我和鄰居大姐姐的故事（18）

四百七十九

阿必成個衝左落樓梯，但正響佢要消失響我眼前之際，佢好快咁望上黎向我講左句：「余正熙，我對你好失望。」

然後頭也不回咁衝落樓，睇個勢應該係要追返八婆儀。

啱啱一分鐘之前仲係激烈爭吵既地點，突然變成一片寂靜。

咁樣……

我同阿必叫做嗌左交？

我從來冇諗過阿必會用咁嬲既語氣同態度同我講野。

我仲係比啱啱既事情搞到不知所措，呆呆咁企左一陣，先醒覺要返課室。

我行返入課室既時候，有好多對眼睛望住我，就好似成班冚家剷食住花生等睇戲咁。

冇人上前慰問我。

好正常。

原來我除左阿必、淇淇，仲有點頭之交既八婆儀、忍者欣之外，係完全冇朋友既。而除左阿必之外，八婆儀同忍者欣都冇出現過。

而阿必就去到打鐘落樓下去集會既時候，先直接響有蓋操場出現，而且唔再望過黎我呢面。

一次都冇望過。

直至學期結束，都係一次都冇再望過。

至於淇淇，唔知點解連學都冇返到。

我既心情好矛盾，我其實仲係好關心佢（以朋友），想知佢發生咩事，但係又覺得呢個時候打電話比佢唔係咁好。

後尾無意中聽到小道消息，先知淇淇臨放暑假前好似大病左一場，所以直至暑假為止之前都冇再返過學校，就咁完結左中四既學年。

我唔知係咪因為我同佢分手既關係所以先會令到佢大病一場，定係佢真係用病黎做藉口唔返學，但可以肯定既一樣野係我帶比佢既傷害似乎遠超我自己想像。

如果一早知道會咁嚴重地傷害到佢，我仲會唔會因為自己心入面既感覺而同佢分手呢？

＊

暑假一日一日咁過去，我同阿必佢地完全斷絕左聯絡，暑假既每一日我都完全冇乜點出過街，就算係出街都只係落屋邨球場睇下文叔佢地踢波。

「喂𡃁仔。」文叔有一日問我：「幾時復出啊？」

我聳聳肩，道：「唔知啊，快架喇我諗。」

「必仔呢？」文叔又問：「暑假放左咁耐都冇見過佢既？」

諗起冇左阿必呢個朋友，我心入面又一陣難過，但口上卻說道：「唔知啊，可能港青或者球會有波踢所以咪唔黎囉。」

話雖如此，其實我只係鳩UP，事實上我覺得佢唔黎踢波應該同我絕左交有關，畢竟我仲有間中同其他港青同球會隊友甚至陳sir聯絡，但都冇人提過港青有比賽呢件事。

「佢冇話比你知咩？」文叔問。

「最近冇乜搵佢。」我淡淡地回答。

「你地嗌左交？」文叔問。

其實點止嗌交咁簡單。

「冇啊。」我當然係例牌否認。

「一世人兩兄弟，有咩咪兜口兜面拆掂佢，再一齊啤啤佢，兩杯屎水落肚就冇撚野架喇。」文叔拍拍我膊頭。

「都話冇野咯。」

文叔睇住我大，熟知我既脾性，所以只係拍下我膊頭，道：「期待再同你地兩個一齊踢波架。」

其實你估我又想而家咁咩？

雖然我把口好賤成日唔認阿必係我朋友，但其實我心入面一路以黎都當阿必係好兄弟，如果唔係當時我先唔會應承同佢拍住上，要一齊踢職業足球一齊踢香港隊。

我從來冇諗過我同阿必會絕交。

更加冇諗過會係因為淇淇而絕交。

阿必講既野係咪真既呢？我以為佢鍾意既係八婆儀？

但就算佢對淇淇既感情係真都好，我都係諗都冇諗過佢會企響我對立面。

雖然文叔想再同我地兩個一齊踢波，但事實上呢一日會唔會來臨呢？

＊

日子係要繼續過。

幸運既係自從果次同秋兒姐姐表白之後，我同佢既關係雖然冇突破性既發展，但總算慢慢回復返佢遇見Jonathan之前咁。

即係姐弟得黎又有啲啲曖昧咁。

雖然秋兒姐姐成個暑假都忙住要返工，但佢放假既時候，我地又會一齊買餸煮飯仔。

豬肉佬見到我地隔左咁耐再一次一齊買餸，意有所指咁笑道：「好耐冇見過你地一齊黎買豬肉囉，等我加料比你地喇。」

我地尷尬一笑。

我都響秋兒姐姐既鼓勵下，開始自發性咁做下暑期功課同溫下書，為下年既會考做準備。

不過我個人其實都懶懶地，以前有淇淇逼我一齊溫書，而家我溫書既時候會偷下懶，所以進度都唔算好好。

有時闌人靜時我會諗，我同淇淇分手再同秋兒姐姐表白，而家得到既野多定失去既野多？

我對淇淇的確心存歉疚，而且心入面一啲都唔好受。

但諗起黎，除左我為自己帶比淇淇既巨大傷害之外，我諗我冇後悔到呢一個決定。

縱然我同秋兒姐姐既關係依然係姐弟都好。

（待續）

有文推推

推

推

推

3年後有無得睇阿必既故事

樓主到時記住叫我個孫燒畀我 唔該

淇淇有左？

唔會掛

玩咁大

Push

唔撚係玩咁大呀，咁葉開熙咪即係中出即飛

想問圓圈啲字自動腦補左係咪正常架！？
btw個故好撚正 ching加油

印象中好似無中出過，不過次次打真軍就真既

外射都有一定風險

見到阿必坦白, 我即刻彈佐句貴圈真亂出黎

有左都唔奇，連學都唔返。

Push

如果到時原來阿必同阿威都有見過面(唔計婚禮)就好笑

有時闌人靜時我會諗，我同淇淇分手再同秋兒姐姐表白，而家得到既野多定失去既野多？

漏咗個夜字

thx
但呢度改唔到，唯有pnn改

綠茶巴

非常亂