【Holiday】《病港II》(68)

968 回覆
844 Like 8 Dislike
2023-06-02 22:52:13
Science上嚟講 有可能設計隻病毒專殺cancer cell
滿天幫手指導下嘅話 以血禍嘅能力其實唔難
2023-06-02 23:18:17
決定權係墨巴到
2023-06-03 00:26:38
new po lm
2023-06-03 00:56:08
鯨魚好似唔怕癌症
2023-06-03 01:23:09
伴郎團總共六人,取個吉利數字。

少佐、大舊、阿登、我、奎斯和賴桑,都是將軍澳時代的舊人物了。

少佐一貫充當領導人角色,給我們分派不同職務。

少佐負責確認婚禮流程進行順利、大舊負責招待和幫忙擋酒、打登負責打點雜務、奎斯負責安排客人就坐、賴桑負責登記和代收禮金,當然到時候會有伴娘幫輕。

至於我?負責保安,擔當王達尼貼身保鑣,必要時替他擋子彈。

雖則總統本人婚禮保安程度非常嚴密,但不排除有任何突發情況。

因為王達尼由訂婚開始已經籌備著整個婚禮,旗下還有大量公務員,所以我們伴郎要做的事不多。

我們有事先上去四季酒店的婚禮會場踩點,其時已經有保安日夜駐守。

婚宴場地為「四季大禮堂」位於二樓,酒店整體設計上雍容華貴,洋溢著優雅高貴的格調。

要不是世界末日的緣故,也沒什麼可能在四季酒店搞婚禮。

大禮堂雄偉地豎立兩層高的大理石柱,彰顯出神聖典雅的氣派,落地式玻璃幕牆可飽覽整片維多利亞港迷人的景致。

每張餐桌都擺有精美的水晶燈檯,底部以芬芳的白花點綴,並以柔軟的燭光杯代替電燈。

伴郎們欣賞著美景和裝潢的時候,我就檢查著每張餐桌底下,是否有隱藏炸彈等東西。

「如果我都喺到結束就好……」阿登感嘆仰望著精緻的水晶燈。

「你搵到女朋友再講喇!」大舊拿起某張椅子,不停舉上舉落。

「大舊,你喺到做緊咩……」阿登看不明白他的舉動。

「健身啊!如果唔係點保護女人,點吸引女人。」大舊說得理所當然。

「咁我都跑下先!」阿登忽然繞著大禮堂跑。
2023-06-03 01:23:20
「……」我無言。

相比起大本營來搞笑的兩位,另外三位可靠得多,奎斯、賴桑和少佐商討著各種細節流程,我自己對這些事不感興趣,就沒參與討論。

結婚……

這種事大概一輩子都與我無緣。

「你哋嚟咗啊。」會場入口出現夏晴的聲音。

我轉頭望去,發現伴娘團都來了。

夏晴、瑜小六、瓦禮、阿玲,另外兩位不認識。

瑜小六對我的出現感到很神奇:「你居然會做伴郎……」

「都係無啦啦就做咗。」雙手插袋的我聳肩。

「新面具啊?幾型喎。」瑜小六是找不到話題嗎。

「你仲未搵到男朋友?」我轉問。

「有你都唔知啦。」瑜小六淺笑。

準備功夫忙到下午時間,王達尼和愛紗特地帶著茶點前來會場給我們分發。

婚禮一樣需要彩排,畢竟節目流程繁多,新人要知道如何走位,什麼時候交換戒指,由哪檯開始祝酒等。

我們這幾天就完全投入婚禮的事情中,沉醉在他倆的浪漫愛河下。

到了婚禮舉行的早上,擦乾淨腳下的皮鞋,在鏡前給自己打領帶,咬了口蘋果便出門去。
2023-06-03 01:23:32
不知民眾哪來的消息,不少人在街道上慶祝,待在四季酒店樓下祝福這對新人。

當然,政府保鑣早就封欄,隔開閒雜的民眾。

可以前來會場的賓客,全是王達尼發帖的,包括了:明雲、公子會全員、寶拉、積奇、艾匡、公仔、娃娃、瑪希等我認識的人,有部份則是我不認識,和王達尼是商業關係上的伙伴,單是寶琳和港島的商會都一大堆。

