大清亡國關慈禧蛋牛治 3

✅本土唯一香港土話近代史文本

❤【常威近代史】第一部《大清亡國關慈禧蛋牛治》，全面開放，免費下載， #freedownload！

Free下載連結🔽

https://play.google.com/store/books/details?id=C3hjDwAAQBAJ

我只為了自己而活著，我只為自己的人生負責任，其他人的人生和我一概無關。我選擇躺平，只因為我想這樣做而已。我不在乎經歷什麼，只在乎最後成為什麼，這才是我的哲學角度。究竟所謂「躺平主義」為什麼會引起這麼多人的共鳴？當中的具體內容又是什麼？它有什麼獨特的地方能夠吸引這麼多年輕人信奉和實行？又或者，這個新興的「躺平主義」和我們身處的時代是否有什麼必然的聯繫？這些都是這本書想探討的問題。

【我奮鬥不奮鬥】 常公子 楊熙合著

電子書下載⬇ https://play.google.com/store/books/details?id=CVo3EAAAQBAJ

Amazon Kindle版下⬇
https://www.amazon.com/dp/B098XHWTDK

實體書訂購⬇
https://www.382now.com/product?id=325

【常威近代史】（五百六十回）
那個文人不左傾 其實係冇

進入1930年嘅3月，政局仍然動盪不堪，主要嘅事件，其實都祇不過喺集中中華民國幾個大城市內發生，我哋閱讀嘅所謂近代史，其實亦祇不過係國內幾個城市嘅歷史，其餘地方，包括住咗總人口90%以上嘅鄉村城鎮，其實大部份處於自生自滅、失去記載嘅狀態，南京中央政府固然管唔到理唔到，各地都有山頭陀地話事，低下階層絕大部份人口，佢哋嘅生命同財產（我哋已經唔講權利） 其實毫無保障可言。一個巨大國家未實現大一統，權力分散，自然就會催生依個現象。要真正有效管理一個巨大國家，權力必須由上而下貫徹所有領域，要做到依一點，大概係上一個世紀80年代之後嘅事……如果以1930年起步計算，仲有半個世紀嘅路要行，而且中間非常崎嶇同極度艱苦。

1930年3月1日，國民黨三屆三中全會喺南京開幕。3月2號，中國左翼作家聯盟喺上海中華藝術大學舉行成立大會，中國左翼作家聯盟，簡稱「左盟」，立場亦都相當清楚，傾左，反對右，反對蔣Sir同南京政府。當中出席大會嘅，有魯迅（唔係魯振順，1881-1936）、沈端先（夏衍，1900-1995）、馮乃超（1901-1983）、錢杏邨（1900-1977）、鄭伯奇（1895-1979）、馮雪峰（1903-1976）、陽翰笙（1902-1993）、田漢（1898-1968）、潘漢年（1906-1977）、柔石（1902-1931）、殷夫（1909-1931）、馮鏗（1907-1931）、洪靈飛（1902-1934）40多人。佢哋都係當代著名嘅左翼文人作家同詩人，大家睇唔睇到，有幾個都係死於1931年呢？

「中國左翼作家聯盟大會」上通過理論綱領同埋行動綱領，左聯向外宣稱：「我們的藝術不能不呈獻給『勝利不然就死』的血腥鬥爭」、「我們的藝術不能不以無產階級在這黑暗的階級社會之『中世紀』裏面所感覺的感情為內容」、「我們不能不援助而且從事無產階級藝術的產生」……相當清楚明白，左盟嘅藝術創作 就係無產階級嘅藝術創作同埋支援無產階級革命嘅藝術創作，即係以馬克思主義立場出發，今時今日睇，當然你會感覺範疇相當狹隘，但響1930年嘅文藝界，左傾絕對行喺時代尖端！當時哪個文人不左傾？愈高尚就愈左，就我自己生平所見，我就未見過有邊個大作家以右傾自居，村上春樹「雞蛋撼高牆」論，難道是右傾？成個荷里活世界，多年來亦被共和黨批評為左派嘅總基地，文人靠右行？其實係完全冇。右派點會去做作家呢？祇有帶住一點天真夢想嘅人，先會去進行文藝創作活動，難道不是嗎？本公子自己當然最清楚明白。

「無產階級革命文學」 最早由上海創造社和太陽社嘅作家們倡導，但這群以「革命的化身」 自居嘅年輕作家，卻指責左派第一號作家魯迅係「時代的落伍者」，並加以批判。魯迅出道早十幾年，當然會被年青一代指謫為「oldseafood」，實屬理所當然之事。十年一個「Generation」，其實已經相當畀面，今時今日，資訊發達互聯網世界，每一個trend 基本上維持唔到一年半載，就已經要say goodbye，out晒day，，如果我冇記錯，第一部普及嘅智能電話iphone 2 大概出現於2010年，到咗今日，只不過係區區11年嘅時間，iphone 2已經去到i phone11！（唔新plus，10年間請問你又換咗幾多部電話呢？）我成日講，時代走得太快，人靠雙腳行得太慢，一個唔小心，就會好容易被時代同科技超車淘汰，成為人間廢物。

1929年2月，創造些太陽社成員同魯迅，以及深受魯迅影響嘅作家終於達成和解，並且聯合起嚟籌備成立「左聯」，大會上，沈端先、馮乃超、錢杏邨、魯迅、田漢、鄭白奇、洪靈菲被選為常務委員，「左聯」結合整個左派上海文藝界，繼續向當權者進行意識形態戰爭！以筆桿子作武器，挑戰槍桿子！

