大清亡國關慈禧蛋牛治 3

6月21號，國民政府特別委任張學良為陸海空軍副總司令，此時嘅張學良，正在調動大軍入關協助蔣軍，對付閻石山同馮玉祥。

6月25號，清華大學學生拒絕喬萬選（1896-？）到校就任校長，喬萬選不得不簽紙表示即刻返去太原。上個月，因為閻錫山控制北平，清華大學原校長羅家倫（1897-1969）向教育部請辭，並於本月7號離開北平，閻石山隨即委任喬萬選為校長，但係今日喬萬選率領隨員到校，卻被學生拒諸門外。6月26號，清華大學教授會發表宣言，教務會亦都致電閻石山，表示該校校務沒有因為校長羅家倫去職而受到任何影響，反對閻錫山以一紙命令任命新校長。清華大學學生會向報界亦發表宣言：第一，清華不為一黨所操縱；第二，清華不介入軍政漩淌； 第三，未經全體同意，拒絕任何人接任校長一職。成間清華企硬，6月30號，連閻石山都要跪低，覆電已經命令喬萬選返回山西太原。

6月30號，國民政府公佈《土地法》，規定保護佃農耕作權，地租不得超過總産物收穫嘅37.5%，亦都相當合理，個立法還立法，是否真正落實執行到，當然又係另一回事。另外今個月，紅軍第一軍成立，朱德為總指揮，毛澤東為政委； 另外紅五軍、紅八軍組成紅三軍團，彭德懷任總指揮。一個重要嘅學者登場，「鄉村建設研究院」喺山東鄒平成立，社會運動家、哲學家梁漱溟（1893-1988）出任主任，並出版《鄉村建設》雜誌，同時，梁漱溟亦係一位社會改造實踐家，對推動鄉村建設不遺餘力。梁漱溟曾經加入過同盟會，1917年至1924年，梁漱溟應北大校長蔡元培之聘，任北京大學印度哲學講師，早就認識咗當時向北京大學圖書館做管理員嘅毛澤東。1921年，寫成《東西文化及其哲學》，學術界公認為中國現代思想史嘅重要著作之一。

今個月6月，甘肅省遭受大旱災，死亡人數達到300萬，我不再加以評論了。 當時中國嘅問題，大概亦都係城市同農村之間嘅問題。

#常威💀 #蔣介石平反系列 #黃金十年 #民國歷史

https://www.youtube.com/playlist?list=PL0RVUAILQUOvTo8JJrayjrvd_Nbjc-0Me

❤請加入常公子的近代史世界！

#常威 #廣東話 #中國近代史 #HongKong #Chinese #History

【常公子歷史頻道401回：替大軍閥平反系列之 Qui-Gon出場 】

♊我同楊熙合著嘅新書《我奮鬥不要奮鬥》已經出版，昨日去見出版人，拿起了實體書在手，感覺非常良好，細細本，紙質靚，製作精美，好有當年「袋裝書」嘅風味，希望能夠有銷量，我自己當然明白，香港睇書嘅人已經越來越少，睇書買書係一回事，書展又係另一回事，作為一個文字工作者多年，我非常明白當中嘅分別。

♊《我奮鬥不要奮鬥》 寫嘅係「躺平主義」，用唔同角度切入，同大家分析一下「躺平主義」 究竟係乜嘢來？昨日出版人告訴我，《我奮鬥不要奮鬥》（竟然）是「一口哲學」系列嘅第一本，於是我問：「是不是有第二本？」，出版人就答我：「你寫不寫第二本？」，於是我又回答：「就開始第二本吧！」 事情就是這樣發生，「一口哲學」系列就是這樣延續下去吧……第二本「一口哲學」的題目 好已經初步擬定，叫「揾食ism」，大概是寫一種新的「主義」，叫「搵食主義」，寫香港人對「揾食」嘅睇法，寫作工作亦會儘快開始。

♉現在寫書，多了一層難度，就是害怕踩紅線，寫書是會犯法的。當然也不算是什麼「文字獄」，大概我哋嘅社會有這樣嘅需要吧？如果有一天寫作真係會變成一種危險嘅工作，我亦唔會去做，反正世界上有好多事情可以做，未必要做一啲危險嘅事情。而且到目前為止，我仍未覺得自己寫嘅嘢有任何犯法嘅可能性，只要符合法律，應該可以繼續寫作。對未來我唔擔心，畢竟太平盛世先係異數，衹要明白這一點，就會心安理得。

