［冇圖］睇左好多年聖經 你問我答（6）

其實係唔應該，要拜嘅對象只有一位，而偏偏佢係冇特定形象
因為拜一個整得好靚嘅像/畫，拜拜下會令人誤會果個像/畫就係神本身。十誡第二定第三條直情係禁止以色列人雕刻。摩西上山見神40日，以色列人等到以為佢死q咗，就叫亞倫整隻金牛帶佢地繼續前進，當刻佢地直接視隻金牛就係耶和華，真心唔覺得有問題，但卻係犯大罪
基督新教就係將哩一切天主教多年發展出黎嘅嘢丟晒落垃圾桶，只留返個十字架裝飾下，實際上十字架都係得象徵意義，唔係要黎拜
東正教都有畫像/聖像，但就特登畫到個耶穌好唔寫實，原意都係等人祈禱時有野望下，但又冇咁易覺得幅畫就係耶穌本身

講下個人對聖經既見解
如果你做出黎只係紀念或藝術性質的，原則上係ok既。

但拜佢地，聖經就明確反對的。即使係十字架，我地都唔應該當佢係神，只係係我地面前做個象徵提醒我地唔好忘記神，拆左佢都唔會令我地冇左神。

所以真係睇心態，如果個像係真係拜佢既，當左佢係神既、有法力既，就唔應該。

「因為拜一個整得好靚嘅像/畫，拜拜下會令人誤會果個像/畫就係神本身。」
呢樣野沾衣巴你講得好好！

我原則上唔反對記念/藝術性質既聖人/耶穌畫像，不過如果教徒們冇被well-educate既話，最後當左佢地偶像咁拜係好有可能既結果，真係要好謹慎！

點解要教人唔好搞基
教人唔好戀童咪算...

that's why初期基督教被當時人視為無神論嘅原因之一：冇神像

多謝你入黎問，有見到你條問題，冇唔記得，但係之前進度太慢
放心會答，請稍等

辛苦黎巴等你呀

其實所巴瑪既最大罪行唔係同性戀
係審判的不公義、強姦、搶劫客旅，仲要成個城個個都係咁，即係無藥可救 （參考經外文獻，雅煞珥書19章）
不過好多人因為所多瑪(Sodom)係Sodomy的字根而以為所多瑪係衰同性戀，其實係誤會

淨答d識答嘅問題

點樣把惡去掉：
首先宜分清咩人要奉行哩d律法：神的選民/神在地上的代表
舊約神的選民：古以色列人
新約神的選民：信基督的人

舊約嘅古以色列係上帝在地上聖潔的國度，一發現罪惡就即刻執行紀律，以保持聖潔。

新約後神喺地上嘅代表係教會，耶穌同保羅要求教會對犯罪屢勸不改嘅信徒係要將佢地趕出會，視作不信者，將來要同其他不信者一同接受神嘅審判。

咁睇會唔會parallel易理解少少？兩者其實要求相似

至於其他人點，難聽d講神其實好少理/亦可以話神一直在容忍。舊約其他民族在罪惡中自生自滅，新約拒絕耶穌的人最終要接受審判。公義點伸張？公義從來冇可能喺哩個現世徹底伸張，信徒係要自己努力敬虔度日，等待最終的審判伸張公義

以前嘅人犯法要死，偷嘢要斬手指，而家只要坐監，個人睇係文明嘅表現其實歷史中大部分時間人命都如草芥，係近幾廿年人嘅價值先提到前所未有咁高。無論人嘅法制將來變好定變差，相信在神眼中都唔係咩big deal，或者可能只係熊市反彈，因為罪嘅問題冇改善到，始終世界都會走向終結

聖經絕大多數內容都有處境性，因為原初讀者唔係我地，好少可以直接應用。新約都有婦女要蒙面，唔可以做教會領袖嘅教導，都係for當時寄信嘅教會有嘅問題，有獨特嘅處境性。最明顯聖經講嘅係記載彼得嘅異象：一大堆舊約視為"不潔"嘅動物從天而降，異象中神叫佢劏晒黎食；仲有開會傾掂外邦人入教做基督徒唔需要做舊約最重要嘅禮儀——割包皮；仲有耶穌做嘅一堆破格行為，都反映神要我地用腦思考律法嘅原意，以前咁吩咐未必代表今日都適用，一味盲目"守法"係不能得救