3月4號，河北永定河北岸缺口，又唔知沖走幾多人了？3月5號，山西王閻石山會唔馮玉祥後，通電下野出洋，即係向你國民政府辭職，同你蔣Sir攤牌，積極籌備軍事行動，預備開始同你蔣Sir砌過！3月7號，上海至日本福岡新航線試飛成功，可以搭飛機去日本了。3月10號，蔣Sir任命張輝瓚（1884-1931） 為江西「剿匪」總指揮，全力撲滅紅軍星星冒起之火。3月11號，比利時內閣批准兩國關於《收回天津比利時租界協定》。3月12號，顧祝同（1893-1987）奉命擔任「討逆軍」第16路軍總指揮，率領部隊進駐濟南，以對付晉軍！戰爭一觸即發！同日教育部決定取消大學預科制。

3月13號，國民黨中常會決定以國民黨歌《三民主義歌》暫代國歌。中國最早出現嘅國歌係清末嘅《鞏金甌》，民國建立之後，曾經多次公開徵求中華民國國歌，響唔同政權主宰下，先後確立三首歌曲為國歌，不過好快都因政權交替廢止。今次議定嘅代國歌，係以孫文1924年喺黃埔軍校發表嘅訓詞為歌詞，由程懋筠（1900-1957）譜曲，於1929年被確定為國民黨黨歌。

#常威💀 #蔣介石平反系列 #黃金十年 #民國歷史

【常公子歷史頻道397回：替大軍閥平反系列之 口裡説不 身體卻很誠實 】

♊「口裡說不，身體卻很誠實」是近幾年才出現的廣東話俚語，來源應該是日本的AV，大概指謂那些電影中被侵犯的女角色，反過來出現性欲，欲拒還迎。當然一切衹是做戲，我們都知道他們在做戲，演員也知道觀眾知道他們在做戲，本來就是戲一場，大家開心便成，實在無傷大雅。但這句俚語，推而廣之，進入了人類的日常生活中，就是一件不簡單的事情。

♐ 中國儒家哲學，有一句說話叫做「知行合一」，即是口講一套，行為不可以是另一套。但偏偏社會上，就是太多知行不合一的人，口中說一套，做又是另外一套，甚至有些時候，知行分野之巨，到達令人慘不忍睹的地步。不過，要真正知行合一，又談何容易，說説總是easy，說話是容易的，實踐卻是困難的。又不過，我們真的要追求知行合一嗎？人生匆匆幾十年，未免期望太高了。

♐ 我們不得不承認的是，人類是一種充滿了缺憾的動物，尤其是在情感上，我們的脆弱比我們想像更要脆弱，我們利用說話誇大自己行為的程度，也比我們想像中要巨大得多。我們總以為自己能夠決定很多事情，其實很多事情不容我們去決定。尤其是當你活在一個社會裡，人是社會性的動物，總受到社會和客觀環境的影響而存活。當然你可以走入深山，一個人過活，做自己喜歡做的事，不過你必須要付出很大的代價，例如孤獨，例如大幅度降低自己的生活物質條件，那樣才是真正自由吧？當然選擇這種方法去得到自由的人非常少，甚至沒有。因此我們衹能靠想像力解決問題，例如想像我們如何自主？想像我們如何想做什麽就去做什麼？但一切純屬想像，真正的人，是要接受多方面的約束和限制。

✅https://youtu.be/rWrUhik7n3I

💙最新上線，請課金支持

【常威近代史】第九部《孫文之死》
https://play.google.com/store/books/details?id=evMsEAAAQBAJ

我成日喺度諗，其實世界嘅饑荒問題，一直都冇解決過，今時今日嘅中國當然係百份之九十五解決咗，但係世界上仍然有好多地方不斷有饑荒發生，例如一個巨大嘅黑暗大陸非洲就數之不盡，但係我哋自從Beyond唱過「AMANI NAKUPENDA NAKUPENDA WE WE」之後，己經冇人去理會了，Covid-19肆虐全球，大家都相當悽慘吧？但其實過去每年非洲仲有百幾萬人死於蚊子傳播嘅瘧疾，大家又有冇care過呢？二十世紀30年代嘅中國，其實喺世界中心美洲歐洲人心目中，就係我哋而家嘅非洲，喺嗰度住嘅人類，基本上並唔係正常定義下人類（Humam-Being），而係一種界乎於猿猴同人類之間嘅低等生物，呢個係真相，亦都係事實，希望大家明白。對不起，恕我引用另一個不離地嘅日常生活例子，今日嘅香港人，又有幾多個僱主視響你家中工作服務嘅菲律賓、印尼傭工（或者我哋叫姐姐）為正常定義下嘅人類呢？撫心自問一下，你就會明白好多事情。

3月31號，西藏首府拉薩告急，九世班禪額爾德尼（1883-1937）向國民政府求援，要求國民政府派兵入西藏，抵抗入侵嘅尼泊爾軍隊，上次已經講過，尼泊爾軍隊背後嘅金主係英國人。中原尚且立立亂，國民政府根本鞭長莫及，並無積極回應額爾德尼嘅SOS；今個月，江西政府懸賞五萬元同三萬元，緝拿朱德同毛澤東，從懸紅上睇，朱德比毛澤東重要。最早嘅《資本論》中譯本，亦響今個月喺上海出版，譯者係陳君修。今個月，九龍至香港嘅海底食用輸水管完成鋪設工作。

