【Holiday】《病港ＩＩ》（６８）

虔誠者實體書等左好撚柒鳩耐
不過墨巴可能開始出小一弒神者先再出實體書

動畫會好啲

整開放世界遊戲仲正
啲支線任務夠曬多

那有錢

唔係唔得嘅

攞香港地圖
然後攞google map開發系統
https://developers.google.com/maps/documentation/gaming?hl=zh-tw

整一隻輕課金手遊
AI 美術
可以喺香港行行企企 周圍打怪
已經係極限

example:
https://play.google.com/store/apps/details?id=playorna.com.orna

補充返 真係有興趣搞呢啲 gps based game
搵返一隊識得揼Unity on Android & Ios

如果有一拳超人埼玉打波羅斯咁嘅戰鬥畫面，不破尚打D 董倫打北賢 黑色賢者打余智海
第二季白鯨瑪希打火凶獸 m同袁燊凶獸大戰
七傘打弒神者 M一野扔死水凶獸 宮浪紋死戰陀蘭 雲尼一個死鬥西城薈 諗落都好睇
可惜無人會做

推

今日無文？

「咁你講下。」

「先帶我去你個生化小組部門。」

「你嚟想做咩？」

「想參觀下。」

陳可依眼珠溜溜想了想，打眼色叫我起行。

生化危機小組部門位於大學某幢宿舍的其中半間活動室，另外半間供戰爭部其他分支使用。

「依到都幾頹下。」跟我想像中有些出入。

「無乜上面戰爭部嘅資金撥款係咁。」陳可依悶悶不樂，拉椅子坐下。

「成個部門得你一個？」

「仲有幾個嘅，但暫時得一個喺枱底訓緊教。」

我彎腰低頭查視，果見有個傢伙睡在桌子下。

「睇嚟你哋唔係幾受到重視。」我說。

「病者都無價值又危險，無人重視都正常。」陳可依聳聳兩肩。

如果我趁這段清閒的日子中，在大學搞個「病獵學會」建立「病獵」職業，能發展得到嗎？

「喂，你都未講發現啲咩？」陳可依繼續問。

「我喺事發場地嘅後台搵到啲湯，裡面有塊不明嘅肉明顯飄出惡臭，我懷疑嗰塊係病者肉混咗入湯到，令飲用嘅芭蕾舞學生都變成病者，依家首先搵出今日同樣喺事發地點出現過嘅相關人員，然後將佢哋帶嚟，你做唔做到？」

「做到……係要啲時間同好麻煩……」

「做到就即刻去做。」我以命令的口吻說。

「搞到你係我阿頭咁……」陳可依前去辦理。

由朝到晚，時間來到深夜十時，陳可依合共帶了三名跟芭蕾舞團相關的人士到來，因為他們三人目睹事發經過，驚魂未定而在中醫學院休息許久。

他們分別是芭蕾舞團藝術總監、芭蕾舞團評審員、芭蕾舞團製作經理。

根據三人的口供，我大概還原當時的情況：早上芭蕾舞蹈員正進行排練，藝術總監和評審員在台下，製作部經理則在後台處理大小事務。

排練結束後，製作部經理拿出肉湯慰勞舞蹈員們，可她們喝著喝著就突然發生病變情況，製作部經理、藝術總監和評審員都嚇怕得第一時間離開，僅有現場死去的男子試圖掌控情況，結果被舞者踢頭而死。

