［冇圖］睇左好多年聖經 你問我答（6）

你自己講架嘛。情緒同暴力都係你度黎喎。你話
（A）神中意殺人。

我就話根據聖經對神既形容同邏輯推論，如果你呢句啱，你應該死左。
（1）再講多次，多嗲係指「你講過既褻瀆神既說話」。

你咁中意講邏輯，而家就一句一句推比你睇。（不過冇咩營養，只此一次。）

（2）馬可福音3:28
//我實在告訴你們，世人一切的罪和一切褻瀆的話都可得赦免；//

（3）用（2），既然「一切褻瀆的話」有得赦免，呢D就係罪。

（4）用（1）同（3），你係神面前有罪。

（5）以西結書18:21
//「惡人若回頭離開所做的一切罪惡，謹守我一切的律例，行正直與合理的事，他必定存活，不致死亡。//

（6）用（5），有罪既惡人結局係死亡。

（7）用（4）同（6），你值得死。

（8）用（7）同（A），神值得殺你。

（9）你仲生勾勾。

（10）用（8）同（9），有矛盾，所以前題（A）唔成立。

結論：神唔中意殺人。


解多句又點話，講返D有營養有生命既野。
以下係神自己對自己既宣告：

出埃及記34:6-7
//耶和華在他面前經過，宣告：
「耶和華，耶和華，
有憐憫，有恩惠的上帝，
不輕易發怒，
且有豐盛的慈愛和信實，
為千代的人存留慈愛，
赦免罪孽、過犯和罪惡，
萬不以有罪的為無罪，
必懲罰人的罪，
自父及子，直到三、四代。」//

神根本就中意赦罪，問題係人唔肯認。

問緊你，個作者講D咩野冇意義。
再者，呢類觀點基本上都係呃文出

人當自己係神，咪犯罪囉。

原本唔揀有冇神，因為五餅二魚發生左，所以合理推論係有神。
神既善，唔在於控制。人有自由，所以咁樣發生合理。
小女孩俾強姦至死，然後呢？死唔係完喎。強姦犯然後呢？
如果你要問公義，你又點知小女孩之後只有慘，強姦犯繼續冇事？呢個係未夠鐘審判個情況姐。

聖經既講法係咁既。

（1）五餅二魚

約翰福音6:10-15
//耶穌說：「你們叫大家坐下。」那地方的草多，人們就坐下，男人的數目約有五千。
耶穌拿起餅來，祝謝了，就分給坐着的人，也同樣分了魚，都照他們所要的來分。他們吃飽後，耶穌對門徒說：「把剩下的碎屑收拾起來，免得糟蹋了。」
他們就把那五個大麥餅的碎屑，就是大家吃剩的，收拾起來，裝滿了十二個籃子。
人們看見耶穌所行的神蹟，就說：「這真是那要到世上來的先知！」
耶穌知道他們要來強迫他作王，就獨自又退到山上去了。//

叫坐低等食，即係唔係要人睇表演（否則係耶穌坐低群眾企住睇/聽）。
個過程就係耶穌祝謝完就分。（你中意可以參考埋另外三本福音書。）
D人都係發現到係神蹟，而佢地唔係話唔合理，反而係話呢個就係神派黎既彌賽亞救主（雖然理解錯誤）。


