206 Like
13 Dislike
花小姐
2017-07-27 22:40:30
我:【見?】
丁:【我今日要補習...要8點之後先得..】
我:【ho la next time】
我:【出黎?】
婷:【做咩呀?】
我:【無..想搵你傾下計姐】
婷:【約左人.. 晏d先?】
我:【無野啦咁】
隨住開學,係唔同既學校忙碌生活,我同丁丁阿婷既關係又疏返少少。
有時,男仔黎M,想搵人叫下春都好難。
唔通同你講我一個男仔無啦啦覺得好唔開心,想叫春咁樣咩?
D乸型媾女既廢物就會咁,我唔會做呢d野嫁。我會自行解決負能量。
放左學既我一個人由學校行返屋企散心,仲要兜大路咁行,廢時自己心情唔好,死老豆咁既款甩見到屋企人。
行入橫巷,俾我搵到一所廢校。呢間學校都係今年先俾政府殺左校,所以仲係好新淨,不過人影都無隻,點都俾人些少陰森既感覺。
我試圖經門隙入去,奈何我一打開大門鐵閘,就發現佢被一棟鐵鏈鎖住,只露出約手掌既闊度既空位。
我諗住放棄唔走入去了。
「搭搭。」我突然聽到好微小既籃球聲響。
『有人係入面既?』我心諗。
我拍一拍度鐵閘,話:「入面係咪有人呀?」
無人回應我。
但係我又聽到籃球撞向籃板既聲音。
都話真係有人嫁啦!
「喂!!你點入去嫁??」我大叫。唔理我!林書生真係有點燥底。
我爬上鐵閘,一個大跳步就跨過個閘,直入操場。
好彩唔係有鬼,係一個女學生,而且套校服熟口熟面,同我同一間學校既。。。
呢個女仔身高約160,身形偏瘦卻有少許肉地,扎住清爽長直髮既All back頭,嘩!當人人仲係留緊瀏海既時候,呢個女仔竟然留照妖鏡All back頭,真係個樣差少少都Carry唔到呢個髮型!
望真D,佢個樣同金裕貞一模一樣,皮膚白雪雪,即使臉上無乜表情,都覺得佢好清純、好可愛、好乖巧、好Gfable,十個讚呀讚讚讚讚讚讚讚讚讚讚讚。。。
我的心瞬間觸電了。
呢個女仔就好似天使下凡一樣咁美麗。
我既眼睛離唔開佢,短短既呢幾秒入面,我已經深深地被呢個女仔既氣場吸引住,我好鐘意佢。
呢個女仔但係籃板底,無出聲,用一個「就係你係出面嘈嘈閉?」既眼神藐視左我一下,似係責怪緊我既出現,打破左佢享受呢片刻既空白同寧靜。
佢呢個眼神瞬間拉返我去現實。
「岩岩你聽唔到我拍門叫你咩?」我主動打破沉默。
「聽唔到喎。」佢答果陣望左我一眼,轉眼就裝作毫不在乎咁,望第二度。
「搞錯呀,我嗌得咁大聲你都聽唔到。你做咩自己走左入黎打波既?你同我同一間學校嫁喎!師妹?!」
佢一個西面另返轉頭唔理我既連珠發炮。
「唔應我,咁串既你!」我話。
『好,睇你串得幾耐!』於是我坐係地下,望住佢係度準備射波既背影。
呢個女仔射波技術都叫OK呀,女仔黎講,三分波五球都入到一球。
佢好似玩籃球機咁就係咁玩射波,臉上又無乜表情,都唔知做乜。
我望實佢,等極都唔走,佢又真係咁樣玩左成粒鐘都唔收手。
佢終於都覺得攰啦。
佢去左我格離(個袋)拎水飲。
「你好,介紹下先,我叫林書生,讀緊4C班。」我對佢釋出善意閎微笑。
「江柏琪,4A。」佢好精簡咁回答我。
「4A?乜你係我地級嫁咩?」我好誇張咁話:「我真心以為你係師妹黎。」
「我今年先轉校入黎,你唔識我好正常。」江柏琪話。
「唔通,呢度係你既母校?」我問。
「係呀。你又做咩入左黎?」
「我經過見到佢鎖左,但又聽到籃球聲,咪入黎睇下有咩人係度。。」
「你唔驚鬼?自己一個入黎間廢校?」
「你夠唔驚鬼。我聽到聲咪知有人係度!」我出自真心讚美佢。
「人仲恐怖過鬼啦。」江柏琪突然幽幽地說。
「個天都黑啦,你仲唔走?」我望住個天已經變暗,廢校既操場一片靜寂,更添陰森。
「唔啦。你走先啦。」佢趕我走。
佢係咪唔想同我一齊走先趕我走?
洗唔洗咁怕醜。噢,林書生食咗好大隻檸檬呀。
我望一望錶,已經成七點半,屋企人等緊我開飯,唔走唔得。
「咁我走啦。」我同江柏琪道別。
佢用一個唔知點但又西西地既表情望咗我一眼,無答我,我就離開咗。
呢個性格西面得黎個樣又好可愛既女仔,反差真大,有趣有趣。
唔通佢就係林書生既新寵兒?!
「拜拜。返學見!」我說。
猴姊偷圖
2017-07-27 22:49:54
F4已經咁正?

