(青春/甜)《一個書生既Player故事》 (2)

939 回覆
206 Like 13 Dislike
2017-08-15 14:54:30
如常既一日,我今日又同江柏琪去咗廢校。

我發現林書生係一個死毒撚,已經可以每日都淨係返學放學去廢校都生存到。

「唉好攰好想訓。琴晚老豆又掟野鬧人,搞到我無覺好訓。」江柏琪個黑眼圈好深,琴晚一定過得好辛苦。

「對腳好痕。搞錯呀,冬天都會有蚊咬。」

「下?點會有蚊。你睇下有無蚊爛!」我扮作變態佬想揭起佢條裙。

「妖,行開啦你!」唔夠訓既江柏琪好燥底。佢推開我之後自己拉起條裙係度數蚊爛。

粉紅色突起咗一撻蚊爛,又真係俾蚊咬喎!

我每次見親佢既腿部都被裙遮住。唔睇都唔知,佢成隻腳都係紫色,雙腳內外都瘀咗一撻撻。

「。。。」我好細心咁觀察佢腳上面既瘀痕,用凝重既語氣話:「你對腳。。」

「咩阿?」江柏琪用一個唔耐煩既表情回應我。

「點解會瘀晒既?」你唔好同我講係蚊爛阿!我唔撚信你嫁!

「邊有瘀姐,蚊咬。」

「大姐,你當我傻的嗎?」我指住手掌咁大撻既瘀印:「我未撚見過咁大撻蚊咬囉。」

「你快啲從實招來,點解會有咁多撻印係度!」

「仆親囉!有次碌咗落樓梯就成隻腳撞瘀晒。」

「此話當真?」有啲奇怪,江柏琪唔會蠢成咁掛。

我一方面希望佢講既野係真,另一方面卻懷疑佢講大話。你知嫁,佢硬係唔鐘意講真果句俾我知。

「唔係你老豆打你呀嘛?」我單刀直入問佢。

「唔。。唔係呀。。」

「拿,一睇你個心虛樣就知你講大話。」我繼續:「幾時既事呀?」

「。。上星期囉。。佢成日都咁嫁啦,我都慣。」

「佢點解要打你?搵咩打成你咁?騰條?」

「佢飲醉酒我講粗口小佢咪搵衣架Fit我囉,屌佢老味。。」江柏琪話:「妖,講起就燥。我唔係好想再講,你咪撚再問啦。」

「。。。」

全場陷入一面尷尬既寧靜,長達五秒。

「不如你搬過黎啦。」我將心入面既諗法講出黎,打破沉默。

「咩話?」

「不如你搬過黎同我一齊住啦。」我試著很理性地將我充滿私心既慾望解釋:「你咁住落去都唔係辦法嫁,成日俾人打。」

「你傻撚咗呀?我同你喎?」

其實見佢長期留係廢校唔返屋企都知有原因,佢屋企既環境應該差到狗也不屌先要咁做。

既然我屋企空咗出黎有空間可以幫到佢,何樂而不為?

「你識唔識煮飯?」我問。

「好難唔識喎。」

「咁岩啦,我屋企而家差個人煮飯同做家務。你黎我屋企做工人當交租。仲有陪我玩篤促我溫書,家陣我成日自己一個,好頹。」好聲氣叫佢搬入黎佢一定唔會應承,係要用激將法講野江柏琪先會受。


「傻嫁咩你,我點同屋企交代?唔止老豆打死我,呀媽打埋一份都似。」煩惱既位係點樣同屋企交代,江柏琪似乎都對可以逃出屋企既提議感到心動。

「下次佢再打你,你嬲到離家出走去人地度訓唔返去囉。我諗你實試過啦!大把方法搞掂啦。」

我話:「你上黎我屋企睇下先再決定?」

「好。。」江柏琪放軟說話。
2017-08-15 14:58:44
2017-08-15 16:31:39
同居
2017-08-15 16:42:47
出多篇
2017-08-15 16:45:07
好消息
我last day啦!!後日開始加速!!
目標係九月完到故!!

