(青春/甜)《一個書生既Player故事》 (2)

939 回覆
206 Like 13 Dislike
2017-08-12 20:21:00
開頭會好想睇甜野

但去到丁丁個度已經覺得over 左

而家反而想樓主出d 好似今次咁sweet 書生氹女仔既故
2017-08-12 23:52:13
「呀仔,我地有啲野要同你講呀。」係一個悠閒睡到中午既早上,阿媽同阿爸無啦啦好認真咁叫我開家庭會議。 

「做咩?」
 
「你老豆咪係XX首飾公司既GM,最近法國總部有意係意大利Expand開第一間分店,就想你老豆去意大利幫手做兩年。」呀媽解釋。
 
「點解法國佬去意大利開分店要搵你呢?咁老豆你應承咗未呀?」
 
「話想搞D中國風既Project,所以想要華人。我未應承呀,想聽下你意見。」老豆話。
 
「你老豆過到去會升做法國部既管理層,講緊由香港六萬蚊人工加到十二萬一個月,連當地津貼、同埋公司花紅。比起係香港足足多一倍。」
 
「人工差咁遠。。」
 
「係香港人工低或者物價相對低姐。我老死個仔Fresh Grad係矽谷做都四萬蚊人工啦。當你去澳洲Working holiday做農夫,呢啲門檻咁低既工作都80蚊港紙一粒鐘。」
 
「咁我無理由唔支持你去啦。」我話。
 
「呀媽想跟埋老豆去意大利度生活,如果Ok會考慮移民去歐洲果邊。你會唔會想大學去歐洲度讀?」
 
「我。。就無乜興趣。。我鐘意留係香港多啲。」
 
「你諗下大學條路點行啦。唉,諗落都唔係好放心你一個人留係香港。我都係留返係度睇住你,無我煮飯食點得。」呀媽話。
 
「我下年升中五都要狂咪書準備考CE唔得閒理你,可能會嫌你煩添。你想飛去陪老豆咪一齊囉。」
 
「你真係OK?」呀媽好開心。一睇就知佢好想過下歐洲退休師奶生活啦,我都咁大個人唔洗呀媽咁貼身照顧啦。
 
「係呀。我叫你去呀。」我都唔想屋企人為左照顧我而放棄做佢想做既野。


「過埋個新年,應該三月倒就去嫁啦。。。」
 
「咁快。。」
 
「而家樓價仲算affordable,我地打算去之前買樓層收租代供。你呢個月同我地一齊去睇樓啦,如果唔移民歐洲,我地返香港就搬去新樓住。」呀爸話。
 
「哦。」
 
所以,是次家庭會議既重點係:呀爸同呀媽三月開始會去意大利兩年、我地要去買樓、屋企可能要移民歐洲、大學可能去外國讀。。
 
咁咪無得見江柏琪囉。。。
2017-08-12 23:54:16

主角出現了

又林書生、林敏兒、Step、江柏琪、齊腳打牌啦喎
2017-08-12 23:55:42
開頭會好想睇甜野

但去到丁丁個度已經覺得over 左

而家反而想樓主出d 好似今次咁sweet 書生氹女仔既故


事實證明大家都有純潔既心靈喔
2017-08-13 08:39:59
2017-08-13 09:11:04
2017-08-13 16:30:28
2017-08-13 21:02:55
考完試果個月,每隔幾日我都會同屋企去睇樓。
 
我地睇既樓係中環半山,一千幾呎,成二千幾萬既樓。。。
 
本身住小康之家既屋苑我都自覺家境不錯。(大概係太古城、城市花園既級數,九百幾呎當時市值約一千萬啦?)
 
去睇樓先驚覺自己屋企人原來真係好有錢。
 
唔怪得呀媽小學果陣同我講,唔好俾人知你有錢,原來真係Rich嫁喎。
 
千幾呎既大屋,一入屋就有閃令令地磚、花巧吊燈、簇新既傢俱、按摩椅、按摩浴缸,豪華裝修,個廁所仲大過我屋企而家間房,就係電視上會見到好似Ikea既示範單位一樣。
 
我想像唔到住係街坊小屋既我,會有一日住係呢D豪宅入面!
 
間屋咁大,半夜行去廁斤會唔會有回音?
 
嘩,係半山區出入好麻煩,咩都要靠私家車。
 
睇到半山既樓先發現香港既貧富懸殊係幾咁嚴重。
 
我諗起江柏琪所住既既公屋,明明大家都係生活係同一個香港,點解居住既環境可以有咁大分別呢?
 
老豆都底點樣可以係全港平均月薪一萬幾蚊既香港入面突圍而出,搵到咁多錢呢?
 
今日我所擁有既都係父母俾我,而唔係靠我雙手去打拼出黎,我唔值得擁有咁多虛榮。
 
如果有一日屋企家道中落破左產點算?或者同屋企鬧翻左點算呢?
 
做人要居安思危。
 
無論將來點樣都好,我都要靠自己既能力去賺錢,俾到最好既生活另一半!
 
無野係一生一世。
 
愛情係,金錢都係。
 
所以我都要努力讀書,增值自己。
 
努力係因為不想失去而家擁有既野,好多野我都輸不起,如何要擁有必先懂失去怎接受?
 
「就呢間啦,齊裝修唔洗煩,方便租出去。」
 
「係既,多謝林生。你簽左份臨時買賣合約同埋落5%細訂,即係百五萬就可以嫁啦。我會通知業主同佢約時間上律師樓簽約。」經紀話。
2017-08-13 21:04:21
2017-08-13 21:15:35
好消息
我last day啦!!後日開始加速!!
目標係九月完到故!!
2017-08-13 21:29:51
好消息
我last day啦!!後日開始加速!!
目標係九月完到故!!

2017-08-13 23:09:35
2017-08-13 23:18:14
好消息
我last day啦!!後日開始加速!!
目標係九月完到故!!

2017-08-14 00:00:52
加油
2017-08-14 00:19:09
2017-08-14 00:23:45
點解有錢到有種我迷失在這場愛情遊戲嘅感覺
阿希 全校第一有錢 老豆係全球首富 靚仔 好打得
阿逸 全校第二有錢 老豆係全球第二首富 冇阿希咁靚仔 打得
2017-08-14 00:38:44
點解有錢到有種我迷失在這場愛情遊戲嘅感覺
阿希 全校第一有錢 老豆係全球首富 靚仔 好打得
阿逸 全校第二有錢 老豆係全球第二首富 冇阿希咁靚仔 打得

身邊總有啲好有錢既朋友
住半山都係打工仔唔係老闆
無有錢到咁誇啦
2017-08-14 00:41:40
月入60,000點買半山
2017-08-14 00:45:01
月入60,000點買半山


All in 700 不要騰 只要訊
2017-08-14 01:11:00
咁快完
2017-08-14 01:19:27
樓主可唔可以作到 step出現前
2017-08-14 07:24:54
樓主可唔可以作到 step出現前

唔想見到Step咩 你地覺得大約幾時完好?又係畢業?
2017-08-14 07:58:18
Pish呀樓豬
2017-08-14 10:36:29
樓主可唔可以作到 step出現前

2017-08-14 10:43:06
樓主 溫梓柔仲會唔會出現

希望有個好歸宿
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