✅https://youtu.be/2IQrAtS6YNo

💚【我奮鬥不奮鬥】 常公子 楊熙合著

電子書下載⬇ https://play.google.com/store/books/details?id=CVo3EAAAQBAJ

Amazon Kindle版下⬇
https://www.amazon.com/dp/B098XHWTDK

實體書訂購⬇
https://www.382now.com/product?id=325

【常威近代史】（五百六十六七回）
我一直相信上戰場打仗有一個目的

1930年7月1號，實業部中央工業實驗所設立於南京，該所下設化學組與機械組，所長為徐善祥（1882-1969），徐善祥係上海人，畢業於美國耶魯大學，再響哥倫比亞大學獲取化學工業博士學位（哥倫比亞大學同學會嘅人）。同日，前北洋政府國務總理北洋之龍王士珍（1861-1930）響北平病故，享年六十有八，王士珍係晚清重要軍事將領，亦係袁世凱最信任嘅親信，係北洋時代嘅中流砥柱式人物，佢唔似北洋之虎段祺瑞同北洋之狗馮國璋，冇利用手中嘅權勢爭名奪利，反而處處為大局著想，晩年王士珍從軍政前臺退居幕後。他曾以京師治安維持會會長身分調停北方各派軍閥，維護北京治安，推進慈善事業。王士珍嘅活動為北京免遭戰禍貢獻很大，其實相當值得尊重。

7月3號，因為戰火連天，工商銀行遭遇提現風情，即係擠提，總行及全國三分一分行停止營業。另外紅三軍彭德懷部隊攻剋瀏陽、岳陽，勢如破竹，直取湖南省省會長沙。7月3號，國民政府下令禁止特陰陽五行、吉凶之説印入歷史書中，唔想再導人迷信，不過陰陽五行嘅嘢，永遠都有擁躉，到咗今時今日，「玄學」依然係大生意。

7月4號，湘鄂邊紅四軍與洪湖地區紅六軍喺湖北公安會師，紅軍繼續履行中共中央李立三路線，由農村轉戰城市。同日，行政院命令財政部轉令各個海關，禁止攜帶木印古本、墨刻古本書籍出境，以防止重要文物流失，之前已經講過，敦煌莫高窟已經係一個好例子，都唔知畀人偷咗幾多嘢出境？寫到依度，想叉開一筆，講講當年1900年八國聯軍佔領北京，究竟，八國聯軍喺北京紫禁城偷咗幾多嘢走呢？抑或真係如部份史書所講，聯軍軍紀嚴明，冇響紫禁城大肆搶掠呢？以當時兵荒馬亂嘅情況嚟睇，我傾向相信前者，即係有好多皇宮珍貴文物已經被唔同嘅人偷走運咗出境，散落民間，現在大家響故宮所見嘅文物，可能只係劫後餘生所剩低嘅冰山一角，不過如果我嘅推論係真，咁紫禁城真係一個大寶藏，偷極都仲有咁多留低？我要重複好多次，當時做軍人上戰場打仗，好多時候係冇人工嘅，收穫要響戰場上直接獲得，希望大家明白，搵條命出嚟搏，需要等價交換。

7月5號，國民政府接受孔祥熙提議，外商喺中國設立公司，需以對方國家是否允許中國公司喺彼方註冊為優先條件，即係話你可以嚟中國開公司，但係亦都要允許中國係你嗰度開公司，對等條件，以體現中華民國國家主權。我講過，中華民國係當時嘅國際社會，地位可能等於今日嘅埃塞俄比亞，或者最多係印尼啫，智力等同猿猴石梨貝水塘馬騮，好多西方列強，根本仲未有「中國主權」呢個概念，大概好多人仲以為中國人紮緊辮，停留喺清帝國時代。人類經常觸犯一個錯誤，千祈唔好以為自己好重要好有影響力，好多時候喺別人眼中，你只係一粒屎。有利用價值嘅時候，會將你放大成一碌大屎，當冇利用價值嘅時候，就變返一粒屎，根本無任何存在價值可言。

7月6號，紅十軍方志敏（1899-1936）部隊攻剋江西景德鎮，方志敏於1935年被捕，其中，一篇膾炙人口嘅《可愛的中國》係佢被捕入獄後，創作十六篇遺稿之一，全文近2萬字，寫於南昌軍法處囚室。方志敏在文後附言，表明寫作目係要說明「一個共產黨員是愛護國家的，而且比誰都不落後，以打破那些武斷者誣衊的讕言」，《可愛的中國》被視為當代中國嘅愛國文化符號，係每個中小學生必讀之書。

7月8號，交通部長兼中國航空公司理事長王伯群（1885-1944）同美國飛運公司代表波林喺上海正式簽訂中美航空合同，合資經營中國航空公司，中國航空公司於上年4月由國民政府喺上海創辦，合資後資本總額為1000萬元，中國佔有55%，美國占45%，合同有效期為十年，到期可以延長五年。

7月10號，福建泉州民團武裝圍攻泉州城，驅逐佔據該城嘅悍匪高為國，既然政府唔打救，就自己打救自己吧！7月11號，海關監督公署決定對出口商品均由就近海關徵收一次出口稅，以後經過其他關口不再需要繳稅，殺清厘金制度，又嚮前邁進一步。7月13號，連日暴雨令到遼寧渾河、遼河水位暴漲，瀋陽及其附近嘅農田均被洪水淹沒，交通通訊中斷，北寧鐵路沿綫，近千頃農田被沖毀，產生巨大經濟損失，至於人命傷亡數字，則冇記載，相信亦唔會少得過幾千。

