【金剛圈】《病港II》(77)
墨說
605
回覆
679 Like
8 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
第 25 頁
來自未來的機械貓
2024-04-18 18:14:45
我諗起x-men嘅黑鳳凰
弱水叁千只取一瓢
2024-04-18 19:21:05
但係而家嘅m連陀蘭level都無
來自未來的機械貓
2024-04-18 21:51:24
M不嬲都唔係點力量
一直都係比較食腦 只係壞事不斷發生喺佢身上
搞到佢而家癲咗
阿仙奴世界第一
2024-04-18 21:56:02
點都好,希望m係病港有個good ending
墨說
2024-04-18 22:08:20
大師匠快眨幾下眼:「仲有咩要求?」
「係咁多。」
「既然係權杖,佢用途主要係彰顯權威定係戰鬥所用?」
「前者。」
「咁我就用比較昂貴嘅材料去製作。」大師匠拿起軟尺,小心地量度蘇維眼球:「隻眼仔好詭異,估唔到你鐘意依類獵奇嘢。」
等蘇維權杖製作出來,我依然會將它長期收藏在保險庫裡,畢竟真的要使用上的時候,人們總不可能徒手拿著眼球,它的觸手可是會鑽入皮膚神經中。
「你整幾耐?」
「你預三個星期內有貨,權杖唔係兵器,易得多。」
我關上金屬匣子:「到時候我再嚟拎,幾錢?」
「我製作完再報價,你都已經係熟客。」
事後,我把蘇維眼睛帶回到保險庫,一來一回一天就過。
另一方面,羊角給賴桑重建頭骨手術都展開了。
等待權仗製作期間,我大部份時間都陪伴著賴桑。
看著賴桑每天無精打采的樣子,我就越堅信只有神龕能夠幫助他。
他曾經陪伴我出入病者之都,間接幫嘎嘎找出天腦的所在,南征戰征最後關頭精神暗示湯婆等人救場,一個這樣默默付出的病獵……
不應該得到這種下場。
我不能帶他看完醫生,便假裝自己再無責任,繼續去做別的事情。
墨說
2024-04-18 22:08:30
權杖差不多製作完的前一星期,我再找上三位受監控的特種病獵。
「你哋有新任務,跟我去北區。」
「……北區?」車正寅滿腦問號。
朱朗峰鬆著手腳筋骨:「幾時有得殺人,真係好無聊。」
「今次要做咩?」葉青茶問。
「運送一批馬落嚟,會借助水路,所以要你哋學下水手要做嘅嘢。」
我想過帶領南征部隊出海執行任務,但想了想還是別扯他們下水比較好。
某天,我教導完特種病獵關於水手的職務和技能,偶然碰見了湯婆。
未等我開口,湯婆先出聲:「聽講你做緊有趣嘅研究。」
「你點聽到?」
「病獵協會無論有咩實驗,我都一清二楚,話哂我都算係半個主任。」
「……」
「做到你依個位真係好,只要自己想、出句聲,就可以批準人體實驗,難為我就要各種審慎同限制,呵呵……」湯婆揶揄著。
「……」
「有啲事針唔桔到肉,係唔知痛。」
「的確……」
「所謂科學就係人類挑戰上帝,試圖了解生命規律嘅一種行為。」湯婆直話直說,毫不掩飾:「只要你個實驗一成功,你就會做咗殺嬰兇手,你唔後悔?」
「諗太多就會後悔。」
「透過奪取他人性命,去延續朋友嘅性命,你覺唔覺得自己做緊嘅嘢,好似一隻惡魔?唔好誤會,我無立場,只係想了解下……呵呵。」
「我係現實主義者。」
「唔怕背負罵名?」
「如果咁樣可以令我朋友重回正常。」我對著湯婆淺淺揚嘴:「我無所謂。」
「你可能會令身邊嘅人失望。」
墨說
2024-04-18 22:08:41
「咁係大家對我太有期望,但依件事上面我做唔到聖人。」
「你咁樣做係為咗解決自己罪疚感,會唔會依個實驗係為你而做,為咗令你個心舒服啲,根本唔係為任何人?」湯婆又提出尖銳的質問。
「可能我個心係會好啲,但我就係要賴桑無事,我就係要佢健康正常咁生活落去。」
湯婆霍地朗笑幾聲:「哈哈哈哈,特種病獵嘅偏執開始喺你身上出現……假如真係按照你講,你會唔會幫其他同樣身體傷殘、心靈受創嘅病獵,進行意識轉移重生?你唔會,因為佢哋唔係你朋友。」
「你講咁多係想叫停止實驗?」
「我絕對無咁嘅意思,反而見到咁樣嘅你,我非常安慰同高興,就同望子成材一樣。」湯婆臉孔無端湊前,指著自己腦瓜:「但我只係要你思考清楚,係唔係真係要咁做?因為一去無回頭。」
