［冇圖］睇左好多年聖經 你問我答（6）

回應 post (5) #997 井中之蛙

外國靚仔cold call 敲門傳教，似唔係傳緊基督教，而係摩門教。
佢地好努力靠自己架。

神係公義既神，愛你唔等於當你做過既惡事冇到。
神愛義人都愛不義既人，唔代表不義既行為冇後果。
因為神愛世人，所以有耶穌既救恩比所有信佢既人，即係比所有接受拯救既人。
耶穌基督釘十字架，神肯為你承受你既罪既後果，但係你既罪既後果比邊個承受，係睇你既決定：一係你自己承受，一係你願意比神承受（即係神承受，因為佢已經肯）。
呢個決定係免費/無償既，你亦都可以隨時反口，神都會含淚尊重你既決定。（當然佢會因為愛你，係你有機會聽入耳既情況，會再提下問下你）

其他既尤其係滅城既comment ，我勸你無謂審判神。
因為神係聖經啟示左，所以人知道咩係神眼中既善惡，亦都係神所創造既呢個世界入面既善惡標準。
尊重神既人唔應做既，就係為自己定義善惡既標準。

唔愛神係惡。呢個惡唔係講緊你唔愛神等於道德差，而係呢個惡同道德差既惡比你既結果係一樣，就係離開神（所以聖經就唔分開黎講）。
唔愛神令到你離開神，你唔會唔同意掛？

我唔完全係神既代言人，我係憑神比我既一份負擔係呢度分享聖經，咁樣我係代言緊，但我唔係代表緊神。
我冇資格肯定你褻瀆神（不過講真心照啦），但因為你唔係信緊神，你一樣有上一段果個「惡」要解決，否則唔能夠去到賜生命既神面前。你唔一定要架，但係你冷靜D睇，呢個根本係一件有賺冇蝕既事，因為神係想賜福比你，唔係要攞走你任何野。你只係需要放低你既驕傲。

睇住一班耶撚喺度圍住本幾千年前嘅父權書仔自打嘴巴就最撚過癮

唔好為駁而駁，試下諗真D，試下代入果個世代同果D信仰。
我同你講緊聖經，唔係講緊歷史書，聖經唔係歷史書係神既啟示。其實你攞歷史書已經係不當類比。
當時其他國家全部都信某D神明架嘛。一定係講到自己個神幾威幾威，帶領自己國家打贏邊個邊個國家，好巴閉架。冇人話我信呢個神，又寫呢個神帶我點打輸仗架。

係得聖經唔係咁巴閉。事實上，耶穌基督釘十字架就係最終極既冇用同羞辱，但就係因為連神都願意放低讓自己被咁樣羞辱，信佢既人就有能力放低自己既私慾離開罪惡，而呢D改變生命既神蹟就顯出神既榮耀。

唔洗諗住拗喇，好深架，好好思想下，諗得明就算你有D醒。

神不變，同意。
聖經不變，同意。（因為寫完左）
聖經係神既說話，同意。（不妨參考下上幾層樓點講神默示）
聖經既內容誡命律例典章可以套用落現今社會，部分同意。
唔同意果部分：非以色列人唔係神立舊約既對象。再者社會模式完全唔同，例如香港冇聖殿。
同意果部分：聖經既教導仍然比我地睇到神既喜好，令我地可以係現今社會做到合神心意既決定。
不變既神可以係變既世界啟示，但世界變唔代表神變。講黎講去，「律法」torah 係「教導」咁解。

唉，你仲係唔明，我口水都乾喇。
點解會有神蹟係我身上發上？唔通係我特別勁所以行到神蹟咩？梗係唔係啦。我算得係邊個？基督徒黎講多我一個唔多少我一個唔少啦。
係神係我身上面做左奇妙既事，所以可以知道神會做奇妙既事。