7月16號，中共致函共產國際主席團，決定喺南京、武漢舉行暴動，喺上海實行總同盟罷工，實踐李立三上月決定進攻城市發動武裝革命嘅大戰略。

7月17號，教育部長蔣夢麟（1886-1964），外交部長王正廷（1882-1961）聯合發佈命令，嚴禁外國人響中國內地拍攝關於華人舉動嘅影片。呢個命令我有啲唔明白，應該係當時嘅國人，好多舉動同生活習慣實在不堪入目（或者我哋叫唔符合普世價值同埋國際標準），因此為咗改善中國人喺國際社會嘅形象問題，先由依道命令產生掛？蔣夢麟畢業於美國哥倫比亞大學（又係哥倫比亞大學同學會會員），王正延畢業於耶魯大學，都係一等一嘅高級知識份子，佢哋咁做，相信有佢哋嘅理由。我哋相信讀好多書嘅人做事會比較合理，亦都係正確嘅判斷。

#常威💀 #蔣介石平反系列 #黃金十年 #民國歷史

【常威近代史】第九部《孫文之死》
https://play.google.com/store/books/details?id=evMsEAAAQBAJ

amazon同步上架👍請大家大力支持！
https://www.amazon.com/dp/B094D663XH

【常威近代史】（五百六十八回）
跑馬要過終點先知道賽果

1930年7月20號，張發奎通電下野。7月23號，廣東海關正式宣佈中山港為無稅埠，當然入口貨，仍然非常依賴香港依個英屬獨特嘅貿易城市及轉港口。7月26號，青島國民黨黨部同市政府當局就解決人力車工人請願問題發生衝突。今日，青島市約100名人力車工人前赴市黨部請愿，市公安局派警察包圍咗市黨部，逮捕工人81人，同時順手抄查咗市黨部嘅辦公室。國民黨市黨部認為市政府有意摧殘勞工、破壞黨部，電請國民黨中央命令懲辦市長葛敬恩，並嚴令市政府釋放被捕工人。28號，市政府指摘市黨部鼓勵工潮，利用《民國日報》及《青島日報》汙辱政府聲名，勒令兩報停刋，30號，國民黨中央宣傳部發電調解，兩報恢復發行，事情先告一段落。

但係憑上述嘅事可以睇到，一個城市可以有兩個「話事」嘅？咁邊個先係大佬呢？石梨背水塘，梁家輝問任達華，和聯勝可唔可以有兩個話事，輪流揸莊？結果任達華嘅答覆係用舊石頭打撚死梁家輝，並且殺埋佢老婆邵美琪，表面上好似喪盡天良（實際上都係），但係，呢個世界冇兩個「話事」依樣嘢，字頭可以有好多個，但每個字頭只可以有一個話事，好多人認為「民主」 就係解有好多個話事，但其實唔係，「民主」 只係一個程序，或者直接了當，只係一個「選舉辦法」，用嚟選出「話事」嗰個。

7月27號，中國工農紅軍第三軍團喺彭德懷（1898-1974）嘅指揮下攻剋長沙，湖南省政府主席兼四路軍總指揮何鍵（1887-1956）需要易服逃亡。彭德懷嘅紅軍第三軍團係遵照李立三嘅指示進行依次嘅行動。當時，何鍵嘅主力喺度追擊張發奎及李宗仁部隊，於是紅軍趁依個空檔，苦戰5日，終於將長沙易手。7月30號，湖南省工農兵蘇維埃政府成立，李立三被推舉為主席。新成立嘅政權立刻頒佈《暫行勞動法》同《暫行土地法》，宣佈保障工人八小時工作，同埋農民獲得土地耕作嘅權利。好可惜，8月頭，何鍵調集15個團，南北夾擊長沙，紅軍為保存實力，8月5號撤出長沙，政權易手，只係一個禮拜多啲。

時間進入1930年8月，8月1號，浙江省航政局租下招商局停航嘅輪船，恢復蘇浙之間二十一條航線營運。同日，左翼劇團聯盟喺上海成立。8月5號，行政院決議批准貴州省設置貴陽市，8月6號，日本以紅軍攻入長沙事件為由，派遣數艘驅逐艦駛到上海戒備。

【常公子歷史頻道402回：替大軍閥平反系列之 伍廷芳歸天 】

♊ 東京奧運會終於舉行，今屆香港選手非常厲害，首先有張家朗奪取劍擊金牌，成為香港第一個奪取奧運金牌嘅男人，真係前無古人，希望後有來者！另外游泳健將何詩蓓更加響200m自由式奪取銀牌，執筆時候，何小姐仍然未游自由式100米同其他項目，有可能再有獎牌落袋。不過至今，一屆連奪兩面獎牌，一定係香港代表隊記錄，無論之後怎樣，今次奧運會賽事，香港一定大豐收！

♐ 自己都係一個好喜歡運動嘅（肥）人，游水更加係我長年累月嘅習慣，係日常生活嘅一部分，睇見何詩蓓攞牌，嗰種興奮嘅程度，實在係唔可以用文字嚟形容。游水項目冇得呃，大家鬥速度鬥時間鬥體能，勝者為王，絕對百份百公平！本公子後生都操過水，可惜身材唔好，又肥又短，亦冇天份，最好嘅時間係游50米自由式33秒（今時今日39秒），連後備都冇份，不過無論如何，游水係我一生人最喜歡嘅運動，我永遠都唔會放棄。

