［冇圖］睇左好多年聖經 你問我答（6）

簡短回應一下。
（1）free will 係神賜比人既禮物，由創造開始就有，人犯罪冇影響 free will 。
（2）唔要神既傾向係聖經歷史同其他歷史同今日世界所觀察到既，唔洗聖經講你都會知。
（3）人唔要神，神照樣愛人，先更加彰顯神既愛。
（4）得罪神，就係同神關係破裂咁解。而點解有罪會冇好結果，正正係因為好左比好結果個神決裂。

多謝黎巴，Hebrew真唔夠你熟我又學野喇

唔洗客氣，可能我學黎就係為左係度講
不過要學仲有無限大把，一齊繼續學

人性呢樣野，遠遠比想像中複雜，我實在唔敢斷言「唔要神既傾向」係人性既必然，總有人渴慕神，例如你同我。
我仍然比較相信人生而來有神既形象，有善性有愛，但唔完美。做該隱既一族，還是做塞特既一族，人有得揀。

唔要神既傾向，我冇察覺過任何一段經文直接反對，而且，唔好講你，淨係講我自己，又咪成日一見有D野好正（包括聖經）就咩都唔理，神都唔理。
我睇落呢個係冇人會反對既現實，聖經比我地既，就係處身係呢個現實點算，就係要回轉，返返去神度。
人生來係點樣，我冇咩意見，反正聖經唔多講。不過正如你講，有得揀，唔係定左。
但係人既身份則係清楚到冇得再清楚，正如你講咁，人有神既形象，人係屬於神既。

你咁講係唔係證明聖經作者作文之前帶有自己ge情感投影??

我尊重你既見解，但我仍然覺得人傾向唔需要神唔係絕對現實。
我觀察到既係：信徒順風順水既時候傾向張神放係一邊；又信徒係困難既時候傾向求告神。

不過，對「要回轉，返返去神度」呢個結論，我完全同意。

點解天使要殺基佬

「但我仍然覺得人傾向唔需要神唔係絕對現實」
我尊重並且完全唔反對。
我都試過係困難既時侯唔要神
呢個問題有少少似人係咪生出黎就會有痛苦咁，觀察到又真係有，但係係咪絕對必然呢，咁又唔係都得。

想問下 我之前 得罪左人 比人搞左好多年 但佢地仲繼續搞我 我可以點做 我已經為依件事 祈禱左 8-9年

#715 井中之蛙

有咩分別? 聽你咁講, 即係神唔會再寬恕猶大國, 咪即係怒火直到永遠?

但係另一本又話神不永遠懷怒

答埋訓，好夜就天光

每日激嬲女朋友一次佢每次嬲你一陣，同激嬲女朋友一次佢就嬲你一世，咁都冇分別？

627-587 BC ，耶利米先知要向猶太國宣告審判既訊息，講到好嚴重，再唔悔改就滅國。
耶利米書17:1-4 成段講猶大人拜假神，對神不忠。
用既語氣好重亦都好誇張，「日日都激到我眼火爆！」（眼原文係鼻）
而成段根本冇提過神會嬲幾耐。
事實上，猶大係587 BC亡國，邊有得激到永遠。

喔
"因你們激起了我的怒火，直燒到永遠"
所以呢一句唔正確, 唔係永遠
咁你用女朋友論又幾點切, 你女朋友話永遠嬲你, 其實唔係永遠嬲你
已事實上, 你條女或者你頂盡都係公元2100年死去, 又點叫永遠呢

所以呢一句唔正確, 唔係永遠

你係都要講到咁白，咁聽清楚喇：呢一句冇唔正確，唔正確既係你對佢既理解。根本就唔冇提過神嬲幾耐。
聖經有佢既野要講，希望你唔好介意，我直接少少咁講：唔知就唔好懶醒。
你拎呢個態度盞周圍撞板，我勸你就留意下。