（2）所謂全善，聖經冇題過，因為聖經唔係哲學書。
哲學討論對認識聖經既神唔單止冇意義，仲有反效果，因為好容易聖經越睇越少，自己諗既就越睇越多，偏差左都唔覺。

強姦，係人既罪。聖經講神就係要消滅罪。有一節經文又講善又講罪，我覺得好有意思。

詩篇25:8
//耶和華是良善正直的，所以他必指示罪人走正路。//

唔係要個罪人消滅，亦都唔係要係人犯罪之前消滅個神，而係要將人從罪當中拯救出黎。耶穌十字架既救恩就係重要係呢度。

咁你會問，咁個小女孩點？

耶穌山上寶訓八福入面就有：

馬太福音
//5:4 哀慟的人有福了！因為他們必得安慰。//

耶穌講比喻都有題地上慘既人返到神既歸宿，我引一半：

路加福音
//16:19 「有一個財主穿著紫色袍和細麻布衣服，天天奢華宴樂。
16:20 又有一個討飯的，名叫拉撒路，渾身生瘡，被人放在財主門口，
16:21 要得財主桌子上掉下來的零碎充飢；並且狗來舔他的瘡。
16:22 後來那討飯的死了，被天使帶去放在亞伯拉罕的懷裡。財主也死了，並且埋葬了。
16:23 他在陰間受痛苦，舉目遠遠地望見亞伯拉罕，又望見拉撒路在他懷裡，//

其實你想知好簡單，就係成為耶穌既門徒，零距離體驗神向你既啟示，咁你就會知道神可以用咩方法啟示。人人唔同架，新奇到你估唔到

我已經講左好耐，係有神蹟跟住我，完全唔盲目。我試過係走投無路既困難比神用神蹟幫，更加重要既係，佢係我同其他人既關係當中，帶我同人和好。我嬲到爆咩都諗唔到，神令到有一個講對唔住既念頭，仲同我講：「我陪你去」。
對你黎講，你就算冇試過，你聽我話有而信已經唔係盲目，何況你信既話生命都必定會有神蹟發生。

神係活，就係咁解。得聖經講唔關我事既神信黎把鬼，咁都信就真係盲目喇。

聖經入面有神既權威同能力，講其他相對冇咩營養。
我的確有聽過聖經以外既文獻講聖經記載既事，但係個目的都係為左明白段經文點解咁寫，從而認識神更加多。

其實你expect 可以有幾客觀？由當時其他國家寫咪又係吹大佢地自己。
（何況呢度講以色列打贏仗，唔通輸果邊立個碑記住自己輸得幾甘咩？）

聖經有個特點，就係將好多人唔想記低既野都好誠實咁寫埋出黎。

我想知點解神既子民 要俾人恰足399年 神都唔幫拖 要第400年先幫拖？

因為神有佢既時間表，同埋佢應承左就照做。
迦南人惡貫滿盈果下，神先藉以色列人審判佢地，呢個時間出埃及就啱啱好。

創世記15:13-14
//耶和華對亞伯蘭說：「你要確實知道，你的後裔必寄居在別人的地，服事那地的人；那地的人要虐待他們四百年。
但我要懲罰他們所服事的那國，以後他們必帶着許多財物從那裏出來。
至於你，你要平平安安歸到你祖先那裏，必享長壽，被人埋葬。
到了第四代，他們必回到這裏，因為亞摩利人的罪惡到現在還沒有滿盈。」//

再者，神一早就做緊野，未有耐到399年就已經預備定摩西。

出埃及記7:7
//摩西、亞倫與法老說話的時候，摩西八十歲，亞倫八十三歲。//

又或者點解以色列人唔係恰人嗰果而係俾人恰嗰個

因為個新法老係咪都驚一餐。

出埃及記1:8-10
//有一位不認識約瑟的新王興起，統治埃及。
他對自己的百姓說：「看哪，以色列人的百姓比我們還多，又比我們強盛。
來吧，讓我們機巧地待他們，恐怕他們增多起來，將來若有戰爭，他們就聯合我們的仇敵來攻擊我們，然後離開這地去了。」//