♑ 能夠搵到自己喜歡做運動，的確係一種福氣。生活有陣時好迫人，千頭萬緒，其實非常煩。但係入到水裏面，我就能夠放鬆心情，寧靜享受40分鐘至60分鐘游泳運動，一切皆可舒緩，上水步出泳池，又從頭開始，應付生活。這種習慣，我已經堅持咗好多年，去年疫情，泳池關閉，講真我有小小死亡嘅感覺，不過一切已經過去，亦莫回頭，大家嚮前看，重新開始吧。人生不如意事十常八九，唔通每個人學游水都可以去奧運會咩？其實一萬個人都冇一個，心想事成，只係個童話，做人同生活其實都相當艱難，所以一定要將心情放鬆一啲，適當地用情緒遷就現實，唔好俾自己太大壓力，生活本來就是這樣一回事，無論如何都要活下去，至少好好的活下去。

⛎ 睇過張家朗同何詩蓓嘅訪問，要明白「堅持」非常重要，想成功完成一件事，最基本要做嘅就係要「堅持」，我做公子近代史頻道一樣，無論點都會堅持落去，直至寫到劉少奇骨灰運返去北京王光美手上為止，我好希望有咁樣嘅一日，亦好期待呢一日嘅到來。做人你話複雜又可以，你話簡單亦可以，可能風未動，旗未動，是人的心在動。

✅https://youtu.be/AFzE3ITBEc0

💚【我奮鬥不奮鬥】 常公子 楊熙合著

電子書下載⬇ https://play.google.com/store/books/details?id=CVo3EAAAQBAJ

Amazon Kindle版下⬇
https://www.amazon.com/dp/B098XHWTDK

實體書訂購⬇
https://www.382now.com/product?id=325

【常威近代史】（五百六十九回）
歐本海默感覺到的原罪

情況瞬息萬變，前國府首都北平，閻石山、馮玉祥及汪精衛另組國民政府，一個廚房開兩個爐頭。另外紅軍加入戰團，一出一入長沙，蔣Sir頭都大晒，幸好蔣Sir手裡面，仲有最後一張無敵王牌——財雄勢大嘅東北軍張學良，睇返成件事，如果張作霖死後，張學良一直保持獨立嘅軍閥地位，稱霸東北，投靠日本人，唔易幟唔賣蔣Sir的賬，整個中國近代史可能會全盤改寫，而張學良投靠蔣sir，亦唔係為勢所逼，純粹祇不過係個人選擇，鬼叫你日本人殺咗我老竇，因此同你勢不兩立都係正常。

8月11號，中華民國內政部，定性「太平天國運動」為一場光榮革命，禁止沿用清廷嘅各種侮辱性字眼形容太平天國運動。依一場由19世紀中葉出現嘅革命事件，我再提多次，好有可能係世界歷史上一場規模最大型嘅血腥內戰，死亡人數媲美第一次世界大戰同第二次世界大戰，超過2000萬人，清帝國失掉半邊江山，亦間接將清帝國趕上最後絕路，如果世上唔係出一個咁X能幹嘅女人慈禧太后頂住個雞頭，清朝一早已經係19世紀玩卵完。20世紀嘅國共兩黨，都將太平天國運動重新定義——並非一場動亂，係一場民族革命或階級革命，當然又係嗰句，凡事睇你企喺邊個角度去睇？世界上冇真正是非黑白，祇有勝利者嘅話語權掌控真相，以及響唔同時勢要取採唔同嘅角度去調節真相為何？去返二次世界大戰，美國投下原子彈於廣島及長崎，十幾萬無辜平民百姓灰飛煙滅，無論如何，點都唔算係正義嘅舉動啩？但係今日到咗現今為止，仍然被公認為一場正義且光榮嘅行動。

就算係發明原子彈嘅原子彈之父歐本海默（Julius Oppenheimer，1904-1967），亦在投彈後感受到痛苦同折磨，1947年，佢係一個演講上曾經表示：「以一種最原始的感受，無論用怎樣的粗俗、幽默或虛張都無法完全消除，讓物理學家懂得了原罪，而這成了他們永遠無法放下的知識……」歐本海默用「原罪」取代了「發明原子彈」這項巨大成就，就足証其受到巨大嘅道德苛責。或者，普通人真的冇辦法瞭解「正義」為何物？所謂「正義」並唔係 Common sense 所能夠完全掌握嘅概念，甚至我有陣時認為，「正義」其實係一個純粹宗教性嘅概念，19世紀末期德國偉大嘅哲學家尼采（Friedrich Wilhelm Nietzsche，1844-1900）高呼「上帝已死」，其實是宣稱「宗教時代」 正式喺西方結束，人類進入「科學時代」，上帝已死的同時，正義同告消亡。尼采於歐陸高呼上帝已死之時，中華大地洪秀全正用上帝和天國的名義進行民族革命，真係冇辦法，凡事慢半拍。