如果你簽過約，你對聖經既要求就係好似果D細字條款咁，唔「錯」得，滴水不漏。
呢D野唔係比人睇個喎
神同人講野，係比人聽到比人睇到既。

好欣賞你既堅持，老實講，我自愧不如。
耶穌教落，向神祈禱就係要死lur 唔停咁係咁lur 就必蒙應允。你做得好好
咁我又為你祈埋一份啦。

路加福音11:9 （直譯）
//我再跟你們說：
你們要不斷祈求，就會被給予你們；
你們要不斷尋找，你們就會找到；
你們要不斷敲門，(門)就要為你們被打開：//

如果唔介意既話，又公開講唔方便，lihkg.church@gmail.com 我會收到。

#667 凡事只有相對

死咗上天堂，咁天堂依家入得場未？
仲未到審判日

嚴格黎講，聖經冇提過天堂。
要聽聖經講野，就要首先收埋D民間信仰，先唔會搞錯。

（1）天
猶太人避諱唔叫神個名，有人甚至唔講神呢個字，用天（有雀仔果個天空）字代表。

馬可福音1:15
//說：「日期滿了，神的國近了。你們當悔改，信福音！」//

馬太福音4:17
//從那時候，耶穌就傳起道來，說：「天國近了，你們應當悔改！」//

（2）天國
耶穌傳道將天國帶到地上，佢用左好多比喻解釋天國係咩一回事，想知晒既話可以讀晒馬太、馬可、路加、約翰四本福音書。

簡單黎講，一個國度(kingdom)就係有個王話事既地方，全部人都聽個王話，所以天國，又即係神既國，就係神話事既地方，天國入面全部人都聽神話。呢個係比喻黎，以前每一個人都知咩係國度，而家反而要解釋下。

聽神話既人，就遵行神既律法，神想人點樣憐憫人點樣互相服侍，天國既子民全部照做。掉返轉頭講，你今日聽神既吩咐愛人，你就已經係天國入面。天國唔係一個有人去既位置。

（3）樂園（paradise）
聖經講樂園得3次，除左知果度有福之外，其實都唔係好知係咩。
呢個字源自波斯文，係希臘文聖經入面用過黎指伊甸園。比較易理解既係耶穌有context 咁講果次：

路加福音23:43
//耶穌對他說：「我實在告訴你，今日你要同我在樂園裏了。」//

耶穌同緊係佢隔離一齊釘十字架既強盜講，因為佢（係最後一刻）表明信耶穌係基督同救主。因為係講今日，而果日仲有幾個鐘頭就完，所以係指佢死後即刻會去既地方。

有人解做陰間（猶太人相信所有死人會去既地方，she'ol）既有福果邊，好似耶穌比喻入面，亞伯拉罕既懷裏咁，不過基本上都係靠估，唔同經文未必指同一件事。所以我不如就承認所知有限，聖經冇講就唔估。
不過肯定既係，樂園係人會想去既，而承認耶穌係神係救主（認知同行為上兩方面）就會去到。

（4）新天新地
新舊約都講天地會過去，而神會造新天新地。呢個係神完全掌權既世界，係神既子民既盼望。

以賽亞書65:17, 66:22-23
//看哪！我造新天新地；從前的事不再被記念，也不再追想。

「我所造的新天新地在我面前長存，
你們的後裔和你們的名號也必照樣長存。
這是耶和華說的。
每逢初一、安息日，
凡有血肉之軀的必前來，在我面前下拜；
這是耶和華說的。//

啟示錄21:1
//我又看見一個新天新地；因為先前的天地已經過去了，海也不再有了。//

彼得後書3:11-13
//既然這一切都要如此消失，你們處世為人必須聖潔敬虔，
等候並催促上帝的日子來到。因為在那日，天要被火燒而消滅，天體都要被烈火熔化。
但照他的應許，我們等候新天新地，其中有正義常住。//

（5）新耶路撒冷

聖城就係以色列人同教會，新舊約所有屬神既人，唔係呢班人入聖城，而係呢班人就係聖城。

啟示錄21:2， 9-10
//我又看見聖城，新耶路撒冷由上帝那裏，從天而降，預備好了，就如新娘打扮整齊，等候丈夫。

拿着七個金碗、盛滿末後七種災禍的七位天使中，有一位來對我說：「你來，我要給你看新娘，就是羔羊的妻子。」
我在聖靈感動下，天使帶我到一座高大的山，給我看由上帝那裏、從天而降的聖城耶路撒冷，//