既然你咁乖自己承認聖經真理無誤，我就分享下我得出既聖經原則唔好轉頭又反口話聖經真理錯呀

1.而聖經明確講，真的神、全能果個、創天造地果個、道成肉身果個、只有一個，就係三位一體果個。如果你跟聖經，只可以敬拜佢。

但其他人要唔跟聖經，選擇當左其他無形的靈或有形的人/物是佢既神，我要尊重佢既選擇。畢竟呢個係佢既選擇，我冇得亂咁詆毁佢既選擇，除非佢因為佢信仰傷天傷理（洗人腦得到不正當利益），或者明顯自殘（教人飲雙氧水），我都冇得迫佢改變佢信仰或者挑佢機。

但尊重對方信仰，唔等於承認佢既神存在，更唔等於承認佢既神係我既神。

2. 唔相信對方信仰既神都可以尊重。你可以唔信基督教，但好基本，唔好亂挑機，已經係一種基本尊重。

3. 信仰係現今社會點會唔係個人選擇，當然有d政權係唔俾呢個選擇權佢既人民。其實都唔需要我承認，呢個係客觀現實，現世既宗教自由係現代文明社會普世價值。

4. 唔明，可唔可以舉個例子？我簡單d，宗教問題訴諸暴力、傷人，一般情況黎講都會係錯。因為對基督徒來講，最大誡命是愛神同愛憐如己。即使出於愛神，一般黎講都唔能夠正當化暴力、傷人既行為。

其實你幾條問題（除左4我睇唔明）都可以用chatGPT 得到幾合理既答案

沾衣巴呢個位講得好好
「至於其他人點，難聽d講神其實好少理/亦可以話神一直在容忍。」
「公義從來冇可能喺哩個現世徹底伸張，信徒係要自己努力敬虔度日，等待最終的審判伸張公義」

雖然的確係間中都有基督教團體踩過界引戰
變左我地開個post圍下爐傾下經都要被挑機，不過畢竟教會都係一群蒙恩既罪人，都冇得割蓆，只能榮辱與共。

「神要我地用腦思考律法嘅原意，以前咁吩咐未必代表今日都適用，一味盲目"守法"係不能得救」

冇錯，得救全是恩典啊

（1）先講下聖經，神講既十句說話，頭兩句。

出埃及記
//20:1 神吩咐這一切的話說：
［第一誡］
20:2 「我是耶和華─你的神，曾將你從埃及地為奴之家領出來。
20:3 「除了我以外，你不可有別的神。
［第二誡］
20:4 「不可為自己雕刻偶像，也不可做甚麼形像彷彿上天、下地，和地底下、水中的百物。
20:5 不可跪拜那些像，也不可事奉它，因為我耶和華─你的神是忌邪的神。恨我的，我必追討他的罪，自父及子，直到三四代；
20:6 愛我、守我誡命的，我必向他們發慈愛，直到千代。//

第一誡，耶和華就係救以色列人離開奴隸身份果個神，「對於你（以色列人）黎講，冇其他神係耶和華面前」（引號入面係按原文表達）。
你以為要聽某老細話，而家佢個老細個老細個最大粒果個老細就棟係你面前，叫你直接跟佢。
有呢句，所有假神同偶像已經唔洗再繼續討論。

第二誡，唔好整形像黎拜。第一誡已經講左冇其他神係耶和華面前，所以形像就係耶和華既形像。
唔好咁做，因為就算你用最好既所有黎整，都係將無限既神貶低到你既有限能力範圍之內，咁就變左唔係拜緊真神。