1930年4月1號，閻石山喺太原通電，就任反蔣嘅「中華民國軍」陸海空軍總司令。同日，馮玉祥、李宗仁分別係潼關同廣西桂平通電就任副總司令，反蔣大軍形成，中原大戰醞釀爆發！閻石山最後確定嘅行動係，以徐州、武漢為第一期作戰目標，分由隴海、津浦、平漢三線進攻。隴海戰線與馮軍為主力，津浦線同平漢線以晉軍為主力。響平海線以東、隴海線以南嘅三角形地帶，佈署馮軍十萬人作為預備隊。蔣軍主力如果由津浦線進攻，預備隊即殺向蚌埠，截其後路； 假如蔣軍由平漢線進攻，則出師武勝關，同樣截其後路。4月3號，受馮玉祥指揮嘅萬選才（1892-1930）部隊開始喺開封向徐州方向進攻，一路同韓複榘部隊激戰。同日山東省主席陳調元（1886-1943）下令將濟南黃河大橋炸毀。4月9號，蔣Sir到達徐州，召集將領劉峙（1892-1971）、顧祝同（1893-1987）、韓複榘、陳調元、同馬鴻逵（1892-1970），開始部隊開始部署對閻錫山嘅軍事行動！Go！

#常威💀 #蔣介石平反系列 #黃金十年 #民國歷史

【常威近代史】（五百六十二回）
你有你打 我有我生活

中原大戰快將爆發，我講過，戰爭並非會影響全部人生活，而且當時嘅中國人，大概已經相當習慣與戰爭共存，你有你繼續打仗，進行高層權力鬥爭，我有我繼續艱苦生活，拼命活著，其實都係常態，畢竟每個人所追求嘅嘢好唔同。有人喜歡揾錢，有人追逐意識形態夢想，亦有人爭奪權力，但係大部分窮人，只係求三餐一宿，安安穩穩，結婚生仔，平凡終老……1930年4月1號，第四屆全國運動會亦都係杭州開幕，22個省市一共1700名選手參賽。比賽項目有男子田徑、全能、游泳、籃球、排球、足球、網球及棒球； 而女子組亦設有女子田徑、籃球、排球同網球，本屆全國運動大會，亦以大量錯判而聞名，應該同基本技術操作有關，同外圍賭博無關，畢竟所謂做「運動」，我相信係當時有錢人嘅玩意同專利，同全國大部份窮人亦都無關，食都食唔飽？又點樣去強身健體呢？

4月2號，外交部照會英國、美國、法國、挪威、荷蘭、巴西駐華公使，中外訴訟案件以後一概由中國各省區高等法院處理，外國勢力無從插手。4月5號，既然你閻石山已經反檯，蔣Sir 亦唔使同你客氣，民國政府下令免去閻石山所有職務，並予以查辦，4月7號，閻石山甚至被開除國民黨黨籍，從今以後唔係自己人，係敵人！順我者昌，逆我者——打！

4月7號，日內瓦國際勞工局決定係中國設立分局，李宗城為局長。4月9號，猶太人沙遜集團創辦中國國際投資信託公司，並在香港註冊； 4月10號，廈門全禾汽車公司嘅便利船沉沒，189名乘客喪生； 4月12號，國民政府以「勾結叛逆，陰謀不軌」為由，下令通緝南京曉莊師範學校校長陶行知（1891-1946），陶行知字世昌，中國著名教育家，本名陶文濬，因欣賞王陽明「知行合一」學說改名為知行，後認為「行是知之始；知是行之成」，又改名為行知。佢1914年畢業於南京金陵大學，之後留學美國，曾經跟隨過實用主義大師杜威，1927年喺南京創辦曉莊師範大學，實踐其「生活即教育」嘅教育理論。上個月，該校學生集會支持和記洋行工人罷工，反對日艦停泊下關，結果學校被勒令停辦，陶知行亦被迫逃亡日本。「教育就係教育」，要同現實生活同政治分開嚟搞，唔可以撈埋一齊，否則隨時出事，今時今日，相信大家已經一清二楚。

我重申一次，講多十次都唔怕厭；太平盛世，自然有好多空間可以發揮，但係一進入亂世，或者進入戰爭狀態，所有嘅事情都會被收緊，其實亦都無可厚非，對此大家必須有所覺悟，真實嘅情況，可能比你眼見或聽見嘅更加嚴重，你可能以為距離戰爭仲有好遠，但其實稍稍觀察風吹草動，你就會知道戰爭已經近在咫尺，係隨時可以發生。

https://www.youtube.com/playlist?list=PL0RVUAILQUOvTo8JJrayjrvd_Nbjc-0Me

❤請加入常公子的近代史世界！

#常威 #廣東話 #中國近代史 #HongKong #Chinese #History

【常公子歷史頻道398回：替大軍閥平反系列之 freedom and condom 】

♊「condom」這個字眼近年不斷出現，大概約定俗成嘅意思係，有啲人被利用成為爛頭卒，上戰場掘地雷做先鋒，結果壯烈犧牲（或坐監），成為用完即棄的condom，情況相當可悲。事實上，亦都係真相。世界上總有人要成為condom，古往今來都係，冇人做先兵上前線掘地雷？那麼誰來處理前線上嘅地雷呢？誰人首先來試水溫呢？而往往，當知道自己成為condom，亦往往太遲了。所以做人千祈唔好衝動，凡事需要冷靜思考，有需要要聽多d別人嘅意見，亦唔好單一角度去理解事物，可能你會覺得我上述嘅講法有啲犬儒同廉價，不過做人首先要保護自己，其實又無錯嘅。

♐書展開幕，我同拍檔楊熙都寫咗本書應市，叫《我奮鬥我不奮鬥》，寫的是近年熱門話題「躺平主義」，大家如果去開書展，可以去「一代匯集」1C-E02揾揾支持吓。每年書展，我都相當感慨，忽然間發現香港原來有好多好多「書迷」，會大手買書，慷慨解囊。但係真實嘅情況似乎係，買書嘅人都會集中喺每年嘅書展買一次，平日其實好少人買書睇。因爲我非常清楚出版市道，究竟香港人有幾多鍾意睇書？或者仲會睇書？我心中有數。閱讀風氣，近年急劇下滑，大概同智能電話高速普及有關，大概亦同人喜愛睇聲睇畫唔鍾意睇文字有關，閱讀文字，根本已經過了期。將讀書作為一種娛樂，避免太沉悶； 如果將讀書作為一種人生投資，又未免太不切實際，所以有少少兩頭唔到岸。

