【金剛圈】《病港ＩＩ》（７７）

「我知好殘忍，對新生命好唔公平，但重生需要代價，應該話任何事都需要……」原諒我無法做到十全十美，但對我來說賴桑才是真正的朋友。

當初的湯藥實驗計劃，也許已經打開了潘朵拉盒子。

「但無可能要令個嬰兒承受依種不必要痛苦，成世困喺副殘障嘅身體入面。」王達尼指出。

「所以意識轉換成功後，我預計會對賴桑身體執行安樂死，最大程度減輕新生命喺上面嘅一切痛苦。」

「我明……」王達尼抿著嘴，點點頭：「始終我曾經都做過差唔多嘅事。」

「你理解就好。」

「我會籌備邀請李縱馬過嚟嘅事，你都準備下，借批好馬嚟。」

「你嫁王達尼號整好未？」

「未，我估最快都仲有半年。」

「再聯絡。」

離開政府總部後，我就馬上思索著如何借馬到港島倖存區中。

要大幅降低風險，必然要靠水路，把馬兒帶上船是可行的方法，但病鯨一下撞擊，場面就會變成人仰馬翻。

帶蘇維眼開路？蘇維的視線可能仍然與某些病者相連，我不想再重複那一場海上的悲劇。

突然，一個想法在我腦中萌生。

返回病獵協會的我走入保險庫取回蘇維眼睛，然後即日帶去松木村中找大師匠。

「幫我整一把權杖。」我打開金屬匣子，顯示裡頭的蘇維眼球：「杖頭要裝嵌依隻眼睛落去，有開關功能去顯示或者隱藏隻眼，最重係唔可以俾隻眼有機會甩落嚟。」

可能我正要做的，是一件真正屬於自己的神器。

蘇維隻眼唔同人連住都用到

應該只得紅/藍光 能力

咁賴桑清醒嘅意識咪喺個BB身體上，要等十幾年先再長大？

我推的孩子？

係咪即係寶拉都係咁復活？

王達尼號之後會唔會沉船

有啲hunter 凱特轉生嘅Deja vu

Poor things

咁講既話所有重傷既病獵都可以重生...
直頭可能詭人做返人類都有可能...

好似唔係咁好喎，真係要咁做？

支持！

認真諗左陣 究竟有無道德問題
本身BB係呢個地方已經好難生存
雖然係特登造佢出黎 拎佢個身體用
但BB未有意識咁安樂死 其實無乜野?

意識轉移會逆轉埋智力嘅倒退

M越來越怪

其實係咪真係有用
賴桑已經俾M打到傻咗
就算轉換意識 都好似唔會有變化

BB點會無意識
驚、肚餓都識喊識叫
只係唔識表達姐

咁點控制發咩光

殺多幾個病者贖罪仲實際，少數成功嘅特種病獵俾佢打到變傻仔
一係就俾湯婆研究，一係飲多劑湯藥搏吓好過
搞咁大壇嘢又要搵李縱馬嚟，又要搵個女人生仔，仲要唔知轉移意識係咪真係會成功

我估會成功
通常都會成功製造新強敵

越嚟越暗示M先係最終boss

如果企喺其他人嘅角度睇，佢而家做依啲嘢先似係壞人