依排見大家都熱論DC9各種劣行
咁我又分享下從本人做正常DC既立場 想帶大家認識下從其持份者出發
首先本人開工從不做大家口中dc9各種不是
我開工起得支旗去接街客既就邊到都會去,
從來沒有短既唔做 長既唔做 過海唔做 只要係跟足政府收費既 邊到都去。
講下兜路,我作為司機是非常希望拿拿聲做完支旗去接下一張,但有時真係唔係唔識路去兜路或者賺多你個十蚊八蚊,有時真係唔覺意就miss左一個路口就係miss左個路口,司機唔係機械總會有錯誤既時候,錯左都會同客講返聲。
又講下黑的,我承認dc行業中真係好多垃圾,依樣無計 入行無門檻,阿豬阿狗都做得,我都心表遺憾,唯有繼續投訴。起碼我或身邊既行家唔會咁做
講開黑的又講下大家好鍾意既Uber,講起黑的,大家一定又屌dc9坐地起價,發國難財等等,但依樣野搬去Uber,大家又變得好合理合法wo… 搭開Uber都知Uber係海鮮價,試吓喺繁忙時候call Uber?分分鐘係平時嘅幾倍。呢個時候大家又覺得好合理喎?又無人去屌黑Uber架wo,不過都多謝大家咁踴躍去搭Uber,令到Uber嘅需求大增,價錢亦都大增,做Uber taxi又可以合法地做貴價單
周不時都見到繁忙時候call Uber 入機場 屯門 東涌都5/600$
(多謝大家嘅雙重標準)
係網上見到好多人都話Uber好好 服務好之類,當然我承認佢地部分會好既,但點解係部分呢?
我本人都會成日搭Uber 大旗唔塞車既咪服務態度好囉,你地又可以試下繁忙時段,call架Uber tst去cwb 或者cwb去tst mk 何文田行紅隧,你睇下個司機會唔會全程黑面,試下夏天行紅隧架車會唔會無啦啦壞冷氣。
又講下Uber拒載,本人亦都試過多次比Ube私家車‘拒載‘
首先佢地會打黎問你去邊啦,然後隔左陣又打黎因各種原因黎唔到啦 要我取消張單 (佢地取消會影響取消率)
我聽得最多係爆呔同壞車,不佢佢地pr做得好 唔會直接同你講唔去又或者根本唔可以直接講啦。甚至講都冇講等咗幾分鐘,直接取消又有。
最後講下的士既核心問題,就係做壞晒規矩既折扣的士,可能好多市民都唔知道的士主動提供折扣係犯法(喺call車app客人提出就另一回事),當然做咗咁多年提供折扣的士嘅我地叫貨主就攬住一班客,另外貪小便宜嘅香港人見到有平價的士就狗衝。
其實變相令到另一班腳踏實地嘅的士司機收入減小。市場萎縮,收入減少自然開始就用各種手段招客,搞到市場上充斥大量,做爛市嘅dc9車隊。
一開始搞折扣的士嗰班人都係想攬晒啲大長途自己做,嗰時未有call車app就打電話。
到依家呢個問題從而又衍生出一班香港人閪客,覺得去邊度都要有折頭,旺角去深水埗又要折,尖沙咀去銅鑼灣又要折。
可能大家會屌鳩我呢啲係你啲行家做出嚟,要怪就怪以前嗰班dc9,但一隻手係拍唔響嘅,冇你哋班貪小便宜嘅香港人,亦都唔會有折扣的嘅出現。既然大家成日都鬧dc9各種劣行,何不嘗去正正常常正價call的士。如果真係有心嘅大家可以call和字頭的士app,包保大家開開心心旅途愉快。
我想講以香港嘅生活水平同物價。交通費係已經好平,已經唔講其他發達嘅歐美國家。
唔講日本啦,大家都知日本的士幾錢,
如果對比台灣香港的士都唔係貴好多,但台灣嘅生活水平物價低我哋好多。
中國既…大家明白的
但係如果你係有call過什麼7折八折八五折9折的士,免什麼行李費寵物費雜費,單程隧道(可以諒解)但係收據要打來回既,搭折扣的士拎正價收據(犯法),行屯門公路打什麼大欖飛既。一邊壓榨的士司機,一邊就去屌的士既不是,唔該你地收收皮。
分享多個經歷,好多時試過接到一張正價嘅order,上到車或者落車問我俾折頭…仲要攞飛嘅,住私樓個班係最多。真係唔好怪的士司機冇禮貌。
最後大家睇完嘅,如果從來開始都冇call過折扣的士去壓榨的士司機既香港人可以盡情屌鳩我係dc9,任屌唔嬲,我都明白的士行業好多枯枝。
如果有幸坐到我車,一定令你有旅途愉快。
最後最後同貨主講既喺市面上所見嘅宣傳,我都會通通1823投訴你哋提供折扣的士,希望你哋唔好再搞亂的士行業。
利申:周不時我車嘅客我都盡量去幫佢,亦都收過唔少嘅貼士,亦都有良好文化嘅香港人。
祝大家聖誕快樂
謝謝,共勉之