【Holiday】《病港ＩＩ》（６８）

由於本系列第一季字數超過一百萬字，強烈建議想要追看的讀者，先在Penana閱讀《病港》故事：

https://www.penana.com/story/73992/%E7%97%85%E6%B8%AF/

——————————————————————————————————————

廣告

——————————————————————————————————————

有興趣留意我最新消息同動向，歡迎Follow同讚好：

ＩＧ：maksyut20030164
ＦＢ：墨說

Penana：https://www.penana.com/user/93168/%E5%A2%A8%E8%AA%AA/stream?fromsearch=%E5%A2%A8%E8%AA%AA

——————————————————————————————————————

【《病港日報》資訊區】：

——————————————————————————————————————

【會長】

——————————————————————————————————————

【顧問】

【松木村「大師匠」認可神器】：

１：鯨牙大劍
２：金鷹頭拐杖
３：夜行傘
４：黃金貝果
５：神傘
６：腦電波情緒控制器
７：巨商之戒

——————————————————————————————————————

如果想支持我創作，或者想睇《病港ＩＩ》快少少嘅話，可以到本人以下付費網站購買通行證：

https://maksyut.com/

連登每有２００正評，付費網站和連登都會加一更，約３０００字

我愛墨巴！我愛墨巴！

電影播放的每幀畫面，都彷彿歷歷在目。

加入大本營、不良人間諜、轉戰艾寶琳、最後康城，真想不到事情都有十年了。

演技上，鳥嘴面具幫輕公仔不少。

雖然臉上表情無需演出，但代價是別人看不見他的俊俏臉。

「會長，覺得點？」坐我鄰座的博海德低聲問意見。

「幾好，幾驚你拍咗做喜劇。」全片主要犯賣病獵情懷。

作為新導演來說，電影合格有餘。

電影最後一幕是公仔站在魔鬼山上凝視日出，鏡頭慢慢移上天空，配合令人熱血沸騰的歌曲，畫面漸漸變黑。

「主題曲都係我填詞編曲。」博海德偷偷告訴我。

「究竟有咩你係唔識？」我對博海德向來的形象，是個現代達文西。

電影完結落幕，座位上觀眾都給予掌聲。

博海德行出座位，走到螢幕下：「各位入場嘅朋友好，雖然大家都應該識我，但循例介紹下自己，我係導演博海德，依套電影係小弟生平第一套拍嘅電影，應該無悶親你哋？」大家繼續以歡呼聲和掌聲回應。

