【Holiday】《病港II》(68)
墨說
968 回覆
852 Like
8 Dislike
EFADE
2023-06-13 19:58:55
一齊重睇啦

天使clubclubB
2023-06-13 22:17:51
Push
墨說
2023-06-13 22:38:32
「仲以為你係賊,休館都喺到。」
「你知唔知咩叫努力型天才?依個就係點解我做到館主嘅原因,努力係唔會呃人……」泰臣耀西伸出拳頭指住我,投來冷冷的目光:「正好我啱先我熱完身,有人送上門俾我操拳正好,希望你唔會令我失望。」
我戴上掛在擂台圍繩上的拳套,做個簡單的頸部熱身。
比賽就在沉默中展開,泰臣耀西擺出格鬥姿勢,雙腳步伐不停輕跳著,
我一如既往採取被動式反擊,等待他對我出拳。
泰臣耀西持續觀察著我,但他並不是單單的看著,身體姿勢同時進行著各種的微調修正,應該是職業級別的拳擊手。
「呼——」泰臣耀西伸出一記探拳。
我不躲不閃依舊站於原地,因為攻擊距離明顯不足,果然!拳頭伸到距離面具幾公分就收回去。
「你要用依種態度踢館?你令我好不爽。」
「你要我扮緊張?」我反問。
「你唔識緊張即係話唔驚我?好……」泰臣耀西壓身急進,左手直拳揮向胸肋。
我隨即向左面躲避,讓他打空氣。
泰臣耀西保持急攻節奏,配合蝴蝶步揮來密集的重拳:「你有冇見過凌晨四點嘅中大?我見過,就剩低星星月亮同打沙包嘅聲音!」
「你係咪間接暗示緊自己會特登好早起身操拳?」我純粹運用身法閃避重拳。
「我從十歲開始就每日食三塊雞胸肉、每晚八點上床凌晨四點起身、一星期做重訓五次、事後踩機四十分鐘、另外每日最少抽三個鐘練拳、十年嚟淨係飲水,大腦都已經遺忘咗甜係咩味道……」泰臣耀西表情狂喜,越打越起勁:「我聽到你居然夠膽踩場個陣,我真係好開心!因為你唔知自己眼前面對緊嘅對手係幾咁恐怖!幾咁自律!!幾咁努力!!!」
「食下雞胸、做下運動你都咁自豪?」真想問他有沒有見過凌晨四點的病者國度。
墨說
2023-06-13 22:38:53
「你依種輕視拳擊嘅態度,好快會令自己滅亡!」泰臣耀西大喊。
「嗯……勸你唔好聽咁多心靈雞湯。」我如同Dr.D擺出狂傲的姿態,任由泰臣耀西攻拳全身上下。
「呯呯呯呯呯呯呯呯呯——」
泰臣耀西自以為找準機會,對我猛烈轟出數十多下重拳,但人類這些所謂的「攻擊」根本不值一提,甚至沒有使我退後半步。
「噫……」泰臣耀西錯愕一下,咬緊牙關打向我頭部:「無可能!」
我冷笑一下,把移位的鳥嘴面具戴正。
「嗄!啊……」泰臣耀西出拳越來越慢,略顯疲憊:「點解打極都……」
泰臣耀西全身汗如雨下,短短幾分鐘內抽空了自己的體力。
「已經攰?」我聲線不帶起伏的問。
「呀啊!!!」泰臣耀西憤怒地再出一拳,但這拳已經毫無力量:「啊……啊……明明……明明我已經好努力!點解……」