唔知道樓主既心中既信仰係基於聖經「文字」上嘅描述神既行為而產生 定係另有原因

生命經歷到神，變得豐盛。而呢個神就係聖經講咁。
就咁得堆文字係無意義，不能同意更多。

下面果段，我簡短一次過回應下。
神向人啟示係用人能夠明白既方法。
當時既人相信，邊個神好打，打贏晒其他神，邊個就係真。

所以為左向埋埃及人啟示，就有十災，針對埃及既神明，例如埃及有個青蛙樣既神明，耶和華就整個青蛙災比佢地。

其實埃及人係明既，雖然法老心硬到尾。

出埃及記14:25
//他使他們的車輪脫落，難以前行，埃及人說：「我們從以色列人面前逃跑吧！因耶和華為他們作戰，攻擊埃及了。」//

見未有答案代答下先。

冇錯，係聖經講左。

舊約神的選民：古以色列人

出埃及記34:27
//耶和華吩咐摩西說：「你要將這些話寫上，因為我是按這話與你和以色列人立約。」//

新約神的選民：信基督的人

馬可福音14:24
//耶穌說：「這是我立約的血，為多人流出來的。//

另外即係古以色列人係上帝既testbed咁?

神揀左以色列，救贖佢地做佢地既神，令到全地都認識到神。好似做班長咁。

歷代志上16:24
//在列邦中述說他的榮耀，
在萬民中述說他的奇事。//

聖經有講婦女要蒙面，唔可以做教會領袖嘅教導，但有冇講如果係其他國家可以唔跟？

有人問過相似問題，請先參考post (5) #5。

即刻舊約俾堆法你，淨係古以式列要跟，唔跟就大洪水

大洪水係成個世界（差唔多）全部人全部時間都諗邪惡既事既結果。當時未有舊約未有律法。

創世記6:5
//耶和華見人在地上罪大惡極，終日心裏所想的盡都是惡事，//

新約就個個要跟，教會話唔跟可以唔跟，個界線係點定 可唔可以詳細啲，唔係太明

新約要跟既係放左入心既舊約律法，即係背後既精神。

耶利米書31:33
//那些日子以後，我與以色列家所立的約是這樣：我要將我的律法放在他們裏面，寫在他們心上。我要作他們的上帝，他們要作我的子民。這是耶和華說的。//

背後個精神係盡全人愛神，同愛人如己。

馬太福音
//22:37 耶穌對他說：「你要盡心、盡性、盡意愛主─你的神。
22:38 這是誡命中的第一，且是最大的。
22:39 其次也相倣，就是要愛人如己。
22:40 這兩條誡命是律法和先知一切道理的總綱。」//

出於愛，為某人守/唔守某律法，為左使人唔跌倒，就要睇情況。
（例如全教會守，咁你咪守埋一份，因為冇必要為左咁嘈。）

No, 完全無解釋
你曾經講你完全唔知道神ge善惡判定
咁你應該連第一句"你講過既褻瀆神既說話" 值唔值得被判為惡都唔知道先啱, 但係你又可以好直接講到出黎"褻瀆神既說話, 鐘意殺早就殺"
原因何在?
褻瀆神 = 可以殺, 你up得出, 一定有佢自己ge依據, 我就係問緊呢一個依據, 你話暴力因素喺我到, 我又好似無提過褻瀆神都要死
除非你話唔信神都等於褻瀆要燒城ge je

聖經講明神會原諒既（除非你濫用佢既恩典）。

約翰一書
//1:9 我們若認自己的罪，上帝是信實的，是公義的，必要赦免我們的罪，洗淨我們一切的不義。//

另外有心入面既平安，係超自然外在能力比既，又係聖經講既。

羅馬書8:6
//體貼肉體的，就是死；體貼聖靈的，乃是生命、平安。//

悔改係要心痛欲絕，發現自己原來得罪左神爭左神冇得還，呢個就係神所睇重既悔改。

耶穌講其中一個比喻係咁：

路加福音18:13-14
//那稅吏遠遠地站着，連舉目望天也不敢，只捶着胸，說：『上帝啊，開恩可憐我這個罪人！』
我告訴你們，這人回家去比那人倒算為義了。因為凡自高的，必降為卑；自甘卑微的，必升為高。」//

悔改信耶穌係有相應既行為。睇自己有做咩冇做咩，其實可以好清楚知道有冇真係悔改。

雅各書2:17-18
//信心也是這樣，若沒有行為是死的。
但是有人會說：「你有信心，我有行為。」把你沒有行為的信心給我看，我就藉着我的行為把我的信心給你看。//

