【Holiday】《病港ＩＩ》（６８）

犯人瞪著自己雙胯中間：「唔……唔好亂嚟啊……唔好啊……好喇，我認喇……係我走私，病鯨肉係我走私嫁！停手呀……」

「爆蛋」式審問都未開始，便已經結束。

「講你要講嘅嘢。」

「我……我只係……想報復依間學校嘅所作所為……」

「間學校有咩得罪你？令到你不惜想引發生化災難。」

「佢哋捕獵病鯨！」犯人表現出憤憤不平。

「病鯨同你有親？」

「我動物保護組織嘅人，已經多次示威叫大學唔好再獵殺鯨魚，試過唱《吃鯨魚的人》抗議、試過寫請願信同聯署、試過破壞捕鯨船、試過攔截唔俾佢哋出海，但每次佢哋靜完一輪就會再出海捕鯨，溫和手段佢哋係唔會醒……」犯人將生事起因說出。

「所以就想喺倖存區搞事，製造下混亂？」

「得呢個辦法……」

「但食咗病鯨肉嘅同學係無辜，佢哋都有自己嘅家人，你識考慮病鯨，但識唔識考慮他人？」

「已經返唔到轉頭。」

「病鯨肉唔會係你一個人就拎得到。」我一點點的拉緊索帶，其睪丸呈擠壓狀態：「係咪仲有其他人。」

「啊啊啊啊呀──」犯人喊出宰雞般叫聲。

「講。」

「塔……塔門……」犯人兩目滲淚，說出更多內情：「我哋同……塔門嘅居民合作……」

「點解會關嗰到事？」

「嗰到有個倖存者團體，專門堵塞捕鯨船嘅海路，我哋就同佢哋合作……病鯨肉係佢哋俾……」

「你知唔知塔門嘅事？」我轉問陳可依。

陳可依嗯了聲：「係聽講下塔門堆人會成班海盜咁，一齊出動打劫捕鯨船。」

我站起身：「咁成件事大致上就結案。」塔門有什麼壞蛋倖存團體，已經不是範圍內的事。

「你以前係警察嚟？」

「唔係，係病獵。」

「病獵？」

「一個專門解決病者問題嘅職業。」

「哦……」陳可依似懂非懂的點頭。

事情解決後，我如陣風般離去。

今次參與調查工作，解決病者問題是其中一個原因，第二個原因是審查下中文大學專門處理病者問題的能力。

結果，出乎意料地差。

於是我回去宿舍的路上，創立「病獵學會」的念頭萌生我腦海中。

我沒在說笑，我特地去教務樓查閱創立社團的要求。

要求如下：

一：為中文大學的正式學生。

二：一萬學分申請費。

三：申請人無犯罪記錄

四：組織章程，包括社團宗旨、會員資格、組織架構、運作方式等

五：成員數量，需要至少五名成員才能創立

六：社團地址，需要租購一個地方

最後經大學方面審核就能成事。

我原地閉目沉思整整兩分鐘，決定要拿著餘下的學分去創立病獵學會，就好像遠洋過海到美國定居的華人，用畢生積蓄創立雜貨舖，由零開始。

我應該像白鯨那樣，繼續將病獵的理念傳播。

「你哋有冇人識寫組織章程？」當晚，我向公子們詢問。

「你想點？」蛇舌正擦亮自己尖頭皮鞋。

「我想搞個社團，但唔知要寫咩。」

「病獵社團啊？」牛毛開口就中。

「係。」

「嘿……馬克你真係癡線，千里迢迢嚟到大學都仲掛住點搞死班病者。」馬面手握著咖啡紙杯，手指間夾著根香煙：「去呼吸下新鮮空氣、溝下女、識下朋友、讀讀書，打下波，個人會開心好多。」

「突然咁為我著想？」

「你都已經算係病獵界嘅傳說，金錢、權力、地位都有齊，都唔需要再證明自己……」牛毛點煙輕抽。

「人死咗先會變傳說。」

「咁你覺得……自己會死？」蛇舌從鞋底拿出一根香煙，點燃吸入。

我想了想，躺臥到床上：「我總係死唔去。」

差一個

早文一推

立flag

死黑警酷刑逼供

「人死咗先會變傳說。」

中二m又發作

推

推

「你以前係警察嚟？」

「唔係，係病獵。」

M已經忘記過去

佢屌仲要赤手摸人哋個春袋﹐咦~~

「嘿……馬克你真係癡線，千里迢迢嚟到大學都仲掛住點搞死班病者。」

病者界大色魔M

吃鯨魚的人 好聽建議聽

推Juno 超正

唔敢認做狗

又無，太少文了

同意係少文，但係我推

有排成日聽Juno，真心正

而家做左病獵刑警係唔同啲架啦

煮熟就食得咁大把病者肉食啦

借火都正

死差佬真係痴線

一野錫落個春代度

彳亍，弱水三千勁正