我只為了自己而活著，我只為自己的人生負責任，其他人的人生和我一概無關。我選擇躺平，只因為我想這樣做而已。我不在乎經歷什麼，只在乎最後成為什麼，這才是我的哲學角度。究竟所謂「躺平主義」為什麼會引起這麼多人的共鳴？當中的具體內容又是什麼？它有什麼獨特的地方能夠吸引這麼多年輕人信奉和實行？又或者，這個新興的「躺平主義」和我們身處的時代是否有什麼必然的聯繫？這些都是這本書想探討的問題。

【我奮鬥不奮鬥】 常公子 楊熙合著

電子書下載⬇ https://play.google.com/store/books/details?id=CVo3EAAAQBAJ

Amazon Kindle版下⬇
https://www.amazon.com/dp/B098XHWTDK

實體書訂購⬇
https://www.382now.com/product?id=325


https://m.youtube.com/watch?v=curzQRnmmLs&feature=share

【常公子歷史頻道403回：替大軍閥平反系列之 什麼是左膠】

♊ 今集講咩叫「左膠」?其實我最有資格講，因為我就係一個100%「左膠」，我年輕時代信奉馬克思主義，覺得用馬克思主義瞭解世界係非常正確嘅選擇，至少，睇清楚少少。因為用其他方法或哲學系統瞭解世界，所產生嘅偏差就更大，馬克思講，人類嘅意識同生產關係永遠冇辦法割斷，即「存在決定意識」，並非「意識決定存在」，對我嚟講，係金石良言，當頭棒喝！人好多時候以為自己嘅意識能夠決定自己嘅存在，用廣東話講，係「你想做乜就做乜」？大家都知道，其實係唔可能，你嘅階級已經決定咗你嘅存在，你以為你有選擇，其實你冇選擇，存在同時決定咗你嘅意識，決定咗你嘅想法，決定咗你用乜嘢視角去睇個世界，當然仲決定咗你嘅視野有幾寬闊？

♑ 如果信奉馬克思主義，或者覺得馬克思主義係正確，就係「左膠」，咁我並唔否認自己係一個「左膠」。但係近年，對「左膠」 有另一種睇法，就係將「左膠」同「大愛」連埋一齊，某程度上，就係嘲笑班「左膠」以為用「愛」可以解決一切。其實「左膠」同「大愛」 係互相矛盾，因為傾左嘅人，某程度上唔相信大愛，大愛係唯心主義嘅產物，而真正嘅馬克思主義者，一定係唯物主義嘅擁躉，相信唯物辯證法，當然，馬克思主義嘅出發點，都係一種大愛，或者我哋叫人文主義式嘅關懷，嗰個係另一回事。

♒繼《我奮鬥不要奮鬥》後，我會開始寫「一口哲學」系列下一本書，初步叫「揾食ism」，寫作拍檔仍然係楊熙（佢可能係被逼），我哋會寫啲關於香港人對「揾食」嘅睇法及內容，現在正開始醞釀寫作大綱，希望可以快啲完成大綱，進入實際寫作階段，今時今日喺香港寫作出書（仲要係哲學書？），純粹為興趣，亦都同「搵食」冇關，因為基本上出書搵唔到食，搵食要用其他方法或者賣屎忽，不過無論如何，作總要寫下去，寫作就是我的人生，到了現在，想回頭亦太遲……

✅https://youtu.be/VANb9rFU3Gs

💚【我奮鬥不奮鬥】 常公子 楊熙合著

電子書下載⬇ https://play.google.com/store/books/details?id=CVo3EAAAQBAJ

Amazon Kindle版下⬇
https://www.amazon.com/dp/B098XHWTDK

實體書訂購⬇
https://www.382now.com/product?id=325

【常威近代史】（五百七十回）
改變歷史的男人張學良

時間進入1930年9月，9月1號，紅軍第二次攻打長沙，無功而還。9月3號，第二共產國際領袖樊德維來華遊歷講學，記住，係第二國際（second international），唔係第三國際（third international），簡單描述，第二國際推廣嘅係社會主義運動，傾向中間溫和路線，唔提倡暴力革命毀滅資產階級，來華嘅樊德維就曾經做過比利時外相，而由蘇聯控制嘅第三國際就係一股真真正正向全世界嘅輸出共產主義革命力量嘅組織，兩者喺層次上好有分別。

9月3號，十三世達賴加鹽加醋登圖加措（1876-1933）嘅全權代表堪布棍卻仲尼拜見國民政府代理主席譚延闓，轉達達賴十三世擁護中央嘅誠意。由1925年開始，13世達賴開始力圖擺脱英國控制，佢罷免咗親英嘅藏軍總司令，同埋掌握拉薩司法行政嘅英籍警察專員嘅職務，關閉設立喺西藏嘅英國人學校，亦都拒絕咗英國人喺西藏建立水力發電站同埋電話系統、以及英藏聯合開發西藏礦藏嘅計劃。南京國民政府成立之後，於1929年，派遣出生於拉薩、母親為西藏人嘅探險家劉曼卿小姐（1906-1941）以半官方嘅身份到達拉薩，轉達咗南京政府嘅誠意，劉曼卿小姐喺西藏受到熱烈歡迎。上個月，十三世達賴喇嘛圖登嘉措嘅代表到達南京，帶嚟咗達賴對中央政府嘅答覆，表示如果中央好似以前一樣，以誠意同埋信任對待中央同西藏間嘅保護關係，西藏將會全力支持南京蔣Sir中央政府。