我講「當神係神」既意思係當佢有到，出於對神既敬畏，係行事為人表現出神既愛。信伊斯蘭教既人一樣有神比佢地既良心。

羅馬書2:14-15
//沒有律法的外邦人若順着本性行律法上的事，他們雖然沒有律法，自己就是自己的律法。
他們顯明律法的功用刻在他們心裏，他們的良心一同作證－他們的內心掙扎，有時自責，有時為自己辯護。//

神想人做既，咪講左囉，律法已經好清楚講晒。要愛。

馬可福音12:29-31
//耶穌回答：「第一是：『以色列啊，你要聽，主－我們的上帝是獨一的主。
你要盡心、盡性、盡意、盡力愛主－你的上帝。』
第二是：『要愛鄰如己。』再沒有比這兩條誡命更大的了。」//

如果有人照住聖經既教導去愛，未到最後已經會經歷到神既真實，咁就可以自己（唔洗靠我講）肯定到神比佢既豐盛同盼望。

終於講到有神蹟
點神法, 顯靈? 如果係咁你應該可以上報, take左野見到幻覺都可以覺得自己見到神蹟
講錯野有對唔住呢個念頭除左你自己之外無任何人知道你點諗, 可能係你自己出世到依家道聽塗說得到ge倫理邏輯導致
而且, 無神論ge人都可以做到呢件事
你身邊有其他人一齊聽到神聲音叫你講對唔住?

呢句幫唔幫到你？

利未記24:16
//那褻瀆耶和華名的，必被治死；全會眾總要用石頭打死他。不管是寄居的是本地人，他褻瀆耶和華名的時候，必被治死。//

係舊約架，不過你從呢度可以得知褻瀆神係罪，罪就係致死。

唔係我話係褻瀆神你就係。不過如果你帶住你講過既野就咁去神面前，我都會好擔心你

歷史書係會紀錄自己打敗仗ge事蹟
你是但搵一本三國時代唔同勢力ge史書都會見到, 所有中國歷史,甚至世史, 連自己點亡國, 點樣衰落都會寫落去, 再加上有唔同地方ge書共同描述, 該事情先會被判定為歷史
只係單一人或書描寫ge事情唔見歷史, 好聽D講叫野史, 唔好聽D叫傳聞
點解你可以咁直接認為聖經上所謂有d唔想記得GE事必定存在? 會唔會有可能只係野史, 傳聞甚至係無中生有?

又好清楚?
但係你又唔知道上帝ge善惡判定
連一個善惡判定都仲未搞得清楚, 意思即係連自己行為對於神而言係唔係真係做錯都仲未判定到, 又點知道需唔需要悔改?
無記錯原罪你講過話唔再追究, 咁你即係迫人無啦啦悔改je

所以到最後, 你用所謂ge有處境性同對象性ge經文黎做人值唔值得殺死ge依據, 我就係其中一個例子
而你係覺得咁做ge正確ge
我終於define到你ge倫理道德係點樣建立, 如果係咁, 你應該唔會反對獵巫同宗教迫害
咁唔怪之得你講嗰陣講信神被迫害, 係苦難, 但係科學家反被教庭迫害, 獵巫你提都唔提一下, 原來嗰時已經顯露你ge道德觀原來生成咁ge樣

講過好多次喇喎
可能你冇追其他回覆。

約翰一書4:1
//親愛的，一切的靈不可都信，總要察驗那些靈是否出於上帝，因為有許多假先知已經來到世上。//

「神蹟」係咪黎自神，要搞清楚架。基本上個辨別方法係比較聖經入面神既性情，同埋對福音既影響。

神同人講野，就睇下你係咪聾耳陳。你唔認識神，佢就用D誇張D既神蹟，好似以色列人咩都唔知，出埃及咁就好誇張喇。你認識神，佢細細聲或者好細既動作，你都知係佢。

講對唔住果性事，如果我心情平伏，就唔算得咩。
但我果刻係好嬲咁諗緊其他野，好似係激我果個人邊句講錯之類，然後呢個好溫柔又好實在既意念就好清楚咁出現，係好有能力既力。同時，亦都有句經文浮左上黎。