花小姐
2017-07-27 22:59:04
F4已經咁正?
學生妹天生麗質皮膚好又純

唔化妝青春無敵

譚仔食中辣
2017-07-27 23:54:43
又害人啦林書生

齊車震
2017-07-28 00:26:00
臭雞林敏兒仲會唔會出現?

聞屎節
2017-07-28 17:51:55
再推
呂靜宜
2017-07-28 23:02:57
Push
唔會再翻高登
2017-07-29 00:20:49
推
利申一日追晒兩個post
好有代入感
橋字報薯
2017-07-29 00:37:42
想知道多啲丁丁嘅背景 同想法

花小姐
2017-07-29 10:01:10
臭雞林敏兒仲會唔會出現?
唔知呢

花小姐
2017-07-29 10:01:21
推
利申一日追晒兩個post
好有代入感
多謝新讀者

花小姐
2017-07-29 10:01:45
想知道多啲丁丁嘅背景 同想法
係後面盡加

花小姐
2017-07-29 11:42:51
第二日返學,我專登企係走廊扮睇風景,都係搵唔到江柏琪既身影。
莫非我琴晚見到既其實係鬼?
明明呢個係一個青春既故事,點會有鬼既存在呢?
我仲特登上內聯網睇下4A班係咪真係有江柏琪呢個人。
嗯,真係有既,證實咗佢並唔係鬼黎既。
我膽粗粗走入去完全唔識人既4A班度諗住搵佢。
我企起班房兩頭望,SHIT,仲見到溫梓柔!即刻唔望佢。
我就係見唔到江柏琪。
「你想搵邊個?」坐前排一個毒毒男同學問我。
「江柏琪。」
「佢今日請咗假無返呀。」男同學回答。
「乜江柏琪都有人搵佢嫁?」佢旁邊一個好八婆既女仔話。
「下?」我心諗,問號問號?
睇黎江柏琪真係一個性格古怪而人緣好一般既女仔。
我感覺到溫梓柔係後座用一個好有心事、有話說不出來既眼神望住我,我都係快啲走吧啦。
尋找江柏琪失敗,等我放學再去果間廢校睇下撞唔撞到佢先。
其實搵佢都唔知做乜嫁,不過我就係想搵囉。
花小姐
2017-07-29 11:43:07
丁:【我今日得閒啦,可以約返你】
我:【Sor呀又到我今日唔得閒,下次先】
遇到新寵兒之後,就即刻將丁丁阿婷淫賤邪惡既念頭置諸度外,我唔得閒理佢住,因為我有更重要既事情要去做。
好不容易等到放學,我就一支箭咁走咗,去咗果間廢校搏下運氣。
人地請假病咗就緊係留係屋企休息啦,林書生你仲去黎做乜姐?
我跨過鐵閘,直望操場,見唔到有人係操場。
我行入去禮堂一個角落位置,周圍搜索。
終於見到江柏琪。佢著住校服,坐咗係張木凳度訓緊教。
咩料?我心諗:呢條友唔返學係呢度訓教做乜撚野?
我靜悄悄走埋佢,坐咗係佢側邊,佢都無睜開過眼,發現我既存在。
我望住空盪盪既操場,享受住有個女仔係我格離訓教既感覺,係鬧市之中,好難搵到呢片寧靜。
過咗唔知幾耐,佢終於醒咗。
佢一睜開眼見到有個人坐咗係佢格離,當堂嚇親。
「嘩。。」係一個氣虛體質既叫聲:「。。。。。。。。。。」