例子一：
出埃及記
//32:1 百姓見摩西遲延不下山，就大家聚集到亞倫那裡，對他說：「起來！為我們做神像，可以在我們前面引路；因為領我們出埃及地的那個摩西，我們不知道他遭了甚麼事。」
32:2 亞倫對他們說：「你們去摘下你們妻子、兒女耳上的金環，拿來給我。」
32:3 百姓就都摘下他們耳上的金環，拿來給亞倫。
32:4 亞倫從他們手裡接過來，鑄了一隻牛犢，用雕刻的器具做成。他們就說：「以色列啊，這是領你出埃及地的神。」
32:5 亞倫看見，就在牛犢面前築壇，且宣告說：「明日要向耶和華守節。」
32:6 次日清早，百姓起來獻燔祭和平安祭，就坐下吃喝，起來玩耍。
32:7 耶和華吩咐摩西說：「下去吧，因為你的百姓，就是你從埃及地領出來的，已經敗壞了。
32:8 他們快快偏離了我所吩咐的道，為自己鑄了一隻牛犢，向它下拜獻祭，說：『以色列啊，這就是領你出埃及地的神。』」//

32:5 好清楚牛犢代表緊耶和華。一班奴隸出到曠野識煉金，整得着一個夠熱既火爐，一D都唔簡單。不過就正正違反左第二誡。

例子二：
列王紀上
//12:26 耶羅波安心裡說：「恐怕這國仍歸大衛家；
12:27 這民若上耶路撒冷去，在耶和華的殿裡獻祭，他們的心必歸向他們的主─猶大王羅波安，就把我殺了，仍歸猶大王羅波安。」
12:28 耶羅波安王就籌劃定妥，鑄造了兩個金牛犢，對眾民說：「以色列人哪，你們上耶路撒冷去實在是難；這就是領你們出埃及地的神。」
12:29 他就把牛犢一隻安在伯特利，一隻安在但。
12:30 這事叫百姓陷在罪裡，因為他們往但去拜那牛犢。//



神分左10個支派比耶羅波安做北國以色列王，耶羅波安驚D人去耶路撒冷個聖殿就會跟埋南國猶大，又整兩隻金牛犢，一隻係北國中間，一隻係南北國交界，「拜耶和華搵我唔洗搵猶大」，咁就違反第二誡喇。

（2）講完聖經，返返去你條問題應用下。

好似聖母像 十字架（代表耶穌） 聖物（聖人） 等等
係唔係唔好拜佢地 真心想知

係，唔好拜佢地，因為第二誡，答完
講多D啦，除左聖母像之外，神都令我諗起某D經文，如下：

聖母像，印象中唔係用黎拜，不過我唔係好熟，有請更加熟識天主教既巴絲例如濛巴補充
十字架，就係你講咁用黎代表耶穌，十字架唔係耶穌，要拜耶穌，用聖靈同真理敬拜佢（約4:24 按原文及上下文重新表達），將你成個生命獻比佢作為活祭（羅12:1）。當然你用任何象徵背住十字架跟耶穌又唔同講法，背又唔同拜。

聖物，我借用耶穌關於起誓既教導講下。

馬太福音
//23:16 「你們這瞎眼領路的有禍了！你們說：『凡指著殿起誓的，這算不得甚麼；只是凡指著殿中金子起誓的，他就該謹守。』
23:17 你們這無知瞎眼的人哪，甚麼是大的？是金子呢？還是叫金子成聖的殿呢？
23:18 你們又說：『凡指著壇起誓的，這算不得甚麼；只是凡指著壇上禮物起誓的，他就該謹守。』
23:19 你們這瞎眼的人哪，甚麼是大的？是禮物呢？還是叫禮物成聖的壇呢？
23:20 所以，人指著壇起誓，就是指著壇和壇上一切所有的起誓；
23:21 人指著殿起誓，就是指著殿和那住在殿裡的起誓；
23:22 人指著天起誓，就是指著神的寶座和那坐在上面的起誓。//

