【金剛圈】《病港II》(77)
墨說
963
回覆
754 Like
8 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
第 25 頁
第 26 頁
第 27 頁
第 28 頁
第 29 頁
第 30 頁
第 31 頁
第 32 頁
第 33 頁
第 34 頁
第 35 頁
第 36 頁
第 37 頁
第 38 頁
第 39 頁
牧羊記
2024-05-09 23:30:12
火唔係火劍
毒撚頭很臭
2024-05-10 00:08:55
屌返佢啦
暗黑推post開始
Btw Block 你老母
獨來獨往
2024-05-10 01:44:20
無需浪費時間
一笑置之
btw 推多下先
墨說
2024-05-10 03:22:01
「即係總之當年係發生咗某啲事,令成個研究要中止。」
「不過都係好多年前嘅事,而且疫苗研究應該係得倖存區嘅核心人物知情,要真係知來龍去脈始終要睇院長同班校董肯唔肯鬆口。」
「嗯,娃娃,你眼訓未?」
「都有少少。」
「咁你訓,我差唔多走。」
「你有咩要幫手再搵我啦老師,或者洗唔洗我幫你問下詳情?」
「唔好,講到件事咁,我都怕會令你有危險。」
「只係問下唔會有事呱……」
「唔怕一萬,只怕萬一,你繼續讀書學醫。」
「嗯。」
回到曙光樓房間,我和王達尼互相交換情報。
「班校董個個都擺明迴避問題,我點問都無用。」王達尼站在玻璃窗前抽煙,遠眺一片漆黑的校園景色。
「娃娃話傳聞當時嘅疫苗研究團隊,全部都死於非命。」
王達尼一怔:「咁恐怖?」
「估計校方唔想引起恐慌,都將件事壓咗落嚟,真正知道成件事嘅人,應該少之有少,但校董同院長依種層級地位嘅人,一定知內幕。」
王達尼接著說下句:「但佢哋都肯定唔肯講。」
「……」
王達尼無端想起什麼:「今日個院長,係咪話自己嗰陣仲未上任?即係話仲有舊院長……」
「我聽日去打探下。」
墨說
2024-05-10 03:22:11
「如果唔係滿天要求,我都唔會咁得閒做依啲嘢。」王達尼掉下煙頭,用腳踏熄。
「之前佢話做臨床試驗,結果點?」
「我都係不停問佢,佢淨同我講話無咁快,話正常嘅臨床試驗都要十年時間,依家依個年代更加唔洗講。」
「佢都啱嘅,如果疫苗係咁易整出嚟,世界就唔會變成咁。」我吹熄油燈,躺到床上:「聽日有咩行程?」
「經濟學講座,大部份時間都係坐喺演講廳,你去搵下前院長。」王達尼拉開被子上床睡覺。
第二天醒來,我來了碗白粥配烚蛋,便出發尋找前醫學院院長。
要找到前院長的資料,無非在醫學院附近詢問。
問了差不多三十多個人,終於有位資深的物理治療師能答上我。
「你搵前院長雍生啊?佢確實住邊幢大樓邊個單位唔清楚,但我知佢以前收工去開邊。」資深物理治療師抿住嘴,一副假裝顧慮的模樣:「但出賣人隱私唔係幾好……」
「我手頭上無你哋大學貨幣。」
「或者……」對方湊近我的耳朵,輕聲地說:「跪低幫我舒服下。」
「你叫咩名?」
「我叫──」
未等他說完,我一拳賞在他腹部上。
「哇呀!」對方口水大噴,痛得跪地捧腹:「啊啊啊……你……你做咩……啊。」
「依家舒唔舒服?」我拳頭往他肚子再打一拳。
墨說
2024-05-10 03:22:21
「啊呀呀呀呀──」資深物理治療師痛得倒地打滾。
我拳頭拉弓,挪開他護著肚皮的手:「嚟多拳?」
「唔、唔好呀!你打我……大學會拉你。」
「到時再算。」
「等陣等陣我講啊!我講!停啊!」
「講。」我喝他。
「佢以前收工成日去龐萬倫學生中心二樓間咖啡店!」看他這麼快的語速,似乎不像假話。
我收起拳頭,指著他警告:「唔好諗住搵人幫你出頭,如果我會再嚟搵你。」
「嗄啊……呃啊……對唔住對唔住……」
我按照他口中的線索,去到崇基學院眾志堂側的龐萬倫學生中心。中心設有不同學生設施,如禮堂、桌球室、音樂室、研討室、會議室等,二樓則有前院長常去的咖啡店。
「你好,請問雍生喺唔喺到?佢約咗我喺到見,但懷疑佢唔記得咗時間。」我試圖撒謊套出資料。
「雍立正先生?好少會依個時間嚟……」咖啡店的職員說。
「多數咩時候?」
「晏晝一兩點可能會嚟買份三文治,或者飲杯茶。」
「好,唔該。」我找個座位坐下。