「你。。你。。點解會係度嫁。。」
「我問你點解今日唔返學,會係度就真!」
「點解你又會知我無返學。。= =」佢一臉無奈唔想理我既表情。
「你理得我呀,總之我知。」緊係啦,我係學校黎咗你班房搵你。
佢另咩面背對住我,好燥底:「妖,呢條友痴撚線。」
我微笑。
然後現場又陷入一片寂靜。
「快啲講,點解你要一個人係度!」我都覺得自己好痴線,係咁chur住個三唔識七既女仔講自己啲野。
「關你撚事。我鐘意自己一個人呀,得唔得呀。= =」佢依然係果個無奈死的樣子。
「唔得喎,我想同你做朋友。」我勁仆街咁講:「睇你個樣響學校都無咩朋友,就等我做下你朋友啦。」
「朋你呀媽個仔友呀。唔撚朋呀,你過主啦。」有趣有趣。
「話說今日訓導無啦啦落黎Check我地班校服儀容,結果有個同學玩野,打電話俾個男同學,仲要無較到靜音,全班靜晒聽住首超人主題曲鈴聲,笑死我。。」我主動分享我班上面既軼事。
「但係放心,你一定唔會有咁既事發生。」我話,佢又一個西面咁望住我,哎唷好可愛喔。
「因為你都無朋友,邊個會打俾你姐。」嘴賤既林書生出大技KO江柏琪。
「你!!。。」佢一副O晒嘴被吊打但又嘴硬震反擊既樣子:「你先無朋友呀!唔係點會自己一個係度煩住個三唔識七既女仔!」
「係呀,所以你快啲俾個電話冧巴我,同我做朋友。」
「唔俾。」
「唔俾?咁我聽日去你班房問其他人嫁。」
「你咪問囉,佢地都唔會有我電話。」Goddess! 呢個咁可愛既女仔,係學校返咗成個月學都無人成功抄佢牌?到底要西成點先可以做到?
「真係?我真係去問嫁啦!到時你好煩嫁喎。」
「而家都唔見得唔煩。」
「電話呀!」
「唔俾!」
「咁好囉。」食咗咁多次檸檬,咁唔問住囉。嘿嘿,我聽日就去你班房問人攞你電話。
佢又估唔到我咁順攤即刻放棄咗。
就係咁一路打打鬧鬧咗成個幾鐘,呢條友把口密過密實袋,住邊、生日、屋企有咩人、鐘意咩明星,連少少個人資訊都唔肯講俾我知。
又到咗夜晚。
磨到天都黑晒,八點都黎,佢都仲唔走。
「喂,個天黑晒,你仲唔走?」
「你走先,我自己走。」
「你唔走我都唔走!」我話。
「咁你留係度啦,一分鐘後先好出黎。」
「好呀。」
我等佢走咗大約十秒先出去,條友到底點樣咁快速就穿過度大閘?
係我仲爬緊閘既時候,佢已經係街口難得笑住咁同我揮手,然後跑走。
我追住佢,追唔切,江柏琪既身影就係咁消失於人群入面。
鬼呀!?來如如風既女仔。。
超級亞蘇仔
2017-07-29 18:06:42
推推推
Stephanie
2017-07-30 01:10:34
又有新女

你做乜姐
2017-07-30 03:17:26
開始覺得書生好乞人憎 你話人地送上門就話姐
對你無feel都要纏住人

聞屎節
2017-07-30 14:31:32
推
猴姊偷圖
2017-07-30 14:58:10
開始覺得書生好乞人憎 你話人地送上門就話姐
對你無feel都要纏住人