禮金其實純粹盡盡心意,應該不是大問題。

單單是曾經並肩作戰的戰略局成員,以及多年員工關係的黑鼠商團成員,合共有近上百名賓客,等待開場期間樂隊綿綿地演奏著婚禮的樂曲。

現階段我和新人們都待在化妝室等候,等到大部份賓客入席,時間搭正八時就會正式開始。

王達尼好歹身為總統,不會有什麼上門接新娘挑戰這些低能環節,格局要夠大。

下午五時入席,六時半左右賓客已經如流水湧入。

化妝室裡我和王達尼不談公事,單純談談閒事。

「你近排有咩搞?」王達尼問我。

「暫時無,大家都入咗休息期,無論病獵協會、南征部隊定係病獵公會。」

「呢幾年大家都攰。」王達尼慣性地伸手到口袋,將把香煙拿出點燃。

我用手壓下他正點著的火機:「陣間你換完戒指好似仲要錫?」

王達尼愣了愣,笑著收回火機。

「你同班新上任嘅管理人相處成點?」

「佢哋暫時都守規矩嘅,做嘅嘢都叫有建設性。」

「咁天環人有冇其他舉動?」

「哈,場選舉好似打沉咗佢哋,都無咩新動向。」王達尼喃喃地唸:「不過直昇機真係好癲……」

「佢哋有冇話要點用?」

「有傾過下,如果真係用嘅話,大家都同意揸去香港國際機場。」

「你鐘意風險高,公子會野心高,睇嚟你哋有共識。」

「但依啲都後話,暫時籌備下黑鼠商團去中文大學嘅事,既然講到係個無咩敵意嘅倖存區,搞齊南征計劃啲材料仲實際。」

「要我幫手?」

「我成團後搵你。」

隨時間越夜,大禮堂的閒談聲越多。

「已經有八成賓客入座。」少佐進入化妝室知會。

「得,準備出去。」王達尼兩腳一伸站起,腳卻無力般要馬上扶牆:「哇啊……」

我扶住他的腰:「你咩事……」

「做咗總統之後成日坐,坐得嚟坐姿又錯,搞到啲筋都……我企陣等隻腳鬆自然鬆就無無嘢。」

「咩位置?」王達尼指指大腿:「大概,大髀到腰成條筋扯住咁……」

「髖關節……」我指著沙發示意:「你訓喺到。」

「做咩……」王達尼按照我意思做。

我雙手抓住他的腳對向自己:「左腳痺?」

「係……」

我將他的左腳推向腰腹上屈起,形成Z字形:「有冇感覺?」

「有有有……好強烈,輕手啲!」王達尼反應很大。

「無感覺鬆嚟有咩意思,十級痛,依家幾多級?」我續問。

「七、八、九──呀!」王達尼面色紅漲,想將腳左伸直。

「頂住。」

「嗚噫──」王達尼雙手抓緊沙發,難受得幾乎要滲汗:「頂唔緊啦!」

大約三十秒後,我才慢慢將王達尼的腳擺直。

他一副虛脫的樣子,合上眼睛嘆氣:「點解你會識呢啲物理治療……真係鬆咗少少咁……」

「我成日要同人打架,麻痺酸痛都係家常便飯,點會唔知邊條筋邊塊肌肉搞到你咁。」
2023-06-03 01:23:47
補上上po 200正評
2023-06-03 01:24:16
「咁你仲識唔識搞條腰?」

「企起身。」我指示他。

「係。」王達尼馬上站立。

「背向我。」我轉身。

「好。」王達尼跟著轉身。

「手挽手。」

「唔好咁大力啊,真係唔好……」王達尼有些不好預感。

我才不理他的說話,直接彎腰將他拉起,讓腰部拱起。

「啊呀呀呀呀──」王達尼猙獰地痛喊。

「頂住……」我維持十數秒。

稍稍放王達尼下來喘口氣,我又再施展同樣技倆,令男性化妝室頻頻傳出男士慘烈的叫聲。

費了好大的勁我才鬆好王達尼的筋骨,因為他身體會下意識做出抵抗行為。

「夠鐘要出去。」門外全程聽著的少佐向我們招手。

「好。」王達尼揮幾下空氣拳,領頭行出去。

我們站在後台等候,司儀則炒熱氣氛。

「依家我哋俾熱烈嘅掌聲、歡呼聲,仲有滿滿嘅祝福,有請一對新人進場!」頭部光滑的司儀終於宣佈。

宴會場中不乏各路大人物,畢竟自王達尼帶領戰略局抵抗西城薈起,港島區內地位已躍升至神級位置。

炮竹般的掌聲下,王達尼挽著愛紗的手行到台前,緊接司儀徐徐說出兩人的愛情故事。
2023-06-03 01:24:26
故事完畢後,六層的結婚蛋糕給推出。

新人合巹交杯,全場祝酒。

儘管港島區的商人政客們,性格偏向沉著,但靠著大本營當地的老朋友,都成功把氣氛推到最高點。

「總統閣下,第一婦人,不如講下感想先。」司儀把時間讓給他們。

「好多謝各位來臨。」王達尼發表演講很有經驗,但此刻仍然有些怯場:「哈哈……有時候,我真係唔敢相信呢種事會發生喺我身上,我係間中飲下酒、食下煙,做下小買賣嘅商人,從來無諗過有咩豐功偉業,或者有最愛嘅人相伴,渾渾噩噩咁過每日,但世事就係咁奇妙……依一切都發生喺我身上。四季酒店?舊社會嗰陣如果揀喺到結婚,我諗要用幾年還債。」

