羽絨／風褸／旅行用品討論[23](Montbell,Patagonia, Rab..etc)

想問下二月去東京買，二揀一，會推介去p記定mont-bell？

Montbell Permafrost Light Down Parka - 呢件800 fill 羽絨. 件褸 Goretex Windstopper 100% 防風, 冼水. 負5 至 10 度適用

Sorry問錯我係想問去個到買邊個牌子好的，諗住買一件好啲啲，因為兩個牌子都有人推介

如果你指p記係Patagonia, Patagonia 的強項係fleece同保温棉，montbell 的強項在於羽絨

唔該晒ching

請問有無人試過mont bell 日本online 買野，用香港credit card成功比錢？

各位巴絲新年好，黎緊一月中會去東京同富士，睇過溫度應該大概 -5 到 6度。呢次係我第一次咁凍去旅行，未體驗過零下既氣溫。
想問下如果想 U記heat tech 加件衛衣做入面，外套應該同咩襯會夠暖？
同埋應該$2500蚊 budget夠用？

我自己體質係: 尋日除夕14度左右，我著薄heat tech，GU衛衣同牛仔褸大風嗰陣覺得有少少凍。

唔該曬大家先

我比到，不過我寄去酒店收。
中間會有人聯絡要提供入住酒店資料.
不過錯哂，用左英文版，無得睇返order history，但就見到入左point 比我。

用日版就可以睇返之前既order，上年係用香港卡寄BNS，唔知係咪比人玩爛左，唔用得香港卡。

我諗住香港credit card扣錢，寄去日本朋友屋企，我去到拎，唔想浪費時間去實體舖買。
即係之前比到錢？但上年比唔到錢？

寄酒店果單係12月既事，件褸過幾日先會到酒店。
如果你寄朋友家，我估佢都有日本卡啦，不如你叫佢幫你買啦。

想提提大家 如果想去到日本先買m記 記得check清楚舖頭存貨

我落地嗰日permafrost喺東京斷哂貨 焗住買件light
好在第二日check到佢restock左 未剪牌 可以去換

比唔到 最後佢建議我用wise 匯款，匯完佢收到就幫我寄去BNS

落單計幾耐會到酒店
嚟緊去日本旅行 想用呢個方法

我12月中買既，你地址填左酒店，佢應該會email 搵你，你比左資料佢，佢會係你check in 前兩三日送到酒店。
你記得問左酒店會唔會同你收件先好買呀。

女仔 準備去日本韓國 0至-7度
想買fleece 可以係香港著返
請問有咩款推介？ 感激

這個有困難，如果fleece可以頂到這個温度，通常一係長毛high pile款，這類Patagonia 會有，一係超級厚polartec 300款，這類aigle 特有款長到似長䄛，價錢接近$3000。

韓國當地比較流行長身羽絨，厚長身款fleece行山品牌很少出，要去spao, 8 seconds這類連鎖店睇

明白 裡面會著底衫 外面會著防風外套
只係想揀件適合fleece係旅行著 大概預著3-4層
方便係香港著得返 想知咩款適合

官網邊到可以check到舖頭存貨

Online store 揀日文 喺件野度有得check存貨

Retro x

分享一下，剛剛從韓國返來，由-15至-5度都經過，韓國街頭其實甚少著Gore-Tex ，多數人係羽絨，仲要係特厚sub-zero款，這些款香港很貴，韓國2000左右。fleece如果唔係著係面，純打底用fleece邊隻都無所謂，只要係行山牌子便可以。上身問題通常不大，反而通常係下身凍比較多，牛仔褲係阻唔到冷風，最好買保暖褲或長厚羽絨。

多謝你既意見 想問下身有冇d比較好睇的保暖長褲
擔心著左長厚羽絨褲好擁腫

羽絨褲我都未見到有人著，常見下身保暖有兩種方法，一係著普通牛仔褲，然後內穿緊身保暖長褲，一般行山鋪可以買到，一係著fleece褲或重身斜褲，fleece褲好睇aigle 會有但比較貴，重質斜褲韓國比較常見，可以係8 seconds這種連鎖店找