我和鄰居大姐姐的故事(18)

1001 回覆
293 Like 8 Dislike
2023-02-05 21:58:53
2023-02-06 00:19:15
推推!
2023-02-06 10:50:13
Push
2023-02-06 10:51:16
輕輕一推
2023-02-06 14:35:45
冇既,愛情係自私
2023-02-06 14:36:57

有時冇講清楚,搞到好多野都好後悔
2023-02-06 14:37:30
都係架
留唔到個心都留到個人
2023-02-06 14:38:23
F5F5F5F5
2023-02-06 14:39:47
買凶
2023-02-06 14:40:08
綠茶巴
2023-02-06 14:40:44
四百九十

時間飛逝,轉眼間我已經中五last day。

順帶一提。

今年我主動退出校隊,所以連同阿必做隊友既機會都冇埋。

如果我唔係因傷退隊,我同阿必既關係有冇機會改善呢?

哈哈,原來我都不知不覺比呢間學校既文化感染左,寧願為社帶傷上陣,都唔會為學校響學界披甲。

中五last day果日,身邊所有既人都散發住一種不捨既氣氛,好多人都有帶相機返黎同人影相同埋互相寫紀念冊留念,甚至響校服上面叫人簽名。

我個人本身好摺,呢啲野本身全部都冇做,雖然秋兒姐姐借左Jessica既相機比我,仲送左本紀念冊叫我搵人簽名,但係我都冇乜點做到,更加唔好話響校服上面簽名。

不得不說,大個左之後有時諗返都有啲遺憾,不過我個人本身又真係對呢啲野冇乜興趣,所以其實我都冇乜野。

但我雖然冇乜興趣搵人影相,估唔到既係有好多人黎搵我影相又簽名,大部份都係女同學黎,甚至乎有啲低form妹妹仔(包括彈彈妹)偷偷地帶相機就係為左特登同我影相簽名。

以前黎講我會當佢地透明,不過人大左小小就覺得順下佢地意都冇乜所謂既。

只係最可惜既係,曾經同我係最好朋友既阿必同前女友淇淇(仲有八婆儀同忍者欣)全部都對我視而不見,當我係透明。

心入面係有一種難以形容既唔開心。

但都係我自己攞黎既,唔係咩?

我傷害淇淇既程度似乎遠比自己估計既仲深,所以佢而家先會咁對我。

我本來決定中五last day呢一日一定要同佢當面道歉,但最後都係搵唔到機會……

其實事後諗返,自己心底入面可能都有啲啲想避開佢,又或者覺得自己冇資格見佢,甚至……係害怕面對佢。

如果唔係,如果死唔要臉,又點會搵唔到機會同佢道歉?

所以一切都係藉口,都係自己攞黎,冇得怨。

題外話,WFC陳日朗似乎仲多女去搵佢影相,佢又攬頭攬頸又抽水咁,但啲女都笑得好開心。

話時話,唔知佢屌過既女數目多啲?定係我多啲?

不過我應該冇乜點增長架喇,我既目標得返一個,就係秋兒姐姐。

而且如果到時佢唔想既話我都唔會逼佢。

對於性慾強既我黎講真係難忍架,但我要為秋兒姐姐而努力。

中五既最後一日,就咁完結左,但我既會考戰鬥,先啱啱開始。

中五呢一年,我波又冇得踢,又唔多朋友約我去玩,所以我成日都一個吽響屋企。

而我響屋企有咩好做?

你地估下?

……

……

……

溫書!

我冇忘記過我應承過秋兒姐姐啲乜野,我要成為襯得起佢既男人,就起碼都要入到大學。

對我黎講呢條係一條全新既道路,好彩我讀書溫習既時候都跟得上,唔會話乜都唔識。

我以前一直係打算做職業球員,所以學業既野冇乜放在心上,全靠秋兒姐姐最初要提我唔好放棄學業起碼要讀到中五,我先冇荒廢到學業,如果唔係就會好似阿必咁,每年都係升級邊緣低空飛過(仲要係八婆儀幫手)。

但其實我學業仲跟得上既最大功臣,係我既前女朋友譚梓淇。

冇佢響我中四重傷休養緊既時候同我補習,好返之後好多時既拍拖活動係溫書既話,以我既惰性,加上當時我既頹廢情況,應該唔會再比心機讀書,又唔去做物理治療,一定會成為一個廢人。

所以我成日都話,淇淇係我既救命恩人就係咁解,可惜而家……唉,怪自己。

扯得太遠,等我講返自己備戰會考既情況先。基本上我呢一年都有keep住自己溫書,不過有時自己一個溫書就梗係冇咁有效率,溫溫下頂唔撚順去左訓覺係家常便飯。

不過我最愛既秋兒姐姐大學生活雖然忙碌,又要忙住補習、返兼職,但佢一得閒就會走過黎同我私補。

驚大家唔記得,佢會考果陣都係同我一樣讀純文科既。

雖然我其實最想係同佢私補補到上床,不過呢個階段都係唔好諗咁多住了。

有啲野要慢慢黎,等佢解開心結先既。

就係咁,響我自認為備戰充足既情況下,我就踏上會考既戰場了。

(待續)
2023-02-06 15:02:44
一入黎就就文 推
2023-02-06 16:42:13
雖然我其實最想係同佢私補補到上床
2023-02-06 16:50:05
2023-02-06 16:50:16
推推推
2023-02-06 18:42:40
去完日本返黎連追返幾話
2023-02-06 18:43:12
再黎返個輕輕一推先
2023-02-06 20:36:10
死仔熙,成日諗住私補到上床,不過我都想
2023-02-06 20:46:45
2023-02-06 21:49:02
秋兒床上表現會如何
2023-02-06 23:11:13
原來熙哥就係用呢招
2023-02-06 23:17:34
成件事好熙哥
2023-02-07 21:04:04
2023-02-07 22:45:58
Push
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