我和鄰居大姐姐的故事(18)

1001 回覆
293 Like 8 Dislike
2023-01-06 14:35:21

唔好寄比我
2023-01-06 14:35:38
2023-01-06 14:38:57
四百七十七

我心下歡喜若狂。

我覺得秋兒姐姐講呢句,同佢直接講其實佢都鍾意我冇分別,只係呢個講法含蓄啲。

我其實明白要佢接受返我好難,但即使到最尾我同佢真係唔可以響埋一齊都好,知道佢對我既心意已經死而無憾。

唔係誇張。

如果真係咁既話,就等我以細佬既身份去照顧佢喇。

「熙熙。」秋兒姐姐輕輕叫左我一聲。

「嗯?」

「你可唔可以應承我一樣野……?」秋兒姐姐輕輕地問。

「可以!」唔好話一樣野,一百樣野都得!

「但係……呢樣對你黎講可能好重要……」秋兒姐姐有啲吞吞吐吐地道。

「冇野重要得過妳。」我斬釘截鐵地道。

「就算係你既夢想?」

「我既夢想?」

「我唔想你再踢職業足球……」秋兒姐姐講既時候仲係面色都青埋:「你知唔知果日我響球場上面見到你斷腳,我個心好似要停止跳動咁……」

「呢啲只係意外……」我嘗試解釋道。

唔係真係咁危險架……

「但我唔想承受多一次呢種經歷啊…」秋兒姐姐搖搖頭:「而且……就咁樣好好讀書讀完大學出黎搵份工,比起你而家傷到咁樣都仲想做職業球員唔係更加好咩,醫生話過對你隻腳負荷好重,一個唔好彩,真係隨時會廢左隻腳架……」

其實睇黎係我斷腳呢個畫面對佢有陰影。

我其實都唔知自己仲可唔可以好似以前咁踢返波,更加唔好話職業波,但我好記得文叔同我講既說話:決定得唔得既唔係醫生,係我自己啊。

由果下開始,其實我心入面就重燃起踢返職業足球既念頭。

但係……而家秋兒姐姐對我有咁既請求……

其實佢都係為我好……

驚我隻腳有啲咩事,又想我讀好書行條舒服啲既路……

唉。

秋兒姐姐見我唔出聲,無力地再問:「熙熙,應承我……可唔可以?」

聽見秋兒姐姐軟弱無力既聲音,我胸口一熱,心諗如果連呢樣野都應承唔到秋兒姐姐既,我仲憑咩話我心目中冇野重要得過佢?憑乜野話好好補償佢?

於是我用力點點頭,道:「我應承妳!」

秋兒姐姐問:「真既?但呢個係你既夢想黎喎?」

我搖搖頭:「夢想?夢想重要得過妳咩?」

其實我知道,我咁樣應承得秋兒姐姐,我腦海入面同阿必一齊拍上,由球會出道、日本外流,到響亞洲區外圍賽殺到入世界盃決賽週,全部目標都會幻滅。

不過……

我更加唔想再令秋兒姐姐失望……

我已經令到佢失望左好多次……

「多謝你啊熙熙……」秋兒姐姐微笑,而呢種笑容係真心笑出黎既,我已經好耐冇見見過秋兒姐姐面上顯露出黎。

「嗯。」雖然心情仲係有啲矛盾,但見到呢個笑容我覺得我個諾言已經值得晒。

「咁……我返去休息先喇……」秋兒姐姐向我道別。

都啱既,雖然而家都夜,班三姑六婆應該唔會走出黎,但意外既野好難講,更何況老豆同林太可能會早左返到。

於是我都同秋兒姐姐道別:「嗯…早抖。」

秋兒姐姐點頭微笑:「早抖。」正待轉身入屋……

「秋兒姐姐!」我忍唔住叫停,想望多佢一眼:「妳放心,我一定會聽妳講,好好讀書,考上大學架!」

秋兒姐姐先係微一愕然,然後點頭一笑。

「然後,到時我會再一次表白!以一個更加成熟既男人呢個身份!」我一口氣講埋出黎:「所以……妳要等我啊!」

秋兒姐姐先係講左句:「唔好咁大聲啊!」四圍望左一下之後甜笑道:「好……我等你。」

*

我返到屋企沖左個涼訓左響床上面,諗返起今日發生既所有事,就好似發左一場夢咁。

心情大起大落,先係同淇淇分手,再由遙遙口中得知成件事既真相,再同秋兒姐姐表白要佢等我……

我而家心情其實講唔上係開心,但至少好似了結左幾件沉重既心事咁,心情至少冇咁沉重……

我唔知自己係咪可以考得上大學,亦唔知自己最終係咪真係可以同秋兒姐姐響埋一齊,不過我呢一刻叫有左目標奮鬥落去。

至於淇淇,我希望可以好好咁同佢道個歉,然後繼續以朋友既身份陪響佢身邊……

但之後我先發覺……

原來我將一切都諗得太過簡單……

(待續)
2023-01-06 15:50:16
感覺淇淇會傷心到𠝹手自殘
2023-01-06 16:17:59
有文推推
2023-01-06 16:18:35
2023-01-06 16:56:33
唔好啊
2023-01-06 16:58:55
又係我,請問屌左未
2023-01-06 17:16:07
有文
2023-01-06 18:50:11
我自己個故試下
2023-01-06 21:22:26
2023-01-06 23:34:51
可能淇淇已經無咗明天
2023-01-07 09:56:17
Push
2023-01-07 11:47:14
睇咗兩年幾終於睇到表白
2023-01-07 21:04:05
唔係嘛





你覺得咁少野?
利申無課,但肯定唔會咁簡
2023-01-07 21:33:57
果然夠鍾意一個人係可能令佢放棄所有野
2023-01-07 22:40:38
2023-01-08 16:35:43
Push
2023-01-08 20:00:44
2023-01-08 20:14:17
2023-01-08 20:44:53
2023-01-09 02:18:08
2023-01-09 12:48:10
坐等組媽出場
2023-01-09 14:22:38
同阿必屌左
2023-01-09 14:22:51
綠茶巴
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