我和鄰居大姐姐的故事(18)

1001 回覆
293 Like 8 Dislike
2022-12-21 18:15:50
2022-12-21 18:16:12
2022-12-21 23:27:54
咁嗰時秋兒驚到六神無主,畀john乜鳩有機可乘都正常嘅
2022-12-22 10:32:40
淇淇
2022-12-22 14:42:04
John乜鳩一路製造自己係幫人既形象呢點都有啲關係
2022-12-22 14:42:42
2022-12-22 14:42:52
必須的
2022-12-22 14:43:57
竟然星期四上水
2022-12-22 14:44:08
2022-12-22 14:44:44
四百七十

「『我地去到探病既時候,我鍾意既男仔本身見到我係好開心,但佢見有錢同學都一齊黎,個樣已經唔係幾好。

「『探病時其實中間發生左件小插曲,有個阿伯鬧個男仔響病房嘈住晒,而有錢同學係幫個男仔出手解決左件事既。我以為呢件事會令個男仔對有錢同學改觀,不過最後就似乎冇用。當然我都唔期望佢可以咁快對一個人改觀既。

「『不過……最奇怪既事發生響我探完病臨走之前去洗手間既時候。我去完洗手間行返病房既時候已經聽到我鍾意個男仔好似好大聲鬧緊人咁。

「『我趕到返去既時候,我見個男仔好嬲咁鬧緊個有錢同學,而有錢同學就一面冷靜咁應對。有錢同學話佢本來想安慰個男仔踢唔返波呢件事,但可能唔小心刺親佢既痛處。而我當時冇諗到點解會有爭吵,第一時間想上前安慰同平靜返個男仔。

「『可能係心情真係極差,個男仔竟然推開左我,再好惡咁叫我地走,呢樣野真係從來都未試過……我本來想再行過去安撫佢既情緒,但有錢同學勸我應該比啲時間佢冷靜下,唔好再留響病房入面刺激佢。

「『我當時其實係唔想就咁掉低個男仔就咁走左去,但我比個男仔既反應嚇親,再加上有錢同學拉住我隻手係咁叫我走,我竟然真係就咁走左去……遙遙,呢件事係我呢一世女入面最後悔既一件事……我覺得係因為呢件事,我鍾意個男仔最後先會對我疏遠……』喂余正熙,你之後究竟做左咩好事?」遙遙問。

「呃…總之唔係咩好事……」我尷尬地道:「秋兒姐姐冇同妳講咩?」

遙遙搖搖頭:「有我就唔駛問你喇。」

「……咁又係。」

「唉,你地啲男仔真係……」遙遙擺出一副冇我咁好氣既表情,繼續講返秋兒姐姐:「『上到車之後我先發覺自己比有錢同學拖住隻手,急忙縮開,而有錢同學都話唔好意思。

「『響返屋企既車程上面,我對啱啱發生既事情有一種奇怪既唔協調感覺,有錢同學啱啱對熙熙既反應係咪太冷靜?唔知點解有一種佢已經掌握晒一切既感覺……就好似佢一早已經預計到個男仔會發嬲咁……

「『之後幾次我想去探病既時候,佢都一定會及時響我屋企樓下出現,然後就半推半就咁邀請我搭車去醫院,就算我話唔好佢都係要跟埋黎。

「『我開始覺得唔妥。一次兩次就係巧合,但次次都咁啱響我屋企樓下出現又點解釋?而且經過上次件事,同個男仔非親非故既佢,點解又咁堅持一定要陪我上病房,就算我叫佢唔好佢都一定要跟埋上黎?

「『而我鍾意果個男仔,可能佢真係好失落,之後再去探病既時候佢完全冇理過我地。我懷疑佢唔想見到有錢同學,所以我幾次之後真堅定堅決咁婉拒佢既幫忙。可惜個男仔既情況都冇咩改善……』喂喂喂,你果陣究竟發生咩事?」

我有啲尷尬咁將果陣醫生話我因為受重傷冇得再踢職業足球同埋Jonathan果陣自稱係秋兒姐姐男朋友、用「合照」去證明情侶關係呢幾件事話比遙遙聽。

我講完之後嘆左口氣:「我都知自己果陣做錯左好多野,不過唔知點解好似控制唔到自己咁,又成日亂咁諗野,而且好似成日都唔知自己身邊發生過啲咩事咁……」

「算喇,你果陣既情況,可能差唔多屈到痴線……你都唔想既。」遙遙安慰返我,然後再接住說道:「對唔住啊,因為我果張合成相搞到你爭啲痴左線……」

我苦笑道:「係我自己太痴線啫。」

以前既我可能真係會遷怒於佢,不過實際上罪魁禍首其實係Jonathan。

「我指既係搞到你差啲有精神病啊。」遙遙歉意道:「啊,繼續講埋落去先。」

「好啊,麻煩晒。」

「『個男仔之後出左院。其實呢個男仔同我都算住得近,所以佢爸爸希望我幫手照顧佢,但中間……嗯…出左小小事……所以……我覺得佢唔想再見到我……』林秋兒佢講到呢度,表情變得好淒涼咁,你又搞左啲咩啊?」遙遙又問。