係聖物神聖，定係使物成聖既至聖者神聖？係拜就拜至聖既神。

聖人，加埋天使黎一次過講。
哥林多前書
//1:1 奉神旨意，蒙召作耶穌基督使徒的保羅，同兄弟所提尼，
1:2 寫信給在哥林多神的教會，就是在基督耶穌裡成聖、蒙召作聖徒的，以及所有在各處求告我主耶穌基督之名的人。基督是他們的主，也是我們的主。//
啟示錄
//22:8 這些事是我－約翰所聽見、所看見的；我既聽見、看見了，就在指示我的天使腳前俯伏要拜他。
22:9 他對我說：「千萬不可！我與你和你的弟兄眾先知，並那些守這書上言語的人，同是作僕人的。你要敬拜神。」//

聖經講既聖人，就係因為蒙神呼召，相信耶穌係主係神，係佢入面成聖既人，基本上即係所有基督既門徒。哥林多教會咁多問題，保羅一樣叫聖徒（saints ，即係聖人）。
啟示錄呢段，約翰差D就走去拜天使，天使阻止既原因係屬神既人同埋天使都係僕人，係神既僕人。唔應該拜僕人，應該拜主人，拜主耶穌，拜父神。

根據我對啟示錄背景既認識，原本為左記念皇帝，變成左當個皇帝係神咁拜（類似中國果D叫自己做天子），而某幾個暴君因為冇安全感，就迫人係佢在生果時當佢神咁拜，去佢個廟燒香同講句「該撒係主」。「上朝」果時又要用讚美神既說話黎歡迎個皇帝。羅馬人大把假神，多佢一個唔多，咪照拜。

基督徒只有一個主，就係主耶穌，主代表既係耶和華個真名既避諱，佢地信耶穌係耶和華神，唔可以有其他人叫做主，佢地拒絕咁做，就成為左羅馬皇帝眼中既無神論者。
唔做維持羅馬帝國和諧既拜皇帝動作，就睇成左滋事分子，叛亂分子，要拉要打要殺，迫害就係咁開始，耶穌透過約翰寫啟示錄，比佢地睇清楚好似唔見左既耶穌，勸佢地對神忠心。而後來佢地既殉道成為左耶穌真係有復活既重要人證。

神比條jer 你同埋條 jer 既說明書你，跟住照做就唔會用錯。

1. 其他人我唔敢代表，我自己覺得非常非常之感恩
神唔係咁偏心既話，我為左滿足被愛既感覺背住老婆flirt 人果下，我成個人已經完全冇得救。睇返轉頭，唔係神咁偏心法，連我自己都睇唔起自己。
神咁樣比機會人，係極之咁大既愛，係耶穌以外既人搵唔到既愛

1延伸. 我諗到聖經有幾個角度睇呢個人。

你條問題入面，將表面行為拎走，咁就係 （1）特登冇悔改變有覺得玩夠（悔改？） vs （2）一直覺得冇（或者真係冇？）野要悔改。
另外，呢種偏愛冇話值唔值得，因為人大把野得罪神，所以「值得」既就只有同神隔絕。但我會話更多既後悔會經歷到更多既呢種愛。（至於後悔果個慘係咪特登製造都抵得返就見仁見智，比我就咪搞）

以下4個角度，我覺得最重要係第4個。

第一，愛神。

有一次耶穌去法利賽人屋企食飯，有個係人都知係罪人既女人去到耶穌度，佢知到耶穌既恩典大到救到佢，一下就大喊，要用頭髮擦返乾，又送油比耶穌同佢抹油。主人家心諗，搞錯呀，耶穌唔係唔知佢係罪人吖嘛，咁樣比佢痴過黎都唔趕佢走既？之後就有以下既對話：

