大清亡國關慈禧蛋牛治 3

1001 回覆
42 Like 34 Dislike
2021-12-21 19:11:46
[常威近代史]第六百二十六回 日本承認滿州國(高清錄音版)

#唔鍾意睇字可以聽

https://fb.watch/a1r_s6xZSk/
2021-12-23 11:53:43
【常公子歷史頻道436回:替大軍閥平反系列之 風吹雞蛋殼 財散人安樂】

♊ 近日嘅新聞,總離不開王力宏事件,似乎無論任何時代,娛樂八卦新聞總係有最大嘅吸引力,畢竟評論明星演員歌手,都是無傷大雅,無傷大雅得啖笑,就是最好。明星演員歌手這種行業本身,就是渴望被人評論和關注,「人氣」就是「財富」,好似股票一樣,有波幅總比冇波幅好,一潭死水大家冇著數。因此我都趁下熱鬧,講講我對王力宏嘅印象。

♑ 作為一個樂迷嘅我,應該冇買過一張王力宏嘅CD,我都好喜歡聽臺灣國語歌,蕭亞軒是我至愛,但就係總唔能夠接受到王力宏同周杰倫,我自己都感覺非常奇怪。靚仔就係必然,最近因為事件發酵,仲知道王力宏原來係書香世代,王力宏太公許鳳藻仁係晚清軍人、海軍少將,祖母許留芬係清華大學才女,會計專家,著有會計學原理、會計學辭典等書;舅公許倬雲是當代史學權威,中研院院士;另一舅公許翼雲做過台灣嘅原子能委員會、姨丈李模做過蔣經國時代嘅教育部次長、李登輝時代嘅內閣政委;父親係腦科醫生。真係粒粒皆星,乜嘢叫贏在起跑線?咁就叫做贏在起跑線勒。其實好多公眾人物大明星,本身都好有背景,好多時候,背後嘅助力比才華更重要,機會唔係人人有,有一手好牌,就睇你點打?因此Mirror同姜濤好叻仔,因為佢哋冇乜背景。(雖然我都唔鍾意佢哋啲歌)

♊ 唔知點解,可能我年紀比較大,我總係覺得王力宏事件都係一樁經濟問題,就係同錢有關,應該係分贓不勻,結果有人爆大鑊,拉埋你落水,可能我嘅諗法太市儈,不過凡事用錢去考慮,脈絡就會清楚好多。不過老實講,我哋嘅人生好多時候都係畀錢控制,有人話「人」 係一個獨一無二嘅自覺主體,而我則認為,所謂「人」,只不過係一種經濟社會性動物。至於出軌問題,有時候就感覺更加荒謬,靚仔靚女當然容易出軌,人之常情。公眾認為明星演員歌手政客老師教授社工醫生護士必要有良好道德操守,都祇不過係一廂情願,大家都係人,英諺有云「No man is an island」(沒有人是孤島),其實眾生平等,你覺得某個階層嘅人應該要有更強嘅道德操守,可能祇不過係階級不平等嘅表象,難道地盤工廠工人司機外賣員清潔保安,就唔應該有更強嘅道德操守嗎?

🎦https://youtu.be/OMPHFqzGH_o
2021-12-23 19:20:44
[常威近代史]第六百二十七回 1932年已經有五億人了(高清錄音版)

#唔鍾意睇字可以聽

https://www.facebook.com/129055447762576/posts/863287834339330/
2021-12-25 12:54:19
【常公子歷史頻道437回:替大軍閥平反系列之 黑社會社團政治模式】

♊ 今天是聖誕節,祝大家聖誕快樂。

♒ 今天忽然發現自己沒有什麼想寫下來,不如就不寫了。能收能放,可能是好事。

🎦https://youtu.be/B9p7THGMnbM
2021-12-26 18:22:46
[常威近代史]第六百二十八回 關東軍真係睇穿晒佢哋籠嘢(高清錄音版)