無神論既人做唔做到，我唔評論。我淨係知冇耶穌既話，我自己就做唔到。

把聲係個腦入面得我聽到，唔係外在既聲。

因為呢把有能力既聲，係我自己冇能力既情況之下，幫左我同人和好，符合神既心意，所以我斷定呢個係從神而來既。

你講ge野真係一點丁點信服力都無
因為你所謂聽到有神ge聲音而有對唔住呢個念頭又係無任何方法可以證明
將入面神呢個字改成其他字個結果都係一樣
聽到有狗ge聲音而有對唔住呢個念頭
聽到有阿拉ge聲音而有對唔住呢個念頭
你鐘意ge你都可以改ga
至於聖經D所謂聖蹟無一件事可以重現到ge就無乜討論價值, 全部都係"只管信"

好似世界依家有幾十億人唔信神, 都仲未見到有D咩好誇張ge神蹟出現過
可能你個上帝能力上最多可以做到古以色列個範圍, 再多唔得

邪教口吻
信左先, 信左你就昇天ga啦

果時整文字記錄你估三國時代咁簡單？
要用好大地方，係泥板上面壓D cuneiform 字去燒，邊有咁多位寫D唔係最威既野。

如果你祖先係做奴隸，你會唔會係咁題住？我舉個例子。

利未記19:33-34
//「若有外人寄居在你們的地上和你同住，不可欺負他。
寄居在你們那裏的外人，你們要看他如本地人，並要愛他如己，因為你們在埃及地也作過寄居的。我是耶和華－你們的上帝。//

愛外人既原因係寄過人籬下。呢件事一D都唔威，亦都唔係正常人會寫出黎既律例。
Hammurabi 法典我冇仔細睇過，不過應該係越高位越有特權。
聖經呢方面係好特別架，因為神睇人同人睇人唔同。

我係同你一樣咁抵死，不過我揀左悔改跟從耶穌。

希伯來書10:30
//因為我們知道誰說：
「伸冤在我，
我必報應。」
又說：
「主要審判他的百姓。」//

神審判同我審判唔同。個分別好緊要架。

祖先做奴隸有乜野問題, 你就算感到侮辱佢都係事實
你用墓碑誌黎做例子幾好啊, 係墓碑上寫上點樣死, 因咩事死, 就可以比日後ge人知道呢件事ge發生同點樣避免再有下次 , "從歷史錯誤中學習" 呢句野你無聽過咩

"果時整文字記錄你估三國時代咁簡單", 連你都覺得好難, 咁你點解覺得聖經一字一句必正確呢

講到明要做既野係愛神愛人，仲唔夠清楚？
關善惡咩事呢？

羅馬書3:23
//因為世人都犯了罪，虧缺了上帝的榮耀，//

你拎個心出黎諗下，有冇從來有一刻有過惡念？

約翰福音3:19-20
//光來到世上，世人因自己的行為是惡的，不愛光，倒愛黑暗，這就定了他們的罪。
凡作惡的人都恨惡光，不來接近光，恐怕他的行為被暴露。//

你有冇試過有野要收收埋埋唔比人知？

No
你仲要引用埋條文黎套用我依家呢個情況, 咁你地所講ge處境性對象性依家已經變成bullshit

因為你地講過話唔可以直接將條文套用喺現今社會,呢個講法等於戴定個頭盔依家唔需要跟足條文行事

但係你剛才ge行為就等於將頭盔除左落返落黎
咁又可以再重覆一次某個問題
"聖經條文有永續性, 點解依家唔跟?
"聖經條文冇永續性, , 點解依家你要用舊約條文套用喺我身上而判斷我值得被殺? "