【Holiday】《病港ＩＩ》（６８）

緊接而來的村民無不卧倒街上，幾乎可染成血河。

或許在慢長的與世隔絕生活中，他們早在小島內回歸原始野性，又可能是磕了什麼藥，導致他們不顧一切成為死士。

上島前合共八個彈匣，如今剩下兩個。

伸手摸向槍口，也是發燙的。

屠村行為對某些人來說，可能做得有些超過。

但當日他們決定走私病鯨肉到倖存區搞事，就得承受行動帶來的後果，我不理會他們背後是否有感人的原因、高尚的理念、可憐的故事，總之我的底線是病者。

一旦動用到病者，就等同使用「核武」……

我不能輕易放過。

「呃……唔……」我腳下有位含血的中年女子，無力地捉住我的腳。

我低頭一瞥，原來她胸脯中槍尚未斷氣。

「嗚……」中年女人想說些什麼。

我槍口瞄準其顱，扣下扳機。

「噠」中年女人放下手了。

「呀！啊啊……」村尾傳來數名年青人的叫聲：「救命呀！救命啊，我哋營地俾人襲擊呀……各位……」

聽起來，王峯他們進行得很順理。

「救我哋呀──」血流披臉的年青人大聲呼叫，跑到街上大喊：「救救我哋……」

我用點射方式，一一射殺逃來村子的激進動保大學人。

幾下響亮的槍聲，求救聲都消失了。

整個塔門，只餘下拍浪聲。

我走上其中一家屋宅的天台，站立高點觀察街上情況。

不一會，張彌生急步來到村中，抬頭望見天台上的我。

「你哋嗰到點？」我向下方的他問。

「解決得七七八八，你呢？搜查咗每間屋未。」

「未。」

「咁我睇下……」張彌生隨便走向一間屋。

「佢兩個？」

「佢哋仲有少少事處理，王峯叫我嚟睇下你點。」張彌生跨過堆疊街道的屍體。

在張彌生的搜查下，搗破了島上酒樓的廚房，真的有病鯨肉的材料。

張彌生再走入點用電筒照射大魚缸時，他的表情由平淡轉為驚愕，像直視什麼畏懼一樣。

「啊啊啊啊啊呀！」張彌生嚇得雙腿發軟，抱著槍支跑出酒樓外。

我聞聲趕至，扶住張彌生：「咩事！？」

「入、入面！有嘢……」

「有咩？」不要跟我說有鬼。

「我……我都唔知……」感覺張彌生比見鬼還要害怕。

如是者，換我手持步槍入內探索。

好多時候，人類自認為害怕的事物，例如鬼怪、爬蟲、黑暗，其實也並不是真的害怕，只是基於對那些事物的固有印象，而自己嚇自己。

然而，有種事物會令人害怕的原因是因為衝破了大腦的固有認知，不存在自己思緒的掌控範圍內。

我要說的，便是張彌生看見魚缸中的生物……

其皮膚異常光滑雪白，擁有人的外形、雙臂和五根手指，有張如同水滴魚的醜臉，下肢沒有雙腳，取而代之是尾巴，簡單而言很像人類，但又不像人類的不明生物。

不明生物所在的魚缸，最多只夠他轉個身，根本沒有任何活動空間。

「咩嘢嚟……」我靠前些查看；「病者新品種定特殊品種……」

「啪」突然，不明生物雙手大力敲打缸身。

單看身體構造應該是為了適應水下生活而演變成，不出意外他是源自海洋，但被塔門的居民捕獲而來。

「你點呀約翰！有冇事啊！」張彌生對樓酒內喊。

「無事。」我回應。

「你見唔見到魚缸嗰隻嘢……」

「見到。」

補上po 600正評

「有咩報應，俾佢喺海上面對冧？」我直視女子。

「大老問你會有咩報應呀！」張彌生輕摑女子的臉頰。

「我幾時做咗你大老？」我反問。

女子不再說話。

塔門上的事圓滿結束，我們一行人乘座快艇，準備回程至中文大學。

女子雙手給索帶捆綁，來頭不小的醜魚則由我看管。

海上浪大卻平靜，耳邊只有引擎聲縈迴。

我一直盯著海面，慎防女子所說的「報應」。

幸好世間不存在所謂的報應，安然無事地回到大學沿岸。

大學過關邊境的位置上，醜魚給密封的金屬箱裝好運往解剖室，激進動物保護組織女子給拘捕等候審判，王峯帶我們去基地弄了點餃子吃。

「只要舊嘢值錢，就算係喺病鯨條腸出嚟都係香。」王峯嗅了那塊龍涎香不知多少次。

「塊龍涎香歸會邊個？」我筷子一動夾住三隻餃子，然後張口鯨吞。

「緊係副校長喇……」吳忠國輕輕地笑：「我估佢都係想用嚟孝敬校董會。」

「不如我哋割少少留俾自己？」張彌生開玩笑地說。

我點頭思索：「校董會，學校嘅最高層……有冇佢哋嘅嘢聽下。」

「你想聽咩？」王峯說。

