我和鄰居大姐姐的故事（18）
葉開葉開
1001 回覆
294 Like
8 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁
肯定差過Kitty
Push
唔會咁簡單就一齊左掛
淇淇condom
珍
唔知架
綠茶巴
係
但都算唔錯
但都算唔錯
新年快樂John巴
推山區
而家熙熙高小小喇
新快！
推推
四百七十六
表白完之後我望住秋兒姐姐等佢既答案。
我依然係唔緊張。
唔知係咪因為我都感覺到佢對我既感情？
我地對望左唔知幾耐。
雖然好似過左幾個世紀咁，但奇怪地我絲毫冇任何著急。
我地已經錯過左咁多，唔爭在等多一陣。
秋兒姐姐突然推開我：「夜喇，我地返去喇。」
下？
咁我啱啱既表白……
「秋兒姐姐……」
秋兒姐姐望住我，滿臉淚痕既面上露出微笑：「返左成日工，我真係有啲攰喇，想返去休息下。」
既然秋兒姐姐都出到聲，我都唔應該響呢個時候糾纏落去。
「嗯。」我點點頭，再試探性咁問：「一齊返去？」
秋兒姐姐微笑點點頭：「係啊。」
*
一路上我地既說話唔多，亦冇提到我表白既事情。
但我既心情依舊平靜。
好奇怪。
我一啲都唔著急，甚至唔擔心會被拒絕。
唔係我有信心秋兒姐姐一定會接受我，而係可能我由始至終都只係打算將埋藏響我心入面既心意講晒出黎，而秋兒姐姐接唔接受我既表白並唔重要。
返屋企既路似遠又近，好快已經行到返屋企門口。
夜已深，三姑六婆應該已經訓晒覺，但係我地雙方既家人似乎仲未返。
秋兒姐姐響佢屋企門口停落黎，深吸一口氣，再擰轉頭同我講：「熙熙，對唔住。」
……
秋兒姐姐道歉……？
係回應返我既表白？
我望住佢，並唔答話，等佢講落去。
「我唔可以咁快回應你既感情住。」秋兒姐姐認真地說道。
……
唔通佢考慮左成程車就係諗住要點樣拒絕我？
不過我依然冷靜，點頭道：「係。」
講堅，我呢大半年係咁傷害佢，佢仲肯接受我先至奇。
「熙熙，我……其實我……」秋兒姐姐突然有小小面紅：「嗯…你同我表白……我好開心……」
秋兒姐姐既意思係……？
其實佢都對我有意思……？
「但點解……？」咁點解佢仲要拒絕我？
「我明白你想問咩…」秋兒姐姐低頭道：「但我未準備好……」
「……」
「而且我都唔知我用幾耐時間……」秋兒姐姐仲係低住頭，我望唔到佢既表情：「甚至乎仲會唔會真係有準備好既一日，我而家都答唔到你……」
「……」
「所以，我都唔要求你會等我。」秋兒姐姐抬起頭，有兩滴眼淚又流左出黎：「如果你搵到個啱既，就……」
我打斷左佢既說話：「我已經搵到喇。」
秋兒姐姐一雙淚眼汪汪既妙目望住我，輕輕搖頭：「你未諗清楚啫……你個心可能唔響我度。」
我覺得秋兒姐姐係好婉轉咁指我同淇淇既關係。
甚至……
同鄭穎琳既關係（當然佢唔知我知道佢知呢件事）。
「唔係……我諗得好清楚……」我嘗試用自己覺得最認真既語氣：「尤其是我同淇淇一齊既時候，我個心入面諗既全部都係妳。」
秋兒姐姐又低下頭冇出聲。
反正秋兒姐姐都知道我同鄭穎琳既事，我決定自爆：「再之前……其實我都有偷偷地拍拖，但果陣只係玩，而唔係真係鍾意個女仔……我知咁樣係好衰，但我而家已經成熟左，真係大個仔架喇，會認真咁對待每一段感情。」
秋兒姐姐繼續唔出聲，但我知佢留心聽緊。
「我都知我之前對妳做既事真係好過份……」我諗返起秋兒姐姐比我推到落地，然後手掌被割傷，滿手鮮血，然後背住我抽搐痛哭，心入面真升起左一副極其懊悔既心情：「可唔可以比個機會我補償返比妳？」
秋兒姐姐抬起頭：「就算我可能永遠都未準備好？」
「妳未準備好我就等到妳準備好。」經過淇淇呢一次，我發覺我個心原來已經容納唔到其他人。
我諗自己唔係冇鍾意過淇淇，但佢響我心入面既份量遠遠唔及秋兒姐姐。
「我會裝備好自己，令自己成為配得起妳既人，令到妳未準備好都變準備好。」我露出一個陽光既笑容：「然後就輪到我好好咁照顧妳。」