成章啟示錄21章仲有更加詳細既形容，尤其指到同神既親密同榮耀。

（6）審判
神講清楚人將會有審判既日子。耶穌自己講佢就係審判者（其實即係神），去到果時，所有人都會復活接受佢既審判。

純翰福音5:28-29
//你們不要對這事感到驚訝，因為時候將到，凡在墳墓裏的，都要聽見他的聲音，
並且要出來：行善的，復活得生命；作惡的，復活被定罪。//

（7）總結
而家就可以「入天國」，成為聽神話愛人既一份子。
而當你屬於神，就有永遠同神一齊既應許作為盼望，個地方叫咩/比喻做咩都好，果度係有神既歸宿。

神同人講野，係比人聽到比人睇到既
Where?
你夠膽彈句聖經無錯，代唔代表從任何角度睇都無錯？
你連絕對呢兩個字都唔敢用大家心知肚明咩事
我呢個態度就剩係用黎撞你聖經呢塊板，我要留意d咩？
比羅馬教廷捉去審判你語帶恐嚇wo ching

人有唔傾向神一邊，你自己都只係夠膽講呢個係
觀察得黎ge結果，出自神ge手筆係你自己見解，連你個朋友都唔敢認同

聖經導人回歸，我就睇完本聖經啦，我認同聖經講做人要行善，我叫唔叫回歸左，要睇到咩程度先叫回歸

700戰車的士兵=7000士兵你到依家都仲未解
你所謂ge解到係你已經定立左兩句係必定相同做前提

我最鐘意樓主其中一句，無人敢寫衰大衛
我想請問寫衰左會有咩後果


你間接證明左聖經作者會被某種不可抗力干預

井中蛙井中蛙
冇人迫你buy我地論述
冇人迫你加入聖經呢個討論

你只係俾人睇到你幾小朋友憤青

你要反耶你咪自己另外一個post囉

人地傳教既人對不信者都好聲好氣（不過你又拎番中世紀獵巫乜乜乜黎講）

你其實咪又係張你反耶既思想強加係我地呢d信徒身上，仲要人身攻擊質問冇禮貌又唔敢去教會門口拉banner囉剩係識做鍵盤戰士

FREE WILL
吹脹

同埋邊夠你地出位唔講獵巫都仲有大把野講啦
要黃大仙改名做慈黃區，走去佛學論壇踩場大叫信耶得永生

你認同呢種基督徒

之前有聽過人講信神抵啲既理論

我諗諗下想問兩個問題：

「一個殺過人既人，信教之後，唔再殺人」 同埋 「一個冇信教，有能力有衝動殺人，但自已決定唔殺人既人」
邊個值得欣賞多啲？


「一個教徒強姦小朋友」同埋「一個非教徒強姦小朋友」
邊個值得譴責多啲？

#668 沾衣

照哩度描述係指撒旦，撒旦本身有敵擋者的意思
因有基督出現，才有敵基督。但講到人類普遍唔信/敵擋神，舊約新約都一樣

冇錯，同意呀。
敵基督仲有取代既意思，耶穌講左好多次提防假基督就係佢地。
啟示錄講到撒旦呢條龍、從海上黎既獸、從地上黎既獸，就係假三一神，想取代神。

#669 沾衣

多謝鼓勵，每一次睇到都好大幫助

#670 Cdrom1344
天國既證明在於人既生命扭轉過黎，你想要再貼身既證明既話，自己去經驗下。

#678 不妨濛一點

神都有佢既美意，我睇落每一件事都有，只不過人未必睇到。不過唔明既人會當左神睇果件事係美事，偷換概念。
迷你倉大火，冇人知之後會點。人覺得D野越多越好，神又唔係咁睇。例如就好似你部打機電腦咁，已經有神既美意。再誇張D好似約瑟咁又點話。
罪都係一樣，冇人知之後會點。神既恩典係罪人身上特別顯得多，而佢既恩典得到彰顯亦都係佢既美意。

（當然保羅一早就警告過唔可以濫用：

羅馬書6:1-2
//這樣，我們要怎麼說呢？我們可以仍在罪中使恩典增多嗎？
絕對不可！我們向罪死了的人，豈可仍在罪中活着呢？//）

#683 沾衣

關於聖城，唔知你同唔同意我樓上對啟示錄既理解？
至於天庭，我同你既意見唔太一致，當然猶太人諗既唔會係中式果種，但係由萬軍之耶和華呢個名一路睇到落去寫作/傳話既先知傳統，其實會見到好多天庭既描述，例如米該雅同約伯記入面既撒但等等。

呢個畫面，耶穌自己都講過。

路加福音12:9
//人面前不認我的，人子在神的使者面前也必不認他。//

前果排先再聽完李思敬講過，值得推介：

https://www.youtube.com/watch?v=cZG6Y-kt-vQ&list=PLtrnB_vqQmqRyjncMtKuL7wFoFZOsgYkn&index=77