#唔鍾意睇字可以聽


https://fb.watch/a7_YyncbPj/
2021-12-27 13:37:33


【常威近代史】(六百二十九回)
無厘頭講咗一集希特拉

1932年,日本開始給予中華民國空前嘅軍事壓力,除咗東亞的局勢開始失控,其實全世界都陷入失控嘅狀態之中,之前嘅經濟不景氣蔓延全球,當時好多西歐先進國,失業率好少低過10%,1932年4月,德國嘅經濟陷入谷底,官方公佈嘅失業人數不低於600萬人,以當時德國人口6500萬人計算,減去未成年或退休人口後,600萬嘅失業人數可能接近20%~30%失業率,而且我哋仲未計算當年婦女出外工作嘅比例係非常低,更重要嘅係,呢個祇不過官方公佈嘅(樂觀)數字,德國嘅真正失業情況,可能比想像更加嚴重。就算係30年代嘅大英帝國,估計失業人數亦超過500萬人。人窮志短,面對絕路,生命就自然會找尋新出路。

1928年,納粹黨員仲未夠10萬人,喺德國國會嘅491個儀席中僅佔12個,真係屬於少數派嘅少數派,同今日共產黨係歐盟嘅議席比例相若,但去到1932年嘅國會選舉中,只係區區四年之間,支持納粹嘅選票佔全部選票嘅37.3%,納粹黨喺國會議席增加到230席,成為國會第一大黨。希特拉嘅魅力、同埋戈培爾嘅現代選舉宣傳策略固然重要,但係最重要嘅都係現實問題,納粹嘅崛起,係直接同嚴重嘅國內經濟危機有關。原本嘅德國,因為經濟環境急劇惡化,統治階級採用貨幣貶值、削減工資、削減失業救濟金、養老金以及提高稅率等辦法,力圖將經濟危機嘅重擔轉嫁到勞動人民身上。因此,飽受失業同埋破產之苦嘅德國人民,對現存自由民主威瑪共和國政權極端不滿,強烈要求改變現狀。希特拉企出來,承諾自己執政後一定能夠振興德國,擴大德國嘅生存空間,徹底改變人民生活狀態,結果相信佢嘅人大增,當然最大嘅問題係,希特拉唔係一般順口開河嘅政客,佢係顛嘅,答應選民嘅事情,佢真係去做,真係用武力拓展德國嘅生存空間,因此爆發第二次世界大戰,引發一場驚世大災難。

有陣時,我哋成日鬧D政客亂開空頭支票,但係如果佢哋答應嘅事情,之後會做,好多時候大家又會唔like,近代最顯著嘅例子有Donald Trump; 近幾年中國都係,就係因為要堅搞堅發展,所以先會比美國認定為最大敵人,假如大家圍威喂,大家和稀泥,你睇我唔到,你睇我唔到,可能就會乜事都冇,不過如果乜事都冇發生,受苦受難嘅通常又係一般民眾。
2021-12-27 13:37:45
講開1932年嘅德國,不如講多少少。除咗貧苦大眾、失業青年、貧困農村人口支持納粹黨外,納粹黨亦都全力爭取最上層資本家嘅支持,1932年1月27號,希特拉就應邀出席咗一個喺杜塞爾多夫(德乙)秘密舉行,有300個大資本家參與嘅會議,當時佢發表咗一篇長篇演說,例牌攻擊民主制度,認為威瑪共和國自由民主議會制度係破壞德國經濟嘅元兇,只係包庇剝削同貪汙嘅國王的新衣,希特拉鼓吹日耳曼種族優秀論、反猶主義,並且大力批評蘇聯布爾什維克嘅共產主義,佢聲言如果唔阻止共產國際主義蔓延,整個世界將會變成廢墟。喺會議上,希特拉承諾如果取得政權,佢將會向資本家提出空前龐大嘅軍事訂單,重建一支強大嘅德國軍隊,全力向歐洲拓展生存空間。去到1932年11月,德國嘅上層建築資產階級財閥巨頭,似乎已經決定投注響希特拉同納粹黨身上。你話佢哋有冇得揀?其實我相信有,不過又係嗰句,人到絕路,與其等死延長痛苦期,不如放手一搏,99倍中咗就一天光曬; 另外仲有一個心理因素好少人講,就算唔中,我放手一搏,至少可以製造混亂,順便拉埋人哋落水,點解人哋可以活響天堂?我哋則活在地獄?點解?不如齊齊攜手進入地獄受苦受難,真係正所謂「不患貧而患不均」,用香港現代嘅術語,應該叫做「攬炒」!