座上每位觀眾哄堂大笑。

「我好感謝依一切嘅發生,我大概係香港最幸福嘅人,由谷底到天堂,真係經歷咗好多嘢,以後我除咗會做個好總統,更會做個好老公!」

「第一婦人呢?」

「感謝大家出席我同王達尼嘅婚禮,計計下我哋都識咗十幾年,如果唔係末日嘅話根本唔會遇到,亦唔會走到嚟呢步,有事世界就如佢所講,真係好奇妙……你覺得唔會發生嘅事,好可能就會發生,我都承諾會做個好老婆。」

兩人五指緊扣,高舉天上。

「你無感覺?」後台中,瑜小六冷不防走來問。

「咩無感覺?」我眼角梢向瑜小六。

「嘿,見你攬哂手挨住牆咁睇,好似覺得無聊。」

「我比較想知幾時可以食嘢。」

話口未完,司儀就宣佈下個環節──晚宴開始。

「食得啦。」

新郎和新娘們共坐一檯,菜式分別有香草豆腐、川辣炒蝦、荷葉飯、蒜蓉黃芽白、蓮藕炸魚餅和魚雲湯。

整場婚禮我沒有出到多少力,但吃量可說是最大。

我大快朵頤時,新人就換上敬酒服裝,逐桌逐桌的敬酒。

有些特別興奮想要額外跟新郎敬酒的賓客,最後都會由大舊頂酒。

杯酒言歡,酒足飯飽。

一個愉快的晚上。
2023-06-03 01:24:37
「先生,要酒?」一位侍應走來問我。

我轉頭打算回應侍應當下,整個人怔住了。

「……」我從未試過如此雞皮疙瘩。

我近乎整個人定格了。

那名侍應手捧托盤上的紅酒,留著異常漆黑的頭髮,黑得像強行染成一樣。

他……是怎麼進來的!?

我必須冷靜。

「你唔應該喺到。」

「咁我應該喺邊?」他揚起邪魅的笑容:「應該喺病獵公會,面對嗰班等住殺我嘅叛獵?」

「現場有幾多大病獵你應該清楚。」我盯緊他。

「我估你都應該清楚,我只要決定變身……兩秒內依到嘅事物都會開始腐化。」

「……」

「我一直搵緊機會。」他深深地微笑:「就係今日。」

不行,要是他真的動格……

現場必有傷亡。

「你仲未郁手,即係有目的,你想點?」我續問。

「將麥欣帶嚟你哋唔會損失半條頭髮。」

「咁你跟我嚟。」

他長長噓聲:「我留喺到,你帶佢嚟。」

簡單來說他把婚禮所有的人,都當成人質了。

我捏緊了拳:「等我。」

「婚禮結束前好帶嚟,只要我感覺到有任何唔對路,都會即刻轉成病者模式。」他善意提醒。

陀蘭,

來了。

我先是去了艾匡身旁:「知唔知嘎嘎喺邊?」

「喺萬豪酒店到暫住緊,你搵嘎嘎做咩啊鳥嘴先生?」艾匡答。

「幾號房咩樓層。」我不選擇告訴艾匡。

「十六樓1605室……」

「好。」我行出大禮堂。

急步落到四季酒店地下後,我馬上轉成奔跑模式,全力跑向萬豪酒店。

現階段下,不得不帶嘎嘎來了。
2023-06-03 01:32:14
2023-06-03 01:36:45
痴線咁樣入直路
2023-06-03 01:40:06
點都似會死一兩個
2023-06-03 01:58:21
屌好撚好睇 你以為支線啊嗱 咁樣入主線
2023-06-03 01:59:40
如果陀蘭一早知 算唔算佢都唔夠膽同班叛獵硬碰硬
2023-06-03 02:00:03
2023-06-03 02:00:16
唔好死
2023-06-03 02:07:32
咪搞串個party喇
2023-06-03 02:17:53
The dark knight 小丑去婚禮踩場嗰幕咁
2023-06-03 02:20:27
打了打了
Btw m同達尼先係真愛
2023-06-03 04:00:07
依家有邊個夠陀蘭打 未行到去已經死左
2023-06-03 04:48:35
病者m
材料都齊哂 今次唔啪針等幾時
2023-06-03 05:41:11
賴叒心靈控制
2023-06-03 08:13:03
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