我和鄰居大姐姐的故事(18)

1001 回覆
293 Like 8 Dislike
2023-01-19 08:49:42
2023-01-19 12:00:16
最少今個故唔會
2023-01-19 20:13:57
2023-01-20 01:14:06
Push
2023-01-20 01:19:48
2023-01-20 14:32:26
推山區巴
2023-01-20 14:32:36
綠茶巴
2023-01-20 14:33:01
會講,但應該唔會著墨太多
2023-01-20 14:33:48
唔一定架個故可以sad end架嘛
2023-01-20 14:34:10
係啊
2023-01-20 14:34:43
爭48個正皮
2023-01-20 14:35:08
佢稍為成熟左啲喇
2023-01-20 14:36:18
2023-01-20 14:37:04
四百八十三

有時同黃社足球隊拉大隊去屋邨球場練習既時候(已經成為左黃社既傳統),我雖然大部分時間都就住自己傷患而唔落場住,但一落到場既時候我交波既次數明顯係比起我受重傷之前多左好多。

相對黎講,我持球突破既次數就大減。

如果隊友係班騎呢大叔既時候都還好,但當隊友係黃社社隊既隊友時,佢地處理得……嗯…真係……有好大既進步空間。

畢竟雖然黃社足球隊既整體水準比起我中一入隊果陣高左唔少,但呢個只係相對校內其他社而言,實際上佢地仍然係好撚廢。

好快校內既社際足球比賽就開始左,今年其實都係黃社同綠社爭。綠社大部份球員都廢過我地,但係佢地有阿必一個拉返高晒成隊波。

黃社頭兩場波對藍社同紅社我都冇出場,始終我既左腳其實或多或少都仲受緊傷患困擾,而且我既隊友們既水準其實已經提升到冇左我都可以贏到紅藍兩社,我就坐住響後備席以備不時之需。

綠社同樣都係兩場贏晒,而且得失球仲要多過我地,換言之最後一場我地黃社一定要贏先可以後上拎到冠軍。

但係……

我隻左腳好明顯未ready。

實際上,我連復出踢社際呢件事我都冇同秋兒姐姐講過。

秋兒姐姐梗係有問起過,但我前兩場真係冇出過場,所以我諗我答佢我冇踢社際都唔算呃佢呱……

啊,我大個應該做政府高官。

「阿熙,你隻腳掂唔掂架?」John仔雖然卸下左社長一職,但佢依然係黃社足球隊既隊長。

「Ok既,我應承過你今年要拎社際冠軍架嘛!」

事實上我仲未有一次練波可以練到足。

John仔當然睇得出,亦都係因為咁,我同佢傾戰術既時候,先至會得出頭兩場波除非係危急關頭,如果唔係我會做後備而唔會出場呢個結論。

而且咁樣可以令到綠社既人以為我仲傷緊,令佢地掉以輕心。

事實上我估全校大部份人都係咁認為。

……

……

……

不過我未完全好返晒又係真既。

「……你可以踢到幾耐?」John仔問。

「……」我諗左一陣,其實自己都唔太確定:「十分鐘?」

驚大家唔記得,一場社際足球比賽係踢四十分鐘,上下半場各二十分鐘。

John仔咬一咬牙,再下定決心道:「放心,你唔會有需要落場既時候。」頓了一頓再道:「因為我地會贏,唔需要你帶傷落場都一定得!」

我知呢件事好難,不過我見John仔誠意拳拳,我又無謂潑佢冷水打擊士氣:「好!」

*

終於到左爭奪冠軍最重要既一場比賽。

唔知阿必係咪為左避開我,所以響一放飯既時候一支箭咁標走左,而我都有心避佢,所以佢出左課室之後直至到John仔過黎搵我,我先同隊友一齊落去更衣室。

不過怨家路窄(雖然我唔想將阿必形容為怨家),響我更衣室門口,阿必一枝箭咁走出黎,仲要差啲撞到我。

「喂,你爭啲撞到人啊!」疾風向阿必怒屌左一句。

阿必側頭咁望左我地成班人一眼,但依然係冇同我有眼神接觸,就咁冇講任何野就轉身離開。

我心入面有一陣陣痛既感覺,沒來由咁覺得有一份淒涼既感覺……

屌。

「屌,港青大晒咩!」疾風仲屌緊:「我地夠有港青咯!」

其實係「前」港青先啱。

「唔好嘈,入去喇。」John仔帶領大家入更衣室。

點諗到當年飽受黑熊之拳既佢,竟然都會有隊長風範既呢一刻?

*

觀眾席人頭湧湧,我地響行去球場既時候,啲同學見到我已經議論紛紛。

感覺就好似去返中一第一場社際比賽時候一樣。

「余正熙啊,佢今日會唔會出場呢?」

「綠社有林必才,如果黃社出唔到余正熙今次輸硬喇。」

「我估余正熙未好返晒,之前見黃社練波佢成日都坐左響場邊。」

「余正熙好靚仔啊。」噢,係彈彈妹……

響眾多同學既注視之下,我地黃社足球隊終於到達球場。

今個學年決定社際足球冠軍誰屬既一戰即將要開始了。

(待續)
2023-01-20 15:08:53
阿必親手收葉開熙山
2023-01-20 15:23:19
推推
2023-01-20 15:34:02
唔知有冇記錯,大學嗰陣時熙仔好似都有踢波,所以鳩估就算熙仔有落場,阿必都冇收佢山?
2023-01-20 15:55:51
個「」簡直係畫龍點睛
2023-01-20 19:18:20
私心想𤋮仔贏見到阿必態度變成咁好唔慣
2023-01-21 01:53:22
點解年年黃綠都係最後一場
2023-01-21 03:43:58
2023-01-21 12:35:18
2023-01-22 02:38:05
紅藍都廢, 點入決賽啊Ching
2023-01-22 04:50:21
Push
2023-01-22 10:06:07
呢場波,可能要睇兩個禮拜…
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