「背景或者成員？」想要深入了解影響一個倖存區，最好是由高層入手。

病獵學會能否存成事，某程度上很取決上位者的決定。

「校董會顧名思義係學校最高嘅權力核心，係辦學團體決策者，亦係出資創立學校嘅人，如果校長地位係學校嘅國王，咁校董大概就係……神？」

「我申請入學嗰陣見過一個廿歲出頭嘅後生仔，好似叫李縱馬？佢係本身童顏定飲咗返老還童藥。」我回憶起來。

「哦……你講李縱馬，佢的確係好年輕，得廿幾歲。」

「廿幾歲就做到校董？」

「你唔知佢背景？有冇聽過李氏。」

「有，以前嘅香港首富。」而且給我殺了，真是我的榮幸。

「有傳聞話，其實佢係李氏嘅私生子。」

「私生子……」

李躍龍、李騰虎、李縱馬……

聽起來確實是李氏起名字的套路，哪天會蹦出個李飛鷹也不出奇。

「但佢會喺大學咁搞笑？病港開始嗰陣佢應該得十幾歲。」

「佢都係嗰種黑人憎嘅天才嚟，讀書連跳幾級讀中大讀數學系……」張彌生徒手抓起塊餃子吃。

「咁佢應該都只係學生，唔係校董。」

「校董會成員依啲位置其實圍內提名就做到，再加上佢家族背景你知咩料啦。」

想不到中文大學也是李家的勢力範圍內，首富的影響力也不是蓋，如果他們知道我在港島區跟李家的因怨，病獵學會計劃應該可以告吹。

「咁其他校董會成員？」

「暫時公開嘅校董得李縱馬，佢就代表住成個校董會。」

「明白……」

餃子吃光後，我們就直接睡覺。

等到第二朝早上，我們攜著戰利品到梁樹金副校長的辦公室。

「梁副校長，你要嘅龍涎香。」王峯把東西放桌子上。

梁樹金副校長兩眼發光，注視著百斤重的龍涎香，手輕撥著香氣到自己鼻子：「嗯，你哋無令人失望……」

「你嘅要求我達成咗。」我說。

「馬克，做得好好。」梁樹金副校長欣然地點頭，對我冠冕堂皇地說：「你解決咗大學嘅生化危機……」

「我都解決咗你嘅升職發財危機。」我心裡暗諷。

「咁病獵學會……」

「成立。」梁樹金副校長拍出響響一掌：「我揼個印就搞掂，之後你會收到社團登記證。」

「副校長咁我哋戰爭部嘅撥款，都會如期收到？」王峯也問。

「放心，會準時。」梁樹金副校長會心微笑。

人類就是人類，萬般東西都離不開建立利益兩字上。

梁樹金副校長沒有放慢手腳，我翌日就收到「病獵學會」的社團登記證，接下來是選址問題。

中文大學分設九個書院地區，不同地區大樓的租金都有所不同。

當中崇基書院地段屬最昂貴，敬文書院地段相較便宜，取決於人流、景觀和設施等。

因為我創立學會的資金不多，中大武術界亦暫時取消了踢館獎勵，變相我沒有可觀的收入，於是揀了逸夫書院地段的文瀾堂，因為我物色到超便宜的辦公室位置。

相較大學中心區域，它的位置非常偏僻冷清，位於書院的最東面。

「依到就係你嘅學會位置。」書院職員帶我到一間活動室。

活動室的大小約莫一千呎，真是小可憐……

我們在港島區明明坐擁整座中央圖書館。

我打量著周圍的陳設之際，書院職員對我招手：「馬克先生仲未到。」

「未到？」我大感愕然。

「係啊，喺最入面。」書院職員帶我到活動室裡，一間僅佔三百呎的雜物房內：「依到就係你想揀嘅辦公室位置。」

「……」我啞口無言。

「出面廳係公共區域，依間房就係你社團位置，求其打掃就用得，依個共享辦公室理念。」

一千變三百

我打量著周圍的陳設之際，書院職員對我招手：「馬克先生仲未到。」

少少意見 有時睇到呢d位會覺得唔通順
明明書院職員就係同緊55m講野 點解會講m仲未到 load咗陣
「馬克先生，仲未到。」加個逗號／顯示返停頓位會唔會好d？
其實唔止呢句 間唔時都會出現類似情況

起喺shaw
食屎啦遠到
邊個會黎

頂 睇完你呢個reply 先睇得明篇文

翻睇，有感而發

人類就是人類，萬般東西都離不開建立利益兩字上。

「未到？」我大感愕然。

加埋上面果句真係以為有另一個人冒充55M

我都以為係咁，睇到黑人問號

睇得耐發覺M成日講嘢都冇主語 你我他嗰啲 所以一見到嗰啲「可以解釋吓？」就知一定係佢講 成日覺得好命令式 正常人講嘢好難句句都冇主語

估唔到連小魚仙都出埋嚟

呀sir講嘢係咁

又唔係嘅，我覺得係佢純粹習慣咗效率至上

條人魚係咪黑色