一直等到太陽高掛,文質彬彬的雍立正終於現身。
雍立正一現身店員就給他說明,我等了他半個早上。
「請問係咪你搵我,我識得你?」雍立正行來。
「你好,院長。」
雍立正更正:「係前院長,我退居咗醫學院幕後,淨係做顧問。」
「我其實想問你一件事。」
「你問我之前,我係咪應該要知道你身份呢?」
「王總統嘅秘書。」
「我都係第一次見有秘書會打扮到中世紀嘅瘟疫死神咁……」
「因為我都會幫佢執行刺殺之類嘅任務,真面目唔方便出示。」
「……」雍立正整個人怔住。
「請坐,我對你其實無惡意。」我示意他坐到對面。
雍立正慎重地拉開椅子坐下,店員亦走來問要點的東西:「請問有冇嘢需要?」
「照舊,紅茶。」雍立正說。
「依位先生呢?」店員問我。
「綠茶,有冇?」
「有,即刻幫你哋準備。」
店員走開後,我才繼續說正題:「其實都只係想問一件事。」
「你講,睇下內容會唔會涉及到危害大學安全,再答你。」
「疫苗。」
雍立正不發一語,但眼神變深。
潾家女孩姜諧潾
2024-05-10 03:29:22
病港咁撚多yag嘅
心凝形釋
2024-05-10 04:05:03
見到M Cosplay成咁都有興趣
飛天紅豬人
2024-05-10 04:05:31
同意 其實咁心急可以儲一兩個月先一次過睇
同埋有d支線都唔係真支線
最後都會兜返落主線度
最多叫前置任姐
墨說
2024-05-10 04:27:58
感謝各位理解
西門廿一九
2024-05-10 06:20:40
唔知有冇人有追開漫畫嘅習慣
平時用睇海賊王嘅心態睇病港 已經唔會咁心急主唔主線
不過都同我係免費仔有關 課金心態上應該唔同啲
艾利安努
2024-05-10 12:21:41
推
海弧狸
2024-05-10 13:36:10
墨巴隱性gay
墨說
2024-05-10 17:20:49
「你唔諗住答我問題?」
「疫苗關係到倖存區利益,係至高機密,恕我幫唔到你。」
「當時研究疫苗嘅團隊死哂,係唔係真?」
「依啲我無需要答你。」
「紅茶、綠茶,兩位慢用。」店員送上飲料。
我不緩不急,先喝口綠茶:「我哋倖存區想要研究疫苗,啱啱先展開漫長嘅臨床試驗階段,相信有咗你哋研究落嚟嘅數據,點都會幫到少少。」
雍立正注視著紅茶表面的倒影,不發一語。
「係咪有人威脅你?一係你唔好講疫苗,講下你哋團體發生咩事,應該唔會危害到你哋利益。」
雍立正靜默良久,深深嘆一口氣,握起杯柄喝茶:「講出嚟對我有咩著數?」
「為人類貢獻?」
雍立正不屑一笑:「不如我問返你,可以為大學付出乜嘢?」
「你哋有解決唔到嘅敵人都可以搵我。」我抱起手臂。
「嗯……」雍立正沉思半晌:「除咗殺人之外,仲有咩擅長。」
「殺病者。」
我的答案顯然觸動了雍立正,令他眼光稍為晃動,不過好快低頭輕托眼鏡隱藏下來。
「要殺病者嘅話,我搵大學新興嘅病獵學院唔好?」
「咁你有所不知,大學嘅病獵學院就係我建立。」
「你殺過咩強大嘅病者?」
「一時三刻數唔哂俾你聽,但如果你唔搵我……肯定係你嘅損失。」
雍立正思考片刻,一口喝光杯中的茶:「跟我去個地方。」
雍立正帶著我前往醫學院,沿路遇到的醫療人員都會點頭稱呼他一聲雍生。
雍立正把我帶到一個專門存放文件的地方,裡面放滿一排排檔案櫃像圖書館。
當中,大部份檔案櫃都是准許醫院職員閱覽,唯獨有部份是需要鑰匙解鎖,雍立正打開其中一個上鎖的檔案櫃,抽出一份受保密的文件。
墨說
2024-05-10 17:20:59
「係依份……」雍立正慎重看著文件內容。
我偷瞄一眼文件內容,左頁面是密麻的英文字,右頁面是鉛筆畫的人體結構透視圖。
雍立正分享給我閱覽,並說明上面該檔案的背景:「中大以前係有個,由九個人組成嘅疫苗研究團隊,嗰陣時都研究到臨床試驗階段,我哋嘗試搵部份人試藥,因為都係好初期,我哋盡可能搵命不久矣嘅病患去試。」
「而其中一個風險係令試藥者變成病者?」我直接說。
雍立正眼睛放落到檔案的人體結構透視圖上:「係,佢係個患有「原發性冷凝集素病」嘅試藥者。」
「咩病嚟?」