(待續)
2022-12-22 14:49:08
今日竟然有文

熙哥好似突然間有腦咗咁
2022-12-22 15:01:31
原來係有文
2022-12-22 15:01:48
推推
2022-12-22 15:05:23
2022-12-22 16:25:50
2022-12-22 20:27:43
2022-12-22 23:55:14
Push
2022-12-23 00:11:59
2022-12-23 00:41:24
Pish
2022-12-23 14:36:46
破200正評加更嘛
2022-12-23 14:37:02
但都要推山區巴
2022-12-23 14:37:32
四百七十一

……

其實秋兒姐姐咁講已經好比面……

我果陣既所作所為,何止係小小事啊…

我嘆左口氣,道:「我果陣係咁發佢脾氣,最後趕走左佢。」頓了一頓,又道:「呢樣野我真係好後悔。」

我其實都講得好隱晦。

人啊…就係識自己保護自己。

遙遙點點頭,道:「希望你之後可以補償返佢喇。」

「希望仲有機會喇。」

「『之後我去搵左個女仔,佢係男仔既好朋友。我知道個男仔唔想見到我,但佢將自己封閉起黎,連物理治療都唔做,又唔肯食野,所以佢雖然唔想見我、唔再需要我,但我唔可以掉低佢唔理,而佢爸爸又要返工,佢媽媽一早過左身,我唯有拜託佢既好朋友代替我照顧佢。』

「我突然估到小小野,然後問:『就係男仔而家個女朋友?』

「林秋兒無奈咁點點頭。

「『妳……一早估到會變成咁……?』呢個純粹係我身為女仔既直覺同推斷。我覺得如果鍾意一個男仔既,肯定會睇得出佢身邊仲有冇其他女仔對佢有意思,我相信你家姐都一樣。」

……

秋兒姐姐……

佢估到淇淇鍾意我?

點解我自己果陣會睇唔到既?

「果然,你家姐點點頭:『我冇辦法肯定,但已經有心理準備會變成而家咁。』

「『咁妳仲……』

「『始終要有人睇住佢……而且我都好相信個女仔會照顧到個男仔無微不至,甚至可能照顧得比我更好。』林秋兒微笑咁回答,不過佢既笑容充滿苦澀:『我呢…淨係要求女仔每一晚都將男仔既情況話比我知,直至佢好返為止。』」

唔怪得……

老豆話佢每一日都有從秋兒姐姐口中得知我既情況……

唔怪得……

當日我問淇淇關於秋兒姐姐既時候,佢反應會咁唔正常……

原來我既推斷係正確,淇淇同秋兒姐姐真係有聯繫……

哎呀,其實係咪由個淇淇個暖壺款式同秋兒姐姐果個一樣呢件事我就應該要估到?

根本唔係個款式一樣,係同一個暖壺黎!

「『個女仔全部應承晒,雖然我仍然心痛,但至少我知道有人會幫我手睇住個男仔……』佢講既時候雖然仲想保持一絲微笑,但佢既笑容真係好苦澀……」

……

逐漸明白事情真相既我,個心就好似乸住乸住咁……

「『妳好偉大。』呢句係我真心話黎。」遙遙嘆道。

原來……秋兒姐姐響背後做左咁多野……

只係為左我可以有人照顧……

而我果陣仲咁對佢……

遙遙繼續講落去:「林秋兒佢搖搖頭:『其實我一啲都唔偉大,我只係想個男仔平安好返。

「『不過我真係好奇怪點解個男仔會突然咁憎我……就算要我知道真相之幾後會傷心都好,我都希望知道點解……

「『拜託個女仔既時候,佢忽然問左句我同個有錢同學係咩關係,誤會左我同佢係情侶。就係呢個問題,好似一條藥引咁,將我心入面最近既懷疑一次過引爆出黎。

「『我開始起懷疑個男仔係咪因為懷疑我已經同有錢同學一齊左,所以先至會對我態度轉變得咁犀利?但係……如果只係懷疑……佢又駛唔駛去到一個好憎我咁既態度?』喂,我真係好想知你做過咩黎?」

我尷尬地耍手擰頭:「放過我喇。」

我真係搞唔掂呢條女……

比著以前既我會唔會屌柒佢呢?

遙遙白左我一眼,繼續講落去:「『我諗起第一次果日響病房發生既事情,我覺得冇咁簡單,熙……個男仔雖然唔成熟,但應該未至於因為一句安慰既說話而發咁大既脾氣。

原來秋兒姐姐……佢係相信我架……

相反……

我就……

「『而且自從病房件事發生左之後,有錢同學好似更加關心我、甚至嘗試單獨約我出黎。

「『好奇怪,真係有種好唔協調既感覺。

「『於是我從新再回望呢大半年時間同有錢同學既回憶,其實好多時我同佢都只係限於讀書會先會見面。就算係好似果陣睇波咁,都係一大班人。然後我回憶起唔計去補習,我有兩次,真係僅僅兩次,係我單獨同佢出黎。一次係佢車我去機場接個男仔機,另一次係我學校展覽日主動話想黎參觀。而呢兩次都係比個男仔見到。

「『我唔相信個男仔見到呢兩次事件就會咁肯定地誤會我同個有錢同學拍拖。但係……呢兩次最後都係比個男仔見到,令到氣氛有啲尷尬……

「『其實……由一開始,有錢同學係咪就已經有心咁做?

(待續)
2022-12-23 16:01:06
醒覺得太遲
2022-12-23 16:54:08
2022-12-23 17:52:00
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