1932年11月,幾十個工業家、銀行家同大地主聯名向德國總統興登堡( Hindenburg,1847-1934)寫了一份志愿書,要求佢任命希特拉做總理。1933年1月,興登堡任命希特拉為總理,成立多黨聯合內閣,最初,內閣之中只有三名納粹黨黨員,保守勢力仲以為可以束縛著納粹黨嘅手腳,不過佢哋大錯特錯,1933年2月1號,希特拉宣佈解散國會,於3月5號舉行大選,1933年2月27號,仲發生咗嗰單驚世嘅自編自導自演「國會縱火事件」,希特勒順勢剷除共產黨,將81個共產黨議員逐出國會,同時頒佈《消除人民和國家痛苦法》,即係《授權法》,《授權法》 授予希特拉政府為期四年的獨裁權力,喺呢段期間,政府毋須國會同意就有權頒佈任何法律,之後國會名存實亡,資產階級議會民主制度喺德國不再存在,7月14號,希特拉更加宣佈「民族社會主義德意志工人黨是德國的唯一的政黨」,多黨制亦被消失,1934年1月,納粹黨又取消咗德國各邦嘅獨立立法權,邦政府嘅首腦不再是民選,改由中央政府任命,受內政部長管轄,德國亦正式由一個聯邦制國家變成中央集團國家。至於之後發生嘅事,大家亦都相當清楚。

不過我想重申一點,20世紀30年代無論發生喺中國或歐洲嘅事情,無非都係世界整體經濟不景氣所帶嚟嘅後遺症,歷史何其相似?如果今時今日,疫情真係會搞多幾年,我都唔夠膽再想像鳥……

#常威💀 #蔣介石平反系列  #中日戰爭 #民國歷史 #佛經抄寫員
2021-12-28 20:35:45
[常威近代史]第六百二十九回 無厘頭講一集希特拉(高清錄音版)

#唔鍾意睇字可以聽

https://fb.watch/aaLxCNzsw7/
2021-12-30 11:57:25
【常公子歷史頻道438回:替大軍閥平反系列之 中國人應唔應該戴戒指】

♊ 分享一下近況,至親的養父去世,心情沒有想像的沉重,反而能夠輕鬆面對,可能人已經老了,對情感的觸角亦已磨蝕,這都是正常不過的事,不必太奇怪,生活如常,每日的工作接踵而來,令自己忙一些,可能是忘記悲傷的最佳辦法。

♋ 最近下筆寫東西,筆尖越來越沉重,可能是與社會大氣候有關,不過也沒有辦法,現實如此,亦無法改變。君子不立危牆之下,近年世界也不再是天下太平年,事物不斷在改變。我經常舉一個例子,正如二、三年前,大眼雞是平價魚,用來煲湯餵貓的,今天是上價魚,要100元一條,又有誰猜得到?而且,要發生的東西,一早已經預計會發生,亦毋庸奇怪。

♊ 人人話蜘蛛俠好睇,於是昨天去了睇。也不能說是不好睇,把所有二十多年回憶,一次過販賣,也沒有不好睇的理由吧?總之熱熱鬧鬧,渡過了兩個半小時,不過離開戲院時也後悔,沒有選擇廿二世紀殺人網絡而選擇了蜘蛛俠入場(因為睇戲的時間真的不多),當然前者可能會令人更失望,今天,失望的事情,總比不失望的事情多,要習慣,人生不如意事十常八九,電影亦如是。