泰臣耀西欲再揮拳,我率先發動攻擊將他一拳打到圍繩去!
「因為努力從來都只係入場劵。」我回贈他一句。
泰臣耀西咳出一口血:「咳……未完……」
「已經完咗。」我脫下拳套:「同你講多個原因,點解你會輸。」
「……」
「因為你太多廢話感言要發表,下次不如留番啖氣專心睇下對手點出招仲好。」我彎腰跨出圍繩,拍卡領取學分。
應該至少都有十萬學分了,去買汽油吧。
「邊到有油買?」我問那位記者程愛華。
「……何善衡工程學大樓。」
「唔該。」我走出拳館。
墨說
2023-06-13 22:39:07
「你叫咩名啊?」她追問。
我聽見問題,但選擇離開不回答。
何善衡工程學大樓為大學其中一所學院,主要跟工程學相關。
如果想要購買汽油就得先向院務處申請,因為它屬戰略性資源,別問我為什麼,他們規矩如此。
「申請原因係?」院務處職員問。
「要……有原因?」
「無原因你買嚟做咩?」
「……研究。」
「研究咩?都係問下。」
「搞恐怖襲擊。」
「……」院務處職員神情嚴峻,瞪大了眼。
「講笑,同汽車相關。」
「要買幾多升?」
「俾住半桶。」天知道一輛跑車要入多少油。
「個價錢係依個數字。」院務處職員輸入金額到讀卡器上。
果然是天價,幸好踢了不少館……
「嘟」
一小時後,我揹著半桶汽油回到三友車房中。
「你真係去咗打劫呀?」陳三友愣住。
「係踢館。」我放下汽油桶。
「我講下咋,你真係走去踢啊?」
「嗯。」我坐上汽油桶。
「哇,你真係打破咗成個中大武術間嘅平衡……」
「有咩平衡?」
「江湖規矩係寫明可以踢館啫,你真係走去踢咪戳穿呢個泡沫,依家真係世界大亂……」陳三友不知第幾次拿起死氣喉走入廁所。
「部車整成點?」我瞧向車底下的馬面。
「預要搞幾日。」馬面答。
「到時部車整好咗,直接揸去車聚?」
「千祈唔好,咁樣做都係俾人當傻仔,車手都好有性格。」馬面似乎很懂車聚文化。
「咁應該……」
「飛車模式有兩種,一種係車聚嗰種聯群結黨,一種叫「隱形飛車手」,即係喺條路上面遇到佢,同佢即場挑機。」
「你想我哋做隱形飛車手?」
「依個似乎係最可行方法。」
「你話點就點。」
「枱底下面有本理論書。」馬面忽然說。
桌子下果見一本駕駛理論書:「你要?」
「你讀咗佢。」
「我讀嚟做咩?車應該係你揸。」
「你想炒車死?」
「咩意思?」
「車手有好強嘅競爭心理唔輸得,我唔知班友鬥車狠唔狠,佢哋為咗贏可能會玩故意碰撞,你唔驚我炒車就得……」
「得得得,我試下……」我掀開駕駛理論書閱讀。
邊度有咁筍
2023-06-13 23:45:52
點解我睇唔明要M揸車嘅原因
in55!WI
2023-06-14 00:00:02
馬面岀車禍會影響導彈計劃
m好大程度上係保鑣身份去中大
傻豬黎既
2023-06-14 00:13:14
即係馬面驚死