9月5號，國民政府任命馬家軍大佬馬福祥（1876-1932）為蒙藏委員會委員長，韓復榘（1890-1938）、陳調元（1886-1943）分任山東、安徽省政府主席。9月7號，中共將今日定為「反對帝國主義、國民黨的白色恐怖鬥爭日」，上海有2000幾人舉行反白色恐怖大示威，9人被捕，咁少嘅？同日，川軍將領鄧錫侯（1889-1964）、田頌堯（1888-1975）、劉文輝（1895-1976）聯名擁蔣。9月9號，北平國民政府成立，另起爐灶，閻石山、汪精衛等宣誓就職，發表「公平內政、均著外交」宣言。

9月13號，立法院通過《民事訴訟法草案》，中國法制進一步完善。9月16號，財政部命令上海海關，一律禁止日本蠶繭入口，開始打貿易戰。9月17號，大名鼎鼎嘅黃埔軍校奉命停辦，廣州黃埔軍校，係國父孫文「聯俄容共」政策下國共合作嘅產物，用嚟培植軍人北伐進行武裝革命，如今革命大概已經成功？所以黃埔軍校亦都完成咗佢嘅偉大歷史任務，關門大吉。但黃埔軍校訓練出嚟嘅國共軍事人才，會繼續主宰中國政壇半個世紀以上。9月18號，美國國務院宣佈願意放棄在華領事裁判權； 同日國民政府允許戴季陶辭去國立廣州中山大學校長一職，任命朱家驊（1893-1963）繼任。

https://www.facebook.com/129055447762576/posts/782064329128348/

不要奮鬥了，【我奮鬥不要奮鬥】電子書限期HK$9.9 only！

https://play.google.com/store/books/details/%E5%B8%B8%E5%85%AC%E5%AD%90_%E6%88%91%E5%A5%AE%E9%AC%A5%E4%B8%8D%E8%A6%81%E5%A5%AE%E9%AC%A5?id=CVo3EAAAQBAJ&hl=zh_HK&gl=US

【常威近代史】（五百七十一回）
民國書法大家譚延闓仙遊

返翻去1930年嘅9月18號，張學良東北軍入關，中原大戰塵埃落定，1930年9月20號，中國地震學家李善邦（1902-1980）主持嘅北平鷲峰地震台剛投入使用，第一次測到地震。雖然戰亂頻繁，但係中國正喺度一步一步現代化中，企圖擺脱貧窮落後國家形像，當然仲有百年路途先擺脫到。

9月22號，一個國民黨嘅重要人物、行政院長代理國府主席譚延闓（1880-1930）喺南京中風，不治逝世，享年49歲，葬於紫金山中山陵旁，蔣Sir為其墓碑題詞。譚延闓父親譚鍾麟（1822-1905），為清末重要政治人物，曾任陝甘總督、閩浙總督、兩廣總督等職務，佢就任兩廣總督期間，就鎮壓咗1895年孫文同楊衢雲嘅廣州第一次起義，其子譚延闓後代冇參予政治，反而第四個女譚祥，嫁咗比陳誠（1898-1965），陳誠曾任中華民國行政院長、副總統。陳誠與譚祥之子陳履安（1937-）曾任臺灣監察院院長，陳履安有四子一女，當中陳宇廷為作家、慈善家；二女陳宇慧為著名武俠小說作家，一本八十萬字的長篇武俠小說《多情浪子癡情俠》響「2006武俠小說大賽」摘冠，有「女版金庸」之稱，正職係荷蘭銀行（香港）董事；又有一子係堪布羅卓丹傑，藏傳佛教僧侶及教授師，法名羅卓丹傑，堪布為其學位，俗名陳宇全。

9月23號，首批日本大米運抵上海，長江流域輸入東陽大米，係歷史上第一次，亦都可以反映出，當時中國所生產嘅米量，已經唔足夠餵飽中華民國四億人。9月24號，中共喺上海召開六屆三中全會，決定糾正組織全國總起義，同埋集中紅軍力量攻打中心城市嘅「李立三路線」，上個月，早前被彭德懷（1898-1974）紅三軍團攻佔嘅長沙被國民黨軍隊反攻奪回，紅軍喺其他戰場上亦都極為困難，李立三（1899-1967）喺大會上承認犯咗冒險主義嘅錯誤，會後，李立三承擔政治責任，離開中央領導崗位，暫時由瞿秋白（1899-1935）主持中共中央工作，睇返轉頭，當時李立三同瞿秋白亦只係剛剛滿30歲，彭德懷31歲，用今日嘅角度，係非常咁年輕。