「一種罕見病,病因不明,只要身體遇冷身體就會惡化,出現雷諾氏現象,即係手腳冰冷、膚色變白變紫,渾身發冷。其實盡量避開寒冷嘅環境就無事,但偏偏病港之後嘅冬天,想保暖係件好難嘅事,所以一到冬天就係佢嘅地獄,造成嚴重貧血,於是佢都入咗我哋名單。」
「你哋特登幫佢整咗個檔案,佢肯定唔係變普通病者。」
「佢變咗隻……」雍立正目光移向我:「有智慧嘅病者。」
「……」
「講清楚啲,智慧到咩程度。」
「可以正常同人類溝通,而且外貌無明顯病化。」
「但佢實際上有咩改變?」
「將試藥打落佢身體個下,佢胸部脹大抽搐,肋間肌肉變得發達,身上出現紅點,但無出現病化,而且可以正常溝通,於是我哋送咗佢去私人病房觀察,一開始同佢仲有講有笑,以為隻試藥真係成功阻止咗準備病變嘅佢,結果第二日我哋研究團隊去檢查情況個陣……只係見到一個被冰凍住嘅男護士訓低喺佢張床隔離,當場證實死亡,而嗰位男護士係負責檢查照顧試藥者。」
「即係話,佢係個可以冷凍人嘅病者……」聽起來有點麻煩,是最難搞元素系病者。
「係……經我哋反覆推測,懷疑喺打試藥個下,佢已經突變成病者,但假裝自己仲係理智嘅人類,等到時機成熟嗰陣逃走。」
「身體出現咩變化下,先可以冰凍到一個活人?」
「根據佢打咗試藥後肋間肌肉嘅急速變化,估計嗰時身體結構經已突變緊,經我哋結合佢嘅能力推敲,估計當時身體入面仲發生緊我哋睇唔到嘅變化,好似胸膜柔韌、肺組織變得彈性、橫膈膜可以摺疊。」
「依啲變化同佢能力有咩關係?」我想問個清楚。
「要解釋佢可以有呼氣凍結活生物嘅能力,都係根據熱力學嘅焦耳-湯姆孫效應,氣體喺節流過程入面,溫度會隨壓強而變化。所以佢吸氣嘅時候會擠壓同濃縮氣體到過熱,等到佢呼氣個陣加熱同壓縮嘅空氣就會迅速鼓脹,鼓脹得越快空氣就越快冷卻,要做依一點……就要擁有我頭先所講嘅身體結構突變。」雍立正詳盡地解釋出一切。
「你想我解決依個麻煩?」
墨說
2024-05-10 17:21:09
「係,你搞掂我再考慮講你聽關於疫苗研究團隊後續嘅事……依單嘢係我在任個陣嘅醜聞。」
「我點知佢走咗去邊?」
「佢逃走咗去大帽山繼續禍害人間,能力似乎仲越嚟越強大,依家可以吐出好大嘅凍霧圍繞成座山,雖然距離唔夠急凍一個人,但係凍霧入面有毒,吸入咗好似都會令人產生低溫症狀,出現幻覺、神智不清之類,但佢似乎匿得好深入,咁多年都無俾登山隊發現過位置。」
「的確……」我合上檔案文件:「好有挑戰性。」
「虧你講得出有挑戰性,你好有信心。」
「佢有冇一個稱呼?」
「佢生前叫藍泓麟,變病者後叫「冬眠者」。」
我想一想自己的武器行裝,全都在港島區沒帶來。
假如赤手空拳上山,多少有點不尊重這位冬眠者……
作為生前患有罕見疾病的特殊病者,我不敢小看。
「你搞掂再搵我。」雍立正把檔案收回櫃中上鎖:「如果你驚嘅,就當今日嘅事無聽過。」
Mysterion
2024-05-10 17:41:48
依家出過有 火 風 水 土 雷 到 冰病者 仲有咩元素出到
連貓
2024-05-10 18:08:31
草/毒 陀蘭應該可以當毒
我萬朱莎華呢
2024-05-10 18:25:09
點冰子
正皮王
2024-05-10 18:29:48
呢隻咪之前公仔五個人見過
張晉銘
2024-05-10 19:03:13
好似有印象又好似冇
有冇汁
正皮王
2024-05-10 19:45:40
【I'm Back 】《病港II》(65)
- 分享自 LIHKG 討論區
https://lih.kg/zuREjqX
睇返先記得啲毒有幻覺
唔知公仔宜家點
傻豬黎既
2024-05-10 23:17:11
人人人
2024-05-11 01:16:33
Push
月球上的人(0)
2024-05-11 01:23:29
埋咗咁耐嘅伏筆
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
第 25 頁
第 26 頁
第 27 頁
第 28 頁
第 29 頁
第 30 頁
第 31 頁
第 32 頁
第 33 頁
第 34 頁
第 35 頁
第 36 頁
第 37 頁
第 38 頁
第 39 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