「如果……」我低下頭,捏緊拳頭:「如果相同嘅情況,換轉喺其他人身上,我諗八成人都會揀犧牲完全同自己無感情交雜嘅新生命,換返自己情同家人嘅朋友返嚟。」
「係……我諗都係,但你係M。」湯婆戳住我的心口,眼光彷彿要穿透我靈魂:「你就係一個榜樣,你就係一個精神,你唔可以令到自己嘅信徒一直所仰望嘅天空崩壞。」
我居然討論得有點無力,想要原地癱坐下來。
「咁你教我,我應該點做,接受結果?」似笑非笑的我下秒忍受不住衝動,出腳踢爛牆壁:「接受依個不知所謂嘅結果!?」
「……」
「放下?乜嘢叫放下,就係因為人無能力改變一件事情,所以先要逼自己學識放下,但假如我可以改變成件事──」我怒目圓睜,對湯婆呼喝:「點解我仲要放下!?」
「唔好因為你嘅無能而狂怒。」湯婆神態依舊雲淡風輕,輕描淡寫地說:「十年前嘅我都同你差唔多,總係覺得如果實驗成功後,咩事情都可以解決,點解路上每個人都要阻止我,或者到今時今日我一樣係咁……」
「……」我抑壓著無故燒起的怒火。
「我只係想你好好思考下,唔好俾一時嘅悲痛掩蓋咗眼睛。」湯婆像個老嫲嫲說教。
我嘆一口氣,嘆出所有情緒:「對唔住,一時激動。」
「某程度上你都曾經挽救過我嘅人性,令我反思,雖然我唔多聽就係,但我都覺得有義務提醒你,之後會係條點嘅路。」
我問湯婆「你信唔信命中注定?」
「我唔信,因為生命自有出路。」
Mysterion
2024-04-18 22:16:12
估唔到湯婆
墨說
2024-04-18 22:20:16
依幾章我有少少滲入情緒落去寫,代入咗現實層面,如果屋企人發生類似嘅事,我自己會唔會咁做
有時希望太多,再被打沉,就會慢慢變得憤世嫉俗同固執
(可以當係湯藥副作用影響)
有時以為自己看得開,其實只係未受更大嘅絕望
秋季的箱根
2024-04-18 22:30:28
賴桑
連貓
2024-04-18 22:45:46
佢係咪仲係俾別天神影響緊
GingerGinger
2024-04-18 22:52:10
湯婆正常左咁多
西野小春
2024-04-19 01:09:50
轉移去bb 係唔係即刻識講野溝通
白鯨人格係唔係收左皮了
M變返呢喺安全屋一年,喺大本營偷入糧倉食野嗰啲過街老鼠風格
幾好,好過英雄mode,似返個人
來自未來的機械貓
2024-04-19 01:52:46
我覺得佢似想搵機會一次過帶走哂所有特種病獵
包括M在內 而家做嘅都係懷柔政策
唔撚忍者
2024-04-19 02:02:19
M最後會唔會好似赤曲咁走火入魔
傻豬黎既
2024-04-19 03:13:20
施旻奇俠
2024-04-19 06:09:43
車仔同青茶都未出過事
朱峰都係暴走過一次(仲要係冇心)
就要受監控
牙mon殺左幾十個病獵
之前又血洗天環教平民
仲係完全唔洗人管
飛天紅豬人
2024-04-19 07:04:06
M唔係冇打到落去咩
我以為係過度用精神力量 所以腦出血
飛天紅豬人
2024-04-19 07:10:02
邊個管到佢 地位太高 除非佢自願
豆沙包
2024-04-19 07:32:35
「監管之人, 誰人監管?」 Quis custodiet ipsos custodes?
PanzerV
2024-04-19 07:40:18
施旻奇俠
2024-04-19 08:05:22
自己走入監倉啦
文青死全家
2024-04-19 09:19:28
道德同戰友 我揀戰友
弱水叁千只取一瓢
2024-04-19 10:15:20
湯婆變左嘅
定係因為佢仲中緊幻術
GingerGinger
2024-04-19 10:20:43
別天神不能逆轉
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
第 25 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