♉閱讀，可能只係屬於香港少數人嘅娛樂或興趣，大概香港嘅完善圖書館系統已經足夠應付有凸，掏錢買書，係非常奢侈，不過去開一年一度嘅書展，作為一個假日節目，總不能空手而回，買幾本書做紀念品回家擺切，亦是正常吧？又可能你會問，既然咁悲觀又放負，但點解我會繼續寫書？一來，一直做開嘅嘢冇理由唔做，大概係一種習慣；二來，總要有人做condom去送死，世道本來如此這般，總要有人行向地雷陣吧。

✅https://youtu.be/rG0FOTFaISU

💙最新上線，請課金支持

【常威近代史】第九部《孫文之死》
https://play.google.com/store/books/details?id=evMsEAAAQBAJ

【常威近代史】（五百六十三回）
中原大戰爆發

蔣Sir同閻錫山、李宗仁、馮玉祥嘅恩恩怨怨，始終需要用戰爭來解決，佢哋四位，曾經係盟友關係，共同結束咗北洋軍閥時代，令中華民國邁向新一頁，但只不過功成之後，出 現分贓不勻情況，由盟友變成敵人。

分贓不勻？其實永遠都會發生，世界上冇絕對嘅公平，勝利者總想獲得更多嘅勝利果實同實際利益，失敗者總想減低損失及逃避責任，其實係人性嘅表現。世界上根本就冇「公平」存在（公義可能有，但公平一定冇），因為所謂公平基本上係一種人類嘅心理狀態同直觀感覺，每個人對個別狀況所感覺到嘅嘅公平狀態，都有唔同嘅觀點與角度—— 即係話你覺得公平，別人就覺得唔公平，一個人亦永遠冇辦法同所有其他人取得絕對及一致嘅共識，呢啲事每日都會響日常生活中發生，況且所謂「利益」，亦好難全部用數字實質量化（95%以上可以用金錢量化，但未必全部都可以），好多時候都係純粹心理感覺。王家衛《東邪西毒》講「旗未動，風也未吹，是人心自己在動」，一啲都冇錯，但邊個唔心動？我哋又唔係少林寺方丈。因此好話唔好聽，一係就係你蝕底，一係就我蝕底。又，唔怕蝕底係一種修養，但收養並唔係一種智慧，好多有修養嘅人毫無智慧，反觀有智慧嘅人好多都冇乜修養，但如果兩者兼備，又有修養又唔怕蝕底，亦唔會出去同人爭權奪利喎，一早出家成為大僧啦，係咪先？

仗未打之前，補充少少資料，1930年嘅4月，國民政府中央銀行發行金單位本票，即係印銀紙籌旗吐現cap水，有乜嘢藉口大得過保家衛國開火打仗呢？另外，同月工商部對9省27市進行調查統計表明，全國共有各行各業工會741個，會員人數576,000人，以當時中國人口4億人計算，數目仍然少得可憐，亦可以反映出1930年代嘅中華民國，依然係一個農業國家，全國大部份人口都係低教育水平嘅農民，而且農村鄉鎮欠缺管理同規範化，距離全國全面工業化，其實仲有成百年嘅路要行。

1930年5月1號，蔣Sir 喺中華民國首都南京發表《討伐閻馮誓師詞》，出師要有名，仗唔可以鳩打嘅，內裡表示「仗義討逆，不辭犧牲」，大仁大義，正義永遠企在自己一方，或者簡單啲講，我就係正義嘅化身，如果你相信正義，就衹能夠相信我。我個人亦好相信閻石山開打中原大戰之前，亦一定有一篇類似嘅誓師詞，可惜我搵唔到資料，點解呢？相信大家心中有數。

5月1號，蔣軍同馮軍喺河南錫山交火，中原大戰正式宣佈全面爆發——未開始之前，我真係想補充一句，如果冇呢一場所謂中原大戰，亦唔會有之後嘅所謂918事變，冇918事變，大概1937年中日亦未必爆發全面戰爭，冇中日戰爭，就唔會點點點點點點點……因此，發生係1930年嘅中原大戰，可以講係牽一髮動全身，改寫整個中國近代史。當然我咁講其實係多舊魚，不如話冇辛亥革命，慈禧太后長命百歲仲好啦。

5月11號，坐鎮徐州嘅蔣Sir下令總攻擊令，想嚟個快刀斬亂麻，蔣軍精銳劉峙（1892-1971）嘅第二軍團，陳繼承（1893-1971）師、顧祝同（1893-1981）師、陳誠（1898--1965）師沿隴海線猛烈嚮前推進，馮軍萬選才（1892-1930）部隊退歸德。

5月16號，何成濬（1882-1961）嘅第三軍團沿平漢線進逼許昌。5月18號，隴海線蔣軍攻佔歸德，蔣Sir親赴歸德前線督師，指揮第二軍團進攻蘭封。5月20號，萬選才部將劉茂恩陣前倒戈，誘捕萬選才，萬選才被捕被押向南京，其勢力範圍盡歸蔣軍之手，萬選才到達南京後，曾被蔣Sir勸降不果，之後被軍法槍決。

5月23號到25號，兩軍主力喺蘭封以東交火，短兵相接，雙方死傷慘重，最後以劉峙部隊失敗告終，此後蔣軍喺隴海線陷於被動狀態。平漢線上，何成濬部隊直至6月7號才艱難地攻下許昌，3日之後，6月10號，馮玉祥下令反攻，激戰兩日兩夜，逼使蔣軍向漯河以西潰退。早響6月8號，揮軍北上嘅白崇禧、張發圭部隊攻陷岳陽，與閻石山馮玉祥部隊遙相呼應，前後夾擊蔣軍。在津浦線同膠濟線上，晉軍博作義（1895-1974）部隊也連連得手，蔣軍第一軍團司令韓復榘不得不於6月下旬放棄山東濟南。大家亦應該記得傅作義依個名字，他就係後來1949年投降中共，和平解放北京的守城將領，並於後來擔任中華人民共和國首任水利部部長，晚年任全國政協副主席。