加速
2017-08-15 16:49:30
好多文
2017-08-15 17:57:52
中四同居
2017-08-15 18:39:22
好撚正
2017-08-15 18:46:08
中學就有得同居
2017-08-15 18:48:10
禁室培慾
2017-08-15 19:03:18
出多篇

書生唔係應該清楚劇情發展嘅咩 透露少少好喎
2017-08-15 19:14:36
「嗚呀。林書生,我想講你屋企大我屋企成倍。」我而家間屋大約九百尺,兩間大房。

「入去你間房參觀下先。」初黎報道,江柏琪一D都唔客氣,一入屋就直入我間房。

「竟然咁整齊!」我份人除咗打機同籃球呢D低消費活動之外,都無乜大興趣,無收藏癮,好少買野,模型唔買、星又唔追。

間房雜物唔多,牆上有幾張NBA既Poster,最多既就係學校既課本,放滿晒整個書櫃。所以其實我係少野而唔係整齊囉,Haha,因為我D衫褲都係會周圍Pet。

「如果你入黎住,就訓我間房,都無咩野執走好方便。我就訓老豆老母間房。」

「我屋企無自己房嫁,一個大廳就搵D櫃間開就當係房。」江柏琪感到新奇:「唉,見到呢度又新又靚,真係好想可以搬入黎。最重要係,唔洗返屋企見到果個日日發癲鬧人既老豆。」

「係咪好心動好想即刻搬入黎?」

「係呀!!林書生~~點算好呀~~我好想快D搬入黎呀!!」

「低能仔,正話先話我痴線,而家變得幾快。」

「不過呢,講起你唔驚同我孤男寡女一齊住咩?」我問咗佢一條好傻既問題:「你之前又話聽講我成日媾女又盛。。唔驚咩?」

「同你相處咗咁耐,我信你唔係咁既人喎!夠有人成日唱我姣仔乜乜乜啦,無中生有,我知呢D流言信唔過既。」江柏琪話:「更何況,你可以對我做D咩呀!」

「你夠膽對我不敬既話,我打到你入廠呀!」

「你確定唔係我打到你入廠?我男仔咁大力,一隻手指都卒死你啦。」

「黎呀,即刻黎挑機!!!!」江柏琪呢個On9仔竟然咁不自量力同我挑拗手瓜。

「屌,嬴你都叫勝之不武。我一隻手讓你兩隻手啦。」我同佢出廳既飯枱進行拗手瓜大賽。

「阿!!!!!!Rahhhhhhhh!!!!屌!!!!乜你咁撚大力既!!!!」江柏琪出盡吃奶既力,兩隻手,仲用埋成身既力壓落我隻手都唔夠我抽。

大佬呀,我打籃球都有少少雞肉呀,又高大你咁多。。。

「等我KO你!」我用力一野拗到佢兩隻手掂到落枱。

「柒頭。幫我執屋啦你!正話邊個話打到我入廠!」

「HAHAHAHAHAHAHHAHAHAHAHA」

「咁你預備我隨時上黎啦!我呢幾日每日都執少少衫褲書俾你。等我下次屋企又鬧架,我就離家出走!諗起都興奮!老豆快D打我啦!Yeah!Yeah!Yeah!Yeah!Yeah!Yeah!Yeah!」屌,條女痴撚咗線呀。

「人黎,同我快D捉佢入青山。」我對住佢做出一個沒好氣既表情。
2017-08-15 19:30:11
2017-08-15 19:35:40
加速
2017-08-15 19:44:11
2017-08-15 19:45:43
feel到甜味
2017-08-15 20:04:27
加速
2017-08-15 22:30:54
好甜 係青春呀
這些機會不是屬於我的
2017-08-15 22:37:36
江柏琪係咪處
2017-08-15 22:44:31
思裂會唔會好恐怖
2017-08-15 22:45:50
想睇step發生嗰陣,書生嗰視覺
2017-08-15 22:46:19
希望同江柏琪可以甜到尾
2017-08-15 22:48:25
想睇step發生嗰陣,書生嗰視覺

想知佢點睇step
2017-08-15 22:49:56
想睇step發生嗰陣,書生嗰視覺

想知佢點睇step

same
2017-08-15 22:53:42
想睇step發生嗰陣,書生嗰視覺

想知佢點睇step

想咪問我囉
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