🎦https://youtu.be/CLUVy5J1Z-0

💚【我奮鬥不奮鬥】 常公子 楊熙合著
電子書下載⬇ https://play.google.com/store/books/details?id=CVo3EAAAQBAJ
Kindle版下⬇
https://www.amazon.com/dp/B098XHWTDK

實體書訂購⬇
https://www.382now.com/product?id=325
2021-12-31 18:41:25
10月10號,紅軍大將張國燾(1897-1979)決定放棄鄂、豫、皖邊根據地,紅四方面軍主力向外線轉移,7月以來,蔣Sir 調動30萬大軍向鄂、豫、皖邊界發動第四次大圍剿,張國燾認為「國民黨多少部隊,都不堪紅軍的一擊」,甚至認為國民黨軍不過是偏師,並非主力進攻部隊,進攻紅軍則由帝國主義親自出馬,紅軍應當堅決進攻,經過一個月正面交鋒,紅軍傷亡慘重,未能扭轉被動局面。黃柴畈會議之後,紅四方面軍總率領主力二萬餘人,越過平漢鐵路向西轉,先避其鋒。

兵凶戰危,毛澤東的領導地位亦岌岌可危,今個月,中央代表團指摘毛澤東犯有「狹隘的經驗主義」同「極嚴重的一貫右傾機會主義」,決定撤銷佢紅一方面軍總政委嘅職務。去年夏天,紅軍第三次反圍剿成功後,領導層中產生咗意見分歧,中央代表團認為紅軍已經非常強大,因此應該積極進攻,乘勝奪取大城市領導權。對於依種急進嘅軍事行動,毛澤東堅決反對,認為應該「鬆容不迫地去打土圍子」,繼續發展農村,以農村包圍城市,先行壯大實力。之前李立三嘅冒進經驗已經一清二楚。不久,中央代表團提出公打贛州,毛澤東認為紅軍機無重炮,又無攻城經驗嘅情況下,去盲目打一個重鎮,等於自取滅亡!事後孔明,毛澤東當然沒有判斷錯誤!講嚟講去,就係「農村」戰略同「城市」戰略嘅分歧。

10月10號,第十六屆華北運動會係開封開幕,同日,滬杭公路舉行通車典禮,可以由上海直達杭州,全長200幾公里。10月11號,由湖南省建設廳長譚常愷(1899-1977)同聽科長柳敏主持研製嘅煤氣汽車實驗成功,之前講過有木炭汽車,現在又有煤氣汽車!進行媒氣汽車研製,係為咗節省以汽油為燃料嘅昂貴費用。湖南有優良嘅天然木炭同埋石炭,為煤氣車提供咗充足嘅能源,湖南省嘅長途汽車,因為汽油缺乏,營運成本高昂,因此加重咗乘客嘅負擔,湘西一帶大片待墾殖區,一直因為交通費用昂貴,遲遲未能夠進行墾殖開發。三軍未動,糧草先行,運輸其實相當重要,當時中國好大,其實好多地區都有待開發,不過公路鐵路都未有?點開發呢?基礎建設其實相當重要,不過個國家立立亂,點樣講基建呢?

今日係2021年最後一日,祝大家除夕快樂,新年進步。

#常威💀 #蔣介石平反系列  #中日戰爭 #民國歷史 #佛經抄寫員
2021-12-31 18:41:41


❤【常威近代史】第一部《大清亡國關慈禧蛋牛治》,全面開放,免費下載, #freedownload!

Free下載連結🔽

https://play.google.com/store/books/details?id=C3hjDwAAQBAJ
2022-01-01 12:00:19
【常公子歷史頻道440回:替大軍閥平反系列之 民調可信豬乸也會爬樹】

♊ 今天是2022年1月1日,恭祝大家新年進步,身體健康,萬事勝意。新一年,有新希望,常威近代史已經踏入第五個年頭,希望可以繼續落去,迎難而上,希望大家繼續支持。

♐ 對於2022年,大家仍然莫衷一是,全人類都睇唔到未來。有人話中國經濟岌岌可危,情況好似30年前嘅日本,但亦有人話,中國經濟會將會再上一層樓爆上去,真相冇人知。正如有人預測今年比特幣會突破十萬美元,亦有人預測今年比特幣會跌至毫無價值,你信邊個?民調你相信邊個?