到咗6月下旬，蔣軍全面失去優勢，雙方陷入拉鋸戰，蔣Sir只有「苦撐待變」，當然變數就係東北兵多錢多嘅少帥張學良。

去返1930年5月頭，5月4號，一單轟全國嘅騙案喺上海開始審理，主犯楊樹林以重利吸金47萬元後潛逃（割韭菜），此案係上海開埠以來第一大騙案，祇不過，其實都係家常便飯，呢個世界冇咁大隻蛤乸隨街跳，所有高息存款，其實都係龐氏騙局，衹要入金多於出金，就能夠一直呃落去，衹要唔潛逃，個雞棚仲響度就冇問題，其實上述嘅案例，可以套入所有財經割韭菜遊戲裡面，其實遊戲嘅玩法祇有一個，就睇吓你點去演繹？同做得好唔好睇啫？

#常威💀 #蔣介石平反系列  #黃金十年 #民國歷史

😎【碌葛男人嫁得過】

https://play.google.com/store/books/details?id=e1N7DwAAQBAJ

❤download電子書，可以救地球

【常公子歷史頻道399回：替大軍閥平反系列之 東北有班陀地圍威喂 】

♊Covid-19 施虐全球近兩年，似乎仍然沒完沒了！歐洲已經頂唔順，要全面通關，咩嘢防疫清零，全部變成bull shit，挽救經濟比抗疫更重要，否則死得人仲多。大家要睇歐洲國家杯，都響電視機睇到根本冇人理會所謂防疫措施，全部人唔戴口罩，似乎大家都只希望過返正常生活。我仲記得由一開始，前任美國總統Donald Trump 已經抱住呢種睇法，要將Covid-19 當成普通感冒看待，一隻死亡率祇有0.02%嘅病毒，實在冇需要大費周章煞停一切經濟活動對付，截至目前為止全球感染人數為189,239,053，死亡人數為4,070,341（2021年7月16日數據），Donald Trump可能無錯，祇不過行得太前，不過，Covid-19 嘅破壞力亦比他想像大，起碼令佢唔能夠連任，以短馬頭位輸比笑騎騎放毒蛇嘅拜登。

♐全球疫苗已經開打咗超過半年，各式各樣嘅疫苗有冇效？應該係有嘅，單睇數字，整體感染率可能冇降低，但係重症死亡率喺某啲國家就出現回落現象。不過呢啲都唔係重點，最重要係有群眾有疫苗打，大家就放心鳥，其實又係打交嘅最高境界——「心理戰術」 嘅最佳演繹，有實際用途又好？作為一種藉口又好？安慰劑又好？掩眼法都好？總之疫苗出現了，大家就有個口實全面恢復正常經濟活動，否則貿貿然全面開放當冇件事發生，咁之前兩年所有野咪即係「鳩做」？人類嘅行為其實好on9，但唔可以直接承認on9，否則human-being樽鹽何在？

♈ 所以疫情到現在又有新嘅路向，既然大家都心裡有數，再唔可以咁樣繼續封（瘋）落去，大家就要找尋一個說法全面恢復經濟活動，將Covid-19同注射疫苗融入日常生活中，成為生活嘅一部分，去全面適應同習慣，我相信都2021年年底，或2022年年頭就會出現一個大變局，一切都會好快回復正常，亦需要全面回復正常，因為已經有好多國家頂唔順，如果大家唔想打仗，唔想生靈塗炭，就應該儘快習慣同Covid-19一齊生活，我指嘅係正常生活。不過有失必有得，由於疫苗成為整個遊戲中唔可以缺乏一個重要（心理）因素，因此全球藥廠應該響未來十年八年大賺特賺了。

✅https://youtu.be/kFf-O6jWW9U

💙最新上線，請課金支持

【常威近代史】第九部《孫文之死》
https://play.google.com/store/books/details?id=evMsEAAAQBAJ

【我奮鬥不奮鬥】 常公子 楊熙合著

電子書下載⬇ https://play.google.com/store/books/details?id=CVo3EAAAQBAJ

Amazon Kindle版下⬇
https://www.amazon.com/dp/B098XHWTDK

實體書訂購⬇
https://www.382now.com/product?id=325

書展到貨
常公子 楊熙合著【我奮鬥 不要奮鬥】
書展出擊（一代匯集攤位1C-E02見）

請大家捧場

【常威近代史】（五百六十四回）
世上真係好多賊佬

中原大戰爆發期間，一切如常發生，人民生活嘅步伐依然嚮前行，畢竟軍閥間嘅戰爭都唔係你死我活嘅遊戲，比起之後嘅中日戰爭同國共內戰，其實相當輕微，戰爭可以分幾個層次，去到最後先係「殲滅戰」，殲滅戰就係唔係你死就係我亡，所以要將敵人趕盡殺絕，並冇任何妥協餘地，希特拉對猶太人就係打殲滅戰，因此用上大屠殺嘅手段進行；美國將原子彈掟落廣島長崎，亦係要話比日本人知，如果再唔投降，就會趕盡殺絕，一個也不留低。所以去理解一場戰爭，必須要明白究竟係咪一場「殲滅戰」？抑或祇係一場普通戰爭？兩者有好大分別。