路加福音7:40-48
//40 耶穌對他說：「西門，我有話要跟你說。」

西門說：「老師，請說。」

41 「有兩個人欠了某個債主的錢，一個欠五百個得拿利*，另一個欠五十個。 42 他們都無力償還，債主就開恩免了兩人的債。這樣，他們哪一個會更愛那債主呢？」

43 西門回答說：「我想是得債主開恩免了較多債的那個。」

耶穌說：「你判斷得正確。」

44 他轉身向着那女人，對西門說：「你看見這女人嗎？我進了你的家，你沒有給我水洗腳，她卻用淚水沾濕我的腳，又用自己的頭髮擦乾。 45 你沒有親我，她卻在我進來之後，就不停親吻我的腳。 46 你沒有用油抹我的頭，她卻用香膏抹我的腳。 47 因此我告訴你，她愛得多，證明她許多的罪已經赦免了；*那愛得少的，證明他已得赦免的也少。」

48 耶穌對那女人說：「你的罪已經赦免了。」//

扯遠少少咁講，關係就雙向既，神係睇重心靈痛悔既人，個人又點睇神呢？
好似上文個女人咁，佢對神顯出好多愛既表現，係因為明白到自己爭左神幾咁多。
個主人家西門，其實都係爭左神好多，一樣都係冇得還咁多，但係佢自己唔覺得爭左神太多，佢自問做到自己既最多（法利賽人係好認真咁守摩西律法加強版，又真係做到，起碼照字面），咁就相對冇咁愛神。

所以，有幾多愛係睇佢自己有幾後悔，睇佢自己覺得幾咁有罪，而唔係睇神覺得佢有幾多罪。
你條問題入面，玩夠同悔改我聽落係兩種心態，雖然悔改係要有行為既改變，但係呢個行為改變係心痛欲絕既結果，一D都唔好玩。係咁既話，愛就少，同神既關係就疏離。


第二，褻瀆。

馬太福音12:30-32
//30 「不跟我在一起的，就是反對我；不跟我一起聚集的，就是在驅散。 31 因此，我告訴你們，人一切的罪和褻瀆的話，都可以得到赦免，但褻瀆聖靈，卻得不到赦免； 32 人若說話冒犯人子，還可以得到赦免，但人若說話冒犯聖靈，不論今生還是來世，*都得不到赦免。」//

聖靈引導人悔改，知道信神係但揀唔信，就係褻瀆緊叫佢悔改既聖靈，慣左咁樣既人就唔會走去悔改，所以唔會得到赦免。

你條問題入面，果個人咁做，未必有玩夠/悔改果日。

第三，身份。

羅馬書6:15-16
//15 那又怎麼樣呢？*我們不在律法之下*，而在恩典之下，就可以犯罪嗎？絕對不可！ 16 難道你們不知道嗎？你們把自己獻上作奴僕去順從人，順從誰，就作誰的奴僕：或作「罪」的奴僕，結果是*死；或作「順從」的奴僕，結果是義。 //

保羅基本上對住呢條問題黎答，因為「主人」係邊個決定你後果係點，未去到「玩夠」，已經要承受死既後果，包括自己造成既傷害。

第四，亦都係我覺得最緊要既：警醒。

馬太福音24:42-44
//42 「所以你們要警醒，因為你們不知道你們的主哪一天來到。 43 你們要知道，如果一個家的主人知道賊甚麼時候來，就會警醒，不讓賊鑿穿房子*。 44 所以你們也要做好準備，因為人子在你們意想不到的時候來到。」//

耶穌隨時返黎，世界終結，就到審判既日子。
你條問題上半個人，知道神係點都唔準備好既話，分分鐘一下就末日，準備唔切架喇。耶穌講明，冇人知果日係幾時，所以唔好以為實有時間「玩夠」。


2. 我覺得唔代表。正如上面同之前個回覆講，最最最緊要係為自己犯既罪心碎。

知法犯法係嚴重一：成本舊約。
間接D講，所有神透過摩西頒佈律法之後既事，都係以色列人知法犯法，成本舊約就係講神係咁既情況點對佢地，一直比機會，搵埋先知宣佈審判國破家亡任人擄掠，都唔悔改，之後呢個結果就先後係北國同南國成為現實。（當然，猶太人既歷史冇完係度，而係神令到佢地可以返返耶路撒冷重建。）