⛎ 未來畢竟無法預料,有冇下一隻變種病毒株出現亦冇人知?正如昨日國家領導人發表講話,「居安思危」其實好重要,明哲保身先係第一優先,好好活下去,總會等到美好的明天。

♏ 不過,香港嘅情況並唔樂觀,去年香港嘅股市表現係整個世界主要股票市場中最差,樓價亦有下滑嘅趨勢。雖然活在香港,但係我愈嚟愈唔明白香港,未來要點樣走?抑或光輝至此?又係冇人知,我自己都唔知,船到橋頭自然直,亦冇得驚。

🎦https://youtu.be/1Y0wGHXGaJ0
2022-01-02 13:34:06
[常威近代史]第六百三十回 唸佛可以救國(高清錄音版)

#唔鍾意睇字可以聽

https://fb.watch/agYI86pFT-/
2022-01-03 18:53:49
10月25號,有一個關於財神嘅故事發生。世界上邊有咁多財神?有一個山東人叫做梁作友,冒充鉅富行騙,最大件事嘅係佢受到蔣Sir同埋宋子文嘅禮待添。上個月,梁作友先生從黃縣去到濟南,上書山東省主席韓復榘(1890-1938),表示願意將一半嘅家產捐出來獻給政府,個數目應該係天文數字,的以韓復榘立刻知通蔣Sir嘅駐濟南代表,即刻去信南京中央,並且代購頭等車票將梁先生送往首都南京。梁作友去咗南京之後,被財政部安排住響中央飯店,一切費用均由政府支付,當然係好食好住,10月4號,佢仲得到當時嘅財政部長宋子文接見,18號,梁先生甚至前赴武漢同蔣Sir見面,去到武漢之後,漢口公安局陳希曾請梁作友捐款賑災,但係梁作友就前言不對後語,一時又話存款喺日本,一時又話要到天津提款,於是陳希曾心生疑竇,命人監視行蹤,結果拆穿佢塊西洋鏡,原來係冇料扮四條!老千一名,呢件事亦都反映出,當時國民政府真係求財若渴!

世上老千何其多?一個唔小心就會遇上,香港亦都有好多老千,一生人總會遇上幾個,千萬唔需要奇怪,冇老千先奇怪,不過,大家都係求財啫,搵食唔犯法掛。呢個世界嘅嘢,唔係你千我,就我千你,將錢儲係銀行,年年貶值,難道唔係千術嘅一種咩?

10月27號,國民政府訓令駐國聯代表,基本上接受李頓報告書,唔接受又可以點呢?滿洲國已經出現,日本亦唔會停止侵略。政治現實如此,唯有硬食,見招拆招。同日,中國、歐亞兩間航空公司實行聯運。同日,上海回教徒搗毀北新書局,抗議其出版侮辱回教徒書籍《小豬八怪》; 商務印書館亦都出版《動物學大辭典》,全書一共250萬字。10月28號,日本派出百餘架飛機,轟炸安東通化; 10月30號,全國各界救國團體聯合會喺上海成立,8月31號,教育部命令各省市免收入關求學青年學費。

#常威💀 #蔣介石平反系列  #中日戰爭 #民國歷史 #佛經抄寫員
2022-01-03 18:54:10


❤【常威近代史】第一部《大清亡國關慈禧蛋牛治》,全面開放,免費下載, #freedownload!

Free下載連結🔽

https://play.google.com/store/books/details?id=C3hjDwAAQBAJ
2022-01-04 22:05:40
[常威近代史]第六百三十一回 連愛因斯坦都同佢求情(高清錄音版)

#唔鍾意睇字可以聽

https://fb.watch/ak3oEonMaQ/
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