1930年5月5號，國民政府確令今日為國曆端午節，通令全國放假，中國人開始有「端午節」假期了。5月6號，國民政府正式公佈《商標法》；同日，《中日關稅協定》 喺南京落實簽署，日本承認中國關稅自主，呢一個係一個非常重要嘅里程碑，因為中國同日本地理相接，無論係政治同埋經濟方面都關係密切，其實之前美國、英國、法國、比利時、荷蘭等國家都分別承認咗中國關稅自主，唯有日本百般拖延，《中日關稅協定》中，承諾比日本最優惠國待遇，保證廢除厘金，規定喺三年內，維持棉貨、海產品、麥粉、綢緞等現有進口稅率為日本貨物嘅最高進口稅率。

同日有單新聞幾得意，川康邊防軍喺康定建立鑄幣廠開工，1930年，康川邊防軍二旅旅長馬驌感到現金支付困難，徵得邊防總指揮劉文輝（1895-1976）嘅同意，喺康定建立鑄幣廠印銀紙，機器同技術人員都係嚟自成都等地，鑄幣種類同成都相同，但成色低於成都。睇到呢段歷史，我都感覺非常奇怪，唔夠錢找數就鑄幣印銀紙？咁個世界咪好簡單好easy？如果每個人都可以響屋企個laser printer印銀紙，你估又會發生乜嘢事呢？由此可見，當時嘅中華民國，要執嘅嘢實在太多太多，一時三刻，實在好難搞得掂。呢個世界，其實最難搞嘅嘢，祇有一個字，叫「窮」。

相信你同我，同埋世界上大部分人一樣，每日都係面對一個「窮」字，我們千方百計想擺脱貧窮，但永遠就衹能夠喺貧窮泥濘之中打滾，所以所有問題，其實都係經濟問題，只有少部分唔係，唔講錢去睇歷史，絕對係嘥氣。

【我奮鬥不要奮鬥】節錄

"躺平主義者用手擦去口角的嘔吐物，才説：「每一次我聽見這些把道德律高舉成超驗存在的偉論，我都會嘔吐的。什麽善和惡、黑和白、是與非、對與錯，其實都是不存在的，統統都是相對的。什麼『孺子將入於井』這些幾千年老掉牙的説法，其實完全站不住腳，我們看見有孩子跌入井有心理反應，只是社會上的約定俗成習俗而引發的心理條件反射，用這個例子就可以推論人本性向善？這個就是淺陋中國哲學永遠比不上精密西方哲學的原因啊！朋友啊，我們已經活在21世紀的現代世界了，這些古代教條主義，早在100年前『五四運動』已經被徹底揚棄了。更何況，我們所處的世界，並不需要善和惡，我們只需要『正確』和『不正確』，而所謂正確和不正確，並非是先驗的，是會隨著時代和社會生產關係不同的需要而改變其標準及內容，所謂道德律，也並非先於經驗而存在的神聖事物，你口中的哲學，都是一樣，哲學的存在，其實都是為了獲取實際利益，或為了成為社會的維穩工具而才有其存在價值。請容許我用二十世紀初期分析哲學家的結論，所有的哲學、特別是形而上學都是不存在的，存在的只是語言和數學邏輯，所以請你不要把自己和哲學看得太高，也不要認為拋出幾個老掉牙的道德例子就可以改變世界或改變我？事實上，這個世界不需要我們去改變，我也不需要任何人或哲學改變我，我對我自己的想法一清二楚，我認為每一個人只需要為自己活著，為自己負責任，世界上每一個認為自己是為他人、或者為整個社會和整個制度活著和能夠作出貢獻的人，其實都是大傻瓜，當然也包括朋友你這種人在內。」

作者説：「我的想法和你不同，我是捍衛所有哲學都為了找尋道德律的基礎而存在的信徒，否則哲學真的沒有任何存在價值可言。不過，像你這種不將道德律放入眼內的人，無疑是為這個世界增加災難發生的可能性。」

躺平主義者説：「但我想問，難道高舉道德律的重要性，這個世界便沒有災難，放在我們眉睫的問題，就是人類已經用了百多年的時間就摧毁了我們賴以為生的生態系統，在不久的將來，我們將會面臨一次滅絕的巨禍，那麼，過去數百年的所謂哲學和道德思考，對我們又有什麼實際的裨益哩？而且眾多哲學系統，大家對道德律的先驗基礎都有不同的演繹，當然大部分都是沒有答案的。與其是這樣，我們倒不如相信世界上首先出現的第一套哲學——『快樂主義』——Hedonism——人生最高的目的，就是為追求肉體的快樂和滿足。想當然也很多人認為這是非常庸俗的說法，但其實地球上大部分人都是履行著『快樂主義』為生存原則，難道我有錯嗎？」

作者説：「你並沒有錯，但揚棄庸俗，追求高尚，都是一種快樂；而且我認為精神上的快樂是存在的，而且比純粹肉體的快樂來得高尚。」


👉常公子 楊熙 合著【我奮鬥不奮鬥】

電子書⬇
https://play.google.com/store/books/details?id=CVo3EAAAQBAJ

實體書⬇
https://www.382now.com/product?id=325

【常威近代史】（五百六十五回）
輕鬆借錢輕鬆還易借易還

1930年5月23號，桂系李宗仁揮軍進入湘南，直接參與蔣Sir同閻錫山馮玉祥大攤牌嘅中原大戰； 5月24號，第九屆遠東運動會喺日本東京開幕，中華民國一共派出113人參賽，遠東運動會（Far Eastern Championship Games）係亞洲最早嘅地區性綜合運動會，由菲律賓、中華民國、日本三國發起，從1913年到1934年分別喺菲律賓、中國、日本三國共舉辦了10屆遠東運動會。1934年日本堅持將「偽滿洲國」拉入遠東運動會，遭到中華民國抗議並宣布退出遠東運動會，遠東體育協會宣告解體，遠東運動會亦隨之停辦，之後日本組織舉辦咗東亞競技大會以接替遠東運動會。之前亦提過，二次世界大戰之前，菲律賓其實係東亞一個有食力嘅國家，至於今日點解會搞成咁？歷史畀咗我哋好多啟示。

