氏的後人。

神龕就像個大衣櫃，一個人走進去後依然會有空間剩。

這部裝置……

最終真的會應用到嗎。

同樂日會一連七日舉辦，每天晚間都會有不同的節目，最受歡迎的莫過於足球比賽，合共十四支足球隊會去爭奪冠軍，全部賽事會在香港大球場舉行。

賽事開始前，王達尼曾經暗地裡找過我：「M可唔可幫個手？」

「幫咩手？」

「嚟緊嗰個足球比賽，我哋政府都會組一支隊伍去比賽，我想你加入。」

「點解搵我？」

「足球賽獎金嗰到都唔少，我唔係幾想俾其他人贏……」

「明，即係你想唔俾錢出去。」

「你明就好啦，肥水不流外人田……」

「得，預我。」說真的，王達尼也幫我不少。

王達尼握緊拳頭：「好，咁我有少少信心可以收返筆獎金。」

「你見咗李縱馬未？」

「你嚟第一日嗰陣已經見咗，都係普通問候下。」

「咁米田貢？」

「都有傾幾句，但總係感覺條友有啲唔對路……」

「咩唔對路？」

「佢成日對住我淫笑。」

YAG

Gay

其實做病獵都真係好慘，協會十幾年仆心仆命幫港島清病者，俾其他人當異類不特止，M做咗咁多事解決左咁多潛在危機都俾人鬧佢惡魔。都難怪蕭梵呢啲菁英會背叛協會，鄙視倖存區嘅人