舉一段出黎。申命記28章成大半章都係咁講明知要聽都繼續唔聽會點，呢段係最尾，其實講到都好盡，其中一句發生都好大鑊
//28:58 「這書上所寫律法的一切話是叫你敬畏耶和華─你神可榮可畏的名。你若不謹守遵行，耶和華就必將奇災，就是至大至長的災，至重至久的病，加在你和你後裔的身上，
28:59 【併於上節】
28:60 也必使你所懼怕、埃及人的病都臨到你，貼在你身上，
28:61 又必將沒有寫在這律法書上的各樣疾病、災殃降在你身上，直到你滅亡。
28:62 你們先前雖然像天上的星那樣多，卻因不聽從耶和華─你神的話，所剩的人數就稀少了。
28:63 先前耶和華怎樣喜悅善待你們，使你們眾多，也要照樣喜悅毀滅你們，使你們滅亡；並且你們從所要進去得的地上必被拔除。
28:64 耶和華必使你們分散在萬民中，從地這邊到地那邊，你必在那裡事奉你和你列祖素不認識、木頭石頭的神。
28:65 在那些國中，你必不得安逸，也不得落腳之地；耶和華卻使你在那裡心中跳動，眼目失明，精神消耗。
28:66 你的性命必懸懸無定；你晝夜恐懼，自料性命難保。
28:67 你因心裡所恐懼的，眼中所看見的，早晨必說，巴不得到晚上才好；晚上必說，巴不得到早晨才好。
28:68 耶和華必使你坐船回埃及去，走我曾告訴你不得再見的路；在那裡你必賣己身與仇敵作奴婢，卻無人買。」//

知法犯法係嚴重二：耶穌有教。
直接講既有類似既教導，係律法教師自己唔行律法背後既精神仲背道而馳，耶穌就話呢類人罰重D。

馬可福音12:38-40
//38 耶穌教導人的時候，說：「要提防律法教師。他們喜歡穿着長袍走來走去，喜歡人在集市上向他們請安， 39 喜愛會堂裏的上座和宴會中的首席； 40 他們侵吞寡婦的房屋，又假意作很長的禱告。這些人必定受到更嚴厲的懲罰。」//

多謝追問，下次會繼續答你

從死看生，有智慧

傳道書7:4
//7:4 智慧人的心在遭喪之家；愚昧人的心在快樂之家。//

睇得準拜既對象係上主，其實有D記念品都唔係壞事。

例如約書亞啱啱帶完以色列人行乾地過約旦河，神就叫佢擺石留念。

//4:1 國民盡都過了約旦河，耶和華就對約書亞說：
4:2 「你從民中要揀選十二個人，每支派一人，
4:3 吩咐他們說：『你們從這裡，從約旦河中、祭司腳站定的地方，取十二塊石頭帶過去，放在你們今夜要住宿的地方。』」
4:4 於是，約書亞將他從以色列人中所預備的那十二個人，每支派一人，都召了來。
4:5 對他們說：「你們下約旦河中，過到耶和華─你們神的約櫃前頭，按著以色列人十二支派的數目，每人取一塊石頭扛在肩上。
4:6 這些石頭在你們中間可以作為證據。日後，你們的子孫問你們說：『這些石頭是甚麼意思？』
4:7 你們就對他們說：『這是因為約旦河的水在耶和華的約櫃前斷絕；約櫃過約旦河的時候，約旦河的水就斷絕了。這些石頭要作以色列人永遠的紀念。』」//

十字軍既行為同聖經既教導唔一致，佢話代表就代表到？

我睇落都唔係好明第4條，其實你講果個教義個聖經出處係邊？

人死如燈滅代表人去到死就完全唔需要為自己既行為負責，呢個會係極之唔公義既世界

第一誡

出埃及記20:2-3
//20:2 「我是耶和華─你的神，曾將你從埃及地為奴之家領出來。
20:3 「除了我以外，你不可有別的神。//

睇黎拯救對你冇咩重要性？

有濛巴我好感恩，聽佢講野我學到好多

讀書人

你放幾多個assumption 先「證明有錯」
係都要堅持同錯既方法解經然後話有錯