5月26號，蔣Sir再委任李明揚（1891-1978），朱思明、衛立煌（1897-1960）為江、浙、皖三省「剿共」總指揮，負責打擊紅軍發展。5月27號，國民政府抗議駐長春日軍舉行軍事演習，你有有抗議，日本人繼續軟硬兼施，逼迫中華民國，鬼叫你唔「合邦」，一早合邦，合二為一咪冇咁多事囉。所以你都咪話，新馬仔光緒皇帝其實有先見之明，因為佢響19世紀末期已經讚成合邦，只可惜佢走在時代太前鳥。5月28號，上海查獲大批走私軍火，當時嘅中華民國，黑市軍火一定係大生意，打仗需要槍炮子彈，維持政權同地方勢力亦都需要槍炮子彈，單單講意識形態同夢想，其實係冇用嘅。

進入1930年6月，中原大戰打到慶烚烚，6月3號，上海銀價繼續下跌，金價繼續暴昇，實體黃金成為搶手貨，我諗，蔣Sir係想建構一個完整嘅「金本位」中華民國貨幣系統，以維持貨幣穩定，發展經濟，當然想就容易，做就困難重重，眼見日本響二十世紀初已經做好「金本位」 貨幣系統建構工作，因此貨幣有信用，國際流通，國力欣欣向榮，成為世界頂頭列強之一。

點解中國做唔到？原因有一億個，但其中一個好重要，就係中國自19世紀中葉開始，就將銀根交到外國人手上，而日本一直努力勒緊褲頭，保持經濟獨立自主，捱餓都唔向列強借錢渡日。其實依個故事，亦都係日常生活嘅故事，開口埋口就係借借借，你估借咗唔使還咩？到個雪球越滾越大，卡數堆積如山，咁就一世，永遠都還唔完，呢啲故事，喺今時今日嘅香港每日都發生，一個公屋仔冇人冇物出身，揾萬零兩萬蚊一個月，欠30-40萬卡數就成世玩完？做人其實好化學，30-40萬喺今日香港又係乜嘢錢？靚車都買唔到一架，所以我每次見到電視上借錢廣告，叫人輕鬆借錢輕鬆還易借易還，我都會好反感。不過話說回頭，「債」 喺個社會嘅基本運作方式，冇人借錢、冇人還錢、冇人還唔起錢、亦都唔會構成所謂資本主義金融經濟系統。

6月5號，白崇禧部隊佔領長沙；6月7號，中華民國農礦部推算中國失業人數係1.7億左右。吓？1.7億？當時全中國大約有4-5億人，1.7億人失業如果係真，即係失業率達到40%以上！不過亦唔可以怪曬中華民國，因為1930年，大蕭條（Great Depression，又稱經濟大危機）已經開始咗，美國華爾街炒爆咗崩盤係1929年10月24日至10月29號，之後金融危機，火燒連環船蔓延全世界，一次全球性經濟大衰退拉開序幕，最嚴重嘅係，由30年代開始，全世界人均所得、稅收、盈利、價格全面下挫，國際貿易銳減50%，美國失業率飆升到25%，有國家甚至達到了33%。全世界各大主要城市全部遭到重創，特別係依賴重工業的地區。不過，1930年，中華民國嘅失業率已經係40%以上，我不禁要重申一次，喺當時嘅國際社會之中，其實所謂中國，祇不過係非洲嘅埃塞俄比亞或剛果。

6月9號，援湘粵軍攻佔衡州，威脅桂軍後方，令桂系未能全力投入中原大戰打擊蔣軍；同日，英國僑民白來德因為車死中國學生，被漢口法院提起公訴，成為受中國法律制裁嘅第一位外國人！成為受中國法律制裁嘅第一位外國人！成為受中國法律制裁嘅第一位外國人！重要嘅嘢真係容許我講三次，差不多足足100年時間，先有第一個外國人正式被中國法律制裁，say again，同一時間，世界上又已經有幾多中國人被外國法律製裁咗呢？有人將民族恥辱睇得好大，亦係依個原因，因為事實上亦都係咁發生。不過亦唔好將今日嘅感情放響當時嘅世界，當時，埃塞俄比亞，就係埃塞俄比亞。

6月9號，中華民國首都南京第二屆舉行嬰兒健康比賽會，經過3日比賽，於今日選出冠軍，本屆嘅小優勝者係一歲女嬰何潔齊，比賽吸引咗大量年輕父母帶佢哋嘅兒女參加，南京第一公園，連日來熱鬧非常，觀眾如雲，遍欣欣向榮，國泰民安； 6月11號，上海《民國日報》報導，中原大戰西安圍城時所挖嘅戰壕，已經埋葬25萬餓死嘅災民。點解會有咁大嘅反差？兩個唔同嘅平行時空，原來可以共存於同一時間、同一個國家之中？其實相當痴鳩線。

#常威💀 #蔣介石平反系列 #黃金十年 #民國歷史

【常公子歷史頻道400回：替大軍閥平反系列之 海豐農民大王 】

♊ 常公子頻道去到400回，可喜可賀，首先多謝大家支持，再多謝阿潮一直伴我同行，不離不棄，希望有500回，有600回，1000回……老實講，有時候我都擔心有一日唔可以做落去，或者自我審查程度擴大至我不能夠接受的地步，不過到今日都未發生，我會繼續嚮前行。但不過如果有一日真係發生咗，亦都係世道常態，唔需要奇怪，畢竟天下無不散之筵席，杯盤狼藉後，就要向過去道別，邁向新一頁，做其他嘢過活。