然後今次到秋兒姐姐話：「嗯。我會等你…我…一直都等緊你。」
（待續）
表白完之後我望住秋兒姐姐等佢既答案。
我依然係唔緊張。
唔知係咪因為我都感覺到佢對我既感情？
我地對望左唔知幾耐。
雖然好似過左幾個世紀咁，但奇怪地我絲毫冇任何著急。
我地已經錯過左咁多，唔爭在等多一陣。
秋兒姐姐突然推開我：「夜喇，我地返去喇。」
下？
咁我啱啱既表白……
「秋兒姐姐……」
秋兒姐姐望住我，滿臉淚痕既面上露出微笑：「返左成日工，我真係有啲攰喇，想返去休息下。」
既然秋兒姐姐都出到聲，我都唔應該響呢個時候糾纏落去。
「嗯。」我點點頭，再試探性咁問：「一齊返去？」
秋兒姐姐微笑點點頭：「係啊。」
*
一路上我地既說話唔多，亦冇提到我表白既事情。
但我既心情依舊平靜。
好奇怪。
我一啲都唔著急，甚至唔擔心會被拒絕。
唔係我有信心秋兒姐姐一定會接受我，而係可能我由始至終都只係打算將埋藏響我心入面既心意講晒出黎，而秋兒姐姐接唔接受我既表白並唔重要。
返屋企既路似遠又近，好快已經行到返屋企門口。
夜已深，三姑六婆應該已經訓晒覺，但係我地雙方既家人似乎仲未返。
秋兒姐姐響佢屋企門口停落黎，深吸一口氣，再擰轉頭同我講：「熙熙，對唔住。」
……
秋兒姐姐道歉……？
係回應返我既表白？
我望住佢，並唔答話，等佢講落去。
「我唔可以咁快回應你既感情住。」秋兒姐姐認真地說道。
……
唔通佢考慮左成程車就係諗住要點樣拒絕我？
不過我依然冷靜，點頭道：「係。」
講堅，我呢大半年係咁傷害佢，佢仲肯接受我先至奇。
「熙熙，我……其實我……」秋兒姐姐突然有小小面紅：「嗯…你同我表白……我好開心……」
秋兒姐姐既意思係……？
其實佢都對我有意思……？
「但點解……？」咁點解佢仲要拒絕我？
「我明白你想問咩…」秋兒姐姐低頭道：「但我未準備好……」
「……」
「而且我都唔知我用幾耐時間……」秋兒姐姐仲係低住頭，我望唔到佢既表情：「甚至乎仲會唔會真係有準備好既一日，我而家都答唔到你……」
「……」
「所以，我都唔要求你會等我。」秋兒姐姐抬起頭，有兩滴眼淚又流左出黎：「如果你搵到個啱既，就……」
我打斷左佢既說話：「我已經搵到喇。」
秋兒姐姐一雙淚眼汪汪既妙目望住我，輕輕搖頭：「你未諗清楚啫……你個心可能唔響我度。」
我覺得秋兒姐姐係好婉轉咁指我同淇淇既關係。
甚至……
同鄭穎琳既關係（當然佢唔知我知道佢知呢件事）。
「唔係……我諗得好清楚……」我嘗試用自己覺得最認真既語氣：「尤其是我同淇淇一齊既時候，我個心入面諗既全部都係妳。」
秋兒姐姐又低下頭冇出聲。
反正秋兒姐姐都知道我同鄭穎琳既事，我決定自爆：「再之前……其實我都有偷偷地拍拖，但果陣只係玩，而唔係真係鍾意個女仔……我知咁樣係好衰，但我而家已經成熟左，真係大個仔架喇，會認真咁對待每一段感情。」
秋兒姐姐繼續唔出聲，但我知佢留心聽緊。
「我都知我之前對妳做既事真係好過份……」我諗返起秋兒姐姐比我推到落地，然後手掌被割傷，滿手鮮血，然後背住我抽搐痛哭，心入面真升起左一副極其懊悔既心情：「可唔可以比個機會我補償返比妳？」
秋兒姐姐抬起頭：「就算我可能永遠都未準備好？」
「妳未準備好我就等到妳準備好。」經過淇淇呢一次，我發覺我個心原來已經容納唔到其他人。
我諗自己唔係冇鍾意過淇淇，但佢響我心入面既份量遠遠唔及秋兒姐姐。
「我會裝備好自己，令自己成為配得起妳既人，令到妳未準備好都變準備好。」我露出一個陽光既笑容：「然後就輪到我好好咁照顧妳。」
然後今次到秋兒姐姐話：「嗯。我會等你…我…一直都等緊你。」
（待續）
八婆儀打死你
推推
追左4日終於live
好似差咁少少野
唔想打搞秋兒姐姐
唔想打搞秋兒姐姐
八婆儀同淇淇應該都有好長嘅一段時間都唔會出現，最多喺on9必度聽到啲咁
仲未收刀片咩你
還我淇淇 