1. 「如果神唔偏心，背住老婆flirt就冇得救」，意思係一犯罪，神就拋棄人？我冇表達呢個意思，聖經冇見到呢個意思，都冇人係度表達緊呢個意思，個例子係咪有其他野要表達？
偏唔偏愛同比唔比機會冇沖突，「神咁樣比機會人，係極之咁大既愛」都係冇答到個問題，就算唔偏愛，都可以比機會。
「犯罪」原指射唔中紅心，引申到做唔中神看為好既野。
一做屋企人最憎既野，關係就破裂。
神最憎既就係罪，神既神聖在於同罪完全分開，人有罪就係同神分開。
創世記
//3:8 天起了涼風，耶和華神在園中行走。那人和他妻子聽見神的聲音，就藏在園裡的樹木中，躲避耶和華神的面。//
唔係神拋棄人，係人驚見到神，關係係雙向既。
羅馬書6:23
//因為罪的工價乃是死；惟有神的恩賜，在我們的主基督耶穌裡，乃是永生。//
工價係應得果份人工，即係犯罪就係抵死，無論有冇悔改，所有犯罪既人都係抵死。
咁去到呢個位有兩種情況。
第一，唔悔改。結果係死，同生命既神分開。
第二，有悔改，假設神唔睇重悔改，照住人所行既比人應得既野，結果就同唔悔改冇分別。
但神係睇重人悔改，憐憫悔改既人，唔將佢地應該受既比佢地，用另外既方法（耶穌釘十字架）還左人爭神果份，結果悔改既人就可以同返生命既神一齊，結局係永生，同從來冇犯罪既人一樣。
所以我講比機會，係比緊離開自己必死結局既機會，而點解人有呢個機會，就係因為神睇重悔改。人回轉離開罪，神就回心轉意唔降人應得既禍，呢個係我「偏心」既意思。
見你好大篇幅講玩夠同質疑係咪悔改，其實唔係好關事，悔唔悔改得切都唔係好關事….
我問緊係佢悔改左，即係賢者模式後悔又好，死老豆後悔又好，我唔care，字面意思就係佢玩盡哂所有每個人都想放蹤慾望去玩嘅嘢，然後悔改，比起可能教二代或者細細個就開始信，一直都冇做過任何需要悔改嘅嘢，係唔係神比較偏愛前者？我睇完你回覆，應該簡單黎講就係-yes，唔知我有冇get錯？
要簡單黎講，係yes ，條件係個悔改係明白自己冇得救。
係神面前，邊一種悔改係極之重要。我所講神睇重既悔改只有一種：就係知道自己冇任何出路，係神面前只有死路一條，而去到呢個等死既位求神開恩，神就按佢既恩典赦免自己。
其他所有既悔改，「賢者模式後悔又好，死老豆後悔又好」，其實神唔一定睇咁重。因為後果而發覺唔好，都可以係諗緊「明明係佢衰先」。
呢個悔改係同神修補關係既悔改，你同神講對唔住果時，個態度係咩呢？例如，全部都係我衰（真心）？全部都係我衰（但心諗有D部分我都唔係咁差姐）？係我衰，不過（不刪N字）？
講返轉頭，神係睇重悔改個態度（神care 「邊種」悔改），唔係句對唔住本身。
Btw 你1.2「人若說話冒犯聖靈，不論今生還是來世，*都得不到赦免」即係冒犯左，悔改都得不到赦免？
「慣左咁樣既人就唔會走去悔改，所以唔會得到赦免」點解我話佢悔改咗你又要話佢唔會去悔改，好似唔係好關事。
呢句入面，得唔到赦免既原因係唔悔改。
呢句同你條問題既關係在於你講左「如果一個人明知信神係好」。明知都唔做，就係拒絕緊聖靈提你去悔改。帶黎既危機就係會慣左唔理神既提醒，以致唔悔改。（當然神既恩典係大既，不過真係冇包單）
2. 唔代表，即係知法犯法點嚴重啲？
我見你寫咗好多嘢，但只係代表緊知法犯法好嚴重。我都知知法犯法好嚴重，但係我想問嘅係知法犯法，相比起唔係知法犯法嘅人係唔係嚴重「多啲」？好似全部都唔係好關事，或者可能我未理解到？
如果你想知法犯法嚴重「多啲」既簡單答案，咁係yes ，就係耶穌最尾果句
//這些人要受更重的刑罰！」//
個更字入面。
長答案係舊約既申命記28章或者利未記26章，係好長好elaborated 咁講如果唔聽神話會點，如果再唔聽（知法犯法）會點樣嚴重D，而如果係咁既情況都再唔聽（再知法犯法）會點，再再繼續又會點再嚴重法。咁你就可以比較下個嚴重性差幾遠。
我淨係見到講緊啲不斷唔關事嘅嘢，好攰，本身神叫我去睇吓而家信神嘅人係點，所以睇下，不過睇到好攰，明白點解要叫我去睇了。
你問既係一樣野，而我嘗試左搵聖經入面同成條問題有關既神既睇法，未必係你期望。
你個語氣我好欣賞，多謝你提出我既答法既不足。