椒鹽蝦米
2023-06-14 00:39:11
係唔係要瓦解中大勢力?

魔法嵐
2023-06-14 00:44:48
踢館啲篇幅都咁多

Cdrom1344
2023-06-14 01:15:52
魷魚大師
2023-06-14 01:15:57
陳三友不知第幾次拿起死氣喉走入廁所。
入廁所屌死氣喉

膠力資源冇限公司
2023-06-14 01:48:36
踢館都係兩篇啫

飛天紅豬人
2023-06-14 06:13:36
貓西
2023-06-14 08:28:34
條友係咪入廁所屌條死氣喉

PanzerV
2023-06-14 08:33:17
EFADE
2023-06-14 15:21:03
及後,好快又點到那混亂的場面,我見Dr.D變成了一隻體形極大,大約有三層樓高、身形肥壯、全身盡是腐爛、頭部披著散髮、輪廓厚脹的病者。
原來dr.d 最初病變成為病獸
邊度有咁筍
2023-06-14 16:35:41
哦!
「你想我炒車死?」
創造條件
2023-06-14 18:08:58
李種馬
玉面飛龍至尊寶
2023-06-14 18:45:02
要求加更

墨說
2023-06-14 20:47:56
駕駛理論書範圍涵蓋很多方面,包括汽車的每項功用、安全駕駛、道路使用者守則,全部都如同廢話無異。
我花了幾天時間讀遍整本理論書後,馬面竟到中大圖書館租借會議室,像老師在白板上寫下要點給我親自授課。
「嫁車未揸得前,我都會同你上雞精班。」馬面用手上的油筆指住我:「依種機會好多人想要都無,好好珍惜。」
「我仲以為實踐係最好嘅學習方法……」
「依個正正係職業車手同業餘車手嘅分別,賽車係一項高速運動,高階嘅技術理論係有科學數據同測試研究喺背後支撐,係涵蓋到牛頓定律、物理化、速率計算,唔係話揸咗車十幾廿年就會識。」馬面拔開油筆蓋,於白板上寫出一些不明公式:「先教你睇V-t圖。」
接下來的半天時間,我都在學習著莫名其妙的東西……
什麼a為加速度、Δv是速度的變化量、t為所經過的時間,總合起來的公式便是說明:「一段時間內速度變化了多少?」。
又說什麼汽車重量不變情況下,離心力大小與速度的平方成正比。
課堂結束後我有股從圖書館高層跳樓的衝動,我雖然身在大學,但心並不是真的想要學習。
砌車要用到的時間比想像中長,差不多兩個星期後,車子才正式落地。
那段日子中我不停上馬面的教學課堂,單是公式都看得我頭暈眼花,有時會握著方向盤部件學習如何推拉軚,慶幸是我手腳尚算協調,沒有什麼大問題。
講到底駕駛無非四隻字,前進和剎車。
也不是全無收穫,我本人總括了幾個要點。
墨說
2023-06-14 20:48:08
三友工房。
「嫁車真係俾你搞得掂……」陳三友打量著跑車,有些不敢置信。
「同合約講嘅一樣,我哋會幫你測試埋,馬克……」馬面拉開車門,向我打個眼色:「上車。」
「咣」
我坐在副駕駛座,第一件事是先戴好安全帶。
「我揸個圈睇下有冇大問題,嫁車行得順唔順,盡量留意下我每個動作。」
為了觀察得更仔細,我不惜動用蘇維的眼睛凝視。
馬面開車著匙前,左腳先將離合器踩盡,左手搖搖排檔桿確認空波狀態,拉起手煞,其後正式著匙。
「轟隆——」跑車引擎咆哮。
馬面再次踩盡離合器,左手調撥到一檔後慢慢腳掌鬆開離合器,車子輕微震動,然後放開手煞,右腳輕踩油門,左腳再完全鬆開離合器,車子隨即向前行駛。
猛虎出閘!
跑車離開長年不見陽光的車房後向左轉,直接駛出大埔公路上。
整條馬料水段上橫行無阻,只需閃避數部停在路上的廢車,排檔桿亦好快調至五檔。
馬面僅憑單手駕駛,前方風景飛快地掠過。
受引擎聲和移動物體吸引的病者,當然馬上竄出追趕,但絕對的速度下他們無不吃塵。
跑車駛進大埔區前,馬面轉彎回到三友車房那邊,畢竟那裡是疫區,跑車再快都會被肉身相搏的病者攔下。
回到赤泥坪村中,馬面在一塊空地上停車:「我哋交換位。」終於到我學車了。
馬面像車師傅般,從旁對我指導。