博海德喊：「我哋不如請埋投資人同男主角出嚟好無啊？」

公仔很自動地行出去，我本來想假裝沒有關係，但博海德反而對我招手：「唔好怕羞喇投資人，你係我哋老闆嚟嫁。」

三催四請下，我不得不行出去螢幕下。

「咳，各位好。」我打聲招呼，其後暗暗告訴博海德：「你以後唔會再收到我嘅投資。」

博海德表情僵住：「會長……」

「大家好，我係主演，公仔。」公仔微笑揮手。

「我對依套電影嘅期望係會有更多新血，加入病獵依個行業。」博海德張開雙手：「希望可以做得到，老闆有咩講？」

「除咗博海德上面所講，我仲希望可以回本，講完。」我梢向公仔，示意轉由他說話。

公仔橫視每位觀眾，組織好要說什麼。

「對好多人嚟講，病獵係個污糟危險嘅行業，但病獵對我嚟講係夢想……我覺得可以成為一份子係我嘅榮幸。」公仔深深呼吸，對全部觀眾敬禮：「好感謝在座各位病獵付出。」

試映在一片掌聲下結束。

一星期後，電影順理地上映。

娛樂不多的世道下，如今有部電影久違上映，大量市民都特意購票入場。

加上病獵向來是神秘的職業，病者就好比鬼怪那樣，人們都愛談及和了解，要親身接觸卻是千萬個不願意。

電影除了訴說病獵的故事外，更有穿插些病者知識，如各種病者的弱點、病者的品種、病者的特性。

為方便看電影後心血來潮想成為病獵的年輕人，病獵協會特意在戲院出口設立招募處，平均每場都有兩、三個人會報名，

好事不止一單，電影上映不久後。

某日王達尼包起整場影院，完場後王達尼居然給我結婚請帖。

白色燙金底卡，配朱紅字體。

新郎是王達尼，新娘是愛紗。

婚禮在下個星期日，四季酒店舉辦。

最令人愕然的地方，是王達尼想找我當伴郎。

伴郎我聽得多，做伴郎倒是沒想過。

「認真？做賓客就得，搵我做伴郎……」我看著請帖，有些猶豫。

「好小事嫁咋，唔洗驚。」王達尼大力搭著我肩膀：「你係我兄弟，伴郎唔係你做邊個做？」

「……」

「我知你唔想出風頭啊嘛，伴郎其實都係幫新郎打點下咁，成件事唔洗睇落咁孤伶伶，而且我仲搵咗另外幾個伴郎，你嚟都係湊個數，順便做個私人保鑣啫。」

「唔……」事情感覺比打病者要困難。

「就咁話啦。」

「伴郎仲有邊個？」

「都係少佐、大舊、奎斯、滿天個堆舊相識，佢哋事前幾日會嚟將軍澳同你聯絡，不見不散啊。」

「我唔覺得滿天會做伴郎。」

「我唔理佢做唔做，總之你條粉腸就一定要做。」

如是者，我莫名其妙地成為了新郎團一員。

對伴郎職責毫無頭緒的我，特意到接待處問問霍洛圖事情。

「霍洛圖，伴郎要做咩？」

「會長你要做兄弟？」

「嗯……做大總統伴郎。」

「恭喜佢先，其實伴郎就等同新郎嘅軍師，例如安排拍攝、張羅各種婚禮物品、仲有迎娶新娘，人多勢眾自然令新郎哥唔會咁大壓力。」

「原來係咁。」我點點頭，繼續聆聽。

「依個只係婚前準備，婚宴正式開始嗰陣，伴郎等同新郎嘅代言人，要確認婚宴規劃，確保所有嘢照流程進行，然後係招待賓客負責帶位，另外高興日子，賓客未免想同新郎乾杯，依個時候一個好嘅伴郎更需要幫新郎頂酒，最後就係幫忙收拾場地嘅私人物品，大致上係咁。」霍洛圖詳盡說明。

「大致上明解……」不明白這種繁雜的婚禮文化意義何在就是了。

對我來說，結婚可能單純交換戒指就完事。

婚禮前七日，少佐先帶了大本營的人馬前來，隨行的還有有夏晴，因為愛紗找了她當伴娘。

我們新郎團直接在病獵協會聚頭，談論到時候要負責的事，理所當然滿天依舊沒有出席。

為了迎合婚禮主題，恰好我鳥嘴面具不久前碎掉，於是又做了塊新的面具。

樣式是純白嵌金邊，有少部份櫻花淡粉的花紋。

好歹是王達尼總統的世紀婚禮，賓客當中不少商人富賈，伴郎不能太寒酸，為此我們購買一式一樣的吊帶西裝服。

「M，好耐無見喇！」伴郎中有位年輕的男子，上前擁抱著我。

他突如其來的舉動，差點讓我出拳動真格。

「你邊位……」我實在認識太多人，總會忘記一兩個。

「吓，我喎！同你出生入死嗰位啊！」對方好驚訝我的回應。

「個名叫？」

「我係阿登呀！」

「阿登……喔……阿登……喔！阿登！第一次去打病腦嗰陣，喔……我記得你！阿登！」我都抱住阿登。

然而，阿登已經面如死灰。

那也不能怪我，曾經和我出生入死的人實在太多了……

lm

正皮加速

正皮要人呀

正評

公仔

jaga

霍洛圖前身係做咩，Jarvis 嚟㗎？乜柒都識嘅

chatgpt

有啲想知大本營決戰係改成點，冇理由真係話M俾D打針變成黑賢再抱住余博飛入龍捲風攬炒吧，唔知點改編到令大家信人力可以合理地打敗到余博

留名

LM

說好的病港1公仔版呢

呀登真係好多年都無出現過啦

早文

見字正評

伴郎支線幾好呀，打完又可以輕鬆下

誰是阿登⋯

病港第一次打病腦, 真係好正