你估我冇試過再超自然D既事咩？我再講第二件，你一樣可以用返同一個態度黎睇。
我咁講，即係神都可以同樣係你身上有神蹟，呢個先係答到你既答案。其他人都係一樣。

信耶穌有咩危險？而家香港唔比信咩？
唔係信教呀，好大分別架。你去信教要聽個教主話，信耶穌係聽神話唔係聽人話架。
就算神真係要攻擊你，都唔係你一句唔信就冇事架嘛。
而家神係要賜福比你啊。聖經就將你要知既都寫到明左，你驚唔知係點，咪睇左先囉。又唔係睇唔明都冇人解比你聽。

人地講到明自己係天主教

OK, 你依家話人知道神眼中ge善惡, 我當你企硬呢個點
1. 所以上帝滅城連BB都殺, 我地感到恐懼算唔算係知道上帝善惡?

再者你咁鐘意彈出彈入, 一時又話經文有處境對象唔可以套用於現今社會, 一時又話戒律可以套用現今社會, 咁第2個問題黎啦
2.有人根據聖經ge講法, 認為我褻瀆神而殺左我, 你認唔認同呢種做法?

咩叫為駁而駁
只要你地承認聖經係絕對真實, 裡面ge內容就可以當成歷史睇,因為係真實發生過啊嘛, 呢個就係現時歷史ge做法, 所以濛叔叔話傳記唔可以當歷史就係極之不學無術ge講法

再者你一開始講聖經唔係歷史書我都唔知你講真定講假
因為聽講約書亞記, 士師記, 撒母耳記呢D好似係定義為歷史書

一開始你話聖經連一D 唔想記低ge事都記得左, 原來唔包戰敗失敗ge內容
咁又真係幾偏頗ge
一本咁偏頗ge書又真係唔可以當成歷史去睇

咁更係啦, 你想證明一件事實有發生過, 單從片面之詞係無人會相信

你講你有幻聽, 有幾千種理論可以解釋, 有神唔係唯一ge答案黎, 呢D叫傳聞證供, 完全無討論價值, 再加上你彈出彈入ge論述方式, 話有神蹟有神就更加不可信

我話飛天意粉神同我講野, 你都唔會信啦
same same

信耶穌唔危險咩? 攝理教危唔危險? 佢叫人信耶穌
樹敵穆斯林叫唔叫危險??
比神父性侵犯叫唔叫危險?

聖經不變, 但係條文不適用現今社會

返工太忙，作壁上觀幾日
黎巴耐性真係太好
隻蛙真係好努力，仲努力過親巴

社會係進步緊，道德係進步緊，幾千年前殺人當食生菜現代知道係殺人係錯，古代有奴隸制，現代已取消，古代女人係男人附屬品，現代係獨立個體，一本幾千年前嘅神話書，當中嘅道德是否仲適合現代社會？

古蘭經係神寫，點會當神冇到？

佢地d字眼就係咁錯
因為耶和華先係神，阿拉唔係

阿拉咪即係耶和華，唔通cat唔係貓？

佢地唔得, 佢地只認同聖經, 對於可蘭經寫乜野佢地理解唔到

因為佢地好難控制到可蘭經ge內容, 只要有一出現任何同聖經ge矛盾佢地就出事, 所以佢地寧可唔睇任何無關聖經ge書

咁又係，佢聽到聲，承認聖經有問題即係承認自己有病

但係佢又用返經文黎審判我值得死
佢彈出彈入成個方唐鏡咁

你當佢哋係現代法利賽人咪得囉

好掛住你濛巴
我又唔會咁比較既。
今次我feel 到要劏黎食。徒10:13。

忙到4月底
慢慢黎啦

神看千年如一日，唔好俾心硬既人擾亂初心

阿們
我的確呢幾日試過好孤單失落，好似以利亞咁睇唔過眼。王上19:10。
不過神用左好多方法比我知道佢係度：又用我個女巴口講野，又係一個人既浸禮呼召多兩個浸埋，又聽到神要比呢度既人聽既答案（就係我所求既但係冇諗過既），又用你講中我個心。
為你祈禱，你都為我地

羅8:28