操作自排變速箱汽車的技巧我略懂皮毛,但手排變速箱的話則一曉不通,所以手勢顯得有些生硬,有時候更會被馬面問候自己是否有小兒麻痺症。
由於油量有限,我需要在短時間內熟識駕駛這門技能。
墨說
2023-06-14 20:48:18
等我懂得最基本的向前向後向左向右,馬面開始放設一些障礙物到路面上,要我在不觸碰的情況下越過它們,除了調整我的轉向不足和轉向過度等情況,更重要的是摸透熟習整部車的性能。
學了半日車,太陽伯伯都下山後,駕駛課堂才結束。
「你手腳協調係幾好,但有時太急,一急你就易出錯,聽日再努力。」這是馬面給我的評價。
有駕駛名師的指導下,加上全日高強度訓練,我的駕駛技術突飛猛進。
手腳動作開始有模有樣,至少不會思疑幾秒。
馬面說賽車途中,好多時思考時間不足一秒,要做到人車合一的境界,只有不停增加自己的駕駛時數。
有空檔的時候我會模擬駕駛,握著空氣方向盤練習。
睡覺的時候,都會反覆回憶開車轉檔的步驟。
同時,我們會在有車聚的日子,偷偷觀察那伙人經常駕駛的路線,方便日後做隱形飛車手挑戰。
世上有些人天生擁有操作機械的天份,有些人則與操作機械無緣,我大概就是前者。
數天的密集式駕駛訓練,我已經將手排變速箱跑車,操作得相當純熟。
為了不再稱呼它作「手排變速箱跑車」,我特意向馬面詢問它的名字,才發現它就是跑車界的戰神,日產GT-R。
「我睇你手勢已經學識基本嘅操作技巧,叫你喺任何地方揸應該都無問題,手車穩定之後要追求嘅就係快。」馬面說。
「繼續。」我留心聆聽著。
「賽車路上無非係得直線同彎道,直線唔洗點講……無非都係踩盡油門,想快無非係睇部車嘅引擎同煞車性能,依部車已經好完善。」馬面語氣加重,目光放到我身上:「不過一入到彎道就唔同講法,到時候車手嘅技巧就凌駕喺一切之上,往往想要超車對手或者拉開距離,就係靠個彎決定成場嘅勝敗。」
「……」
「理論課個陣我應該同你提及過彎道半徑同曲率係咩一回事?過彎理論我用咗全日講,你應該都有個印象喺腦到。」
「係。」忘記了。
「好,賽車手除咗要識控制方向盤……」馬面手指戳向自己說到的部件:「仲要識透過油門同煞車配合嚟改變車嘅重心同方向,例如你油門可以踩得幾輕幾深,已經係門好講究嘅技巧,一般人最多踩到三、四種幅度,踩到八、九種已經係經過特別訓練。」
「但你踩到二十種幅度。」
「你……」馬面一怔,好像秘密被掘出那樣:「點解會知?」
「第一日試車嗰陣你叫我留意你動作?我發現你踩油門嘅幅度唔係單純憑感覺,而係分咗二十種幅度去踩,細微咁控制住部車嘅重心。」沒什麼能逃得過蘇維眼睛的觀察。
馬面笑了笑:「你眼力幾好,我咁樣做因為可以利用車身嘅慣性去高速過彎。」
「明白。」
「你對肌肉嘅協調性同掌控能力比較高,我諗你認真操下車都可能踩到十種幅度。」
緊接下來,馬面放好交通錐,開始教授過不同彎道的技巧,當中又分成:鈍角彎道、直角彎道、銳角彎道、髮夾彎道、湯匙彎道、開放彎道、緊縮彎道、複合彎道、大型彎道、連續S型彎道、減速彎道,每種彎道都有不同的攻略技巧和危險,有時不同的彎道更會接續出現,我真沒想過學車也會學到汗流浹背。
若要總結過彎技巧的話,不外乎剎車和降檔以低速進入彎道,然後選擇轉彎路線和修正方向,等車子平滑地驅動一段距離,最後是踩踏油門。
練習過程中,我不可能完全沒有危險,好多時馬面單憑觀察就預視到撞車的危機,馬上會伸出右手幫我控制好方向盤調正。
又經過好多個日與夜,每種彎道我過了不下百次,雖然完美入彎只會偶然發生一兩次。
某晚,GT-R停泊在中文大學合一亭外,水天一色的新月型水池前,我和馬面觀看著遠處八仙嶺景色。
「你已經畢業。」馬面雙手插袋。
「你覺得我已經可以鬥贏佢地?」
「唔係。」馬面將口中的煙扔落地,用皮鞋踩熄火種:「但你有咁嘅駕駛技術,就算輸咗佢地都會接納你。」
「學足所有嘢都輸?」
「有樣最難嘅嘢你都未學叫飄移。」
「……」我腦中無端想起某套港產電影。
「但飄移好講車感,我就唔教你住,技巧夠用就夠。」