♑早幾日，在急症室侍了四個多五個小時，見盡眾生百態，我所睇見嘅係，有老人家送入嚟，情況有輕有重，但係從來無停止過，一個接一個十字車到埗，香港同好多其他亞洲地方一樣，人口老化問題相當嚴重，嚟緊十幾二十年，將會更加嚴重，香港嘅醫療系統，亦會面對更巨大嘅壓力，香港目前已經係世界上人均壽命最長壽嘅地區之一，理由亦因為有一個完善嘅公立醫療系統存在。好多人根本冇諗過，所謂公立免費醫療嘅開支，實在係非常龐大，所以連世界第一強國美國都係冇嘅，未來會點？真係冇人會知道，但係總不能「存而不論」、「拖得就拖」。

♐這幾日，我都不停在思考一個問題——「究竟眾生是什麼？」 我哋存活在世上，好多時候只係睇見身邊所發生的事物，同埋接觸身邊所接觸嘅人，思想往往非常狹隘，我哋係眾生之一，但係往往不見眾生，只看見自己。對整個世界嘅圖象，往往亦只係純粹發自於個人嘅幻想，所以有人覺得個社會好公平，亦會有人覺得社會已經毀爛不堪。但，真正嘅世界真正嘅衆眾生係啲乜嘢？其實我哋一啲概念都冇，亦由於我睇見嘅世界同你睇見個世界完全唔同，於是乎產生咗落差，亦產生爭拗同仇恨。互聯網世代出現之後，眾生更加離散，每個人都有自己嘅世界，亦無需要接觸他人嘅世界……

✅https://youtu.be/u7YttqnlO8k

💚【我奮鬥不奮鬥】 常公子 楊熙合著

電子書下載⬇ https://play.google.com/store/books/details?id=CVo3EAAAQBAJ

Amazon Kindle版下⬇
https://www.amazon.com/dp/B098XHWTDK

實體書訂購⬇
https://www.382now.com/product?id=325

【常威近代史】第九部《孫文之死》
https://play.google.com/store/books/details?id=evMsEAAAQBAJ

amazon同步上架👍請大家大力支持！
https://www.amazon.com/dp/B094D663XH

【常威近代史】（五百六十六回）
兩條路線之爭 城市 vs 農村

1930年6月11號，國民政府外交部發表聲明，唔承認上海租界華洋德律風公司出賣電話營業權予國際電報電話公司，認為該項營業權應由中國政府出資收回，中國嘅電話業務，無論喺華界、租界都應該歸中國自辦，又係國中有國嘅基本問題。上個月，上海租界華洋德律風公司將電話營業權投標出讓，國際電話公司中標，得到租界工部局給予40年營業專利權。中華民國交通部認為呢件事侵害中國主權，於是寫信函請外交部向租界當局交涉。

6月3號，交通部發表收回上海租界電話理由書，指出租界當局奪取華商股權，授予外人，又指出，若政府不及時交涉收回，此做法勢必成為他日收回租界時嘅大障礙。經過成個月交涉，7月31號，上海租界工部局董事會唔理中華民國外交部反對，正式批准華洋德律風公司依照合同辦事，將電話專營權出售比國際電報電話公司，由此可見，上海租界仍然勢力龐大，鬼叫你有錢咩？冇錢邊有得惡先？

6月11號，實際主持中共中央工作嘅中央政治局常委，中央宣傳部部長李立三（1899-1967），喺上海召開中共中央政治局會議，會議通過咗由李立三起草嘅《新的革命高潮與一省或幾省的首先勝利》決議。決議認為「中國經濟政治的根本危機，在全國任何一處都是同樣繼續尖銳化，沒有絲毫根本的差別」。李立三指出「中國新的革命高潮已經逼近到我們的面前了」，「有極大的可能轉變成為全國革命的勝利」。決議要求中共喺全國各中心城市發動工人罷工同武裝暴動，要求紅軍「與主要城市的武裝暴動配合，奪取政權，建立全國革命政權」，指示紅軍「過去的遊擊戰術要根本的改變過來」。呢個就係所謂李立三路線，同毛澤東一直堅持嘅農民路線遊擊戰略，有基本上嘅分別。簡單啲講，亦都係「城市人」同「農村人」嘅分別，係「傳統馬克思主義組織工人發動革命」同 「毛澤東農民路線，以鄉村包圍城市」嘅分別。

李立三稍後制定咗全國中心城市起義，同埋集中全國紅軍主力進攻中心城市嘅大計劃。佢命令紅三軍撤斷武漢、長沙鐵路，進逼武漢；紅一軍進取南昌、九江；紅二軍團配合紅一軍進攻武漢；紅七軍進攻柳州、桂林同廣州。

6月12號，日本藉口延邊有共產黨活動，陳兵於圖們江東岸； 6月15號，蔣sir軍隊喺海軍嘅援助下，重新佔領岳陽，李宗仁白崇禧率領嘅桂系部隊退出長沙； 6月16號，閻錫山任命嘅天津稅務師，閻馮軍總司令部顧問辛博森，今日會同天津市政府及警備司令部代表接收天津海關。原來嘅天津海關稅務司勃爾逃往英國領事館避難，如果冇錯，辛博森同勃爾應該都係鬼佬。

辛博森接收天津海關口後，發表聯合聲明，指出對於擔保債務部分之關款，按舊案妥善保管，所有該關收入稅款，存放原指定銀行，即係基本格局不變，只係換咗個牌頭。6月18號，國民黨中央就此決議辦法三則：第一照會英國公使驅逐辛博森出境； 第二關閉天津海關； 第三天津海關稅款由大連青島海關代徵。6月19號，外交部照會各國，正式取消天津海關。