9月25號，平津地區開始通用奉票，理由亦都好簡單，因為張學良東北軍入關鳥，規定奉票50元為現洋1元，睇嚟奉票已經相當唔值錢。當時有一個傳聞，話說蔣Sir同張學良買槍，先付1000萬，東北奉軍兵工廠出嘅靚槍，比日本貨貴一倍； 之後張學良東北軍入關，又盛惠1000萬「起步費」，前前後後俾咗2000萬大洋，折算10億奉票，閻錫山就比唔起鳥，所以張學良30萬東北軍就支持中央囉，支持南京唔支持北京，可能情況就係咁簡單，凡事唔好想得太複雜，好多時候，好多問題可以用錢解決。

其實市儈冇乜嘢唔好，可以用錢去解決問題，其實非常公平，明碼實價，凡事有個規範有個準則有個價位，彼此先可以睇餸食飯埋檯四四六六拆掂佢，反而超越金錢嘅問題先係最大嘅問題，例如仇恨、例如血酬、例如理想，冇辦法可以實質量化，冤冤相報何時了？你嘅理想可以有幾高？點樣去定義報咗仇未？諸如此類的問題，結果無邊無際，可以無限擴張。唔講錢當然好很高尚，但係亦都好危險，因為好容易失控。

9月25號，司法院長王寵惠（1881-1958）當選為海牙永久國際法庭審判官，海牙永久國際法庭（International Court of Justice）響1920年「國際聯盟」主持下設立，係為咗處理一啲主權國家政府間民事司法嘅裁判機構。

5月27號，《中央日報》 代表報界要求言論自由，主張制定《出版法》，大概要講到明，報導乜嘢可以拉，報導乜嘢唔駛拉，清楚紅線喺邊度，大家亦好做事，安心上班。5月30號，周恩來主持中共中央軍委會議，作出《目前紅軍的中心任務及幾個問題》報告。

1930年10月1號，中華民國及英國代表喺威海衛英國威海衛行政長官署前，舉行中英交收威海衛港口典禮。被英國人強行租借32年嘅中國海港威海衛，終於正式回歸中華民國。1898年8月，英國通過《中英議租威海衛專約》，奪取威海衛港成為其殖民地。1921年12月，中華民國政府代表喺華盛頓會議提出歸還各國在華租借地嘅要求，此後中國政府便就威海衛租界問題，與英國政府開始咗長達八年嘅交涉同談判。1924年6月曾經訂立《交收威海衛專約》29條，之後曹錕倒臺，一切又從頭開始，英國政府更加乘機將條約擱置，直到1929年6月雙方先重新開始談判，到咗今日1930年10月1號，終於成功收回威海衛。

講開又講，究竟當年中華民國有冇同英國政府講過殖民地香港嘅問題呢？我並唔知道，亦未搵到有關史料。香港島係永久割讓嘅，但係九龍同新界就係通過《北京條約》租嘅，租99年，1997到期，既然中華民國當時可以透過談判回收威海衛港或回收租界？點解又唔順便傾吓回收香港九龍新界呢？可能當中牽涉太多我唔明白嘅法理或外交問題，又或者，當時香港一啲都唔重要，只係一舊無人理嘅屎，不過點都好，香港要去到1997年租約期滿先回歸、澳門就1999年，就係真嘅。

#常威💀 #蔣介石平反系列 #黃金十年 #民國歷史

不要奮鬥了，【我奮鬥不要奮鬥】電子書限期HK$9.9 only！

https://play.google.com/store/books/details/%E5%B8%B8%E5%85%AC%E5%AD%90_%E6%88%91%E5%A5%AE%E9%AC%A5%E4%B8%8D%E8%A6%81%E5%A5%AE%E9%AC%A5?id=CVo3EAAAQBAJ&hl=zh_HK&gl=US

【常威近代史】（五百七十二回）
蔣Sir受洗成為基督徒

1930年10月3號，蔣軍佔領開封，10月6號，蔣軍攻佔洛陽，馮玉祥及閻錫山部隊十幾萬人，大部分被俘虜被收編，當然係以馮玉祥嘅軍隊為主，中原大戰亦宣佈進入尾聲善後階段。

10月3號，法國商船「大廣東號」抵達汕頭港，法籍船主指示船員毆打船上十幾個潮籍歸僑，打死工人蔡裕欽，仲將屍體拋落海，暴行被揭露之後，汕頭總工會通令港口工人拒絕對該輪嘅駁卸、落客、逼使其on99停留響海面，同事要求市政府扣押該輪。經過同法國領事交涉，汕頭市政府喺5號同意放行「大廣東號」。15號，汕頭民眾組織該案後援會，議決對法國經濟絕交，18號，舉行三萬人大遊行示威！民風強悍嘅潮州人（架忌冷）真係唔可以蝦。

10月5號，北平各國立學校共收到南京政府35萬元匯款，有望開課，之前汪精衛閻石山馮玉祥等喺北平另起爐灶，睇嚟亦都冇錢經營北平，組織前文後理，睇嚟中原大勝嘅獲勝者蔣Sir，佢贏在有錢，上集已經講過，張學良係收錢先肯幫你拖入關撐場，蔣Sir至少有錢過閻石山同馮玉祥，至於點解佢咁疊水？啲錢點樣嚟？歷史當然冇話畀我哋知真相，大概係同美國勢力有關，除非唔係。