「即係碗湯係你整？」我盯住製作部經理。

「我唔會特登落毒害死佢哋嫁！碗湯……碗湯係我煮……但我無落到毒啊……」製作部經理慌張得不像說假話，如果是假話他也不必說出湯的事。

「係你拎出嚟，唔係你落咩人落？」我伸出的食指幾乎要碰到他的鼻頭：「你答我嗰啲咩肉嚟！」

「我……我只係……」製作部經理眼神茫然，緩緩說出部份內情：「我只係走去買咗少少黑市肉……」

「黑市肉？」芭蕾舞團藝術總監臉色一變，指罵製作部經理：「我俾錢你買肉慰勞班團員，點解你要走去買黑市肉啊？」

「我貪黑市肉平，想喺中間抽水……」製作部經理面如死灰，蹲下抱頭：「我無諗過咁做會害死佢哋。」

「即係話你喺某個地方買咗不明來歷嘅肉。」

「係……」製作部經理悔恨地捏住自己頭髮：「對唔住……好對唔住呀……」

「咩地方，賣方係咩人？」

「我都唔知……因為我哋用儲物櫃交易……唔會見到對方……」

「咩叫儲物櫃交易？」我發問。

陳可依代答：「即係買賣雙方唔需要面對面嘅交易方法，利用儲物櫃俾錢同收貨品，匿名性極強，通常走私犯嘅違禁品係透過依種方法交易，賣肉嗰個人真係好可疑……」

「如果追查唔到賣方咁線索就會斷裂。」

「可唔可以引蛇出洞，試下喺黑市板問有冇人賣肉？」陳可依獻計。

「唔得，利希慎音樂廳嘅事已經公開咗，賣家肯定唔會再現身自爆身份。」

就像電視劇那樣，碰巧有人帶著化驗報告來了。

「化驗報告已經出咗，湯肉係屬於鯨魚嘅肉，而且上面大量病毒存活住，應該係出自病鯨身上。」不明的生化小組成員回報。

原來是病鯨的肉，那麼說罪魁禍首會是接觸到病鯨肉的人？

「調查範圍又大咗……」

「你講，我帶人去調查！」陳可依幹勁十足。

我像個警長一樣繼續指揮：「將捕鯨隊同會接觸到病鯨肉嘅有關人等，全部帶嚟審問。」

「係！」陳可依衝出辦公室。

整個晚上，生化危機小組的人員不停拘捕會接觸到病鯨肉的相關人等，主要都是捕鯨隊的成員，因為僅得他們有捕殺病鯨並帶回倖存區的能力。

可是單憑幾句話審問，根本不會問得出真相。

何況每斤割下的病鯨肉，每每運回倖存區都會標上記號，然後記錄重量多少公斤。

如果有人偷偷割下兩三塊賣，或是完條偷出去賣，都會跟記錄有出入，記錄有誤是不能轉售，但翻查病鯨肉轉售的記錄，全部數字都一致，沒有異常。

我托顎細想：「走私犯？」這就解釋得到捕鯨隊記錄沒有差錯的問題。

「你意思係有走私犯特登偷運病鯨肉入嚟賣？都唔係無依個可能……」陳可依按著我的思路去想。

「走私犯應該只可以喺二號橋到偷運嘢入嚟？」我問陳可依。

「係，其他地方都用欄封閉住，而且有瞭望塔，偷渡入嚟嘅人好易會被發現，何況走私犯係帶住啲貨品。」

我繼續指揮陳可依辦事：「將二號橋三日內入境人士嘅資料全部俾我。」

病鯨肉在室溫情況下，放半天都要發臭壞掉了。

如果製作經理買病鯨肉時沒有發臭，代表病鯨肉是至少三天內給帶入境，那麼這段時間入境的人士，都有可能是病鯨肉的走私犯，更幸運是每天入境人士數量不多，最後嫌疑名單中我得出十六個人的名字。

我讓陳可依把他們都「請」來，然後逐個嫌疑犯的衣服揪起嗅。

末日世道下衣服可能整個月才會更換，所以那走私犯衣服多多少少會殘留點海洋混雜鯨魚肉血腥的氣味。

「唔……」我緊握住面前第十名嫌疑犯的上衣，抬目凝視他一陣子：「仲捉唔到你？」

仲捉唔到你

好掛住湘B
唔知之後會唔會再有機會見翻

仲捉唔到你？ 又屈

我等咗成年有多喇韓湘究竟幾時先會出返嚟

d狗係咁
特登嚇鳩你

M啲職業病

病鯨煮熟咗都出事？
高溫都殺唔到菌！
好bug

病鯨唔驚高溫

話晒都病肉
冇理由煮得黎食掛

「你……你唔好屈我喎……」渾身海鮮味的犯人口顫：「你無證無據。」

單靠氣味辨別犯人，說服力確實不夠。

「去佢住嘅地方搜證，睇下有冇咩發現。」我發出指示。

生化危機小組的成員根據我指示，打包犯人房間的物品回來，逐件逐件的調查，然後對犯人閉門式審問。

包括其背景來歷、人際關係、日常喜好，無關痛癢的事都會問。

「你問落去都無用嫁，我咩都無做過啊。」

「咁你件衫陣味點嚟？」

「成年無洗衫乜味都會有，我控制唔到……」

「睇嚟你要捱下苦。」我拿出一條索帶。

「你綁住我對件事無幫助！」

我強行脫下犯人的褲子，剛好陳可依推門進來：「我哋發現有部份不明肉屑殘留……」她呆了呆。

「繼續講。」我用索帶捆綁住犯人的睪丸：「我唔係同佢做緊不道德嘅事情。」

「噫……我懷疑係病鯨肉留低……我哋準備會拎去哂佢所有嘢去化驗，如果結果真係同病鯨肉吻合，表面有殘留住病毒，咁可以定佢罪。」

「我俾機會你認罪你唔認。」我輕輕收緊索帶：「但如果你喺到浪費我時間，要等咩化驗報告……到時我就唔會手下留情。」