之前已經講過，今日再講多次，有句說話叫「財來自有方」，你見到好多有錢人，但係你永遠唔會知道佢哋啲錢點樣搵返嚟？當然佢哋都唔會話你知。同你講努力工作就有出頭天，勤勤力力擔屎唔偷食就會發達，你信嘅話你係傻瓜。畢竟有錢人點解會係有錢人？當中就係有你唔知道嘅秘密，否則你就成為有錢人啦，駛撚捱窮咩？渠頭！

10月7號，吉安召開十人大會，宣佈江西省蘇維埃政府成立！（呢個就真係真真正正係另起爐灶啦），10月9號，北平至吉林直達列車開通，舉行通車儀式； 同日張學良喺瀋陽就任南京政府委任嘅陸海空軍副總司令一職，成為中華民國南京政府最有權力嘅第二把交椅。10月10號，蔣Sir發表雙十節文告，提出五項政治方針：肅清剿共、整理財政、澄清吏治、發展經濟、實行地方自治。「剿共」，清除共產黨勢力已經排喺第一位，仲有一點，第五個方針「地方自治」，亦反映出中央仍未夠強勢，距離「大一統」之路，仲有好遠好遠。

同日，響比利時舉行嘅萬國博覽會上，中國獲獎399項，名列第三，當中徐悲鴻（1895-1953）獲繪畫特獎，徐悲鴻，原名徐壽康，江蘇宜興人，中國現代畫家、美術教育家，兼擅油畫及水墨畫。中國現代藝術巨匠，中國現代美術奠基者，與顏文樑（1893-1988）、林風眠（1900-1991）和劉海粟（1896-1994）並稱「四大校長」，桃李滿門，最近，徐悲鴻嘅一幅國之瑰寶級油畫《奴隸與獅》，估值係$3.5億 - 4.5億港幣，成為史上估價最高嘅亞洲藝術品，你都咪話唔巴閉。徐悲鴻自1933年起響世界各地舉辦中國美術展覽同個人畫展，此後重返南京，擔任中央大學藝術系教授兼系主任。1946年任國立北平藝術專科學校校長，1950年任中華人民共和國中央美術學院院長，曾任中華全國美術工作者協會主席，1953年於北京逝世，享年五十有三。

10月11號，立法院通過《電影檢查法》； 10月13號，蔣Sir公佈 中原大戰死傷數字，蔣Sir一方約30000人陣亡，60000人傷，閻石山馮玉祥方面，死傷人數達到150,000以上，整場戰爭死傷總數超過300,000人，算係為呢場中原大戰作一個總結，但係我講過，數字並唔可信，畢竟當時採用嘅統計方法實在太粗疏，仲有上述嘅數字只係軍人嘅傷亡人數，未計平民嘅傷亡數字，當時嘅戰爭，係有大量嘅平民參與。

10月15號，中華民國嚴禁栽種罌粟；1930年 10月23號，蔣Sir 偕同夫人宋美齡自南京抵達上海，參加宋母嘅祈禱禮，蔣Sir接受基督教儀式洗禮，正式成為一個基督徒。背後嘅政治意義，就係蔣Sir同美國連成一線，美國嘅國教係基督教，之後中國同中國四億人嘅命運，亦都與此息息相關。但係同一日，國民政府卻下令，以後國幣、郵票、印花票上，一律禁止印上外國文字，只可以印中文，呢個舉動，應該係同增加國民意識形態嘅向心力有關。同日，湘、鄂、贛三省綏靖會議喺漢口召開，決定剿共部隊嘅配備、經費籌措同埋聯絡方法。

10月28號，國民政府以招商局「經營無方、腐敗滋甚、瀕臨破產」為由，命令將其收歸國有，成為國企。招商局係中國最大嘅航運企業，國民政府成立之後，即開始對該局實施控制，1927年11月，就設立咗招商局監督辦公處，1928年1月，監督處下令將原董事會全體董事「停職查辦」，同時下令招商局改設總管理處，之後就開始咗一系列管理體制改革。1928年8月，全國交通會議喺南京召開，會議就招商局嘅體制問題展開咗激烈嘅辯論，最後確定以「收歸國營」為原則，並以「官商合辦」為過渡辦法，此時招商局經濟不振、弊端重重，被迫大舉借貸，上年6月，招商局改隸國民政府，名義上仍為商辦，實際上已由國民政府代管。歷史的確係一面鏡，從前發生嘅事，今日亦都發生中……有陣時，加強監管，甚至收歸國有，並唔係因為賺蝕嘅問題。

#常威💀 #蔣介石平反系列 #黃金十年 #民國歷史

【常威近代史】第十部《蔣Sir狼死開拖》
▶https://play.google.com/store/books/details?id=SgE8EAAAQBAJ

Kindle版
▶https://www.amazon.com/dp/B09C2FJD3S

先睹為快，請大家捧場

#唔鍾意睇字可以聽

https://www.facebook.com/129055447762576/posts/784415038893277/